Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назира Айтбекова: «ҮЙ, МАШИНА АЛЫП БЕРЕМ, ТӨРӨП ЭЛЕ БЕРСЕҢ БОЛДУ» ДЕГЕНДЕР ДА БАР»

№237 18-24-май, 2007-ж.


Чукугандай сөз тапкан таланты менен жаштар арасында популярдуулукка жети­-ше алган алпаруучу Назира Айтбекованы тааныбагандар аз болсо керек. Дал ушул 22 жаштагы булбулдай сайраган көлдүк кызыбыз теледен кет-кенден бери эмне кылып, эмне менен алпурушуп жүргөндүгү, кандай жаңылыктардын ээси болуп жаткандыгы тууралуу кайрылган окурмандарыбыз көп болууда. Ошондон улам «Хит-параддын» экс-алпаруучусу, апасынын жалгыз эрке кызы Назира Айтбекова менен маектешкен элек.

– Назира, сенин “Хит-параддан” кеткендигиңди элдер “күйөөгө чыкты” деген сөзгө байланыштырышууда.
– Туура айтасың, элдин көбү ушинтип ойлоп алышыптыр. “Күйөөгө чыктың беле?” деген суроо менен өзүмө да кайрылгандар көп болду. Өткөндө бир аяш апамдыкына конокко барганмын. Үйгө кирип “кандайсыз?” деп учурашсам, аяш апам: “Ай, күйөөң кана?”- дейт. Мен чочуп кетип: “Кайсы күйөө?”- десем, ал: “Ой, сен Кубаныч Сатаевге күйөөгө тийип, ал сени көгала кылып сабап, “Хит-параддан” чыгарып алган турбайбы. Биз ушинтип уктук”,- дейт. Бир эсе таңкалып, бир эсе көзүмдөн жаш чыкканча күлдүм. Ошондон кийин Кубаныч байкени көргөн сайын “эл го экөөбүздү үйлөндүрүптүр, эми мени качан аласыз?” деп тамашага салмай адат таптым. Балким, элдер мени алпаруучу Нурзат Токтосунова менен алмаштырып жатышса керек. Анткени, Нурзат жакында эле турмушка чыкпады беле.
– Күйөөгө чыкпасаң, анда “Хит-параддан” кетүүңдүн себебин кандайча түшүндүрөсүң?
– Кыргыздарда “ит күлүгүн түлкү сүйбөйт” деген накыл кеп бар. Анын сыңарындай, менин “Хит-параддан” кеткениме тиешеси бар адамды өз абийирине койдум. Андайлар мени “өчүрөбүз” дешсе да, Кудай берген талантты өчүрүү мүмкүн эместигин билишпейт го. Мен мындай бут тосууларга чөкпөймүн, тескерисинче, менин такшалышыма чоң сабак болот. Анткени, мени апам “таш менен урганды аш менен ур” деп тарбиялаган. Анан да “суу ичкен кудугуңа түкүрбө” деген кыргыздын жакшы сөзү бар. Ошондуктан, жамандыр-жакшыдыр кыргыз телевидениеси аркылуу элге таанылдым. Ыраазычылыктан башка эч нерсе айталбаймын. Азыр дагы деле болсо алпаруучулук талантымды өстүрүү максатында абройлуу адистерден сабак алып жатам. Концерт, кечелерди алпарып, дале эл адына чыгуудамын. Андан сырткары, учурда Эл аралык Ата- түрк Алатоо университетинин котормо бөлүмүндө 5-курсту аяктап жаткандыгыма байланыштуу дипломдук иш жазып жаткан убагым. Ал эми менин теледен чыкпай калганыма күйөрмандарым эч өкүнбөй эле коюшса болот. Анткени, мен кыргыз телевиденисинде мындан да жакшы көрсөтүүлөрдү алпарып, буюрса, элиме өмүр бою кызмат кылам деген тилегим бар.
– Түз эфирди алпаруу оңой эмес да, эфирде сүйлөй турган сөздө­рүң­дү алгач жазып алчу белең?
– Алгач кыйынчылыктар болбой койгон жок. Ал кезде “Хит-парадды” Алексей экөөбүз алып барчубуз, кантсе да мага караганда бир топ тажрыйбалуу да. Мен анын артынан чуркап “кел, сен ырчы жөнүндө сүйлө, мен ыры жөнүндө сүйлөйүн” деп өзүмө план түзүп, даярданчумун. “Көч бара-бара түзөлөт” дегендей, жакшы эле такшалып калдым. Анын үстүнө, түз эфирди алпаруу оңой-олтоң иш эмес, кээде сөзүңдөн жаңылып калсаң, кээде туура эмес күлүп аласың. Ал эми акыркы кездерде такшалып калгандыгымдан, түз эфирдин башталаарына 5-10 мүнөт калганда келип, кимдер кайсы ырлары менен чыгаарын билип алып эле телеге чыкчу болгом. Динара эже “эмне деп сүйлөйсүң?” десе, мен “даярмын” деп айтчу элем. Эфир деген ушунчалык мен үчүн кумар болуп калгандыктан, куюлушуп эле сөздөр чыга берчү. Кээде ушундан улам токтоно албай калган учурларым болгонун жашырбаймын. Эфирде сүйлөөгө бир аз чек коюлат, а концерт алып барганда сахнада жөн эле сууда сүзгөн балыктай гана эркин сүзөм. Ошондо өзүмө аябай чоң рахат алып, жеңилдеп калам.
– Назира, сенин чечендигиңден улам “төрөл­гөн­дө эле сүйлөп төрөл­сө керек” деген ой кетет.
– Кичинекейимде, тескерисинче, аябай жоош болуп, бар же жок экендигим деле билинчү эмес экен. Анан ошол ачылбаган, жоош, түнт мүнөзүм менен 4-класска чейин окудум. Кыздар-балдардан таяк жеп, ыйлап эле жүрчү элем. Андан кийин кайдан-жайдан мага тил бүтүп, элдин сазайын берчү болдум. Мугалимдер: “Ай,сайраган Айтбекова, тилиңди төөнөгүч менен төөнөп эле койсо...”- деп урушуп, тартипсиздигимдин айынан апамды мектепке чакырта беришээр эле. Эжейлерим чыгып кетишээри менен аларды куду өзүндөй кылып туурап, классташтарымды күлдүрчүмүн. Ошол убактан ушул кезге чейин сайрап келе жатам. Алгач мектепке, анан университетке, азыр болсо жалпы журтка алпаруучу болуп таанылган кезим.
– Анда талантың да сага «тил бүткөн» соң ачыла баштаса керек?
– Ооба, ошондон кийин аңгеме, ыр жазып, алтургай актрисалык да өнөрүм ачыла баштаган. Эң алгач 5-класста жазган “Айгеримдин көз жашы” деген аңгемем газетага жарыяланган. Ал эми образ жаратууда 10-класста биринчи жолу мектептин сахнасында Б.Жакиевдин “Атанын тагдыры” драмасында Оңолкандын ролун аткардым. Ал ролду ойноп жатканда алдыңкы орунда отурган айылдын кемпирлери менин “келинди башынан кармаш керек” деген сөздөрүмдү угушуп, “ии-ий, туура айтасың” деп алкагандары эсимде. Андан кийин республика боюнча өткөн фестивалга Балыкчынын маданият үйүнүн өнөрпоздору менен катышкам. Ошондо Балыкчы шаары 1-орунду алып, мен “Алтын аяк” драмасында уюн жоготкон кемпирдин ролун жакшы ойногондугум үчүн диплом менен сыйлангам. Алпаруучулук боюнча эң биринчи жолу 10-класста “Сулуулар конкурсун” алпардым. Менин алгачкы чоң ийгиликтеримдин башаты ушинтип жаралган.
– Кемпирди жакшы туураганга жакын болгондугуңдун себептери эмнеде?
– 9 жашыма чейин чоң апамдын колунда өстүм. Андан кийин таене, таятамдын колунда чоңойдум. Ошондуктанбы, картаң кемпир-чалдардын сүйлөгөнү, кыймыл-аракети эмнегедир мага жомоктой сезиле берет. Айылга барганда жолдон карыларды көрүп калсам токтоп, алар менен маектешип, жаштыгын эстетип көп сүйлөшөм.
– Мектепте активист болсоң сабактарды да жакшы окусаң керек.
– Ооба, мектепти жалаң “5” деген баа менен аяктадым. Айрыкча кыргыз тили, адабиятын жакшы окучумун. 10-класста экенимде кыргыз тили, адабиятынан олимпиадага катышып, республика боюнча биринчиликти алгам. Мындай ийгилигим үчүн 10-классты бү­түп, 11-классты окубай эле эч кандай сынаксыз Ататүрк университетине кабыл алынгам. Андан кийин университетте да жакшы окудум, группанын старостасы элем. Университетте ырдап, алпаруучу болуп да, кыскасы, активистка болуп жүрдүм. 2-курста Түркияга барып келдим. Ал жакка барган учурда чачым тиземден ылдый болгондуктан, түрктөрдүн караганы эле мен. Баары: “Чачыңды кантип жууйсуң?”- деп сурай беришчү. Бул суроодон тажаганда: “Чачымды кир жуучу машинага салып коём”,- деп жооп берчүмүн. Түркияга барганда көз тийдиби, ким билет, ал жактан келгенден кийин аябай катуу ооруп, 7 ай төшөктө жатып калдым. Андан да чачымдын түшкөнүн кантесиң, жаткан жаздыгыма жөн эле төгүлүп калчу да. Арыктаганымды айтпа, 53 килограмм элем, 38 килограмм болуп калганмын. Ооруп жатсам да, агайлардын өтүнүчү боюнча бир кечени алпарып берген элем. Баарынан кызыгы, ошондо сахнага чыгып, кадимкидей айыгып калгам. Ошондо мен жалаң сахна, күйөрман, эл үчүн жаралган жан окшоймун деп ойлоп калган элем. “Хит-парадга” чачым узун болгону менен суюк кезинде келдим. Анан эмне кылып жасалгалаарымды билбей, айласыздан кыркканга туура келген. Азыр кайра чачымды өстүрүп жатам.
– Чач өстүргөнүңө эмне түрт­кү болгон?
– Менин чачым апамдыкын тарткан. Апам күзгүнүн тушуна барып, чачын алдына түшүрүп алып тараса, көзүмө ушунчалык периштедей көрүнчү. Аябай суктанчумун, анан чачымды кеспеймин деп өзүмө-өзүм сөз берген элем. Апама Кудай сулуулукту, акылдуулукту, мээримдүүлүктү, кыскасы, аялзатына тиешелүү бардык сапаттарды берген. Апамдан ушундай жакшы сапаттарды өзүмө алганга аракет кылам. Досум да, сырдашым да, сынчым да – апам. Өзү консерваторияны бүткөн. Учурда Бишкектеги №8-музыкалык мектепте комуз сабагынан мугалим болуп эмгектенет. Комузда аябай жакшы ойнойт. Таланттуу, бирок, таланты ачылбаган бойдон калган. Ошондуктан, апам жетпеген бийиктиктерге мен жетсем экен деймин.
– Учурда сага жөлөк болгон жигитиң барбы? Ушул тууралуу айтып берчи?!
– Мен апамдын курсагындагы кезимде эле баары мени эркек деп кү­түшчү экен. “Кыз болуп төрөлсөң деле эркек баладай мамиле кылчумун”,- дейт апам. Өзүм да жалаң балдар менен согушмай, машина айдамай ойночумун. Ошондон улам болсо керек, кыздарга жакын эмесмин. Ушул кезге чейин балдар менен достошуп жүрүп, жигитти деле ойлобоптурмун. Көрсө, жигит күткөн жакшы нерсе турбайбы. Учурда жигитим бар, ал азыр чет жакта билим алууда. Келечектен көптү үмүттөн­дүргөн, акылдуу, билимдүү көлдүк жигит. Буюрса, окуусун аяктап келген соң эки жылдан кийин баш кошобуз деп жатабыз.
– Андан башка да артыңдан ээрчиген күйөрман жигиттериң көп болсо керек?
– Көп, анын үстүнө, кичине таанымал болуп калсаң эле “дос бололу” дегендер, чындап сүйүү­сүн арнагандар чыгат экен. Элге таанымал эле кишилерден “үй алып берем, машина сатып берем, төрөп эле бер” дегендери да болбой койгон жок. Бассам-турсам Кудайдан ыйманым менен күйөөгө тийсем экен деп тилеймин.
– Алпаруучулар тойлордо тамада болушчу эле.
– 3-4 жолу той башкарып көрдүм, колумдан келе турган иш экен. Бирок, концерт алып барганга караганда той башкаруу бир топ кыйыныраак экен. Ар бир адамдын өзүнө жараша мамиле жасоо, ар кандай кырдаалдан чыгып кетүү керек дегендей... Кыскасы, алпаруучу психолог болушу зарыл. Бирок, абалды туура баамдай алсаң, тойду кынтыксыз башкара алууга жетесиң.
– Жана өзүң айткандай ырдоо өнөрүң да бар тура. Анда эмнеге ырдап чыкпайсың?
– Ооба, жакшы эле ырдайм, балким, келечекте мени күйөрмандарым сахнадан ырчы катары да көрүп калуулары мүмкүн. Андан сырткары, ушунчалык киного тартылып, элиме артисттик да өнөрүмдү көрсөткүм келет.
– Киного тартылууну сунуштап, бирок, «терс каармандын ролун ойно» десе макул болот белең?
– “Министирдин кызынын махабаты” деген кинонун кастингине барып өтүп кеткем. Сценарийди окуп чыкканымдан соң режиссёр: “Ролуңду аткарып көрсөтсөң”,- деп суранды. Терс каарман Зинанын ролу болгондуктан, колуна героин сайынып алып, жарым жылаңач жатып алып, уят сөздөр­дү сүйлөгөн жерлерин аткарып бердим. Режиссёр: “Жакшы ойнойт экенсиң, биз сени Зинанын ролуна бекитебиз”,- деди. Мен ойлонуп көрүп, баш тарттым. Анткени, мындай көрүнүш кыргыздын менталитетине туура келбейт. Эл туура эмес ойлоп калышы мүмкүн. Эгер «куу, бузукулардын ролун ойно» десе аткарат болчумун.
– Сен качандыр бир кезде өз кесибиң менен иштеймин деп ойлойсуңбу? Анткени, өз кесибиң менен иштесең көбүрөөк акча тапканга болот болуш керек.
– Билбейм, балким, иштеп калаармын. Азырынча менин көкүрөгүм, каалоом акча эмес, жалаң гана чыгармачылык жакка тартат. Чыгармачылыктан сырткары, өзүм кыргыз, орус, англис, түрк тилдеринде эркин сүйлөйм. Баса, бир жаңылык, бир түрк билим берүү мекемесинин 15 жылдыгына карата өткөрүлгөн спорт жана маданият конкурсунун сыйлык тапшыруу аземин алпардым. Түркиядан келген меймандар алпаруучулук чеберчилигимди жактырышып, эмдиги жылы ушул маалда Түркияда өтүүчү дүйнөлүк таланттардын катышуусунда өтө турган чоң салтанатты Түркиянын тандалган алпаруучулары менен түркчө алпаруума жолдомо беришти.

Маектешкен Замира Рахманбердиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: