Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Акбар Сүйүнбаев: «БЕЗЕТКИМДЕН АРЫЛАМ ДЕП ТИШ ПАСТАСЫН БЕТИМЕ ШЫБАЧУМУН»

№252 31-август-6-сентябрь, 2007-ж.


Анара, 16 жашта, Бишкек:
– Акбар байке, сиздин атыңызды ким койгон?
– Менин атымды белгилүү акын Акбар Рыскулов койгон. Мен төрөлгөндө атам мага ат койгонду унутуп калып эле достору менен майлап жүрө бериптир. Ошол күндөрдүн биринде атам иштеген лицейге жогору жактан текшерүү келип, комиссиялардын арасында белгилүү акын Акбар Рыскулов агабыз да бар экен. Атам ага жолугуп “балалуу болдум эле, атын сиз коюп бербейсизби” десе ал киши “чоңойгондо мендей белгилүү адам болсун” деп мага өзүнүн атын ыйгарыптыр. Ошондо Чыңгыз Айтматовдун бир китебине “Акбар агасынан Акбар инисине” деп автограф жазып берген экен. Ал китепти мен азыр тумар катары эч кимге кол тийгизбей сактап жүрөм.

Айсулуу, 16 жашта, Бишкек:
– Акбар байке, сиз досторуңуз Султан менен Мирбектин продюсерлеринен кеткенине кандай карайсыз? Сиздин оюңузча кимисиники туура?
– Мен гезиттен эки тараптын тең интервьюларын окуп, эч нерсе дебей эле коюуну чечтим. Анткени, кимисиники чын, кимисиники калп экенин билбей башым айланып калды. Бирок, досторум болгондон кийин албетте, Султан менен Мирбекке жан тартам. Ошол эле убакта Асыл эже менен Динара эженин эмгектерин да баалайм. Алардын досторум аркылуу мага да жардамы тийгенин унутпайм. Алардын ортосунда эмне жөнүндө кеп-сөз болгонун так билбеген соң мен эч нерсе айта албайм.
– Ушул чырдан соң продюсер менен такыр иштешпейм деген чечимге келген болушуңуз керек?
– Мен мындай чечимге Ильяз Адамовдон кийин эле келгем. Кабарыңыз болсо, биз Ильяз байке экөөбүз бир кезде жакшы эле иштеше баштаганбыз. Менин кышындагы концертимди да ал уюштурган. Ошол концерттен кийин экөөбүздүн ортобузда түшүн­бөстүктөр чыгып кеткен. Анын себеби баягы эле акча бөлүшмөйгө барып такалат да. Ишенсеңиз-койсоңуз өзүңүз билиңиз, бирок, мен ушул концертимден кийин үч күн ачка калгам. Ильяз байке мени менен эсептешпей туруп Жалалабатка кетип калыптыр. Кийин эсептеше келсек эле кайдан-жайдан экени белгисиз, мен ага карыз болуп калыптырмын. Ал карыз ушул күнгө чейин менин моюнумда. Ушундан кийин менин продюсер менен иштегенден көңүлүм калган.

Максат, 27 жашта, Бишкек:
– Акбар, сен эмне үчүн башка ырчылардай болуп клип тарттырбайсың?
– “Ал менин махабатым” аттуу ырыма концертимдин алдында Канат Култаев белек катары клип тартып берген. Ал клибим ошондо “Браво” телекөрсө­түү­сүнөн бир гана жолу берилип, ошол бойдон “өчтү”. Мунун себеби өзүмө да түшү­нүксүз.
– Анда шоу-бизнесте сага да бут тоскондор бар го?
– Айта албайм. Болушу да мүмкүн. Жакында болгон бир окуядан соң менде ушундай ой пайда боло баштады. “Бравонун” бир жылдык майрамы болбоду беле?! Ошондо эч кандай жаман оюм жок эле куттуктап коёюн деген ниетте белегимди көтөрүп алып мен да барганмын. Көрсө, ал жакка жалаң чакырылгандар барыптыр. Муну угуп алып өзүмдү ыңгайсыз сезип эмне кылаарымды билбей турсам бирөө келип: “Сен эшиктен тартылат экенсиң” деп калды. Эшикке чыгып, кадимкидей эле тартылгам. Кетип баратып тааныштарыма телефон чалып сурасам, “сени көрсөтүшкөн жок” дейт. Менин алдымда, менден кийин тартылган ырчылар чыгышыптыр да, мен чыкпаптырмын.

Шайыргүл, 20 жашта, Токтогул:
– Шаарга жаңы келгениңди сүрөттөп берсең?
– Мен мектепти бүткөндө атам “аскерге барасың” деп калды. “Окууга барам” деп жатып араң көндүрсөм, “барганыңа 100 сом, келгениңе 100 сом” деп 200 сом берди. Шаарда агаларым бар болчу, ошолорго келдим. Троллейбус, маршрутка дегендерге түшкөндү билчү эмесмин. Классташ кызым экөөбүз бир окуу жайдан экинчи окуу жайга жөө эле кыдырып жүрө берчүбүз. Ал убакта кийимди жарашыгына карап кийгенди да билбесем керек, спорт шымын кийип, үстүмө классикалык стилдеги костюм кийип деле жүрө берчүмүн.
– Орусча билесиңби?
– Тантырасам да бир нерсени түшүндүрө алам.

Мээрим, 23 жашта, Бишкек:
– Кличкаң барбы?
– Мектепте окуп жүргөндө кличкам көп эле. Эмнегедир балдар мени Долон деп коюшчу. Кээде Суке деп да аташчу. Булардан тышкары Тяж деген кличкамды айрымдар азыркыга чейин колдонушат. 9-классымда бокс менен машыкчумун да. Ошондо эле менин салмагым 79 килограмм эле. Ушундан улам машыктыруучулар “тяжеловес” деп жүрүшүп, бара-бара Тяж деген атка конуп кеттим.
– Сени көңүлү жумшак дешет. Ушул мүнөзүңдүн айынан зыян тартып калган учурларың болду беле?
– Туура айтышат. Чын эле менин бирөөгө жок дей албаган көңүлчөөктүк сапатым бар. Мунум өзүмө такыр жакпайт. Мындай сапатым мага көп учурда зыян алып келет. Жөнөкөй эле мисал, ким “жүр” десе эле алардын гастролуна кошо чыгып, он күн болсо он күн, жыйырма күн болсо жыйырма күн жүрө берем. Алардан акча да сурабайм, же өздөрү билип беришпейт.

Зарылкан, 13 жашта, Бишкек:
– Кочкордо жер титирөө болгондо сиздердин үйүңүздөргө залакасы тийген жок беле?
– Тийген. Залыбыз кадимкидей ортосунан жарылып кеткен. Кийин эл катары биз дагы элүү миң сом акчалай жардам алдык. Жакында эле өзүм барып үйдү оңдоп келдим.
– Бетиңиздеги тактарыңыз эмнеден пайда болгон?
– Бетимде азыркыдай тактардын калып калышына түздөн-түз өзүм себепчимин. Шаарга жаңы келгенимде бетим көпчүлүк айылдык балдардыкындай эле кызыл болчу. Анан анча-мынча безеткилерим бар эле. Мончого түшкөндө агарам деп бетимди мочалка менен аябай жышып жууп, безеткилеримди кетирем деп тиш пастасын бетиме шыбап алчумун. Тиш пастасы безеткини кетирет деп бир жерден укканым бар эле. Анан бетимдин ачышканын көрө бер! Анда мен безеткилерим жок болуп жатат деп чыдап отура берчүмүн. Бир күнү мунумду билип калган байкем “тиш пастасы безеткилериңди күйгүзүп жиберет” деп урушту. Ошондон кийин антпей калгам. Бирок, кечигип калыптырмын. Айткандай эле безеткилерим күйүп, бетиме так түшүп кетиптир.
– Тактарыңызды кетиргенге аракет кылып көр­дүңүз беле?
– Негизи, кетирсе болот экен. Бирок, мен аракет да кылган эмесмин. Эркекке сулуулуктун эмне кереги бар? Биздин маймылдан бир аз эле айырмабыз болсо, ошол жетиштүү болот.

Тина, 20 жашта, Бишкек:
– Сахнада эл көзүнчө ыңгайсыз абалда калып калган учурларыңыз болду беле?
– Болгон. Ошто концерт берип жатканбыз. Сахнага чыгууга кезегим жакындаганда дааратканага кетип калып жатпаймынбы. Аңгыча мени чакырып калышты эле шашып келип эле сахнага чыгып кеттим. Мен чыккандан баштап эле алдыңкы катарда отургандар эмнегедир күлө башташты. Бир нерсени байкап калып ылдый жагымды карасам, шымымдын сыдырмасы ачык жүрөт. Шашып жатып сыдырбай чыгып келе бериптирмин да. Же кайра кирип кете албайм, же элдин көзүнчө сыдырып ала албайм. Ырым болсо башталып калды. Анан эмне болсоң ошол бол дедим да, ары карамыш болуп сыдырып алдым. Эл көзүнчө эң катуу уялганым ушул болгон.

Батма, 31 жашта, Токмок:
– Акбар, сен алгач сахнага чыкканыңда Султан менен “Махабатым” аттуу ырды ырдап элге таанылбадың беле. Сен өзүңдү Султандын артынан популярдуулукка жеттим деп эсептейсиңби?
– Туура, бул ырды дуэт кылып ырдоону мага Султан сунуш кылган. Бирок, бул ырдын популярдуу болушуна кандайдыр бир деңгээлде менин да салымым бар. Султан мага алгач “Кудача кызды” дуэт кылалы деген сунушун айткан. Анын казакча экенин билгенден кийин мен макул болгон эмесмин. Кийин “Махбатымды” ырдайлы деп калды. Буга да көп көңүлүм жок эле. Султан ой-боюма койбой эле “бол, сен 700 сом тап, мен 700 сом табайын да, экөөбүз ырдап чыгалы” деп жатып мени көндүрдү. Бул учурда Султандын да өзүнүн пландары бар болчу: Анда Чыңгыз Мырзаев радиого жаңыдан ишке кирген. Биз Чыңгыз экөөбүз бир бөлмөдө жашачубуз, ал эми Чыңгыз менен Султандын мамилелери жок болчу. Чыңгыз “мен Акбар үчүн баарына даярмын” деп айтып калгандарын Султан укчу да. Ошентип, ырды жаздырдык да, Чыңгызга бердик. Ошол күндөн баштап эле биздин дуэт радиодон тынымсыз кете баштады. Мында албетте, Чыңгыздын салымы чоң болчу.
– Ошентсе да Султан “сени мен элге тааныткам” деп айтпайбы?
– Жок, Султан өзү антип айтпайт. Султандын ордуна бир жолу мындай сөздү Мирбек Иманбеков айткан. Ортодо кандайдыр бир түшүнбөстүктөр болуп кетип, ошондо Мирбек: “Акбар, сени керек болсо Султан сахнага алып келген” деген.

Жоомарт, 25 жашта, Бишкек:
– Сага сахнага кийген формаларыңды тандоого ким жардам берет?
– Чынын айтсам, мен ушул убакка чейин бир дагы жолу өзүмө арнап форма тиктирип көрө элекмин. Кийип жүргөн формаларымдын баары ар кимден белекке келген. Эң биринчи жолу Султан бир кара көйнөк белек кылган. Өзүнө тиктирсе чоң келип калган экен, мага берип койгон. Дагы бир формамды Азиз Жетигенов белек кылган. Негизи, биз Азиз экөөбүз анчалык деле жакын эмес болчубуз. Бир жолу Ошко чогуу концертке барып, бир бөлмөдө жатып калганбыз. Азиз эртең менен туруп эле: “Акбар, мобул көйнөгүмдү сага берейинби?” деп калыптыр. Боорунда “Акбар” деген жазуусу бар формамды болсо Артык менен Сапар, дагы бир формамды Макс Бегалиев берген. “Эмнеге эле булар мага бере беришет?” деп өзүм да таң калам. Ал эле эмес, ырларым да бекер жазылат. Сөздөрүн Гүл белек кылат, аранжировкасын Ильяз бекер жазып берет.

Тилек, 22 жашта, Бишкек:
– Акбар, “Диско-80” деген өзүңдүн тобуңду ачып жүр­бөдүң беле? Ал топ иштеп жатабы?
– Ооба, үч жигиттен турган “Диско-80” деген топ иштетип жаткам. Тилекке каршы, ал жигиттер азыр топтон кетип калышкан. Бул да менин көңүлүмдүн жумшактыгынан болду. Балдарга катуу айтчу эмесмин, өз жайларына койчумун. Ушундан улам менин башыма чыга башташты. Айтканды угушпайт. Ал эле эмес, мени “дос” деп алышыптыр. Анан бир күнү дагы тилимди албай коюшту эле, курумду чечип алып үчөөнү тең аябай сабадым. Ошол бойдон жок, качып кетишиптир. Азыр топко жаңы курам алып, аларды Ташкент кызы Гүл иштетип жатат. Өзүм болсо Алмаз Абдыжапаров деген жигитти тарбиялоодомун. Экөөбүз жакында эле “Нарындык периштем” аттуу дуэт жаздырдык.

Даярдаган Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: