Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Расул кызы Айгерим: «ЖАНЫМА ГАЗ ПИСТОЛЕТИН АЛЫП ЖҮРӨМ»

№262 9-15-ноябрь, 2007-ж.


Бул селки сахнадагы башка курдаштарынан айырмаланып, сахнада бир жыл мурун же эки жыл мурун пайда болгон эмес. Айгеримдин чыгармачылык менен алектенгенине оо, көп болду. Андагы атасынын алдында чимириле бийлеген секелек кыз азыр ыр менен бийди айкалыштыра билген суйкайган сулуу кыз болду.

– Айгерим, сени бийчи десек туура болобу же ырчы десекпи?
– Негизи, менин чыгармачылыгым бийге кызыгуудан башталган. Кенедей кезимде эле индия кинолорун түшүн­бөсөм да чоң кишидей калтырбай көрчү экенмин. Азыр ойлосом, кинонун мазмунуна эмес, андагы ырдап-бийлеген кыздарга кызыксам керек. Ал кыздар мага ушунчалык сулуу болуп көрүнүш­чү. Анан апама: “Апа, мен чоңойгондо ушул кыздай сулуу болом, ээ?”- дей берчүмүн. Ал эми менин бийге болгон шыгымды эң биринчи жолу апам үч жашымда байкаптыр. Кокусунан эле бөлмөгө кирип барса, мен көзүмдү жумуп, аябай образга кирип алып, сыналгыдагы индияча ырга бийлеп жатыптырмын. Апам тоскоол болбоюн деп бир топко чейин унчукпай карап туруп, анан күлүп чыгып кетиптир. Ушул окуядан кийин эч кимден тартынбай эле кайсы жерде болбосун бийлей берчү болуптурмун. Апам бир жакка кетип баратканда: “Сен ыйлабай отурсаң, мен сага шоколад алып келип берем”,- десе, “жок, мага индийский кино алып келип бериңиз” дечү экенмин. Анан индия кинолорунун видеокассеталарын алып келсе, кудуңдап сүйүнүп калчумун.
– Демек, кинонун таасири менен эле ушундай таланттуу болуп чыгыптырсың да?
– Менин талантымды байкашкан атам менен апам “мындан жакшы бийчи чыгат окшойт, олуттуу мамиле жасабасак болбойт” дешип опера-балет театрына бир орус хореографка алып барышыптыр. Бир-эки күн окуткан соң ал эжеке: “Кызыңарда Кудай берген өзгөчө талант бар экен. Биздин эреже менен үйрөткөнүбүзгө канааттанбай жатат. Ага көңүл бурбай эле образга кирип кетет, а образга кирип алган соң муну эч нерсе токтото албайт”,- деп андан ары мени окутуусун токтотуптур. Ошондон бери мен бийди өз алдымча үйрөнүп келем.
– Сен мурун бийчи болсоң, акыркы жылдары элге ырчы катары таанылып калбадыңбы. Ырга болгон өнөрүң качан чыга баштады эле?
– Кичинекейимден бий менен катар ырга деле кызыгып, өз алдымча ырдап эле жүрчүмүн. Бирок, атам: “Мен жаш кыздын ырдаганын жактырбайм. Анын үстүнө, азыртадан ырдасаң үнүң бузулат. Андан көрө азыр бийлеп эле жүрө бер, он беш жашка чыкканыңда мен сени ырдатам”,- деп ырдаганыма каршы болуп койгон. Менин аябай эле ырдагым келчү. “Апа, менин да ырдагым келет, ырдайынчы?!”- деп апама айтканым менен атама эч нерсе айта алчу эмесмин. Анткени, атам бир сүйлөйт да. Ошондуктан, ырдабай эле атамдын алдында жалаң бийлеп жүрдүм.
– Атаң менен гастролдорго да чыкчу белең?
– Ооба, атам кайсы жакка гастролго чыкпасын, мени өзү менен кошо алып алчу. Кыргызстанда мен көрбө­гөн айыл калган эмес болуш керек. Андыктан, чыгармачылыктын түйшүгүн чоң кишилер менен кошо өтө жаш кезимден тартып баштагам. Эсимде, бир жолу Чоңалайга гастролго барганбыз. Көрсө, ал жак аябай алыс, жолдору өтө эле кооптуу экен. Эки тоонун ортосундагы бир гана машина баткыдай тар жол менен кетип баратсак, бир маалда тоодон таштар кулап кирди. Астыңды карасаң шаркыраган суу, эки капталыңда сүрдүү тоолор, машина бир аз эле буйтаса жардан түшүп кетчүдөй болгон тар жол... Биз Чоңалайдын жолу мындай татаал экенин билбей эле чыгып алыптырбыз. Мен анда он жашта болчумун. Ошондо мен апама: “Апа, мен эмне, болгону он эле жыл жашаймынбы? Менин дагы жашагым келет!”- деп жатпаймынбы. Канчалык жүрөксүп баратышса да, машинадагылардын баары күлүп калышты. Бирок, аман-эсен жетип, концерт коюп келгенбиз.
– Классташтарың сенин популярдуулугуңа көз артышпайбы?
– Мен жеке менчик мектепте окуйм да. Биздин класста болгону беш эле окуучу бар. Аларда андай нерсе жок. Мурун жалпы мектепте окуп жүргө­нүмдө тажатышчу. Танапис убагында коридорго чыксам, “от болдум, күйүп болдум...” деп атамдын ырларын ырдап тийише беришчү. Менчик мектепке которулуп кеткенимдин негизги себеби ошол болду.
– Өзүң бий тобун ачып, иштетип жатпадың беле. Ал тобуң азыр деле иштеп жатабы?
– “Айкадем” деген бий тобун ачканыма бир жарым жылдай болуп калды. “Айка” деген өзүмдүн атымдан алынып коюлган, ал эми “дем” бул кубат, колдоо деген мааниде. Топто учурда жыйырмадай кыз калды. Ал кыздардын кичүүсү 15 жашта, улуусу 18 жашта.
– Аларды өзүң окутасыңбы?
– Өзүм окутам. Бир эмес, үч-төрт жолу тажрыйбалуу хореографтардан алдык. Бирок, кыздар эмнегедир аларга көнбөй коюшту. “Өзүң эле үй­рөт­чү?”- деп туруп алышканынан азыр өзүм окутуп жатам.
– Сен бийди өз алдыңча үйрөнгөн болсоң, анан аларга кандай ыкма менен үйрөтөсүң?
– Кыздарга: “Мен кандай кыймыл жасасам, эсиңерге сактап койгула, болбосо, мен унутуп калам”,- дейм да, өзүм музыканы коюп, ортого чыгып алып бийлейм. Анан кыздар менин кыймылдарымды туурап беришет, ошону кайра чогуу үйрөнөбүз. Кыздарым ар бир кыймылын санап, өз эрежеси менен үйрөнгөнгө көнбөй коюшту. Алар үчүн буга караганда жанагы менин ыкмам менен үйрөнгөн оңой да, кызыктуу да.
– Тобуңда өзүңдөн улуу кыздар да бар турбайбы, алар сени угушабы? Эгер укпай коюшса, кандай кылып жазалайсың?
– Топтогу кыздардын менден улуусу болобу, кичүүсү болобу, баары мени сыйлап турушат. Өз ара урушуп, таарынышуулар бизде боло элек. Эгерде бирөөсү сабактан кечигип же жакшы бийлебей койсо, эч кандай урушуп отурбай эле “сен кийинки концертке чыкпайсың” деп анын ордун запастагы башка бийчи менен алмаштырып коём. Ушул нерсе алар үчүн эң чоң жаза. Кыздардын бул жазадан корккону ушунчалык, өткөндө бир концертте менин артымда бийлеп жатып бир кызым тайып кетип, бутун чыгарып алыптыр. Анан сахнадан чыгып кетпей, бутунун ооруганына карабай бийлей бериптир. Мен эки ырды катар ырдап бүткүчө чыдап бийлеп, ыр бүткөн соң сахнанын артына өтсөк, кыздын буту шишип кетиптир. “Дароо эле чыгып кетпейт белең?”- десем: “Сенден корктум да”,- деп жатпайбы. Анан дагы деле чыдатпай ооруп жатканынан коркуп кетип, тез жардам чакырууга мажбур болдук. Көрсө, кыздын буту чыгып кеткен экен, бийлей бергенде өзү кайра салынып калыптыр. Врачтар көрүп күлүшүп: “Жүрү, алып кетели”,- дешти эле, “концертке катышпай калам” деп кетпей койду.
– Тойлордо болобу, башка жерлердеби, күйөрман жигиттериң тажаткан учурлар болобу?
– Күйөрмандарым телефон чала берип тажатышат. Өзүмдүн телефонумду алмаштырып салсам, атамдын, апамдын телефондоруна чалышат. Ошондуктан, алар да телефон номерлерин тез-тез алмаштырганга мажбур болушат. Азыр менин телефонумду атам менен апамдан башка эч ким билбейт. Тойлордо, концерттерде же көчөдө да ар кандай күйөрмандарга туш болом. Ар кандай адамдар болот экен да, бирөөлөр чын дилинен сүйлөшкүсү келсе, бирөөлөр душмандык кылгысы келет, дагы бирөө мас болуп тийишет дегендей. Ошондуктан, мага атайын кайтаруучуларды жалдап беришкен. Кайда барсам, мени ошолор кайтарып жүрүшөт. Анан калса, жаныма дайыма газ пистолетин алып жүрөм. Аны жакында эле атам сатып берди. Бирок, аны колдонгонду азырынча үйрөнө элекмин.
– Газ пистолетин күйөрмандарыңа колдонуп, аларды таарынтып албайсыңбы?
– Жок, күйөрмандарым канчалык тажаткан учурда да мен аларга өтө сый мамиле жасайм. Ал эми газ пистолети алар үчүн эмес. Анын кокусунан өтө кооптуу абалга туш келип калсам эле кереги тийбесе...
– Айгерим, кичине кезиңде өзүң таасирленип чоңойгон индия кыздарын азыр деле жакшы көрөсүң­бү?
– Жакшы көрөм. Менин индиялык курбум бар экенин көпчүлүк биле бербесе керек. Анын аты Твинкэль. Экөөбүз жакын курбу болгондон тышкары, чогуу иштешип келебиз. Экөөбүз мындан 3-4 жыл мурун Москвадан таанышып, кийин ал Бишкекке келгенде курбу болуп калганбыз. Азыр ал медициналык окуу жайда билим алат. Твинкэль мени “Индияга конок болуп кет” деп аябай көп чакырды. Атүгүл киного тартылууга да сунуш кылды.
– Кандай киного?
– Кадимки эле индия киносуна, баш каармандын ролун аткаруу үчүн. Твинкэль менин кичинекей кезимден берки бийлеп жүргөндөгү съёмкаларымды алып кетип, ошол жактагы продюсерлерге көрсөткөн экен, алар менин келбетимди, кыймылдарымды өздөрүнүкүнө окшоштурушуптур. Атүгүл “кыргыз кыздары да биздин бийлерди бийлешет бекен?” деп аябай таңкалышыптыр. Анан өздөрүнүн киносуна тартууну чечишиптир. Бирок, алардын бул сунушунан менин ата-энем баш тартып коюшту.
– Эмнеге?
– Интернет аркылуу мен тартыла турган фильмдин сценарийин жөнө­түштү. Окуп көрсөк, сүйүү темасындагы фильм экен. Анан албетте, кучакташкан, өбүшкөн жерлери көп болот. Ошондуктан, “жашы жете элек кызга мындай роль болбойт” деп атам менен апам жөнөтпөй коюшту.
– Ырдап, бийлеп эле жүрө бербей, үй жумуштарын да жасайсыңбы?
– Албетте, келечектеги кожойке болгон соң, андай жумуштарды жасабаса болбойт. Үйдө кадимкидей эле тамак жасайм, үй жыйнайм... Тамактардан айрыкча мантыны жакшы жасайм. Атам тез-тез эле: “Кызым, өзүң жасаган мантыны сагындым, бүгүн бир манты жасап берчи?!”- деп турат. Анан да тигүүчүлүк жагына жакынмын. Өзүм жана бийчилерим кийген кийимдердин баарынын дизайнын өзүм чием. Атүгүл бийчилердин чыгыш стилиндеги бир формасын өзүм тиккем. Жөнөкөй кофта алсам да ошого мончокторду тагып, кыркып же башка нерсени улаштырып кооздоп койгонду жакшы көрөм.
– Азыр ойноп-күлө турган убагың эмеспи. Жигит жандап, көңүл ачып дегендей. Бул жагынан кандайсың?
– Менин “Дискотека” деген ырымды угуп алышып эле көпчүлүгү мени «дискотекадан чыкпайт» деп ойлошот экен. Чынын айтсам, мен дискотекага бир гана жолу баргам. Анда да атам менен. Негедир андай көңүл ачууларга жакын эмесмин. Сиңдим Аяна менен алек болуп, үй жумуштарын жасап эле сыртка көп чыкпайм. Ошондой эле жигит жандаганга да убактым жок.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: