Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кубаныч Сатаев: «АТАМ ТИРҮҮ БОЛГОНДО МЕН БАШКА АДАМ БОЛМОКМУН»

№238 25-31-май, 2007-ж.


Атасынын атын өчүрбөй, ырларын кайрадан жаңыртып ырдап жүргөн Кубаныч Сатаев баарына белгилүү болгондой, залкар ырчы Чубак Сатаевдин тун уулу. Ал 1981-жылы 24-ноябрда Бакайата районунун Боотерек айылында туулган. Үч бир туугандын улуусу.

– Кубаныч, кыргыздын залкар таланты Чубак Сатаевдин туягы эмессиңби. Айтайын дегеним, сен төрөлгөндө эле ырчы болуп төрөл­сөң керек?
– Айта албайм. Анткени, мен кичине кезимде өтө жоош, тартынчаак бала болчумун. Үйгө чоң таланттар көп бараар эле. Ошондо алар: “Кана, азамат бала болгон турбайсыңбы, атаңдын ырларынан ырдап койчу?!” дешсе жер карап эле уяла берчүмүн. Мага караганда кичүү иним “шустрый” болгондуктан, атамдын шылдырагын ала калып менин ордума ырдап кирчү. Бирок, бара-бара мен да көнө баштадым. Үйгө келген артисттер менен сүйлөшүп, алардын аспаптарын алып ойногонго аракет кылчумун. Ошентип жүрүп кийинчерээк атамдын ырларын ырдап, ар кандай конкурс-фестивалдарга катышууга жарап калдым.
– Атаң менен гастролдорго чыккан учурларың да болдубу?
– Атамдын “Арманы” популярдуулуктун туу чокусуна чыгып турган маалда атам, байкем Кушчубек Сатаев жана мен болуп Ошко гастролго барганбыз. Ошондо Рыспай Абдыкадыровдун үйүнө барып конок болгонубуз такыр эсимден кетпейт. Кетээрде өзүнүн аккордеонун атама белекке берген эле. Кийин атамдан ал аккордеон мага калды. Азыр сувенир катары үйдө сакталып турат.
– Атаң сенин чыгармачыл адам болушуңду каалачу беле?
– Жок, атам “сен артист болбойсуң” дечү эле. Мен кичинемде аз сүйлөп, мүнөзүм кырс болгондуктанбы, «аскер адамы болосуң» дей берчү. Суворов атындагы аскердик окуу жайга тапшыртам деп көп айтчу. Бирок, тилегине жетпей, мен 5-класста окуп жатканда көз жумуп кетти. Атам тирүү болгондо балким, мен такыр чыгармачылыктан алыс адам болуп калмакмын.
– Эмне үчүн артист болушуңду каалачу эмес?
– Атам эле эмес, үйдөгүлөрдүн баары бул кесиптин ээси болушумду каалашчу эмес. Анткени, бул татаал кесиптин түйшүгүн биздин үйбүлө сезип калышты да. Мен чоң энем менен чоң атамдын колунда өскөм. Алар ырчылык дегенди тим эле мокочо элестетишчү. Апам дегеле бул кесип жөнүндө уккусу келчү эмес. Анткени, атам бир жылдап деле үйг&11257; келбей гастролдоп жүрө берчү экен да, ушунун айынан үйдөн ырк кетип, апам кетип калганга чейин барыптыр. Ушулардын баары мени чыгармачылыктан алыс болушума таасирин тийгиздиби, билбейм, өзүм деле ырчы болууну каалачу эмесмин. Тынч эле столдо отуруп, туруктуу бир жумушта иштегим келчү. Ошондон улам мектепти бүткөн соң Искусство институтунун телеоператордук жагына тапшыргам. Алгач өз окуумду окуп жакшы эле жүрдүм, кийин 3-курска барганда жатаканада жашаган балдардын комуз, аккордеон ойногонун көрүп эле мен да кызыгып кетсем болобу. Аккордеондун улам татаал баскычтарын үйрөнүп отуруп акырында такыр колумдан тү­шүрбөй калдым. Ушул күндөн баштап өз кесибиме болгон кызыгуум акырындап тарай баштады.
– Музыкага өтө кызыгып кетип өз кесибиңди таштап койгон жоксуңбу?
– Таштаган жокмун, бирок, 3-курсту бүткөндөн кийин филармониянын алдындагы эки жылдык студияга тапшырып көрүүнү туура көр­дүм. Бирок, ал жылы студияга өтүү бактысы мага буюрбаган экен, кулатып коюшту. Эми ойлосом ал кезде чын эле менин слухум начар экен эле. Мен болсо жаштык кылып мугалимдерди кү­нөө­лөп жү­рүп­­түрмүн. Ошондо аккордеонумду асынып алып кабинеттен көзүм­дүн жашын агызып ыйлап чыкканым эсимде. Ушундан кийин катуу намыстанып, кийинки жылы кайрадан тапшыруу үчүн күнү-тү­нү аккордеонду колумдан түшүрбөй репетиция кылып ырдаганым ырдаган эле. Кошуналарым тажашканда: “Болдучу, бизге тынчтык бересиңби?” деп эшикти такылдатып келишчү.
– Мындай тынымсыз репетицияңдын кийинки жылы пайдасы тийдиби?
– Тилекке каршы, кийинки жылы да тийген жок. “Эми өтсөм керек” деген жакшы оюмду таш каап, анда да экинчи турдан кулап калдым. Мында да былтыркыдай ызамды ыйдан чыгарган боюнча жолума түштүм.
– Эми студиядан да көңүлүң калып калса керек?
– Алгач көңүлүм калган. Ал жылы оператордук окуумду да аяктап калгам да, “болду, Таласка кетем” деп кийимдеримди салыштыра баштадым. Чемоданымды көтөрүп алып автовокзалга жөнөп жатсам бир досум келип: “Куба, опера-балет театрында да студияга кабыл алып жатышыптыр, ошол жакка барып көрбөйсүңбү?!” деп калды. Мен дароо эле жөнөдүм. Барсам чын эле кабыл алып жатышкан экен, дагы бир жолу өзүмдү сынап көрөйүн деп тапшырсам, Кудай жалгап өтүп кеттим. Ошентип, опера-балет театрынын эки жылдык студиясында окуп калгам.
– Сенде чыгармачылыкка олуттуу киришүү качантан башталды?
– Студияны бүткөн соң мени тагдыр кайрадан Таласка айдады. Ал жакта телевидениеде редактор болуп бир жыл иштедим. Ошол эле учурда жумуштан кийин кафеде да ырдап жүрдүм. Анан акыркы убактарда ар кимден: “Сен бул жакта эмне кылып жүрөсүң? Шаарга барып ырда. Атаңдын жолун улантышың керек” деген сыяктуу сөздөрдү көп укчу болдум. Ошол сөздөр катуу таасир этип кеттиби, бир күнү эле тура калып шаарга баса бердим. Эч кимге айткан да жокмун. Жада калса жумушумдагылар да билбей калышты.
– Анан келээриң менен эле ырдап кирдиңби?
– Кайдан? Бир топ кыйналдым. Бир кафеге кирип алып, көпкө чейин чоң сахнага чыга албай ошол кафеде иштеп жүрдүм. Биринчи жолу Канат Култаевге барганым эсимден кетпейт. “Мага продюсер болбойсузбу?!” десем ал: “Менин азыр убактым жок. Темир менен иштешип жатам. Мирбек деген баланы жаңы алдым. Ушул экөөнөн менин убактым артпайт. Эртерээк келгениңде мен сени алмакмын. Сен продюсерсиз эле өзүң аракет кылсаң, чыгып кетесиң” деген. Ушул сөздөр мага кандайдыр бир дем-күч бергендей болуп, өзүмө ишенип калдым. Тапкан акчамды кашыктап чогултуп жүрүп алгачкы ырым “Түштүк кызынын” аранжировкасын жаздыргам.
– Биринчи ырың жарыкка чыкканда өзгөчө кубансаң керек эле?
– Атамдын өзүнүн аткаруусундагы “Түштүк кызы” дискте сакталуу болчу. Ошону Ильяс Абдыразаковго алпарып берсем ал ойлонуп отуруп менин аранжировкама ошондон кесип алып кошуп коюуну туура көрүптүр. Мен ырдаган “Түштүк кызынын” башындагы аккордеон ойнолгон жери атамдын өзүнүн ойногону. Үйгө алып келип угуп, ушунчалык жактырдым. Ал эле эмес, кубанычтан ыйлагым келди. Ошондон бери азыр кандай ыр жаздырбайын даяр болгондо тим эле өзүм балалуу болгондой кубанам.
– “Түштүк кызынын” клибине эмне үчүн Назира Айтбекованы тандап алдың эле?
– Биз Назира экөөбүз мурун эле тааныш болчубуз. Бирок, аны клипке тартууну Мырза Айдаралиев сунуш кылган. “Ушул кыздын артисттик чеберчилиги жакшы, ушуну тарталы” дегенде мен макул болгом.
– Назира экөө­ңөрдүн ортоңордо сүйүү мамилеси бар дегендер да бар экен...
– Ооба, эмнегедир ошентип ойлошот экен. Жакында Таласка гастролго барып келдим. Ал жактан да тааныштар жолугушуп: “Сен Назирага үй­лөнүп алган турбайсыңбы” дегендер болду.
– Негизи, сүйлөшкөн кызың барбы?
– Азырынча жок.
– Кубаныч, башында сенин ырдаганыңа каршы болгон үйбү­лөңдүн сен популярдуу болгондон кийин көз караштары өзгөрдүбү?
– Чоң энем жакында гана: “Эми ырдайм деп ушул жолго түшүп калыптырсың. Аракетиңдин үзүрүн көрүп, ойлогон оюңа жет” деп батасын берди. Калгандары да моюн сунуп калышты.
– Башка бир туугандарың да ырдашабы?
– Үйдөн улуусу мен. Менден кийинки иним автокырсыктан көз жумган. Кичүү иним болсо башында ырдаганга кызыгып жүрчү. Азыр беш маал намаз окуп, мусулманчылыкка берилип кеткен. Ислам боюнча ырдаганга болбойт экен. Ошондуктан, азыр ырды таштап койгон. Ал эми атамдын жолун жолдогон бир тууган иниси Кушчубек Сатаев болду. Азыр экөөбүз “Чубак” тобун алып жүрөбүз.
– Атаңдын ырлары азыр сенин наамыңдабы?
– Ооба, юридикалык жактан менин наамыма өткөн.
– Анда бул ырларды ырдагысы келгендер сенден уруксат сураш керек экен да?
– Мага минтип кайрылгандар көп болот. Айрыкча жаш ырчылар көп кайрылышат. Бирок, мен алардын көпчүлүгүнө тескери жообумду берем. Атамдын ырларын кор тутуп, буздургум келбейт. Ылайыгы келгенине берем. Мисалы, жакында эле Кутман Жолдошов бир ырын сурады эле, бердим.
– Атаңдын атын пайдаланган учурларың болду беле?
– Мен өзүм “мен Чубактын баласымын” деп төшүмдү каккылабайм. Бирок, атамдын мен тааныбаган эле күйөрмандары “сен Чубактын уулу турбайсыңбы” деп өздөрү келишип, моралдык жактан колдоо көрсөтүп, ал тургай акчалай жардам көрсөткөндөр да жок эмес. Мирлан деген таксист байке бар. Аны менен кокусунан таанышып калсам, атамдын убагындагы күчтүү күйөрманы экен. Азыр да катташып, жакын мамиледебиз. “Түштүк кызынын” клибин тартуу учурунда таксиси менен бизди ташыган жакшылыгын эч унутпайм.
– Артист достору да сага колдоо көрсөтүшөбү?
– Ырчы досторунан материалдык колдоо көрбөсөм да моралдык жактан колдоо алып келем.
– Азыр апаң айылдабы же шаарда сени мененби?
– Апам медсестра болуп иштеп, учурда айылда иним экөө турушат.
– Гастролго барганда өзүңдүн айылыңа да бардыңбы?
– Бардым, аябай жакшы кабыл алышты.
– Гастролдон таап келген акчаңды эмнеге коротоюн деп жатасың?
– Гастролдон 5 миң доллардай акча менен келдик. Кушчубек байкем “машина алып берейинби?” деди эле макул болгон жокмун. Андан көрө ушул акчага ырларды жаздырып, клип тарттырып чыгармачылыкка жумшайын дедим.
– Дагы каякка гастролго чыгууну пландаштырып жатасың?
– Эми “Түштүк кызы” деген концерт менен Ошко баралы деп жатабыз. Буюрса, эми оштук туугандарды кубандырабыз.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: