Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Алихан: «МЕН ПОЕЗДДЕ ЖҮРҮП ЧОҢОЙДУМ»

№261 2-8-ноябрь, 2007-жыл.


Жыл өткөн сайын өлкөбүз жымыңдап улам пайда болуп жаткан өнөрпоздорго байыгандан байып баратат. Биз сөз кыла турган ырчы жигит Алихан жылдызчадан жылдызга айланып бараткандардын бири. Ал 1989-жылы 1-майда Токтогул шаарчасында туулган. Үйбү­лө­дө жалгыз бала. Бойдок.

– Алихан, сенин сахнага чыгып ырдай баштаганыңа жыл айлана элек. Ырчы болгонго чейин кайда, эмне иш кылып жүрчү элең?
– Ооба, мен сахнага биринчи жолу былтыр эле Мирбек Атабековдун концертинде чыккам. Ага чейин Юридикалык Академиянын колледжинде окуп, бир гана сабак менен алек болчу элем. Азыр окуума чыгармачылыгым да кошулуп, бир аз түйшүк көбөйүп калды. Ошентсе да азыр 3-курста ийгиликтүү окуп жатам. Ырас, кээде чыгармачылыкка алаксып, сабакка жетишпей калган учурларым болот. Бирок, менин максатым – келечекте мыкты юрист болуп чыгуу.
– “Ашыкмын” деген ырыңдын клибиндеги студенттер өзүңдүн группалаштарың эмеспи?
– Жок, алар «Стар Денс» шоу-балетинин бийчилери. А негизги ролдогу кызды болсо Канат байке башка жактан тапкан. Ал эми өзүмдүн группалаштарым менин күйөрмандарым эмес. Алар мага ырчы катары эмес, катардагы эле группалашы катары мамиле кылышат.
– Бири-бирине жакындыгы жок юридикалык билимиң менен ырчылыкты айкалыштырып кеткениңе эмне себеп болду?
– Мен күтүлбөгөн эле жерден ырчы болуп калган жокмун. Ырдаганга кичинекей кезимден кызыкчумун. Анын үстүнө мен таенемдин колунда өскөм. Таенем болсо аялдардан чыккан жалгыз семетейчи Сейдана Молдокеева. Балким, менин ырга шыктуу болуп калышыма таенемдин да чоң таасири тийгендир. Анткени, мен мектепке бара элек кезимде таенем мени маңдайына отургузуп алып, “Манас”, “Семетей” эпосторунан үзүндүлөрдү айтып берчү. Анда албетте, бирин түшүнсөм, бирин түшүнчү эмесмин. Ошентсе да берилүү менен угуп, таенемдин айтып бергендерин көз алдыма элестетип отураар элем. Ал эми апам болсо белгилүү акын Бактыгүл Сейитбекова. Апамдын учурда 7-китеби жарык көрдү.
– Демек, сен апаң тараптан алып караганда белгилүү адамдардын баласы турбайсыңбы. Ал эми атаң да таланттуу адамбы?
– Жок, атамдын чөйрөсү башка. Мен апамдын колунда өстүм. Апам экөөбүздүн башыбыздан оо, көп нерселер өттү. Бишкектен Россияга товар ташып коммерция кылдык, алыс жолдун, бөтөн жердин түйшүгүн көрдүк. Кыскасын айтканда, мен поезддин ичинде эле чоңойдум. Өзүм кичинекей болсом да станциялардын баарын жатка билчүмүн. Бажыларга келгенде апам менен кошо чоң кишидей тынчсызданганымды көргөн поезддин ичиндегилер мага таңкалышаар эле. Базарда да апама теңме-тең жардам бердим. Чоң-чоң чаарала сумкалар болот эмеспи, кездеме салынган ошондой сумкага кирип, сыдырмасын сыдырып, уктап калчумун. Кудайга шүгүр, ал күндөрдүн баары артта калды. Алгач апам ишин аз-аздан кездеме сатуу менен баштаса, андан кийин Новокузнецк шаарында техникалык буюмдарды сатуучу дүкөн ачты, андан соң шейшеп чыгаруучу цех ачып, азыр ошол цехти иштетет.
– Эмне, сени апаң такай ээрчитип алчу беле?
– Мени таштаганга эч ким жок болгондуктан, такай өзү менен кошо алып жүрчү. Башында Токтогулда эле болчумун. Кийин 1-классты бүтө элегимде апам алып кетип, Россиянын Тюмень шаарындагы мектепке киргизип койду.
– Жалаң орустардын арасына барып жаңы классташтарың менен бат эле тил табышып кеттиңби?
– Алгач кыйын болду. Орусчаны такыр билбегендиктен, сабактардан эң начар окучумун. Бирок, мугалимибиз сабактан кийин мени алып калчу да, үй тапшырманы чогуу даярдашып, кошумча сабак өтчү. Ошентип жүрүп бара-бара класстагылардын эң жакшы окуганы мен болуп калдым. Атүгүл башында мени тоготпой, анча-мынча бөлүп жүргөн классташтарым мага суктана башташты. Анын үстүнө апам ишин башка шаарга которуп кеткенде мен Марина Семьёновна деген орус аялдын колунда калдым. Ал аябай билимдүү, убагында мектептин директору болуп иштеген аял болчу. Ошол аял мени тынбай окутуп, көп тарбия берди.
– Анда мектепти ошол жактан бүттүңбү?
– Жок, Россияда 7-класска чейин окудум. Андан соң Токтогулга келип окуумду улантып, 9-классты бүткөн соң азыркы окуума тапшырдым.
– Апаң сенин чыгармачылыгыңды колдойбу?
– Чыгармачылыкта болобу, жеке жашоомдо болобу, менин биринчи колдоочум – апам. Ал азыр деле Россияда иштеп, ошол жакта жашаганына карабай, менден бат-бат кабар алып, чыгармачылыгым боюнча да кабардар болуп турат. Жаңы ырым чыккан сайын диск менен берип жиберем.
– Репертуарыңдагы ырлардын арасында апаңдын ырларынан жокпу?
– Азырынча жок. Бирок, учурда бир ырына обон жаратууга даярданып жатам.
– Продюсериң Канат Култаевге кандайча жолугуп калдың эле?
– Канат байкени мен продюсерим эмес, байкем катары эсептейм. Биз алысыраак туугандардан болуп кетебиз. Мен Канат байке менен 13-14 жаштарымда эле жолугуп, сахнага чыгуу үчүн жардам сурагам. Бирок, анда жаш болгондугумдан кийинчерээк жардам берээрин айтып, мени кабыл алган эмес. Ошондогу сөзүнө туруп, кийин кайра келсем кабыл алды. Чоң сахнага ырдап чыкканга чейин бир жыл вокалдан сабак алдырып даярдап, былтыр Мирбек Атабековдун концертинде чоң сахнага чыгарды. Азыр Канат байке мага кеңешчи да, байке да, дос да болуп келет. Качан болсо анын жанынан чыкпайм.
– Чогуу жашайсыңарбы?
– Менин өзүмдүн квартирам бар. Анда эжем менен чогуу жашайм. Бирок, Канат байкенин үйүнө тез-тез барып турам.
– Сен машина минип жүрбөдүң беле. Өзүңдүкүбү?
– Ооба. “Ауди 100” маркасындагы ал машинамды 16 жашка чыкканымда апам туулган күнүмдө белек кылган. Бирок, анда айдаганга көп уруксат берчү эмес. Быйыл гана 18 жашка чыкканымда биротоло уруксат берди.
– Сенде баары бар экен. Бир гана сулуу бийкеч жетишпейт турбайбы. Же ал да барбы?
– Бийкечим жок. Жакында эле бир кыз менен сүйлөшө баштасам, ал дароо эле мага турмушка чыкканга даярданып алыптыр. Аттуу-баштуу эле бир белгилүү адамдын кызы болчу. Мага үйлөн­гөнгө азыр эрте да. Анын үстүнө апам да каршы болгон соң мамилемди үзүп койдум.
– Сени ырчы кыз Бегимай Эсенгулова менен “жүрөт” деген сөздөр бар экен...
– Бегимай экөөбүздүн чыгармачылык гана байланышыбыз бар.
– “Кумарым” аттуу дуэтти экөө­ңөр кандайча ырдап калдыңар эле?
– Бул ырды биз эмес, биздин продюсерлерибиз тандаган. Автору Мирлан Ниязовдон Канат байке мурун эле сурап алган экен, анан мага берди. Ал эми курагы боюнча ырчы кыздардын арасынан мага Бегимай туура келди.
– Күйөрман кыздарың сени Бегимайдан кызганышпайбы?
– Антишпейт го. Билбейм, балким, кызганышаар. Анткени, мен жашаган үйдүн подъездине кимдир-бирөө “Алихан, я люблю тебя” деген сөздөр менен кошо ар кандай сүрөттөрдү тартып кетиптир. Актап, сырдап койсом, дагы жазыптыр.
– Сени айрымдар Мирбек Атабековго окшоштурушат экен...
– Мен чыгармачылыкка жаңыдан аралаша баштаганда телевидениеде жүрсөм, ошол жакта иштегендер “Мирбек, кандайсың?” деп өөп алышып, анан гана Мирбек эмес экениме түшүнүп, таңкалып калышчу. Азыр деле көпчүлүгү мени Мирбектин иниси деп ойлошот экен.
– Мирбек экөөңөрдүн мамилеңер кандай? Бири-бириңерге атаандаш катары карабайсыңарбы?
– Жо-ок, экөөбүз жакшы мамиледебиз. Канткен менен чыгармачылыктагы “бир туугандардан” эмеспизби. Мирбек байке мага жакында эле бир ырын белек кылды. Ал белеги үчүн рахмат айткым келет.
– Ырдагандан башка дагы эмнелерге кызыгасың?
– Негизи, мал бакканга кызыгам. Айылда жылкыларым, уй-койлорум бар. Ал эми шаарда мал бакканга мүмкүн болбогондуктан, үйдө ит, балык кармайм. Үйдөгү итиме кошумча кылып жакында эле төрт миң сомго ит сатып алдым эле, уурдап кетишиптир.
– Алихан, жакында концертиңди берүүгө даярданып жаткан турбайсыңбы. Даярдык жакшыбы?
– Ооба, бул менин тушоо кесүү концертим болмокчу. Буюрса, даярдык жакшы. Жаңы ырларды жаздырып, жаңы формаларды тиктирип жатабыз. Концерт­ти Мирбек Атабеков алып барат. Бул жакта бүткөн соң дароо Токтогулга, андан соң Жалалабат, Ошко коюп келебиз. Андан соң гана Жаңы Жылдык берүүлөр­гө катуу даярдана баштайм. Ошентип, талыкпай иштей берем. Анткени, менин максатым - элиме кызмат кылуу.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: