Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ильяз Абдыразаков: «ОШОЛ КЫЗДЫ ЖОГОТУП АЛГАНЫМА АЯБАЙ КАПА БОЛДУМ»

№259 19-25-октябрь, 2007-ж.


Бул ырчы жигит чыгармачылыктагы ар кандай тоскоолдуктарга, бут тосууларга туш болуп көрдү. Бирок, чыныгы талант өлбөйт экен. Тескерисинче, Ильяздын чыгармачылыгы учурда кайрадан жанданып, бир тепкичке көтөрүлгөндөй болду...

– Ильяз, жакында эле Россияда жүргөн мекендештерибизге концерт берип келгениң жөнүндө уктук эле. Гастролуң кандай болду?
– Жакшысы да болду, жаманы да болду. Жакшысы – тиричиликтин айынан өз мекенинен алыста жүргөн кыргыздардын көңүлүн алып, өзүм да сыйын көрүп келдим. Жаманы – мени менен чогуу барган бөлөм Фархаттын Россиянын СИЗОсунда 40 күн жатып келгени жана автокырсыкка учураганыбыз болду.
– Эмне болгон автокырсык? Кайсы СИЗО?
– Фархат концерттин алпаруучусу болмок. Бул жактан машина жалдап, мен, ал, Санжар Бердибеков, администратор жана башкалар болуп чыкканбыз. Казакстандан өтүп, Россияга кире бериштеги бажыдан документтерибизди текшерип, Фархаттын паспортунан айып таап алышты. Бизди коё берди да, Фархатты алып калышты. Эмне кылмакпыз, Свердловск шаарындагы тааныштарыбыздан акча алып, кайра Кыргызстанга кайттык. Бул жакка келип өзүмдүн машинамды сатып, кайра арзаныраак машина сатып алдым да, арткан акчаны жол кире кылып, кайра жолго чыктык. Фархатты чыгарыш керек, ал жакта концертибиз да уюшулуп калган да. Ошентип, машинаны өзүм саатына 140 километр ылдамдык менен айдап, бат эле Свердловск шаарынын аймагына да жетип калдык. Жамгыр жаап жаткан. Бир маалда көзүм илинип кетип, руль колумдан чыгып кетиптир. Жанымдагы администраторумдун: “Эмне болуп жатасың?”- деп жулкулдатып жибергенинен ойгонуп кетсем, машина шагылдын үстүндө чимирилип жатыптыр. Машина айланып-айланып тайып барып токойдун ичине кирип кеттик. Артта уктап жаткан Алтынбек байке менен Санжар байкелер да ойгонушуп, баарыбыз сыртка чыксак, машинабыздын соо жери калбаптыр. Дөңгөлөктөрү көрүнгөн жакка ыргып, фаралары сынып, машина өзү мыйрыйып... Кудайга шүгүр, төртөөбүздүн эч бирөөбүз эч кандай жаракат албаптырбыз. Ушунубузга сүйүнүппү, төртөөбүз бири-бирибизди карап алып бир топко чейин каткырдык. Анан эсибизге келип, Свердловск шаарындагы тааныштарыбызга телефон чалсак, алар эки сааттан кийин келишип, машинабызды сүйрөтүп, өзүбүздү алып кетишти. Машинаны оңдоочу жайга калтырдык да, өзүбүз Россиянын шаарларын кыдырып, гастролубузду баштадык. Албетте, гастрол өзүнөн-өзү уюшулуп калган жок, ошол жактагы диаспоралардын жетекчилери бизге жардам беришти.
– Россиядагы кыргыздар сени жакшы эле таанышат бекен?
– Ооба. Ал жакта да менин Кыргызстандагыдай эле күйөрмандарым бар экен. Бизден кыргызча дисктер жарык көрөөрү менен эле бир жумадан кийин Россияга жетет турбайбы. Россиянын жети жерине он эки концерт койдук, бардык жеринде зал толо эл келип жатты. Ал жакта концерттер кымбат экен, мисалы, Москвада бир билетибиз сомго айландырганда эки жарым миңден сатылды, эң арзан сатылган жери Свердловск болду – беш жүз сомдон. Ошондой болсо да акчаларын аябай, концертке келип бергендерине ыраазы болдук. Анан да ал жактагы мекендештерибиз аябай ынтымактуу, сыйчыл болушат экен.
– Россияда да бул жактагыдай фанаттарың бар бекен?
– Өтө деле чектен чыккан фанаттарды көргөн жокмун. Бирок, телефон чалышып, жолугуп, сүйүүлөрүн билдирген кыздарга жолуктум. Анан да белекке маарып келдим. Кетип баратканда бир эле кичинекей сумка менен кеттим эле, келе жатканда ичине белек толгон чоң-чоң сумкалар менен кайттым.
– Акчага, белекке го маарыпсың, СИЗОдо калган бөлөң эмне болду?
– Концерт менен эле катар адвокат жалдоо, сүйлөшүү иштерин жүргүзүп жаттык. Биздин гастролубуз бүткөндө Фархаттын соту да болуп калды. Концерттен тапкан акчабыздын 5-6 миң долларын берип, аны чыгарып алдык. Аны чыгарган соң баягы оңдоочу жайга таштаган машинабызга келсек, толук бүтө элек экен. Айла жок, кыйшайган абалында айдап келе бердик. Кудайга шүгүр, баары артта калды. Фархатты аман-эсен чыгардык, авария болгон машинамдын ордуна жапжаңы машина сатып алдым, мени менен кошо барган балдарды да нааразы кылбай, тиешелүү акыларын бердим.
– Рамазан айында орозо кармадыңбы?
– Мен биринчи классымда бир маал намаз окуп, орозо кармачум. Балалык кыял менен чаңкап кетсем “эч ким көрбөйт” деп жашынып суу ичип алганымды эстеп азыр күлкүм келет. Жылдагыдай эле бул жылы да орозо кармап, күнөөлөрүмдөн арылдым.
– Күнөөң көппү?
– Күнөөсүз пенде болмок беле? Көп болбосо керек, бирок, албетте, бар.
– Ильяз, уккан кулакта жазык жок дейт, сени “баңги затын колдонот” деп уктум эле. Бул тууралуу өз оозуңдан уккум келип жатат.
– Күлкүлүү ушак го... Бул ушакты чыгаргандар кечирип коюшсун, мен эч кандай баңги затын колдонбойм. Албетте, актанбайм, бирок, Кудай алдында тазамын. Мен ата-энемден тээ өспүрүм кезимде кеткем. Бузулсам, ошондо эле бузулуп кетмекмин. Бирок, ата-энем ошончо ишенип коё беришкен соң, алардын ишеничин акташым керек да. Мен ушул убакка чейин спирт ичимдиктерин, ал эле эмес, пивонун да даамын татып көргөн эмесмин. Анан калса орозо кармап, намаз окуган адам мындай нерселер менен алектенбесе керек.
– Ылайым ошондой эле болсун. Жакында тартылып бүткөн “Кайып булак” фильмине сен да катышпадыңбы. Фильмге тартылуудан кандай таасирлерди алдың?
– Негизи, мен актёр боло албайт экенмин. Чынын айтсам, кайра-кайра бир эле нерсени кайталай бергенден тажап кеттим. Кокусунан дагы фильмге тартылууга сунуш түшүп калса, баш тартат болушум керек. Фильм бүткөндөн кийин көрүп алып, өзүмдөн-өзүм аябай уялдым.
– Эмнеге?
– Менин андагы жараткан образым өтө эле жаш баланын образы болуп калыптыр. Фильмде коркуп, элден бөлүнүп машинаны айдай качкан жерим бар. Жашоодо мен андай эмесмин. Эгерде кинодо эмес, жашоодо ошондой абалга туш келип калсак, эң акырында мен калсам керек эле. Негизи, мага бул кинонун саундтрегин жазуу үчүн заказ түшкөн эле. “Мен бактымды издедим” аттуу ырдын обонун жазып жатып кинонун сценарийи менен таанышып, катышып калдым.
– Эмнегедир сенин башка ырчы жигиттердей болуп сахнага чыкканыңда макияж колдонуп, чачыңды жасатканыңды көрбөйбүз.
– “Кичине өзүңө карап, чачыңды жасатып чыксаң боло” деп көп айтышат. “Кеңешиңе рахмат, жардам керек болсо өзүм кайрылам” деп андай “кеңешчилерди” акырын жолго салып коём. Эмнегедир башынан ушул нерсеге жокмун. Өмүрүмдө биринчи жолу “Сагынамын сени” деген ырымдын клибин тарттырганда чачымды жасаттым. Анда да жүз сомдук эле чачтарачканага кирип алыптырмын. Мага негизи денемди жапкан, жарашыктуу кийим болсо болду. Кандай болсом, элге ошол боюнча көрүнгүм келет. Кийимдердин да модасын куубайм. Кээде чогуу жашаган досторум модалуу кийимдерди алып келип калса байкабай кийип алам да, бир-эки кийген соң чечип салам.
– Кийимдердин канча сомдугун жана кайсыл жактан сатып аласың?
– Базардан эле алам. Мага 500 сомдон жогорку кийимдер өтө берет. Айтпадымбы, көп деле кийимге кызыга бербейм. Ар бир мезгилге бирден кийим сатып алып коём, болду.
– Базардан күйөрман кыздарыңа жолугуп калып, ыңгайсыз абалга туш болуп калбайсыңбы?
– Андай учурлар болот. Одоно тийишип, колдору менен көрсөтүп калышат.
– Ошентсе да күйөрман кыздарыңдын сунушунан баш тартпайт турбайсыңбы. Өткөн сандагы “Тамаша тордон” улам айтып жатам.
– Чынын айтсам, мен өмүрүмдө биринчи жолу ошондой үнү жагымдуу, сөздөрүн өз орду менен сүйлөгөн кызга туш келсем, аным да розыгрыш болуп калбадыбы. Ырас, кыздар өтө көп телефон чалышат. Бирок, обу жок сүйлөшүп же сүйлөбөй коюп сала беришет. Мен “Тамаша торго” түшкөнүмдү билбей, аябай ишенип, берилип алыптырмын. Оюмда ошол кыз менен чын эле мамиле түзүп алайын деп жаткам. “Тамаша тор” экенин билгенде аябай капа болбодумбу. Эмнеге дебейсизби? Ошол кызды жоготуп алганыма.
– Эгер “Тамаша тор” болбогондо, чын эле чакырган жерине барат белең?
– Түн ичинде барбайт болчумун. Жанагы төшөк-мөшөк жөнүндөгү сөздөрдү тамашалап эле айткам. Бирок, кийинки күнү телефонуна чалып, күндүз өзүм жолугушууга чакырайын дегем.
– Дагы деле аранжировка жасап жатасыңбы?
– Өзүмдүн жеке концертиме даярдануу үчүн токтотуп койгонум болбосо, ага чейин жасап эле жаткам. Үйдүн бир бөл­мөсүндө иштейм, ошол жерден тамактанам, ошол жерге уктайм. Анын үстүнө аранжировка жасаткан ырчылар да кирип-чыгып жүрө беришет. Өз үйлөрүн­дөй эле кааласа калып калышат, үйдө эч ким жок болсо ачкыч менен дарбазаны ачып кирип, күтүп отурушат. Эми эле үйдү жыйнасаң, бири буту менен кирип кетип, дагы бири чачып кетип, кыскасы, үйүмдөн адам да үзүлбөйт, жыйналбайт дагы.
– Менчик үй сатып алдыңбы?
– Менчик үй буюрган күнү болот, азырынча жер үйгө акы төлөп жашайм. Эми кышында кабат үйгө көчүш керек болуп жатат. Бирок, ал жакта иштегенге ыңгайсыз болгондуктан, бир чети кетким да келбейт.
– Жеке концертиңе даяр­дык кандай жүрүп жатат?
– Бул концертте эски ырлардан “Карындашым” менен “Ай мончок” эле ырдалат. Калган ырларым да, формаларым да баары жаңы болот. Ошондой эле бул концертте “Карындашым” деп аталган үчүнчү альбомумдун бет ачары болот.
– Сенин жаңы ырларың теле-радиолордон жакшы берилип жатпайбы. Бир жолу сага бут тосушуп, ырларыңды эфирден бербей жаткандыгы жөнүндө айттың эле. Ал бут тосууларды кантип жойдуң?
– Ал бут тосууларды мен эмес, “Европа плюс” радиосунун директору жойбодубу. Тамаша. Билбейм, мен азыр андай бут тосууларга да көңүл бурбай калгам. Негизгиси, жакшы ыр жаратып коём, ырдап коём, өзүм менен өзүммүн. Азыр көп берилип жаткан “Сагынамын сени” деген ырымды сахнага жаңыдан чыга баштаганда жаздыргам. Өзүмө жакпай калгандыктан, ырдабай койгон элем. Арадан бир топ убакыт өткөн соң эмнегедир соткаларга жайылып кетиптир. Анан да “Тилек деген бала ырдайт” деп чыгарып алышыптыр. Ушундан кийин кайра жаздырып, башынан ырдап чыктым. Азыр ыр дагы, клиби дагы элге жакшы тарап жатат. Андан башка жаңы ырларымды радиолорго берген жокмун. Буюрса, концертимде уга аласыздар.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: