Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назира Жетигенова: «АЛТЫНЧЫ КЛАССКА КЕЛГЕНИМДЕ «КЫЗ» БОЛО БАШТАДЫМ»

№253 7-13-сентябрь, 2007-ж.


Айтылуу эркек куудулдардан кем калбай, сахнага чыгып элибизге күлкү тартуулап келе жаткан аялдар кыргызда саналуу гана. Назира Жетигенова – мына ушул саналуу куудулдардын бирөөсү. Тартынуу, кысынуу дегенди билбеген Назира айым 1974-жылы 24-апрелде Талас шаарында төрөлгөн. 6 бир туугандын бешинчиси. Эки кыздын энеси. Учурда бойдок. “Нукура кыргыз” телефестивалынан 4-орунду, “Бири куудул, бири ырчы, эл тараза, эл сынчы” конкурсунан 1-орунду, Казакстанда өткөн Орто Азия элдеринин “Күлкү жарманкеси” фестивалынан 1-орун­ду алган.

– Назира, сиз кичинекей кезиңизде эле азыркыдай “шустрый” болсоңуз керек эле?
– Мен кичинекейимде өзүмдү эркекмин дечүмүн. Анткени, жалаң эркектер менен ойноп жүрө берип, мүнөзүм да эркектердей болуп калган эле. Көчөдөн бирөө-жарым “ай, кимдин кызы болосуң?” деп сурап калса: “Мен кыз эмесмин, Солтонун баласымын!”- дечүмүн шыр эле. Көчөдөгү балдардын баары менден коркушчу. Үйүбүздүн алдында үч чоң дарак болоор эле. Анын бирине “самолётум”, экинчисине “вертолётум”, үчүнчүсүнө “автобусум” деп ат коюп алгам. Кошуна балдарды болсо каалаган “унаасына” акча төлөтүп отургузчумун да, өзүм “айдоочу” болуп алчумун. “Жүргүнчүлөрүмдүн” айрымдарынан кайтарганга акчам жок болуп калганда “майда болгондо берем” деп ашыкча акча алып койчумун да. Анан алар мектепте “сиңдиңиз мага акча карыз болчу, бериңиз” деп эжемдин айласын кетиришчү экен. Эжем болсо апама келип алып менин үстүмөн арызданып калчу. Анысы аз келгенсип, улуу агамды туурап күрөшкө катышчумун. Атам кээде достору менен мелдеше кетип, алардын эркек балдары менен мени күрөшкө чыгарып койчу. “Кызым, менин намысымды коргоп тигил баланы жеңсең, мен сага элүү тыйын берем”,- десе, эптеп акчаны алыш үчүн жан-алым калбай күрөшүп, жеңип койчумун.
– “Өзүмдү эркек катары саначумун” деп жатпайсызбы. Анан качантан баштап “кыз” боло баштадыңыз?
– Агам күн сайын гантелдерди көтөрүп машыгып, күзгүгө карап булчуңдарын, төштөрүн чыгарса, мен да аны туурап калчумун. Кыздар менен такыр сүйлөшпөгөн үчүнбү, менде ал кезде «жашы жеткенде кыз баланын төшү чыгат» деген түшүнүк жок эле. 6-7-класстарда чын эле төшүм чыкса, мен “аа, машыкканымдан төшүм чыккан турбайбы” деп ойлоп коюптурмун. Бир күнү агамдын спорттук майкасын кийип алып көчөдө итимди жетелеп жүрсөм, апам көрүп калып: “Кокуй, мени элге шерменде кылганы жатасыңбы? Кир үйгө!”- деп урушуп киргизип, менин жашым жетип, төшүм чыкканын түшүндүрүп берген. Ошондон баштап апам мени мурдагыдан катуураак көзөмөлдөй баштады. Мен болсо баары бир деле үйрөнгөн адатымча көчөгө чыгып, балдар менен ойноп кетчүмүн.
– Сиздер Алина Жетигенова экөөңүздөр бир тууган эмессиздерби. Эжеңиз менен чогуу өткөргөн балалыктын үзүм­дөрүнөн эсиңизде калгандары барбы?
– Биз алты бир тууган болсок, анын ичинен экөөсү, Алина эжем менен Алмаз байкем айылда, чоң атамдардын колунда өсүшкөн. Мен Алина эжем менен бир тууган экенимди 1-класска окуганга чейин билген эмесмин. Каникулдарда биздикине келип калышканда: “Алмакан жинди!”- деп качып, жинине тие бергеним эсимден кетпейт. Кийин 10-классты бүткөндө өз ата-энесинин колуна, башкача айтканда, биздикине келген. Анда да эжем экөөбүз аны бөлүп, атамдар ага кийим-кечек сатып беришсе “эмне эле атам карындашына кийим сатып берип жатат?” деп жинибиз келчү.
– Бизде аялзатынан куудул чанда чыгат эмеспи. Сиз кандайча куудул болууну чечип калдыңыз эле?
– Мен кичинекей кезимден эле “клоун болом” деп бетиме сүрөттөрдү тартып алып кичинекей “концерттик программа” менен көчөлөрдү аралап “гастролго” чыгып келчүмүн. Мектепте да интермедияларды аткара коюп жүрчүмүн. Классташтарым мени “Шаршен” дешчү. Бул биринчиден, менин фамилиямдан алынган кличка болсо, экинчиден, куудулдугума байланыштырып ушинтип коюшчу. Менин фамилиям Жетигенова эмес, Шаршенова. Жетиген – менин чоң атамдын атасы. Алина эжемди чоң атамдар багышкан үчүн аны өздөрүнүн фамилиясына жаздырып коюшкан. Мен сахнага жаңыдан чыгып жүргөндө “Алина Жетигенованын сиңдиси экен” деп жүрүшүп, өзүмчө эле Жетигенова деген фамилияга ээ болуп калгам. Ошентип, “клоун болом” деген кичинекей кезимдеги тилегим ишке ашты окшойт. Бирок, 8-классты бүткөн соң атам менин “актриса болом” дегениме карабай, медициналык орто окуу жайга тапшырттырып койду да, өздөрү Бишкекке көчүп келе беришкен. Көңүлүм жок болгондуктан, анда 1-1,5 ай гана окудум. Анан окуумду таштап салып, мен да алардын артынан Бишкекти көздөй жөнөдүм.
– Бишкекке келсеңиз бул жакта сизди кандай тагдыр күтүп туруптур?
– Бишкекке келген соң “артист болом” дей берсем Алина эжем менин көңүлүмдү кыя албай Улуттук филармониянын алдындагы эки жылдык бий студиясына киргизип койду. Ал кезде бир топ эле толук кыз болчумун. Ошондо бийлегенимди эстесем азыр деле күлкүм келет. Элестет, күрөш менен машыгып жүргөн толук кыз эле бийлеп жатса. Андан да Алина эжем сатып берген балериналардыкындай кыска юбканы кийип алам. Жакшы эле бийдин кыймылдарын жасаганга аракет кылчумун. Болбой эле олдоксон көрүнсө керек, менин бийлегенимди көргөн ошол жердегилер боорлору эзилгенче каткырышчу.
– Чоң сахнага биринчи жолу качан чыктыңыз эле?
– Алина эжем мени такыр тобуна кошчу эмес. Гастролдорго чыгып баратканда ээрчисем: “Сен ал жакта эмне кыласың?”- деп албай койчу. Бир күнү Ошко баратканда дагы ээрчисем жездем, Алина эжемдин күйөөсү эжеме айтпай машинага салып алды. Алина эжем менин баратканымды жолдун жарымына жетип калганда көрүп жатпайбы. Ошол күндөн баштап мен алардын тобунда запастагы адам катары иштей баштадым. Кассада адам жок болуп калса, ошол жерден кассирге айланып, музыкалык аспаптарды ойной турган адам жок болуп калса, ал жерге туруп, кыскасы, ким жок болсо, ошонун ордуна иштей берчүмүн. Биринчи жолу мындан 6-7 жыл мурун Спорт Ордосунда Анвар Асанакунов менен чоң сахнага чыккам. Толкунданганымданбы, бетиме оголе көп пудра коюп алыптырмын. Аппак болуп эле сахнага чыга калсам Анвар байке: “Ии, аппак шейшепти кесип, бетиңе чаптап алып кайдан келатасың?”- деп жатпайбы элдин көзүнчө. Өзүмдү токтото албай күлүп жатам, күлүп жатам. Акыры токтобой койгонумда: “Эмне, Көлдүн чөбүнөн чегип алдың беле? Бар, жогол!”- деп сахнадан кууп чыккан. Сахнанын артына өтсөм Алина эжем аябай урушту. “Экинчи сахнага чыкпайсың!”- деген болчу ошондо. Мен болсом тескерисинче, кайра күч алып, чыга баштадым.
– Азыркы учурда чыгармачылык жактан сизге ийгилик келди десек жаңылышпайбыз. Демек, сиз буга чейин эле чыгармачылык менен иштеп жүргөн экенсиз да?
– Буга чейин ресторанда официантка болуп иштеп жүрдүм. Кийин администратор болуп которулдум. Андан кийин башка ресторанда, кийин дү­көндө иштедим. Эки кызымды жалгыз тарбиялайм, аларды эч нерседен кем кылбай багышым керек да. Жетекчилерим да мени жакшы түшү­нүшчү, гастроль башталганда бошотуп коюшуп, бүткөндө кайра келип алып иштей берчүмүн. Азыр болсо бир гана чыгармачылык менен алектенип жатам.
– Кыздарыңыз канчада?
– Мен өзүм он жети жашка толо элегимде турмушка чыккам. Тилекке каршы, төрт жыл чогуу жашаган соң ажырашып кеткенбиз. Ал кездеги тырмактай кыздарым азыр чоңоюшуп, улуу кызым Айпери 16га кетти, кичүүм Азиза 14 жашта. Бирөө­сүнүн бийге, экинчисинин ырга шыгы бар. Бирок, мен алардын башка кесиптин ээлери болуусун каалайм.
– Сиздин куудулданганыңызга кыздарыңыз, туугандарыңыз каршы болушпайбы?
– Жок, тескерисинче, сүйүнүшөт. Апам ар кайсы жерден уккан күлкүлүү сөздөрүн жазып алып, мага алып келип берет. Жакында эле бир тойго барып, бирөөнүн сүйлөгөн тостунан “алысты жакын кылган – сотка, аракты таттуу кылган – водка” деген сөздөрдү жазып келиптир. Апам да аябай макалдаштырып, кээде куйкум сөздөрдү кошуп сүйлөп калат. Биз аны Вера Петровна деп коёбуз. Өзүнүн аты Бермет. Биз баарыбыз узун коридордогу бөлмөлөрдө кошуна болуп жашайбыз да. Биринчи бөлмөдө Алина эжемдер, анан мен кыздарым менен, анан апам болуп. Апам эртең менен туруп ашкананын эшигине отуруп алат. Биз болсок концерттен кеч келип жатып, эртең менен кеч турабыз да. Чачтарыбызды үрпөйтүп эле ар бир бөлмөдөн үчтөн-төрттөн болуп чыгып келатсак апам: “Айланайындар, менин таракандарым туруп келатышкан турбайбы”,- деп коёт.
– Өнөгүңүз Жакут Сыдыков менен жакшы эле тил табышып жатасызбы?
– Жакуттун адамгерчиликтүү мүнөзү мага аябай жагат. Экөөбүз сахнада да бири-бирибиздин сөздөрүбүздү айттырбай улап кеткен жакшы өнөктөрдөн болуп чыктык. Ал жакында автокырсыкка учурабады беле. 1,5-2 айдай төшөктө турбай жатты. “Дагы бир аз жата тур”,- десем болбой, “сахнаны сагындым” деп чыгып алды. Азыр экөөбүз концерттерге катыша баштадык. Бир интермедиябыздын мен аны бутунан кармап айланткан жери бар болчу. Өткөндө бутунан акырын эле кармап айланткам, эртеси кыйналып калыптыр. Эми бутунан эмес, жакасынан кармап айлантып жатам.
– Чыгармачылык менен катар жеке жашооңуз тууралуу ойлонгонго да убакыт жетип жатабы? Качан турмушка чыгайын деп жатасыз?
– Артымдан чуркап, үйлөнүү тууралуу сунуш кылгандар бар. Бирок, менин турмушка чыгайын деген оюм жок. Чыгармачылыкка эми эле киришпедимби. Эргүү менен жазылган эки сатирам ойнолуп жатат. Дагы иштелип чыга элек сатираларым бар. Мен турмушка чыгып кетсем ал сатираларым ойнолбой калбайбы.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: