Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мирбек Атабеков: «КЫЗДАР МЕНЕН ТҮЗГӨН МАМИЛЕМ БИР АЙГА ГАНА УЛАНДЫ»

№258 12-18-октябрь, 2007-ж.


Учурдун популярдуу ырчысы, сахна жылдызы Мирбек Атабеков «Жүрөгүм» аттуу жеке концертин берүү алдында турат. Андан сырткары, жакында машиналуу да болду. Мирбектин темир тулпары, чыгармачылыгындагы жаңылыктары жана башкалар жөнүндө кенен маек сиздердин назарыңыздарда.

– Мирбек, машина алган турбайсыңбы. Кут болсун!
– Рахмат. “Ниссан” маркасындагы күмүш түстүү бул машинаны алганыма бир жумадай убакыт болуп калды. Азыр шаарда эркин айдаганга жетишип калдым.
– Сени менен тең сахнага чыккандардын кээ бирлери бирден эмес, экиден машина алганга үлгүрүштү. Сен эмнегедир эми алыптырсың.
– Мен башында машина айдаганга такыр кызыкчу эмесмин. Акыркы кездерде эмнегедир аябай зарыл боло баштады. Анан апамдын кеңеши менен салондору кенен жана жумшак ушул машинаны 5 миң долларга сатып алдым.
– Мурун машина айдаганды билчү белең?
– Анча-мынча эле айдап көргөнүм болбосо, жол эрежелерин билчү эмесмин. Анан атайын окуп, айдоочулук күбөлүгүн алгандан соң гана эркин айдай баштадым. Бирок, бир-эки жолу жол эрежесин бузуп алдым. Жакында күзгүнү карабай эле бурулуп жиберсем, бир машина артымдан келип сүзүп кетээрине аз калды.
– МАИге кармала элексиңби?
– Айдоочулук күбөлүгүмдү алган күнү кармалдым. Шашып баратсам токтотуп калды эле, күбөлүгүмдү көрсөтсөм: “Аа, Мирбек Атабеков деген сенсиңби? Күбөлүктү бүгүн алган турбайсыңбы?”- деп калды. Шашып баратканымды түшүндүрсөм, коё берди.
– Машина алганга чейин транспорттун кайсы түрү менен жүрчү элең?
– Мектепте окуп жүр­гөндө троллейбус менен жүрчүмүн. 11-классымда эле кафелерде иштей баштагам да. Ошондо өзүм ак­ча таап баштагангабы, такси менен жүргөнгө көнүп алгам. Ошондон бери эле такси менен жүрөм.
– Таксиге акча көп кетет бекен же бензингеби?
– Бензинге караганда таксиге үч-төрт эсе көп кетчү. Машинанын дагы бир жакшы жери – болгон жумушуңдун баарын бүтүрүп алат экенсиң. Мурун өтө зарылдарын эле бүтүрүп, башкасы калып калчу.
– Машинаны продюсериңден мурун алып алганың туура элеби?
– Буюрса, жакында Канат байке да машина алат. Анан калса, мен бул машинаны чыгармачылыктан тапкан акчага алган жокмун. Эгер андай болсо мен мурун эле сатып алмакмын. Муну чыгармачылыктан тышкаркы ишимден түшкөн акчага алдым.
– Сыр болбосо эмне бизнес?
– Эми аны сыр кылып эле коёюн, бизнес дегидей деле эмес, чыгармачылыктан тышкары бир иш менен алектенем.
– Сен көчөдө элден жашырынып жүрөсүңбү?
– Андай убактар деле болгон. Кепканы басып кийип, кара көз айнек тагып алып дегендей. Бирок, чыныгы күйөр­мандарым миң жашырынганда деле таанып коюшат. А тааныбагандар тааныбайт. Биз теледен, сахнадан макияж менен таптакыр башкача көрүнөбүз да. А көчөдө жүргөндө жаныма келип, бетиме үңүлүп деле “Аа, бул Мирбек эмес экен” деп кетип калгандар болгон. Азыр болсо эч кандай жашырынып корунбай, кандай болсом, ошондой жүрө берем.
– Сен жайы менен гастролдордо жүрбөдүңбү. Кайсыл жерде өткөн гастролуң өзгөчө эсте калаарлык болду?
– Негизи, өлкөбүздүн кайсы жерине барбайын, ар бири өзүнчө кызык болуп жатты. Бирок, Токтогулда болгон концертим эсте калаарлык болду десем жаңылышпайм. Концерт алты жарым-жетилерде башталмак. А бизге чейин техникалык топ башка машина менен барып, аппаратураларды жайгаштырып турушмак. Биз концерт башталаарга аз убакыт калганда клубга барсак, аппаратура түгүл эч ким жок. Көрсө, алардын машинасы бузулуп, жолдо калып калышыптыр. Эл болсо жамгыр жаап жатканына карабай күтүп жатышат. Ошентип, өзүбүз жергиликтүү музыканттардын аппаратураларын сураштырып, аларды жайгаштырганыбызча түнкү саат он эки жарым болуп калды. Элдер болсо дагы деле күтүп жатышат. Ошентип, концертибиз он эки жарымда башталып, үчтөрдө бүттү. Алып баруучубуз да жолдо калып калгандыктан, бул концертте өзүм ырчы, өзүм алпаруучу болдум. Таң атайын деп калганына карабай элдер кол чабышып, колдошуп, аябай шаңдуу отурушту. Ошондо мен Токтогул элине өтө чоң ыраа­зы болдум. Жакында эле Караколдо болгон концертимде болсо кыздарга кепкамды жулдуруп жибердим. Кыздарга автограф берип жатсам, бир кыз келип башымдагы кепкамды алып кетип жатпайбы. Мен буга капа деле болгон жокмун. Ал деле балким, жакшы көрүп, балким, ырым кылып алгандыр. Ошол жумада “Бравого” чыксам: “Кепкаңызды берейинби?”- деп билдирүү жазып жибериптир. Мен да тамашалап: “Кыш жакындап, суук боло баштагандыктан, үшүп жатам. Берип жиберсеңиз жакшы болот эле”,- деп койдум.
– Ар бир жердин өзүнүн тентек балдары болот эмеспи. Андайлардын жерине барган ырчыларга кыр көрсөткөн учурлары кездешет. Сага да ошондойлор туш болду беле?
– Жакшы сүйлөп, жакшы ырдап эле өз жолуң менен кетип калсаң алар деле тийишпейт окшойт. Мен андайларга туш боло элекмин. Албетте, кээде мастардын тийишкен учурлары болот, биз аларга теңелбейбиз.
– Гастролдон таап келген акчаңды эмне кыласың?
– Биринчи кезекте чыгармачылыкка жумшайм. Андан калганын апама берем, туугандарыма жардам берем. Жакында эле үйдү жакшы оңдоодон өткөрдүм. Короолорго чейин оңдоо иштерин жүргүздүк.
– Үйүңдү оңдоп калыптырсың, жакында үйлөнбөйсүңбү?
– Жо-ок, үйлөнүү тууралуу ой жок. Мурдатан бери эле үйдүн чала жерлерин оңдотоюн деген ойлорум бар эле.
– Үйлөнүү тууралуу оюң жок болсо да сүйлөшкөн кызың бардыр?
– Чыгармачыл адамга кыз менен жүргөн деле жарашпайт окшойт деп ойлоп кеттим. Ырас, бир эмес, эки кыз менен мамиле түзүп көрдүм. Албетте, бир убакта эмес. Бирок, болбоду. Экөө менен тең мамилем көп болсо бир айга уланды. Жакшы эле жолугушууну белгилейм да, өзүм бара албай калам. Же кандайдыр бир съёмка чыгат, болбосо дагы бир иш чыгат. Ошентип, ал кыздарга өзүм калпычы боло баштадым. Анан мага азыр кыз жандоо ашыкчылык кылаарын сездим.
– Аларды сүйүп, олуттуу мамиле түздүң беле же?..
– Сүйдүм деп ойлогом. Көрсө, сүйбөп­түр­мүн. Сүйүү деген башкача болот. Ал мындан бир нече жыл мурун менин башымдан өткөн. Эгер чындап сүйсөм, эч нерсеге карабайт болчумун. Съёмка эмес, башка болсо да таштап, сүйгөнүм менен кетип калат болчумун.
– Күйөрман кыздарың чачтан көп болсо керек. Тынчыңды алып, тажатышпайбы алар?
– Андай деле тажатышпайт. Эгер тажатышканынан корксом, ырчы болмок эмесмин. Ушуга байланыштуу бир окуя айтып берейин. Өткөндө Канат байке, дагы бир бала болуп кафеге кирип баратсак, кафенин эшигинде турган бир кыз келип эле: “Кандайсың?”- деп мени өөп калды. Канат байкелер тааныш кызы деп ойлошсо керек, мага карабай эле кирип кетишти. Кыз болсо мени кармап алып өпкүлөп кирсе болобу?! Сүйлөшөйүн десем сөзгө келбей эле кучактап алып оозу жеткен жеримдин баарынан өпкүлөдү. Же кагып салып кете албайм. Кыздарга катуу сүйлөй албайм да. Ишенсеңер, ал кыз менен бир саатка чейин алыштым. Акыры эптеп алдап отуруп кирип кеттим.
– Сага ушундай популярдуулукту алып келген жанга жагымдуу ырларың эмеспи. Өзүңө өзгөчө жаккан ырың кайсы?
– Ырларың эскирген сайын албетте, алардан тажайсың. Ошентсе да бардык эле ырларым өзүмө жагат. Бирок, мен өзүмдүн ырларымды укпайм. Менин ар бир ырымда башкаларга билинбеген, өзүмө гана байкалган кемчилик бар. Ыр жазылып бүткөн соң “бул жерин минтип ырдасам болмок экен” деп кемчилик таап эле турам. Ошондуктан, укпай да коём.
– «Алтын энем» деген ырың популярдуулуктун туу чокусуна чыкты десек жаңылыштык болбос. Бул ырың кандайча жаралып калды эле?
– Менин чоң апамдын колунда өскөнүмдү көпчүлүк эле билсе керек. Чоң апама арнап ыр жазсам деген тилегим анын көзү тирүүсүндө эле бар болчу. Бирок, үлгүргөн жокмун. Бир күнү таксиде кетип баратып, оюма кандайдыр бир кайрыктар келди. Кыңылдап улам-улам ырдап койсом айдоочу мени таңкалып карап коёт. Ага да көңүл бурбай кайталап келе бердим да, бул кайрыктардан ырдын кайырмасын жараттым. Ушуга улай эле ырдын куплетинин обону да жаралып калды. Бул ырды чоң апам өзү укпай калганына өкүнөм. Бирок, элге кеңири тараганы албетте, кубандырбай койбойт.
– Чыгармачылыгыңа сын айткандар болобу?
– Болуп калат. Дал ушул «Алтын энемде» «сөздөр туура эмес жазылып калыптыр» деген сынды уккам. Чын эле эки жеринде кемчилик кеткенин моюнума алдым. Мындай адилет сындарды мен туура эле кабыл алам.
– Концертиңе даярдык кандай?
– Даярдык буюрса, катуу жүрүп жатат. Бул концерт мурунку эки концертимден да жогорку деңгээлде өтүшүнө ишенем. Жаңы ырлар, жаңы костюмдар, жаңы... Кыскасы, бүт баары жаңы болот. Бул концертти аман-эсен өткөрүп алсак, анан дароо эле жазда болуучу жыйынтыктоочу концертке даярдана баштайбыз.
– Жыйынтыктоочу дегениңди кандай түшүнөбүз?
– Минткен себебим, жазында Канат байке экөөбүздүн келишимибиздин мөөнөтү бүтөт. Ошого карата чоң концерт беребиз.
– Андан соң кандай пландарың бар? Канат менен келишимиңди узартасыңбы же өз алдыңча иштейсиңби?
– Узартпайм го. Буюрса, чоң фестивалдарга даярдык көрө баштайм. Азыр деле коңшу өлкөлөргө иштөөгө сунуштар түшүп жатат. Бирок, мен буларды кийинки планга калтырдым. Ал жакка кетүү оюмда жок, бирок, фестивалдарына, конкурстарына катышуу жөнүндө чоң максатым бар.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: