Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2006-жылдын мыкты аранжировщиги Ильяз Абдыразаков: “КОШУНАЛАРЫМ МЕНДЕН ТАЖАГАНДА ЧЫБЫГЫН КӨТӨРҮП КЕЛИШЕТ”

№225 23-февраль-1-март, 2007-ж.


Нуркан, 25 жашта, Бишкек:
– Ильяз, мени сенин “Арманым” аттуу ырыңдын клибинде катышкан кыз кызыктырат. Ошол кыз боюнча кененирээк маалымат бере аласыңбы?
– Ал кызды мен өзүм да жакшы тааныбайм. Анткени, аны менен клипке тартылуу учурунда гана таанышкам да, ошондон бери көрө элекмин. Аты жаңылбасам Алия болсо керек. Алияны клиптин режиссёру Мырзабек Айдаралиев тапкан.

Айгүл, 20 жашта, Бишкек:
– Ильяз, мен сага ыр аркылуу суроо узаткым келет. Арген үндүү делинген,/ “Кыз-Бурактан” жетилген./ Сүймөнчүгү элимдин,/ Сыймыгы болгон жеримдин./ Татына жигит Ильяз,/ Сүйөсүң деги кимди сен?
– Рахмат, ырыңыз абдан жакшы экен. Эми мен сиздин ырыңызга ыр менен жооп бере албайм да... Сиз кызыккандай, мен эч кимди сүйбөйм. Мен негедир кичине кезимден эле кыздар менен такыр тил табыша албайм. Мектепте классташ балдарым кыздарга алгачкы сүйүү каттарын жазып жүргөн убакта мен кыздардын чачтарынан тартып ыйлатып жүрчү­мүн. Ушул убакка чейин сүйүүгө кезиге элекмин.
– Жөн гана дос кыздарың да жокпу?
– Дос кыздарым эмес, жөн гана тааныш кыздарым бар. Алар менен телефондон сүйлөшүп турам.
– Ырчы кыздардын кимиси менен жакшы мамиледесиң?
– Баары менен эле сый мамиледемин. Ал эми “Кыз-Бурактан” Кенже эже, Айжамал эже, Сайкалдар менен көбүрөөк сырдашам.

Салтанат, 17 жашта, Бишкек:
– Канча жашыңыздан баштап аранжировка жасай баштагансыз?
– Биринчи жолу 6-классымда аранжировка жасагам. Анда Абдумалик Шерматовдун тобунда жүрчүмүн. Ошол топтун солисткасынын бир ырына аранжировка жасагам.

Нурила, 14 жашта, Бишкек:
– “Карындашым” деген ырыңыз кимге арналган? Өзүңүз­дүн бир тууган карындашыңыз барбы?
– Өзүмдүн бир тууган карындашым жок. Биз эки эле бир тууганбыз. Менден кичүү Нияз деген иним бар. Ал эми ыр болсо бир тууган болбосо да бир туугандай болуп калган карындашыма арналып жазылган. Башкача айтканда, мурдагы чыгармачыл жубайлар Мирлан Ния­зов менен Асел Кыдыкованын кызына арналган. Анын аты Фатима. Фатима азыр эки жашта. Мени ая­бай жакшы көрчү. Атасы “Малыш” деп атаса, ал “Маш” деп койчу. Атасы менен үйгө келип, атасы кетип калса да ал кетпей жүрө берчү. Алар жакында эле Дубайга кетип калышты. Ошондон кийин Фатиманы аябай сагынып, анан ушул ырды жараттым.

Бермет, 18 жашта, Ош:
– Ильяз, ата-энең канча жашта? Эмне иш кылышат?
– Атам Кубанычбек 44 жашта, апам Уулкан 43 жашта. Экөөнүн тең музыка боюнча кенен түшүнүктөрү бар. Апам убагында мектепте музыкадан сабак берип жүргөн. Азыр болсо ата-энем өз кесиптеринен четтешип, Ошто чакан бизнес менен алектенишет. Жакында борборго келишип, бизнесин бул жактан улантууну пландаштырып жатышат.
– Эгер жашыруун болбосо эмне бизнес кылаарын да айта кетпейсиңби?
– Ошончолук эле керек болсо айтайын. Алар зергер буюмдары менен иштешет. Бишкекке да зер дүкөнүн ачканы жатышат.

Динара, 21 жашта, Бишкек:
– Эң жакшы тартылган жана эң кымбат баага тартылган клибиң кайсы?
– Менин болгону “Арманымга” жана “Бул дүйнөгө” тартылган эки гана клибим бар. Экөөнө тең аз эле каражат кеткен. Бирок, сапаты боюнча өзүмө “Бул дүйнө” көбүрөөк жагат.

Асел, 15 жашта, Токмок:
– Ырчылар эмне үчүн телефон номерлерин беришпейт?
– Анткени, бир эле адамга телефон номериңди берсең, ал мактанып башкага берет. Андан башкасы алат, ошентип, биздин телефонубуз бат эле Бишкекке тарап кетет. Анан күнү-түнү тынбай чала бергенден тажашпайт. Ар кандай адамдар чалат экен. Телефон аркылуу коркуткандар да болбой койбойт.
– Мага номериңизди берсеңиз, мен эч кимге бербейм.
– Асел, андан көрө өзүң телефонуң- ду таштап кой, сага өзүм чалайын...

Бегимай, 18 жашта, Бишкек:
– Ильяз, мен сенин фанаткаң болом. Сени жаныңдан бир эле жолу көрсөм дегенде эки көзүм төрт. Ошентсем эки дүйнө арманым жок эле. Ильяз, суранам, сага жолукканга уруксат берчи?!
– Бегимай, чынын айтсам, мен азыр концертке даярданып, такыр бош убактым жок. Андан көрө концертке келип, ошол жактан жолук.
– Концертте сахнанын артына баары бир өткө­рүшпөйт. Мен сага көп де­ле тоскоол болбойм. Беш мү­нөт убактыңды менден аябачы?!
– М-мм... Макул анда, жолукса жолугалы, телефонуңду калтырып кой, мен түз байланыштан кийин сени менен байланышып, качан жана кайсы жерден жолугаарыбызды сүйлөшө­бүз.
– Рахмат сага, Ильяз!

Гүлзат, 16 жашта, Бишкек:
– Ырларыңдын ичинен эң сүйүк­­түү ырың кайсы?
– “Балалыгым” деген жаңы ыр чыгардым. Бул ыр өзүмдүн балалыгым жөнүндө жазылган. Учурда ушул ырым менен “ооруп” жүрөм.

Анара, 17 жашта, Бишкек:
– Чыгармачылыктан башка эмне менен алектенесиң?
– Аранжировка жасап, сахнага чыгып ырдагандан тышкары өзүмдүн бизнесим бар. Башкача айтканда, жакын байкелеримдин бири чет өлкөдөн автомашина жөнөтөт, мен болсо аларды бул жактан сатам. Ушинтип оокат кылабыз.

Айгерим, 15 жашта, Бишкек:
– Ильяз, дискотекага барасыңбы?
– Жок, мен кичинемден бери ызы-чууну көп жактыра бербейм. Ошондуктан, дискотекага да барбайм.

Зарина, 15 жашта, Бишкек:
– Мен сизди 11-кичирайондон көп көрөм. Ошол жакта турасызбы?
– Туура баамдаптырсың. Менин студиям да, жашаган жерим да 11-кичирайондо.

Руслан, 23 жашта, Сокулук:
– Ильяз, азыр кайсы продюсер менен иштешип жатасың?
– Мен башынан эле продюсер менен иштешкен эмесмин. Азыр деле продюсерим жок, жөн гана жардамчыларым бар.
– Мырза Айдаралиев продюсериң эмес беле?
– Мырза байке менен расмий түрдө түзгөн келишимим жок болчу. Ал экөөбүз жөн гана бири-бирибизге жардамдашып эле жүрчүбүз.
– Экөөңөрдүн араздаша кеткениңер жөнүндө кабарыбыз бар. Ушундан кийин ал сенин чыгармачылыгыңа бут тосууларды жасап жаткан жокпу?
– Бут тосуулар болуп жатат. Менин ырларыма клип тарттырбаганымдын да бир себеби ушул. Тарттырган менен теледен көрсөтүлбөйт. Радиодон болсо ырларымды элдин баары уктаганда түн ичинде анда-санда берип коюшканы болбосо, көп беришпейт.
– Азыркы ырчылардын көпчүлү­гү­нө клипти Мырза Айдаралиев тартат экен. Сен кимге тарттырасың?
– Башка деле клипмейкерлер бар. Буюрса, концерттен кийин беш-алты ырыма катар-катар клип тарттырып туруп диск менен элге таратайын деп жатам. Ушундай жол менен жайылтпасам, эфирден баары бир беришпейт экен.

Дамира, 19 жашта, Бишкек:
– Ильяз, мен үчүн сага байланышкан нерселердин баары кызык. Ал эле эмес, кандай маркадагы телефон көтөрүп жүрөөрүңө да кызыгам.
– Учурда менин жанымда төрт телефон жүрөт. Көп колдонгон телефонумдун маркасы Nokia1110. Телефондун маркаларына деле көп кызыкпайм. Мага негизгиси, байланыш болсо болду. Ошондуктан, кээ бирлердей “крутой” маркалардын артынан куубайм.

Бактыгүл, 16 жашта, Бишкек:
– Ильяз, кирлериңди ким жууп бе­рет?
– Мен ата-энемден өспүрүм кезимде эле бөлүнүп кеткен үчүнбү, өз оокатымды өзүм кылганга үйрөнүп калгам. Кудайга шүгүр, алты саным аман. Андыктан, өзүм эле жууйм. Андан кам санабай эле кой. А эмне, жууп берейин дедиң беле?
– Андай болсо кана? Сенин кириңди жуусам мен дүйнөдөгү эң бактылуу кыз болмокмун.

Аида, 20 жашта, Бишкек:
– Квартирада турасыңбы же өз үйүң барбы?
– Азырынча өз үйүм жок, квартирада турам.
– Кимдер менен турасың?
– Менин өзүмдүн тобум бар. Ал топто уюштуруучу, алпаруучулар, куудул, ыр­чы жана башка болуп жети балабыз. Төрт бөлмөлүү квартирада ошол жетөө­бүз турабыз. Алардын квартира акысы, тамагы, баскан-турганына кеткен чыгымдын баары менин моюнумда.
– Аларга тамакты ким жасап берет?
– Кезек менен дежур болушат. Кимдин кезеги болсо ошол үй жыйнап, тамак жасап, идиш жууйт.
– Сен да дежур болосуңбу?
– Жок, мени “сен аранжировкаңды жасай бер” деп дежурлуктан бошотуп коюшкан.
– Өзүңө качан менчик үй сатып аласың?
– Буюрса, ушул жылы жайында шаардын чекесинен жер алып, үйдүн курулушун баштайм деп ойлонуп жатам.

Нурбек, 24 жашта, Ош:
– Ильяз, сен бир жакшы аранжировка жасаш үчүн канча убакыт сарптайсың?
– Жакшы аранжировкага толук бир түн кетет. Түн дегенимдин себеби, мен аранжировканы көбүнчө түн ичинде жасайм.
– Кошуналарыңа тоскоол болбойсуңбу?
– Кошуналарым нааразы болуп эле жүрүшөт. Тажаганда чыбыгын көтөрүп алып орус кемпир келет. Арыз жазганга чейин барышты. Алар үчүн ишиңди токтотуп койсоң дагы болбойт да. Анын үстүнө шагыраган жети эркек бала жашаган үйдө кантип тынчтык болсун?! Жер үй салуу жөнүндө ойлонуп жатканымдын себеби да ошол.
– Мен да чыгармачыл адаммын. Атайын Бишкекке барып, сага аранжировка жасаткым келип жүрөт. Бир аранжировканын баасы канча?
– Мындан бир ай мурун эле 100 долларга жасачумун. Азыр 200 доллар кылып “ставкамды” көтөрүп койдум. Бирок, ошого жараша сапатын да жакшы кылып жасайм.

Жазгүл, 16 жашта, Бишкек:
– Ильяз, сенин мага окшогон фанаткаларың көп болсо керек, ээ?
– Билбейм, көп эле го... Жакында эле Нарынга концерт коюп баргам. Концерттен чыксам кыздар машинама мык менен кырып “Ильяз, мен сени сүйөм. Фархад, мен сени жаман көрөм” деп жазып кетишиптир. Фархад деген менин тобумдагы алпаруучу жигит. Азыр машинам ошол бойдон жүрөт. Сырдатканга убакыт болбой жатат. Чектен чыккан күйөрмандарымдын бирине Карабалтадан да жолуккам. Концерт бүтүп, “элдин баары кетсе керек” деп сыртка чыксак, беш-алты кыз калып калыптыр. Алардын бирөө “мен сени менен кетем” деп машинама отуруп алды. 14-15 жаштардагы эле кыз экен. “Мен шаарга кетишим керек, сен кал” деп түшүндүрүп айтсам такыр болбойт. Айлам кеткенде: “Мен балким, жаман баладырмын, коркпойсуңбу? Балким, сени өлтүрүп койсомчу?” десем, ал: “Сенин колуңдан өлсөм мен ыраазымын” дейт. Бир сааттай тартышып акыры айлам түгөнгөндө катуу айтып калтырып келгенге туура келген.

Сезим, 22 жашта, Бишкек:
– Күйөрман кыздарың берген белектерден өзүңө жакканы эмне эле?
– Күйөрман кыздарым концерт учурунда көп эле белек беришет. Айрыкча жумшак оюнчуктарды көп алам. Ошол белектердин баары үйдө сакталуу. Ал эми өзүмө жаккан белек Ошто бир күйөрманым берген куран китеби болгон.
– Ильяз, сен да жөнөкөй адамдар сыяктуу эле базарга барасыңбы?
– Мындан толук бир жыл мурун базарга баргам. Базар аралап жүрсөм улуу эле байкелер: “Эй бала, ырдап бербейсиңби?” деген сыяктуу сөздөрдү айтышып, жапайы мамиле кылышкан. Ошондон кийин базарга барбай турган болгом.
– Кийим-кечени, азык-түлүктү кайдан сатып аласың?
– Кийим-кечени дүкөндөрдөн сатып алам. Азык-түлүктү болсо балдар сатып келишет.

Самара, 17 жашта, Бишкек:
– Ильяз, сен түндүктүк кызды катуу сүйүп калсаң, бирок, ата-энең ага үйлөнгөнгө каршы болушса эмне кылат элең?
– Чоң кыз, сиз мага суроо бербей эле табышмак берип койдуңуз го? Кыйын экен. Табышмагыңыздын жообун таба алган жокмун...

Кызбурак, 16 жашта, Бишкек:
– Музыка дүй­нө­сүнө кандайча аралашып калдыңыз эле?
– Мен 2-класста окуп жүр­гөнүмдө музыка эмне экенин түшүнө баштагам. Бир күнү апам жумушунан мектептин эски “Ямахасын” үйгө көтөрө келиптир. “Ямахага” кызыгып, тияк-биягын чукулап отуруп ошол кезде хит болуп жаткан “Ананайын” деген ырдын бир кайрыгын кантип үйрөнүп алганымды өзүм да байкабай калдым. Ошол күнү тамак да ичпей, уктабай отуруп “Ананайынды” толугу менен үйрөнүп алдым. “Ямаханы” апам эртеси күнү эле мектепке алпарып салды. Бирок, менин ошол күндөн баштап эле музыкага болгон дилгирлигим арта берди. Айылдагы “Ямахасы” бар байкелерди айланчыктап эле жандарынан чыкпай калдым. Музыкага болгон кызыгуум ошентип жүрүп ойгонгон. Андан кийин Абдумалик Шерматовдун тобунда жүрдүм, “Кыз-Буракта” иштеп жүрдүм, өзүмчө да жүрдүм. Мына эми минтип кыргыз эстрада чөйрөсүнөн өз ордумду тапкандай болдум окшойт.

Зулайка, 26 жашта, Бишкек:
– Сени мектепти бүткөн эмес деп укканбыз. Ушул чынбы?
– Чынын айтсам, мен 5-классты бүт­көнчө сабактардын баарын жалаң “5ке” окугам. 6-класска келгенде “Сега”, “Денди” деген оюндар чыгып кетип, ошолорго берилип сабакка көңүл бурбай калгам. Өзүм сабактан качканым аз келгенсип, классташ балдарымды да “жүргүлө, “Денди” ойнойбуз” деп алып кетип калчумун. Мугалимдердин урушканына да карачу эмесмин. Ошентип жүрүп 6-классты араң бүттүм да, 7-класска келгенде мугалимдер “кой, бара бер, болбойт экенсиң” деп жолума салып коюшкан.
– Анда аттестатың жокпу?
– Аттестатым жок. Бирок, кандай жол менен болсо да окуп аттестат алуу керек. Азыр ошого аракет кылып жүрөм.

Бакыт, 20 жашта, Бишкек:
– Сен жакында эле жеке концертиңди берген элең. Бул жолку концертиңе дагы эле эл келе берет деп ишенесиңби?
– Толук ишене албайм. Бирок, «аракет кылсаң берекет» дейт го. Анын үстүнө бул концерт башкаларга окшобогон өзгөчө концерт болмокчу. Концерттин башынан аягына чейин фонограммасыз ырдайм. Концертиме конок катары келген “Аура” тобу – Кыргызстандагы эң күчтүү музыканттардын курамынан турган ансамбль. Ырларым ушул ансамблдин коштоосунда ырдалат.
– Концерттен кийинки пландарың кандай?
– Бишкектеги концертимен кийин Казакстанга, Россияга гастролдоп кеткенге даярданып жатам. Калган пландарды ал жактан келген соң түзөбүз.

Даярдаган Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: