Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Камчыбек Сарыбаев: «АЛМАНЫН БИР ДААНАСЫН 150 СОМДОН САТКАМ»

№236 11-17-май, 2007-ж.


«Дем» театрынын «Акшоола» балдар ансамблиндеги «эң кичинекей» эрке бала, «Делбирим» тобунун «Ай, жездесиндеги» жезде, бир нече кыргыз фильмдериндеги каарман Камчыбек Сарыбаев өзүнүн оригиналдуулугу менен бир көргөн адамдын эсинде сакталып калат. Камчыбек 1978-жылы 7-февралда Тоң районунун Аксай айылында төрөлгөн. Үйбүлөлүү. Келечекте дагы көптөгөн кыргыз фильмдеринде ролдорду жаратуу – бул актёрдун изги тилеги. Ал эми биздин төмөнкү макалабыздан Камчыбектин ушул убакка чейинки басып өткөн жолу менен тааныша аласыздар.

– Камчы, сени актёрлук кесипке кандай тагдыр айдап келди эле?
– Кичинекей кезимде эле өзүм теңдүү балдар «чоңойгондо учкуч болом», «космонавт болом» дешсе, мен «артист болом» дечүмүн. Ал кезде менде актёр деген түшүнүк жок болчу. Өзүм айткандай, артисттигимдин белгиси мектепке бара элек чыт курсак кезимде эле байкала баштаган экен. Чоң атам кайсы жакка барса, өзү менен кошо мени да ээрчитип алчу. Анан көп элдин көзүнчө: «Кана, балам, манас айтып койчу?!» дегенде эле жеңди чыканакка чейин, шымды тизеге чейин түрүнүп туруп көздү жумуп манас айтып кирчүмүн. Ал манасымдын аягы ашата сөгүнгөн сөздөр менен бүтүп калчу. Мага манастын мындай «түрүн» кой жайып жүргөн маалда Жамаке аяш атам үйрөткөн. Чоң атам досторунун көңүлүн көтө­рөйүн десе керек, мени ушинтип барган жерден сөзсүз манас айттырчу эле.
– Кичинекейиңде тентек, эрке бала болсоң керек?
– Тентек болгондо да ашыкча тентек элем. Чоң атам мени аябай эле эркелетип өстүрдү. Кандай тентектик кылсам да жаман айтчу эмес. Менин тентектигимдин айынан биздин көчөдөн эшекчен абышкалар өтчү эмес. Үйдө атамдар жумушка кетээри менен узун чыбыкты алып, дарбазадан көчөнү шыкаалап тураар элем. Эшек минген абышканы көр­сөм эле артынан жетип барып колумдагы чыбыгым менен эшекти чукулап, көчөнүн аягына чейин чуркатып барчумун. Мага ошол кезде эшектин мөңкүп чуркаганы, абышканын коркуп мени сөгүп кыйкырганы кызык көрүнчү тура. Бир жолу ушинтип эшекти чукулай коём деп бир чал жыгылып, колу сынып калган. Колун байлап алып чоң атама арызданып келиптир. Мен болсом коркуп, чөптүн арасында жатам. Колу сынган абышканын арызданганын уккан чоң атам: «Мейли эми, бала да, кел, андан көрө муну алып жибер» деп жүз грамм куюп берип кетирип жиберген.
– Тентектиктин го сазайын бериптирсиң, мектепке окуганда маданий иш-чараларга да катышчу белең?
– Балабакчада эле ырдачумун. А мектепке окуганда болсо райондук балдар ансамблинде ырдачумун. Репертуарымда төрт ырым бар болчу. Кандай гана маданий иш-чара болбосун, ошол төрт ырымды ырдап эле чыгып калчу элем. Ошентип, артист болом деген оюмдан кайтпай жүргөн күндөрүмдүн биринде айылыбызга аскер кийимин кийген бирөө келип калды. Анын формасын көрүп эле кызыгып кеттим да, «мен да военный болом» дей баштадым. Ошол кызыгуум тарабай, 8-классты бүткөн соң Бишкектеги Суворов атындагы аскердик окуу жайына өткөм. Ал жер­де да үйлөмө аспапта ойночумун. Бирок, Суворовду аягына чейин окуган жокмун. Атам ооруп калып, эки жыл окуган соң айылга кетип калдым.
– Демек, аскер адамы болуп калышыңа аз эле калган турбайбы?
– Ооба, аз жерден аскер адамы болбой калгам. Бирок, актёрлукка окуганга чейин да башымдан көп нерселер өткөн. Мектепти бүткөн соң эки жыл айылда жөн эле жүрүп калдым. Бир күнү апама: «Апа, элдин баары эле шаарга кетип жатышат. Мен деле шаарга барып оокат кылып көрөйүн­чү?!»- десем апам макул болду. Анан он ящиктей алма алдым да, мен да шаарды көздөй жөнөдүм. Анымды тез эле сатып акча жасап алдым да, кийинки жылы бир амал ойлоп таптым. Бир күнү бир алманы колума алып жейин десем, «С» деген тамганын изи түшүп калыптыр. Көрсө, алмага жалбырак жармашып калып, жалбыракты С формасында курт жеп койгон экен, ал аарчысам да кетпей койду. Ушул жерден башыма бир идея келе түштү. Жай айында алмалар көк болуп турган маалда лейкопластырга «С новым годом!» деп кыркып жазып, эринбей алмаларга бирден жармаштырып чыктым. Күз келгенде лейкопластырды сыйрып салсам, мен ойлогондой эле алмага «С новым годом!» деп жазылып калыптыр. Ал алмаларымды эки ящикке салып алып, Жаңы Жылдын алдында Ортосай базарында бир даанасын 70-100 сомдон саттым. Өзгөчө алмага кызыккандар көбөйүп, акыркыларын 150 сомго чейин көтөрүп жибердим. Ошентип, бир топ акча жасап алдым. Акчамдын көпчүлүгүн айылга жибердим, калганына өзүмө курама-курама булгаары куртка менен бир шым сатып алдым да, шаарда калып калдым. Ал кезде байкем 38-маршруттагы автобусту айдачу. Байкемдин сунушу менен мен ошол автобуска кондуктор болуп ишке кирип алдым. Бир күнү автобустан эки студент балага жолугуп калдым. Студенттик билеттеринде «Искусство институту. Актёр бөлүмү» деп жазылып туруптур. Мен ал кезде актёрлукту башка өлкөдөн гана окуп келет деп ойлочумун. «Эмне, бизден да актёрлукту окуганга болобу?»- десем, алар: «Болбой анан. Окуйм десең бул жерге бар»,- дешип окуу жайдын дарегин беришти. Ал жигиттердин бири «Орок-Балка» тобундагы Айылчы Орозалиев болчу. Ошентип, ал жылы Искусство институтуна тапшыргам.
– «Кыргызстан Обондорунан» да Камчыбек Соодагер деген ат менен чыгып жүрчү эмес белең?
– Ооба, окууну бүтүп, куудулдар театрында иштеп жүргөн кезде «Кыргызстан Обондорунун» ди-джейи Тынчтыкбек Кожобеков Түркияга кетип, ордуна өздөрү мени сунуштап калышты. Анткени, ага чейин эле үндөрүмдү жаздырып, радионун жарыяларын окуп берип жүрчүмүн. Соодагер менин төртүнчү атам. Радиого ушул ат менен чыгып, бир жыл иштедим.
– Драма театрына кандайча келип калдың эле?
– «Кыргызстан Обондорунда» иштеп жүрсөм, режиссёр Замир агай барып калып: «Сен бул жерде иштесең өчөсүң, драма театрына кир»,- деп алып келген. Театрга жумушка кириш үчүн күн сайын барып алып, ар бир спектаклдин репетициясын көрчү элем. Ошол эле убакта Улуттук китепканага барып, актёрлук, театр, сахна жөнүндөгү ар кандай китептерди окуп жетишчүмүн. Баса, бир жолу китепканада эстен кеткис бир окуя болгон. Кытайдан чыккан бир туфлим бар болчу. Ошол туфлини кийип алып китепканага баратып, тепкичке бутумду уруп алдым. Учунун гана эптеп илинип калганы болбосо, туфлимдин таманы дээрлик түшүп калса болобу?! Басканга такыр мүмкүн эмес. Эмне кылсам деп ойлонуп турдум да, жанымдагы плейерди басып, наушникти кулагыма салып алып жер менен жылып бийлеп жөнөдүм. Китеп окуп отургандардын баары түшүнбөй мени карашат. Китеп заказ берсем «15 мүнөт­төн кийин кел» деди. Эми он кадам алыста турган столго жетип отуруш кыйын болду. Бир аз ойлонуп туруп, «келесоо болгонго жараша биротоло келесоо болоюн» деп, кайра жанагыдай болуп артым менен жылып бийлеп жөнөдүм. Бир маалда китебим да келди. Кайра бийлеп барып алып келип алдым. Эртең менен барган боюнча элдин кеткенин күтүп кечке чейин отурдум. Курсагымдын ачканын айтпа. Ага карабай китепти кайра-кайра окуп отура бердим. Качан гана коңгуроо болуп, элдин баары кеткенде барып китепканачы эжеден скотч сурап, туфлимди скотчтоп алып анан кеткем. Балким, ошондо туфлимдин таманы түшпө­гөндө ошол китеп анчалык эсимде калбаса керек эле, кайра-кайра окуп отуруп алиге чейин эсимде сакталып калган.
– Канча киного тартылдың?
– Баш-аягы беш-алты фильмге тартылдым окшойт. Бирок, фильмге тартылсам эле жалаң терс каармандын ролун аткарып калам да, рекламалык роликтерге тамак жеп тартылып калам. «Боз салкын» фильмине тартылаарда Эрнест Абдыжапаровго: «Эрнест байке, мага жакшыраак роль бериңизчи, болбосо дайым эле терс роль туш болуп калат»,- десем, ал: «Өзүңдүн кебетең бул болсо, анан сага терс каармандын ролу жарашат да»,- деп жатпайбы. Бир жолу кафелдин рекламасына тартылып жатып жети порция лагман жегем. Дублдар туура эмес болуп калып улам эле жедиришет. Акыркы жетинчи порцияны жегенде өзүм да чыдабай калгам, съёмка да бүткөн. «Аршанга» тартылганда болсо колумдагы кумура көптөн бери иштетилбей, ичин чаң басып калыптыр. Капкагын ачып, оозума жакындатсам ичиндеги чаң оозума кирип кетип жатпайбы. Оозумдагы чаңды аарчысам, жарманы аарчыгандай болуп ошол боюнча тартылып калган.
– Келинчегиң сенин кесибиңе туура эле көз караштабы?
– Келинчегим Элнура мени туура эле түшүнөт. Себеби, ал өзү да актёрлукту окуп баштаган. 1-курста окуп жатканда эле экөөбүз үйлөнүп, ошол бойдон окуусун улантпай калды.
– Экөөңөрдүн үйлөнүү тоюңар кыргызча тартипте өткөн экен. Бул кимдин идеясы эле?
– Өзүмдүн идеям болчу. Башынан эле тоюмду кыргызча өткөрүүнү тилек кылчумун. Тойдо өзүм кыргыз оймо-чиймелери тартылган баатыр кийимин, Элнура шөкүлө менен узун кыргыз көйнөгүн кийген. Экөөбүздүн досторубузга да ушундай кийинүүнү сунуш кылганбыз. Ал эле эмес, музыкалары да кыргызча болуп, тоюбуз комуз күүлөрү менен башталган. Ат болсо Бакыт үйүнө ат менен эле бармакпыз. Шаарда аттын болбой калганы өкүнүчтүү болгон.
– Баса, жакында болуп өт­көн концертиң кандай болду?Өткөн жолку интервьюңда үйүңдө турган бирөөнүн акчасын уурдап кетишкени жөнүндө айтпадың беле? Концертиңден ошол акчаң чыктыбы?
– Концертим кудайга шүгүр болду. Билинбегени менен бир топ эле күйөрмандарым бар экен. Билеттин акчаларын чогулта элекмин. Чогултсам, буюрса, уурдалган акчам чыгып, ээсине берип кутулам.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: