Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Боз салкын» фильминин башкаарманы ТынчтыК Абылкасымов: «БОЗ САЛКЫНДАН» ТАПКАН ПАЙДАМА ҮЙ САЛДЫМ»

№266 7-13-декабрь, 2007-ж.


Чыныгы таланттуу бул жигитти мындан бир жыл мурун өзүнүн туугандарынан, жакындарынан башка көп деле адам таанычу эмес. А бүгүнкү күндө “Боз салкын” фильминин башкаарманы катары билгендер өтө көп. Тынчтык аттуу бул жигит 1986-жылы 12-январда Өзгөн районунда мугалимдин үйбүлөсүндө туулган. Үйбүлөдө жалгыз бала. Бойдок.

– Тынчтык, сен башкы ролду ойногон “Боз салкын” фильмин көрбө­гөн кыргыз азыр дээрлик жок болсо керек. Бул фильмде Сагындын образын профессионал актёрдой аткарганыңа караганда кесибиң актёр болсо керек?
– Ооба, мен Искусство институтунун театр жана кино факультетинен билим алгам.
– А “Боз салкында” кандайча роль аткарып калдың?
– Мен 2-курсумдан баштап эле “Кыргызфильм” киностудиясына аябай байыр алып алдым. Режиссёрлорго, операторлорго бекерге эле жардамдашып жү­рүп, фильм тартуунун процесси жана башка киного байланыштуу иштердин ой-кырларын жакшы эле өздөштү­рдүм. Ал эми “Боз салкын” тартылаарда мен режиссёрдун ассистенти катары жумушка алынгам. Андыктан, сценарий боюнча Мурат, Сагын, Асеманын ролун ойной турган актёрлорду издештире баштадым. Мен алып келген досторумдун, тааныштарымдын бири да жарабай калды. Анан бир күнү Эрнест байке “ырдаганды билесиңби?” деп сурап калды. Мен кичинекей кезимден баштап ырга кызыгып жүргөнүмдү жана ырдай алаарымды да билдирсем, “анда өзүң ойноп көрбөй­сүң­бү?” деп алгач фотопробадан, андан соң видеопробадан өткөрдү. Режиссёрдун сынынан өттүм окшойт, ошентип, өзүм Сагындын ролун ойноп калдым.
– Бул сенин биринчи жолу киного тартылышың болсо керек. Кыйынчылыктар болдубу?
– Буга чейин бир топ эле фильмдердин майда-майда эпизоддоруна тартылгам. Алгачкы чоң ролду “Боз салкында” ойнодум. Съёмканын эң биринчи күнү кыйынчылыктарга туш болдум. Кино тартып жаткан топтун баары мени карап турушса тартындымбы, билбейм, өзүмдү аябай ыңгайсыз сездим. Аттын алдына кой өңөргөн жерим бар эле, ал жерин кийин алып салышыптыр. Ошондо же атымды түздөп мине албайм, коюм болсо тыбырчылап жөн турбайт, а мени карап тургандардын баары эле жерди тиктешип, баштарын чайкашат. Мен болсо ичимден өзүмдү сөгүп, ансайын жаман болом. Бирок, кийинки күндөн баштап бат эле көнүшүп кеттим.
– Съездбек экөөңөр аттын үстүндө камчы менен чабышкан эпизод бар эмеспи. Ошондо камчы катуу тийди беле?
– Ал жеринде алгач футболканын ичинен атайын коргоочу кемселдерди кийип алган болчубуз. Бирок, жакынкы пландарды тартууга келгенде оператор “ичиңердегини чечкиле, көрүнүп калат экен” деп калды. Анан чечип, салгылаша баштадык. Биринчи камчыны жегенимде эле денем “тыз” дей түштү. Бирок, дубль бузулбасын деп урушканыбызды токтоткон жокпуз. Ошентип, денебиздин ооруганына карабай салгылашып бүтсөк, “жарабай калды, дагы бир дубль” деп жатышпайбы. Айла жок, кайра башынан уруштук. Кечинде карасак Съездбек экөөбүздүн тең аркаларыбызга камчынын издери түшүп калыптыр. Өзгөчө менде көп экен, анткени, сценарий боюнча мен көбүрөөк камчы жешим керек болчу да.
– Пираттык дисктердин шарапаты менен “Боз салкын” фильми узун элдин учуна, кыска элдин кыйырына тарады. Сен элдин көзүнө аябай эле сиңип калсаң керек. Көчөдө тажаткандар да болобу?
– Жакында эле маршруткада кулагыма наушник салып алып, рок стилиндеги музыка угуп келе жаткам. Жанымда отурган жигит улам-улам мени карап коёт. Оюмда “мени таанып жатат” деп музыкамды угуп отура бердим. Бир маалда ал бутума түртө баштады эле, “азыр сурайт” деп ойлоп, жатталып калган “ооба, ошол Сагын менмин” деген жоопту узатайын деп кулагымдагы наушникти алсам, “музыкаңызды бир аз акырындатып аласызбы?” деп жатпайбы. Көрсө, ал мени тааныбай эле, музыкам катуу чыккандыктан ага да угулуп, тоскоол болуп жаткан экен. А мен кадам сайын эле “сен “Боз салкындагы” баласыңбы?”, “сен Сагынсыңбы?” деп сурай бергендерге көнүп калып, жанагы жигитти да ошолордун бири экен деп ойлоптурмун. Чын эле элдин көзүнө аябай сиңип калсам керек, өтө көп сурашат. Жакшы сөздөрүн айтышып, “жакшы ойногонсуң” деп мактагандарга көп деле маани берчү эмесмин. Бирок, чын эле жакшы ойногонумду жайында Ысык­көлдө өткөн фестивалда алган дипломум тастыктады. Бул фильмди бир нече жолу тажабай кайталап көргөндөр да бар экен. Өзүмдүн эле бир жеңем 63 жолу көрүптүр.
– А өзүң канча жолу көргөнсүң бул фильмди?
– Мен кинотеатрдан үч жолу көрдүм, а пираттык дисктерден көргүм да келбейт.
– Эгер сыр болбосо бул фильмден канча гонорар ал­дың?
– Бул албетте, кесиптик сыр. Бирок, бир топ эле алдым. Ал гонорарымдын бир тыйынын да коротпой туруп айылдагы таене-таятамдын үйүн жаңылаганга сарптадым. Мен алардын колунда көбү­рөөк жүрүп калгам. Көздөрү өткөндөн кийин үйү каралбай, эскилиги жеткенден дубалдары жарыла да баштаптыр. Ошону буздуруп, жаңы үй салдырдым.
– Сенин “Боз салкында” ийгилик жаратканың ата-энең, туугандарың үчүн да кубаныч болгондур?
– Албетте, фильм жарыкка чыгаары менен үйдөн туугандар үзүл­бөй, үйдү жыйнаштырганга да үлгүрбөй жаттык. Жакшы жери, тээ канча жылдан бери катташпай жүргөн туугандарыбыз менен да ошондо кайрадан табышып алдык. Анан алар куру келишпей, ар кандай белек-бечкек көтөрүп келе беришип, футболкадан эле жыйырма чакты болуп кетиптир.
– Ушундай белгилүү бир фильмде роль аткарып популярдуулукка жетишүү тууралуу кыялданчу белең?
– Негизи, биздин үйбүлөдө бул кесипке тиешеси бар эч ким жок. Атам музыка мугалими, апам тарых мугалими болгону менен ырга шыктуу. Ошондуктанбы, мен ата-энемдин жолун жолдоп кичинекейимден баштап музыкага кызыкчумун. Үчүнчү класстан баштап комуз үйрөнүп, 5-классымда М.Абдраев атындагы музыкалык мектептин контрабас бөлүмүндө бир жыл окугам. А кино көрүү менин хоббим болчу. Эсимде, 8-класста окусам керек эле, “Алатоо” кинотеатрында “Титаник” фильми жүрүп калды. Жыйырма сомго билет сатып алып, кечки сеансын күн сайын кайталап көрө бергенден тажачу эмес элем. Кинотеатрдан чыгып, үйгө баратканда спорт мектебинин жанынан өтчүмүн. Мен өтүп баратканда бардык терезелеринин жарыгы күйүп тургандыктан, аны карап алып “Титаникти” элестете берчү­мүн. Ал эми өргө чыгып баратканымда имарат кыйшайып, “Титаник” чө­гүп бараткандай сезилчү.
– Сен шаарда өстүң беле?
– Негизи, менин кичи мекеним – Өзгөн. Бирок, апам “шаардан балам жакшыраак билим алсын” деди окшойт, кичинекей кезимден эле шаардан окутту. 7-класска чейин Ош шаарынан окуп, андан кийин Бишкекке келип, мектепти борбордон аяктадым. Бүтүрүүчү класстарда математика-физика багытынан билим алдым. Эгер бир кокустук болбогондо мен кино жаатындагы адис эмес, физик же математик болуп калмакмын.
– Кандай кокустук болбогондо?
– Кино жаатынан билим алууну көксөп жүргөнүм менен туугандарым “Кыргызстанда кино тармагы боюнча окуу жайы жок” деп коюшкан. Буга ишенип мен өз максатымдан үмүтүмдү үзүп койгон болчумун. Мектепти бүтүп, документтеримди кайсы окуу жайга тапшыраарымды билбей жүргөн күндөрүмдүн биринде радиодон кокусунан Искусство институтунун кино тармагына документтер кабыл алынып жатканын угуп калдым. Көктөн тилегеним жерден табылып калгандай эч ойлонбостон туруп ошол жакка тапшырып, бюджеттик бө­лү­мүнө өтүп кеттим.
– Анда азыр студентсиңби?
– Окуумду ушул жы­лы бүттүм. Сабакка көп барбасам да мугалимдер менин иштеп жүр­гөнүмдү эске алышып, жакшы бааларды коюп беришти. Анын үстүнө, ушул убакка чейин өзүм үч кыска метраждуу фильм тарткам. Алардын бири “Мен” аттуу тасмамды дипломдук ишим катары коргоп, ийгиликтүү өттү.
– Окууңду бүтсөң эми кайсы жол менен кетейин дейсиң? Да­гы киного тартыласыңбы?
– Сунуш түшүп калса тартылам. Өз кесибим режиссёр болгон соң ушул багыт менен кетем. Ал эми азыр “Кыргыз фильм” киностудиясында иштейм. Ал жак – менин экинчи үйүм. Жумуш болсо деле, болбосо деле ошол жакта жүрө берем.
– Музыкалык аспаптарда ойносоң, актёрлук талантың болсо, дагы кандай өнөрлөрүң бар?
– Музыкалык аспаптардан гитараны “Боз салкын” фильми үчүн үйрөнгөм. Сценарий боюнча көл жээгинде балдар менен отурганда Мурат менен Асема келгенге чейин мен гитара менен ырдап отурушум керек болчу. Ошон үчүн толук бир ай бою гитара үйрөндүм. Бирок, эмнегедир кийин ал эпизод алынып кетиптир. Ошол бойдон гитараны өркүн­дөт­көн жокмун. Азыр гитарада жалгыз эле ошондогу үйрөнгөн “Боз салкын” деген ырды ойной алам. Спорт жаатында болсо бокс менен машыккам, футболдун фанатымын. Ошондой эле устачылык да жайым бар. Ушул жылы жайында азыр жашап жаткан Актилек жаңы конушундагы үйүбүздү кеңейтип, жанына өзүмө бир бөлмө салып алдым. Баса, сиздердин “Супер-Инфо” гезитиңиздерге сканворд түзүп да иштегеним бар. Бир кездерде жашоомдо бир аз кыйынчылыктарга туш келип, көбүрөөк акча табыш керек болгон учурлар болуп калган. Ошондо бир эле убакта спорт комитетинде, “Кыргыз фильм” киностудиясында жана сканворд түзүп иштеп, ал аз келгенсип окуп да жүрчүмүн. Көрсө, адамдын колунан келбеген нерсе болбойт экен. Аракет эле кылсаң, баарына жетишсең болот окшойт.
– Эми качан үйлөнөсүң, сүйлөш­көн кызың бардыр? Баса, “Асема экөөнүн ортосунда сүйүү мамилеси бар экен” деп да жүрүшөт.
– Асема экөөбүздүн ортобузда азыр сыйдан башка эч кандай мамиле жок. Сүйлөшкөн башка кызым да жок. Азыр менин кызыкканым да такыр бөлөк нерсе, башкача айтканда, жумуш. Мен үйдө жалгыз бала болгондуктан, ата-энем “бүгүн үйлөнсөң бүгүн, эртең үйлөнсөң эртең даярбыз” деп эле турушат. Бирок, мен азырынча үйбүлө курууга шашылбайм. Алдыда мен жасай элек али көп жумуштар бар. Ошол жакынкы пландарымдын жок дегенде элүү пайызы иш жүзүнө ашкандан кийин гана үйлөнүү тууралуу ойлоно баштайм.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: