Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мирбек Иманбеков: «МЕН КУТУРУП КЕТКЕН ЭКЕНМИН»

№265 30-ноябрь - 6-декабрь, 2007-ж.


“Шоу-бизнестин ашмалтайы чыкты” деген нааразычылыктарды көп укчу болдум акыркы күндөрү. Бул фраза улам бир ырчы сенсация жаратып продюсери менен урушуп кетип калып, анан кайра кечирим сурап келип жатканынан чыкса керек. Анын сыңарындай, көпчүлүк кыздардын сүйүктүү ырчысы Мирбек Иманбеков мындан төрт ай мурун коомчулукка жарыя кылып продюсеринен “экинчи келбес” болуп кетти эле, “жаңылбас жаак, мүдүрүлбөс туяк болбойт экен” деп кайра келип отурат. А буга эмне себеп болду экен? Өзүңүз назар салыңыз, окурман.

– Мирбек, кайсы бир басылмага “мен Асыл эжеге эч качан кайрылып барбайм” деген мааниде интервью берген элең. Бирок, минтип айтканың менен кайра кайрылып келген турбайсыңбы. Буга эмне себеп болду?
– Минтип айтканым чын. Көрсө, мен аябай эле кутуруп кеткен экенмин. Бул сөздөр ошондой кездерде оозумдан чыккан. Чынын айтсам, мен жаштык кылып бузукулардын тилине кириптирмин. Жакшылап терең ойлонуп, өтө эле туура эмес кылганымды өзүм сездим да, тобокелге салып, Асыл эжеге кайрылып келүүнү чечтим.
– Анан Асыл эже сени дароо эле кабыл алдыбы?
– Албетте, биринчи жолу кабыл алган жок. Арадан убакыт өткөрүп экинчи жолу келгенимде гана мени туура түшүнүп, кабыл алды. Мен күнөөнүн баары өзүмдөн кеткенин моюнума алып, Асыл эжеден кечирим сурадым. “Ат баспайм деген жерин миң басат” деген ушул окшойт. Чындыгында эле жаштыкка, куру намыска алдырып койгон экенмин.
– “Куру намыска” дегениңди кандай түшүнсө болот? Же Асыл эже менен иштешкенден намыстандың беле?
– Эми убагында кимдир-бирөөлөр тарабынан намысыма тийген сөздөр болгон. Көрсө, мен ошондой сөздөргө кирип кеткен экенмин.
– Мындай сөздөрдү ким айтканын ачык айта аласыңбы?
– Жок, алардын атын атоонун кажети жок.
– Продюсериң экөөңөрдүн ортоңордогу ар кандай сөздөр коомчулукка да жарыяланып кетти эле. Ушундан кийин продюсериңе кайрадан келип кечирим суроо моралдык жактан оор болгон жокпу?
– Албетте, оор болду. Айрыкча, биринчи жолу келгенимде. Бирок, Асыл эже менин өзүмдүн эжем эмеспи. Мени туура түшүнгөнүнө миң мертебе ыраазычылыгымды билдирем.
– “Асыл эжени тууган катары сыйлайм, продюсер катары сыйлабайм” деген сөздөрүң да бар эле. Ушул сөздөрдү чын дилиңден айттың беле?
– Булар да ошол кутуруп жүргөн убактарымда айтылган сөздөр. Азыр ошол айткандарыма бармагымды тиштеп отурган кезим.
– Демек, кылган ишиңе өкүнүп жатыптырсың да?
– Эми өкүнгөндө эмне пайда? Болоор иш болду. Өкүнгөндүн ордуна кайрадан чымырканып иштөөнү чечтим.
– Өзүңчө жүргөн кездериңде эмне менен алектенип жүрдүң?
– Ош, Жалалабат, Нарын, Каракол, Таластарга концерт коюп келдим. Концерттеримдин баары аншлаг менен өтүп жатты. Ошентсе да уюштуруу жагына келгенде Асыл эженин орду билинбей койгон жок.
– Анда бир топ эле каражат чогултуп келген болушуң керек. Аны эмнеге сарптадың?
– Ар бир тапкан акчамдын өзүнүн орду чыгып жатты. Бирок, эмгек башка бирөөнүкү болгон соң ошол эмгек аркылуу тапкан акчаң баарыбир жукпайт экен. А чыгармачылык жактан клип тарттырганга, ырларды жаздырганга сарптадым.
– Канча ыр жаздырдың?
– Төрт ыр жаздырып, бир клип тарт­тырдым.
– Ал жаңы ырларыңды биз радиолордон уга алган жокпуз го?
– Дал ушул жагына келгенде мен Асыл эженин баркын билдим. Ырларды жаздырышын жаздырат экенсиң, ал эми ошону коомчулукка жеткирүү да чоң эмгекти талап кылат экен. Мурун бул жагын Асыл эже моюнуна алчу да. Андыктан, буюрса, ал ырларым эми чыга баштайт.
– Сен продюсериңден алыс жүргөн учурларыңды өзүңдү шоу-бизнестин өгөй баласы катары сезе баштадың беле?
– Ошондой болот экен. Бут тосуулар болуп жатканын баары эле байкашса керек.
– Анан “кой, продюсеримден кечирим сурабасам болбойт” дедиң?..
– Ошенттим.
– Эми качанга чейин иштешесиңер?
– Кудай буюрган күнгө чейин иштешебиз.
– Сен өзүң айтмакчы, төрт айдан бери өз ырыскыңды өзүң терип жеп үйрөнө түшпөдүңбү. Эми кайрадан аны бирөө менен бө­лүш­көнгө туура келет. Анан кайра аянып баштабайсыңбы?
– Кептин баары акчада эмес экен.
– Асыл эженин сен үчүн автокырсыкка учураганы чынбы?
– Менин концертимди уюштуруу үчүн Караколго барып келе жатканда автокырсыкка учураганы чын. Кийин Асыл эже “мен реанимацияда жатканда Мирбек Замир Мырзанын машинасын карызга алып алды” деген таарынычын билдирип жүрдү. Бул да туура. Ошондо да жаштык кылып Асыл эжеге туура эмес мамиле кылганымды моюнума алам. Азыр ойлосом, анын денсоолугун жакшылап сураганга да жараган эмес экенмин. Эми мен баарын түшүндүм, акылыма кирдим, ошондогу кемчиликтерим менин кийинки турмушума сабак болот деп ишенем.


Асыл Апасова: «ЭМИ КАНТИП ИШТЕЕРИБИЗДИ ЭЛЕСТЕТЕ АЛБАЙМ»

– Асыл эже, “экс-балаңыз” Мирбектин сизге кайрылып келишин кандай кабыл алдыңыз?
– Кыскасын айтканда, Мирбек мени кетип бир шок кылса, эми келип бир шок кылып отурат. Мындан төрт ай мурун кеткенде да туруп-туруп эле кү­түл­бөгөн жерден ушундай кадамга барган. Ал болгону арканды алыс ташташ керек экенин эми тү­шү­нүптүр.
– Келгенде дароо эле кабыл алдыңызбы?
– Алгач кеткенде өзүмдү жаман сезип жүргөнүм менен акыркы убактарда аны эстегим да келбей калган. Биринчи жолкусунда Султан Динарага кайрылып келгенде, аны менен кошо келген. Бирок, мен такыр кабыл алган эмесмин. Атүгүл учурашпай, сүйлөшпөй да койгом. Көп убакыт өтпөй экинчи жолу келгенде да дал эле ушундай көрүнүш кайталанды. Анан конокко чакыра коюп, бирөөлөрдү ортого сала койгонунан...
– Жибип кеттиңизби?
– Жибиген жокмун. Мен аябай өжөр, көк бет адаммын. Кылам дегенимди кылам, кылбайм дегенимди кылбайм.
– Бирок, баарыбир кабыл алган турбайсызбы. Буга эмне түрткү болду?
– Болгону, ишти акырына чейин чыгарыш керек болду. Мунун баары менин кызылдай эмгегим да. Ошол эмгек талаага кетпесин дедим. Анын үстүнө, кесиптештеримдин, жакын адамдарымдын да кеп-кеңештери түрткү болду окшойт. “Алыңызчы, балага убал” деп келген ырчылар да болду. “А мага убал болгондо кайда элеңер?” десем күлүшөт. Ушундай себептерден улам кабыл алууга туура келди.
– Ортодогу ар кандай сөздөрдөн кийин би­ри-бириңиздерге көңүлүңүздөр муздап калган болуш керек. Эми ишиңиздер мурункудай калыбына түшүп кетээрине көзүңүз жетеби?
– Мирбекти билбейм, бирок, мен аябай кекчилмин. Мамилебиздин ордуна түшүп кетишине да кепилдик жок. Чогуу кантип иштешээрибизди да элестете албай турам. Билбейм, эмнеси болсо да убакыт көрсөтөт да.
– Шоу-бизнесте “бут тосуу” деген жаман илдет бар экени жашыруун эмес. Чынын айтыңызчы, сиз да Мирбекке бут тостуңуз беле?
– Ушул нерсеге мен түшүнбөйм. Менин да продюсер катары өз беделим бар да. Радиолорго барып, “Мирбектин ырларын бербей эле койгулачы?!” дегим келген эмес. Бирок, анткенге менин акым бар болчу. Экөөбүз иштешпей жүргөн убакта деле анын ырлары радиолордон тынымсыз эле кетип жаткан. Мен Мирбекке бут тосууга кетирген убактымды Ирланга сарптоону туура көрдүм. Туура кылган экенмин, жаш болсо да Ирландын концертин эң жогорку деңгээлде берип алдым.
– Бирок, Мирбектин формалары сизде калган турбайбы?
– Түзүлгөн келишим боюнча мындай учурда ырчынын формалары, дисктери продюсерде калууга тийиш. Демек, келишим боюнча ошондой болду.
– Эгер дисктери сизде калган болсо, анда кантип гастролго чыкты?
– Өзүнүн айтуусу боюнча, ырларын бир радиодон көчүрүп алыптыр.
– Эми ишти эмнеден баштаганы турасыздар?
– Иш жөнүндө ойлонгонго үлгүрө элекпиз. Алгач мамилебизди бир калыпка салып алалычы.
– Окуучуларыңыз кемип калганда ордун толтуруу үчүн өзүңүзгө башка ырчы алдыңыз беле?
– Ооба, бир жаңы бала алгам. Ал азыр вокал боюнча сабак алып жатат. Буюрса, жаңы жыл келээри менен чыга баштайт.

Даярдаган Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: