Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУЛТАН МЕНЕН МИРБЕК ПРОДЮСЕРЛЕРИНЕ КАРШЫ ЭМНЕ ҮЧҮН БУНТ ЧЫГАРЫШТЫ?

№248 3-9-август, 2007-ж.


Шоу-бизнестин эрке балдары Султан Садыралиев менен Мирбек Иманбеков экрандан түшпөй жакшы эле тайраңдап жүрүштү эле, акыркы кездерде кайсы кара теке сүзгөнүн ким билсин, продюсерлерин таштап, өз алдыларынча иштөөнү чечишкен эле. Бул тууралуу маалыматты гезитибиздин өткөн санына жарыялаганбыз. Азыр тиричилик кылуу түйшүгү өз моюндарына толугу менен түшкөн ырчылар өздөрү концерт уюштуруп жүргөн чактары. Тагыраак айтканда, Султан Жалалабатта, Мирбек Токтогулда гастролдо жүрүшөт. Ушул маселенин айланасында ырчылар менен чакан маек курдук.

Султан Садыралиев: “ПРОДЮСЕРЛЕР
КУДАЙ ЭМЕС ДА...”
– Султан, келишимиң аягына чыга электе продюсериңден кол үзүп кетишиңе эмне себеп болду?
– Мен бул суроого өткөн жолу эле жооп бергем. Дагы да болсо ошол жоопту берем: мен ушундай чечтим. Өз алдымча оокат кылууну туура көрдүм.
– Продюсериң сени кимдир-бирөө бузгандыгы үчүн ушундай жолго барып жатат деп айтты...
– Мени эч ким бузган жок. Биз Мирбек экөөбүз өзүбүз бузулдук. Биз деле ким эмне десе эле аны ээрчип кете бербейбиз да. Өзүбүздүн башыбыз менен иш кылып жатабыз.
– Демек, Мирбек экөөңөр убадалашып алып чогуу кеткен экенсиңер да?
– Ооба, ошондой болду.
– Урмат Усеновдун силердин бул ишиңерге кандай тиешеси бар?
– Урматтын буга кымындай да тиешеси жок. Ырас, биз – Урмат, мен, Мирбек эң жакын достордонбуз. Шаарда болгондо качан болсо чогуу жүрөбүз. Жадакалса тамак ичкенде да бири-бирибизди чакырып алып чогуу тамактанабыз. Үчөөбүздүн ортобузда продюсерден кетүү-кетпөө жөнүндө сөз болгондо Урмат бизге “кетпегиле” дегенден башка сөз айткан эмес. Мен Динара эжеге “Урмат, Мирбек болуп кол алышып койгонбуз, ошон үчүн кетем” деп айткан эмесмин. Ал жөн гана Динара эже менен Асыл эженин оюнан чыгаргандары.
– Гастролуң кандай өтүп жатат?
– Эң жакшы. Кайсы жерде болбосун, эл залга батпай, супер аншлаг менен өтүп жатат. Буюрса, 10-августта гастролум бүтөт.
– Продюсер менен жана продюсерсиз иштегендин кандай айырмасы бар экен?
– Продюсерсиз иштегенде жоопкерчиликтүү болуп калат экенсиң. Өзүмдү бир топ чоңоё түшкөндөй сезип жатам.
– Шоу-бизнестин биздеги “мыйзамына” ылайык эми шоу-бизнестен четтеп калам деп коркпойсуңбу?
– Коркпойм. Мени шоу-бизнестен четтетчүлөрдү тескей турган да адам табылат. Талант – канчалык тоскон күндө да жылчык таап бир жерден болбосо, бир жерден чыга берчү нерсе. Анын үстүнө, продюсерлер Кудай эмес да, адамды асманга чыгарып, кааласа жерге талп эткизип түшүрүп койгудай.
– Эми башка продюсер менен иштешесиңби же өзүң элеби?
– Продюсери жок эле өз алдымча иштейин деп жатам.
– Эгер сен Динара Эсенгуловадан башка продюсерге туш болсоң да азыркыдай популярдуулукка жете алмак белең?
– Жете албасам керек эле. Анткени, менин бул деңгээлге жетишиме Динара эженин салымы өтө чоң экенин тартынбай эле айтам. Мен ал үчүн Динара эжеге миң мертебе ыраазымын.
– Сахнага келгенден берки бир жарым жыл ичинде атактуулуктан тышкары кандай материалдык байлыкка ээ боло алдың?
– Бир гана машиналуу болдум. Мындан башка материалдык байлыгым деле жок.
– Буга чейинки жеке концерттериңдин ар бири аншлаг менен өтчү эле. Динара эженин жардамысыз деле ошондой деңгээлдеги концерт уюштура алаарыңа көзүң жетеби?
– Көзүм жетет. Буюрса, убагы келгенде ага күйөрмандарым өздөрү күбө болушат.
– Динара эжеге кайрылып барып кайрадан иштешип калышың да мүмкүнбү?
– Жок, андай болушу мүмкүн эмес. Бул толугу менен чечилген иш.
– Эми Динара эже экөөңөрдүн мындан аркы жеке мамилеңер кандай болот?
– Динара эжени мен адам катары сыйлайм. Ал өтө түшүнүктүү, боорукер, кыскасы, жакшы адам. Экөөбүз чыгармачылыкта иштешпей калсак эле мен аны жек көрүп калбайм. Динара эже мага чыгармачылыкта жардам бербей эле койсун, жөн гана саламыма алик алып, мамилеси түз болсо болду. Мен бул сөздөрдү андан коркконумдан айтып жаткан жерим жок, чын жүрөгүмдөн айтып жатам. Мен көргөн жерден жылуу учурашып, ортодогу мурунку мамилени сактаганга даярмын. Ал эми мага кандай мамиле кылаарын Динара эже өзү чечет.

Мирбек Иманбеков: “АСЫЛ ЭЖЕНИ ТУУГАН КАТАРЫ СЫЙЛАЙМ, А ПРОДЮСЕР КАТАРЫ...”
– Мирбек, өз алдынча иштеген кандай экен? Эркиндикти сезип жатасыңбы?
– Асыл эже жок болсо кыйын экен. Мен муну азыр эле сезип, Асыл эженин баркын азыр билип жаткан жокмун. Мурун эле билчүмүн.
– Анда эмне үчүн мындай кадамга бардың?
– Акыркы кездерде менин укугум тебеленип кеткендей болду. Келишимдеги нерселердин көпчүлүгү аткарылбай калды. Мисалы, анда көрсөтүлгөн акча эч качан менин колума толук тийбейт. Акча керек болгондо Асыл эжеге жалынып отуруп акча алчумун.
– Анда чырыңардын негизи акчага барып такалат экен да?
– Бизнесте чыр андан башка эмнеден чыкмак эле?..
– Эми ушул акчанын айынан тууганчылык мамилеңерге доо кетпейби?
– Мен буга чейин: “Асыл эже, акчаны тууганчылыкка алмаштырбайлы. Болбосо айылга, туугандарга шерменде болобуз”,- десем: “Мен акча үчүн тууганчылыкты кечип коём”,- деп айткан. Эженин ушул сөзүнө мен катуу ирээнжип калгам. Антсе да мен Асыл эжени тууган катары сыйлайм, бирок, продюсер катары антип айта албайм.
– Андай болсо бир жарым жыл кантип иштешип жүрдүң?
– Чыныгы продюсер мындай болбойт.
– Сенин узун элдин учуна, кыска элдин кыйырына атың таанылышынын артында Асыл эженин чоң эмгеги турат. Өзүң да ушинтип эсептейсиңби же?..
– Аны тана албайм. Бирок, талантты да унутпашыбыз керек. Ырчыда талант болбосо, продюсердин аты кайдан чыкмак эле?
– Демек, сенин оюң боюнча, Асыл эжени шоу-бизнеске сен алып келиптирсиң да?
– Антип айтуудан алысмын. Мен келгенче эле Асыл эже шоу-бизнестин сырларын жакшы түшүнчү.
– Гастролдон тапкан акчаңды эмнеге коротоюн деп жатасың?
– Асыл эжеге 7 миң доллар карызмын. Ошону төлөйм. Акыркы жолу берген концертимден карыз болуп калгам.
– Алдыдагы бут тосуулардан коркпойсуңбу?
– “Бут тосом” деп Асыл эже мага ачык эле айткан. Бирок, мен андан коркпойм. Мен бир гана Кудайдан корком. Азыркыдай күйөрмандарым турганда бардык тоскоолдуктарды жеңип чыгууга менин күчүм жетет.


Динара Эсенгулова: – КУДАЙГА ГАНА КОЙДУМ. КУДАЙ ҮСТҮБҮЗДӨ ТУРАТ ГО...

Асыл Аппасова: – МЕН МИРБЕКТИН ДЕҢГЭЭЛИНЕ ТҮШКҮМ КЕЛБЕЙТ.
УБАКЫТ БААРЫН ТАРАЗАЛАЙТ.


Урмат Усенов: «ДИНАРА ЭЖЕ МЕНЕН ГЕЗИТ АРКЫЛУУ АКЫЙЛАШКЫМ КЕЛГЕН ЭМЕС»
– Урмат, ырчы достордун продюсерлери менен чырына сенин байланышың бар деп жатышат. Ушул боюнча өз оозуңдан уксак дедик эле...
– Мен жума күнү эч нерсе менен ишим жок эле жүрсөм бир тууган эжем телефон чалып: “Бирөөнүн ишине аралашпай жөн жүрбөйсүңбү!”- деп урушуп калды. Эмне болуп кеткенин түшүнбөй эле тактап сурасам: “Супер-Инфону” алып окусаң”,- деди. Дароо эле гезитти сатып алып окусам, алар жөнүндө жазылган макаланын арасында менин атым жүрөт. Жөн жерден жаманатты болгонума ыза болуп, Динара эжеге айтсам: “Бул менин эмес, Султандын сөзү”,- дейт. Султанга телефон чалсам, “мен айткан эмесмин” деп карганат. Ким айткан күндө да, Султан, Мирбек үчөөбүздүн ортобузда эч кандай кол алышуу болбогонуна мен жүз пайыз кепилдик берем.
– Анда эмне үчүн башканы эмес, сени байланыштырып жатышат?
– Мени “продюсеринен кетип, артынан буларды да ээрчитип кетиши мүмкүн” деп болжолдошкон болушу керек. Тескерисинче, мен: “Балдар, койгула, жарым жыл убактыңар калыптыр. Чыдап иштеп койгула. Эртеңки күнү өзүңөр зыян тартып каласыңар”,- деп айткам. Мен буларды продюсерлеринен бөлүп алып эмне кылмак элем? Анын артында кандайдыр бир кызыкчылык турса, анда бир жөн. Менин азыр өзүмдүн түйшүгүм өзүмө жетиш­түү. Мен өзүм тынчтыкты сүй­гөн адаммын. Динара эже менен гезит аркылуу акыйлашуу оюмда да жок болчу. Болгону, өзүмдүн ак экенимди далилдешим керек да.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: