Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«2006-жылдын супер телеалпаруучусу» НУРЗАТ ТОКТОСУНОВА: «БРАВОДОН ӨЗҮМДҮ КӨРБӨЙ КАЛГАНДА ЫЗА БОЛДУМ»

№230 30-март-5-апрель, 2007-ж.


Махабат, 17 жашта, Бишкек:
– Нурзат эже, жакшы теле­ал­паруучу болуш үчүн таланттуу болуш керекпи же сулуубу?
– Телеалпаруучулуктун талабы боюнча таланттуу да, сулуу да болуш керек. Кастингге келген жүзүндө бир кемчилиги жок чүрөктөй кыздарды көргөм, бирок, сүйлөтө келсең ойду-тоону сүйлө­шөт. Тили буудай кууруган, бирок, өңү серт кыздар да бар. Тилекке каршы, булар да телеалпаруучу боло алышпайт.
– Өзүңүздүн оюңуз боюнча сизде талант көбүрөөкпү же сулуулукпу?
– Мен ушул убакка чейин өзүмдү сулуумун деп эсептеген эмесмин. Бирок, талантым бар деп ойлочумун. Жакындан бери башкалардын “сулуусуң” деген сөздөрүн көп укчу болдум. Демек, сулуу да окшойм.

Жылдыз, 20 жашта, Айдаркен:
– “Бравого” жаңыдан кел­ге­ни­ңизде “Браводон” эч качан кетпейм” деп интервью берген элеңиз. Бирок, мындан да кетип калдыңыз. Биз аябай кайгырдык. Анткени, сизди үйбү­лөбүз менен жакшы көрчүбүз.
– Ошентип интервью берген кезимде эч жакка кетпейм деп ойлочумун. Эми деле кетким келген эмес. Бирок, шартка байланыштуу кетүүгө туура келип калды. Ансыз деле алты айдан бери жума сайын каттап отуруп кыйналып кеттим. Эми Алматыга кетсек андан бетер кыйын болуп калат экен. Менин келээр күнүм жу­манын ортосу болуп калгандыктан, жолдошумдун да жума сайын мени алып келип турганга шарты жок. Өзүмдү жалгыз жөнөтүп койгонго жүрөгү чыдабайт. Ал эми “эки жумада бир келип турайын” десем, жетекчилик кабыл алган жок. Ошентип, “Браводон” кеткенге туура келди. Бирок, кайгырбай эле койсоңуз болот, эми деле аптанын жума күндөрү “Кош өнөр” деген телекөрсөтүү менен эфирге чыгып турам. Бул телекөрсөтүү түз эфир эмес, ошондуктан, бир айда бир жолу гана келип, 4-5 жуманыкына бир тартылып кетип турам.

Чынара, 17 жашта, Бишкек:
– “Бравону” өзүңүз чыкпай калгандан бери көрүп жатасызбы?
– Ооба, калтырбай көрүп жатам.
– Бизге сиздин ордуңуз аңырайып билинип калды. Сизге кандай сезилип жатат? Эфирден өзүңүздү көргөндө жаман болгон чыгаарсыз?
– Албетте, жаман болдум. Биринчи эфирди көргөндө кандайдыр бир кызганыч, ыза сезимимди ээлеп алды. Мени кармап калган эле нерсе “мен деле эфирге чыгам да” деген ой болду. Жогоруда айтылган жаңы долбоор болбогондо эмне болуп кетээримди өзүм да элестете албайм. Бирок, мага Элнура менен Эрмектин алпаргандары жакты. “Үч адамдан көрө эки адам алпарган эфирге жакшы жарашат экен” деп ойлоп калдым. Мурда мени Элнуранын тааныштары “көп сүйлөп, Элнурага сөз бербейт” деп жаман көрүшчү экен. Айткандай эле мен кеткенден кийин Элнура көп сүйлөй баштады, Эрмек да ачылгандай сезилди. Ошентсе да менин кеткеним Элнура менен Эрмекке өкүнүчтүү болуп жатат.

Айбек, 22 жашта, Бишкек:
– Нурзат, майрамдарда кандай белек алганды жактырасың?
– Алтын жасалгаларды алганды жакшы көрөм.
– 8-Мартта жолдошуң эмне белек кылды?
– Акыркы маркадагы “крутой” сот­ка белек кылды. Мурдагы соткам жөнөкөйүрөөк болчу. Жолдошумдун бул белеги аябай жагып, кубанып калдым.

Улан, 11 жашта, Бишкек:
– Нурзат эже, уулдуу болгуңуз келеби?
– Ооба, болгондо да эгиз уулдуу болгум келет.
– Уул төрөсөңүз атын ким коё­суз?
– Кыздуу болсок Анэт коёбуз деп ойлоп койгонбуз. Себеби, өкүл атабыздын Жанэт аттуу аябай сулуу кызы бар. Ошого атын уйкаштырып Анэт койгубуз келген. Бирок, болочок уулубузга ат коё элекпиз.
– Улан коюңузчу?
– Макул, Улан коёюн.

Рахманкул, 28 жашта, Бишкек:
– Нурзат, ичиңде эч кимге айтпаган сырың барбы?
– Бар.
– Ошол сырыңды мага айтчы?!
– Айтсам сыр болбой калбайбы.
– Жолдошуң Бакыт сени өмүр бою баркыңды билип, чаң жугузбай багып өтөт деп ишенесиңби?
– Албетте, ишенем. Экөөбүз бири-бирибизге ишенген үчүн үйлөндүк да.
– Аны сен сүйөсүңбү? Кайсы сапаттары жагат?
– Сүйөм. Бакыттын акылдуулугун, түшүнүктүүлүгүн, билимдүүлүгүн баалайм. Анан да обу жок кызгана бербеген жакшы сапаты бар.
– Эгер ал бир нече жылдан кийин жумушсуз калып, сени бакканга кудурети жетпей калса эмне кылат элең?
– Кудай анын бетин ары кылсын, кокусунан ошондой болуп калса да аны таштабайм. “Эмне болгон күндө да таштабайм” деп мен Бакыттын өзүнө да сөз бергем. Кептин баары акчада эмес да.

Зуура, 30 жашта, Бишкек:
– Шаардын шартынан айылдын шартына көнүп калдыңбы?
– Алгач көнө албай кыйналдым. Үшүп, такыр ысыбай койдум. Анын үстүнө, Кочкордо шамал эле боло берет экен. Кара шамал мени жү­дөтүп жиберди.
– Айылда абысындарың менен теңме-тең эле жумуш жасайсыңбы же алар сени шаардык дешип жумуш жасоо жагынан “жеңилдик” беришеби?
– Бизде абысындардын арасында атаандашмай деген жок. Кимибиздин колубузга эмне тийсе кыла беребиз. Мен да халат кийип, жоолук салынып алып, кадимкидей эле айылдык келиндердин жумушун жасайм. Тамак жасайм, кир жууйм, уй саайм, камыр жууруйм. Башында мени жумуш кыла албайт деп ойлошсо керек. Камыр жууруп жатсам кайненем келип: “Апей, сен камыр жууруганды билесиңби?” деп аябай таңкалды. Бул жумуштар менин айылда жасап эле жүргөн жумуштарым да.
– Жүгүнүп жатасыңбы?
– Кочкордо көп жүгүнүшпөйт экен. Мен күн сайын жүгүнөм. “Жүгүнбөй эле кой” дешти эле, бирок, мен анте алган жокмун. Бул нерсе менин каныма сиңип калган. Мен эмес, менин апам 68 жашта болсо да, ушул күнгө чейин жүгүнөт.
– Сендей жылдыз келини менен бүткүл айыл сыймыктанса керек?
– Ошондой го. Сүрөткө түш­көнү, автограф алганы келген окуучу кыздар көп болот. Кошуна эже да: “Кызым сени аңдып дарбазаңдын тү­бүн­дө эле отурат. Же сен дарбазадан сыртка чыксаңчы...” деп калат. Жакында эле мектепте өткөн бир конкурска мени калыс кылып чакырышыптыр. Атайын машина жиберишип, тимеле салтанат менен тосуп алышты.

Жоомарт, 25 жашта, Бишкек:
– Нурзат, менин билишимче, жолдошуң Алматыда иштейт. Өзүңөр жаш жубайлардан болсоңор, анан экөөңөрдүн эки жакта жүргөнүңөргө өзүң кандай карайсың?
– Бакыт Алматыда иштегени менен үч-төрт күндө эле келе берет. Экөөбүз ашып кетсе беш күн көрүшпөй калабыз. Бир чети ушул деле жакшы экен. Сагынышып, бири-бирибизге болгон сүйүүбүз андан бетер күчөгөнсүйт.
– Жума сайын Кочкордон Бишкекке такси менен келесиңби?
– Бакыттын Максат деген досу Кочкордон Бишкекке такси айдайт. Жума сайын Максат алып келип турат. Шаар­га келгенден кийин да салонго алпарат, эфир бүткөн соң үйгө жеткирет, анан эртеси кайра Кочкорго алып кетет. Бакыт ага мени катуу дайындаган.
– Бакыттын өзүнүн машинасы барбы?
– Ооба, «Ауди» маркасындагы машинасы бар.

Эркин, 29 жашта, Бишкек:
– Алматыга кетсең үйдө бекер отура албасаң керек. Эмне жумуш менен алектенесиң?
– Ал жактан өз адистигим боюнча түрк фирмасынан жумуш сүйлөшүп койгонбуз. Барып эле жумушка кирип кетем. Андан тышкары, атайын сабак алып, казак тилин үйрөнсөм деген оюм бар.
– Качан көчүп кетесиңер?
– Мен паспорт иштери бүтпөй, бул жакта жүрөм. Буюрса, бир жумадан соң паспортумду бүтүрүп, анан биротоло кетем.
– Анан биротоло Алматынын тургундары болуп каласыңарбы?
– Ал жакта убактылуу иштейбиз. Бакыт – үйүнөн эң кичүүсү. Ошондуктан, эртеби-кечпи, баары бир айылга барып жашаганга туура келет.
– Негизи, жолдошуңдун кесиби ким? Алматыда эмне иш кылат?
– Бакыт – компьютерщик. Англис ти­линде, түрк, орус жана казак тилдеринде эркин сүйлөй алат. Учурда Алматыда архитектор болуп иштейт.

Медина, 12 жашта, Бишкек:
– «Бравого» кийип чыгуучу кийимдер өзүңүздүкүбү же телевидениеден берилеби?
– Кийимдер өзүбүздүкү, ал эми чач жасалгабыз, макияжыбыз салондон акысыз жасалат.
– Анда сизге жума сайын жа­ңы кийим сатып алууга туура келет экен да?
– Жок, жума сайын деле сатып албайм. Буга чейинки кийимдеримди деле кийе берем. Кээде эжемдин же курбумдун кийимин кийген учурларым да бар.
– Үйбүлөңүз жөнүндө айтып берсеңиз?
– Ата-энем Түп районунун Ичкесуу айылында жашашат. Атам 72, апам 68 жашта. Мен сегиз бир туугандын эң ки­чүүсүмүн.

Зарылкан, 13 жашта, Бишкек:
– Бала кезиңизде ким бол­гу­ңуз келчү?
– Мен бала кезимде да, чоңойгон кезимде да мугалим болгум келчү. Бир туруп диктор болууга да кызыгып кетчүмүн. Акыры минтип телеалпаруучу болуп калдым.
– Телеалпаруучу болгонуңузга ата-энеңиз каршы эмеспи?
– Башында бир топ эле каршы болушту. Менин “Хит-параддан” кеткенимдин да бир себеби ошол болду. Азыр болсо каршы болбой калышты.

Мелис, 13 жашта, Нарын:
– Нурзат деп атыңызды ким койгон?
– Негизи, менин атымды Жайлоогүл коймой болушкан экен. Анткени, жайлоодо төрөлүптүрмүн. Анан Гуля деген таежем: “Койгула, азыр башка заман, мындай аттарды коюшпайт. Нурзат коё­лу” деп ата-энемди араң көндүрүп, Нурзат коюшуптур.

Максат, 23 жашта, Жалалабат:
– Турмушка чыкканыңа өкүнбөй­сүңбү? Балким, ушунун айынан чыгармачылыгың аксап жаткандыр?
– “Дандын бараар жери тегирмен, кыздын бараар жери күйөө” дейт го. Анын сыңарындай, бүгүн болбосо эртең турмушка чыкмакмын да. Андыктан, өкүнбөйм. Эгер Бакыт мени эч жакка чыгарбай үйгө отургузуп койсо, чыгармачылыгым аксап, ошондо өкүн­мөк­мүн.

Азема, 18 жашта, Бишкек:
– Назира Айтбекова менен сиздин мамилеңиз начар деп уктук. Ушул чынбы?
– Укканыма караганда, анын ичинде мага болгон таарынычы бар экен. Бирок, эмнеге таарынганын билген жокмун. Менин болсо ага оюм түз эле. Экөөбүз тең көлдүкпүз, бир окуу жайдан билим алганбыз. Ал тургай студент убагыбызда тажрыйба алмашууга Түркияга да чогуу барып, бир айдай чогуу жашаганбыз. Мен ага сиңдимдей эле мамиле кылам.

Асел, 16 жашта, Бишкек:
– Балалык сүйүү­ңүз­дү кимге арнадыңыз эле?
– Мектепте окуп жүр­гөн кезимде өзүмдөн кичүү бир баланы жак­шы көрүп калгам. Бирок, өзүнө айта алчу эмесмин. Ал райондун борборунда окучу да, биздин айылга чоң атасыныкына тез-тез келип турчу. 8-класста окуп жүр­гөндө эле ма­шина айдап жүрчү. Ошонусуна кызыктымбы, билбейм, кыскасы, аны жакшы көрүп калгам. Биздин мектепке келгенде алыстан караанын көрүп калсам эле сумкамды кучактап алып үйгө качып кетчүмүн. Кийин шаарга келген соң ал мага сүйүүсүн арнады, бирок, мен кабыл албай койдум. Себеби, мен­деги ал сезим жөн гана балалык сүйүү болуп чыкты.

Перизат, 21 жашта, Кочкор:
– Нурзат эже, мен сиздин күйөр­маныңыз болом. Сизге атайын төрт сап ыр жаздым эле. Ошону айтып берип койсом:
Ысыккөлдүн аккуусу кол
жетпеген,
Кочкорго келин болуп буюруп
келген.
Кармашкан колдоруңар
үзүлбө­сүн,
Татынакай, сүйүктүү менин
жеңем.
“Жеңем” деп энчилеп алганымдын себеби, мен Кочкордун кызы болом. Сиз Кочкорго келин болуп калганыңызга мен аябай сыймыктанам. Бактылуу болуңуз.
– Рахмат!

Даярдаган Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: