Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Миң кыял FM» радиосунун продюсери Тынчтыкбек Кожобеков: «АКЧА СУНУШ КЫЛГАНДАРГА БИЗДИН РИДИОНУН ЭШИГИ ЖАБЫК»

№271 11-17-январь, 2008-ж.


Талыкпаган аракет, тынымсыз изденүү, тартип – бул нерселер кандайдыр бир иштин ийгилигин улам жакындатып отурат. Бул нерсени “Миң кыял FM” радиосунун продюсери Тынчтыкбек Кожобеков баштаган жамаат далилдеп отурат. Ушул айда аталган радио толук бир жашка чыкты. Мындай кыска аралыктын ичинде чоң ийгиликтерге жетишүү дайыма эле боло берчү көрүнүштөрдөн эмес.

– Тынчтык, сен жетектеген “Миң кыял FM” радиосунун ачылганына толук бир гана жыл болсо да, жумурай журтка белгилүү, популярдуу радиолордун катарына кирди. Негизи, мындай радиону ачуу идеясы кимдики эле?
– “Миң кыял FM” радиосунун идеясынын жаралыш тарыхы 2003-2004-жылдарга барып такалат. Ошол жылдары эле “Би-Би-Си” радиосу менен биздин “Кыргыз Радиосунун” ортосунда кызматташуу келишими түзүлүп, келишимдин негизинде ушундай бир радио ачылмак болгон экен. Эки өлкөнүн ортосундагы келишим толук бойдон каралып бүткөн соң бул долбоорду ишке ашыруу иши менин бактыма туш келип калды. Улуттук Биринчи каналдын мурунку президенти Кыяс Сатарович Молдокасымов мени өзүнө чакырып, мага ушундай милдетти жүктөгөн.
– Биринчи жолу кайсы күнү эфирге чыкты эле?
– Негизи, план боюнча 2006-жылдан 2007-жылга өткөн түнү саат так 12де эфир ачылышы керек эле. Бирок, мен суранып отуруп 2007-жылдын 1-январына түшкү саат 1ге жылдырткам. Анткени, дал ошол 31-декабрь күнү келинчегимдин туулган күнү. Анын үстүнө Жаңы Жылда үйдө болууну чечкем.
– Ошол 1-январь күнү кандай уктуруу менен ачылган?
– Биринчи берген ырыбыз эле Саламат Садыкованын аткаруусундагы “Кыргыз жери” деген ыр болгон. Кыргыз жерин даңктаган белсемдүү ыр деп атайын ушул ырды тандаганбыз. Ушуну менен эки ай бою ди-джейлер сүйлөбөй эле, жалаң гана ырлар кетип турган. Ди-джейлерди ушундан кийин гана кастинг аркылуу кабыл ала баштаганбыз.
– Ди-джейлерди кабыл алаарда кандай талап коёсуң?
– Негизи, адам өзүнө-өзү тың болушу керек. А радиодо иштөө үчүн эки эсе тыңдык керек. Ошондой эле тили жатык, кыргыз тилин жакшы билген, кругозору кенен болууга тийиш. Кастинг боюнча бизге келгендердин көпчүлүгү чет элдик сөздөрдү так айта алышпайт. Мен кадр тандоодо ушул нерсеге да чоң маани берем. Ошону менен бирге жылдыздуу, ажарлуу ди-джейлерди тандаганга аракет кылам.
– Учурда радиодо жалпы канча кызматкер эмгектенет?
– Негизи, биздин штат 13 адамга ылайыкташтырылган. Азыр бизде жалпы 12 адам иштейт. Алардын алтоосу ди-джейлер, калгандары менеджер, техникалык кызматкерлер дегендей. Он үчүнчү кесиптешибизди 13-14-январь күндөрү боло турган концертибиздин жүрүшүндө тандайбыз. Биздин бардык талаптарга жооп берген бактылуу адам дал ошол күндөрү биздин жетинчи ди-джейибиз болуп калышы мүмкүн.
– Концерт демекчи, бул жылдык жыйынтык концертиңерби?
– Ошондой десе болот. Бул концертте биздин күйөрмандар көптөгөн ырчылардын таланттарына күбө болгондон тышкары, үнүн гана угуп, өздөрүн көрбөй жүргөн ди-джейлерди жакындан көрүшөт, ар кандай кызыктуу оюндарга, сюрприздерге, белектерге күбө болушат. Бул “Миң кыял FM” радиосу уюш­турган биринчи ири иш-чара. Буюрса, концерттен кийин ай сайын ар кандай иш-чараларды уюштуруп турууну максат кылып жатабыз.
– Ырларын силердин радиоңордон жаңыртууну каалаган ырчылар кандай талаптарга баш ийүү керек?
– Биздин болгон талабыбыз – ыр сапаттуу болушу керек. Бизге чоң-чоң композиторлор, профессионал музыканттар көп келет. Алар ырларды угушуп: “Ай, мобул эмне деген ыр, ыя? Ушуну бербей эле койбойсуңарбы?”- деп калышат. Ошентип, сөз бизге тиет. Андан көрө ырчынын көңүлүнө карабай эле болбосо “болбойт” деп айтып, кайтарып жиберебиз. Азыр бизде жарабаган ырлар жазылган эки коробка диск турат. Алардын сөзүнүн мааниси начар же обонуна аранжировкасы айкалышпайт, кыскасы, сапаты начар ырлар.
– Ырлары өтпөй калган ырчылар таарынышабы же туура эле кабыл алышабы?
– Көпчүлүгү түшүнө беришпейт. “Ай, Тыке, мобул дискти ал да, бул акчага чай ичип кой” деп акча сунушат, болбосо конфетин же дагы бир белегин көтөрүп келишет. Мага алардын биринин да кереги жок. Көпчүлүк учурда мен акчасын кайра алдына таштап: “Андан көрө ушул акчаңа ырыңды дагы жакшыраак кылып жаздырып келчи”,- дейм. Такыр эле болбой туруп алгандардын акчасын алабыз да, ырын баарыбир деле бербейбиз. Ушундай ырчылардан менде беш-алтоо бар. Булардын ырлары алиге чейин биздин радиодон кетпейт. Бизге акча сунуш кылган ырчылар үчүн радионун эшиги жабык.
– Сени айрым жаш ырчылардын продюсери катары да билебиз. Кээ бирлердин “ырчылардын продюсерлери өз кызматтарынан пайдаланып жатышат, бардык ырчыларга адилет карабайт” деген сыяктуу нааразычылыктарга сенин канчалык деңгээлде тиешең бар?
– Менин өзүмө келип да мындай нааразычылыктарын билдиргендер бар. Бирок, мындай нерселердин мага тиешеси жок. Биздин радиодо бардыгы тартипке салынган. “Саат мынчада кыргыз классиктеринин ыры кетиши керек, мынчада эстрадалык ырлар кетиши керек...” деген тартипти эч ким буза албайт. Мен тарбиялап жаткан Ильяз Андаш, Азат сыяктуу жаш ырчылардын ырлары элдики кандай берилсе, ошондой эле чыгат. Андай нааразы болгондор мага келишсе, радио ачылган күндөн берки отчётту көрсөтүп коюшум мүмкүн. Бирок, биздин жумуштун уставы боюнча мен бир ырчынын же кимдир-бирөөнүн алдында отчёт бере албайм.
– Бир жылдын ичинде радио үчүн оозго алаарлык эмне иш кылдым деп айта аласың?
– Менин эң чоң ишим – радиону бутка тургузганым болду. Канча радиолор ачылып жатат, бирок, бир жылдык кыска убакыттын ичинде биздей тез жайылган радио болгон эмес. Радио ачылаарда менин алдыга койгон негизги максаттарымдын бири ушул болчу, буюр­са, максатыма жеттим.
– Радио өзүн-өзү каржылай турган деңгээлге жеттиби?
– Негизи, бизди мамлекет каржылайт. Бирок, рекламалардын эсебинен радио өзүн-өзү каржылай ала турган деңгээлге мына эми жетти. Бул да болсо биздин чоң жеңишибиз.
– Жаңы жылга кандай пландарды коюп жатасыңар?
– Радионун программаларын кеңейтип, дагы көптөгөн берүүлөрдү кошкону турабыз. Мисалы, тамашалуу берүүлөрдү. Андан тышкары Чүй, Бишкектен тышкаркы аймактарга да жайыл­туу тууралуу ойлорубуз бар.


Алтын Мырза
– Эмне үчүн ди-джейлик кесипти аркаладың?
– Ар бир инсандын Жаратканым тартуулаган кең жолу бар. Ошол жол бирде кууш болсо, бирде кең болот, бирде өйдө болсо, бирде төмөн болот эмеспи. Мен ди-джей болом деп таптакыр ойлогон эмесмин, балким, бул дагы табияттын мага тартуулаган белегидир. Кубанганым, радио тармакка келгенден бери баскан жолу тарыхта калган агай-эжелер менен таанышып, алардын кеп-кеңешин угуп келем. Алдыга койгон кыялымдын орундалышына ушул адамдар чоң көмөк көрсөтү­шүү­дө. Мени курчаган адамдардын баарына таазим этип, рахматымды айтам. Досторума, ага-эже, бир туугандарыма, кесиптештериме жана сүйүктүү угармандарга. Ар бирибиздин келечегибиз өз колубузда! Достукту баалап, ата-эне мээримин унутпайлы. Кыялдар орундалат!!!

Гүлназ Бакир кызы
– Радио дүйнө сен үчүн...
– Радио дүйнө – мен үчүн түбү чексиз мейкиндик. Ал мейкиндиктин ичинде миң түркүн кыялдар, көрөөргө көз, айтаарга сөз жеткис жаңы ийгиликтер убакыттын ар бир ирмеминде жаралып турат. Эң маанилүүсү, аты аталган дүйнөнүн эң негизги каарманы – угарман. Алардын ар бири биз үчүн кымбат.
– Он жылдан кийин өзүңдүн ордуңду кайсы жерден элестетесиң?
– Кыз бала – үйбүлөнүн шам чырагы. Анын жарыгы бардык үйдү жаркытып турат. Анын сыңарындай, мен үйбүлөдө жалгыз кызмын, аябай эркемин, ошол эле мезгилде көздөгөн кыялдарым орундалып, тилегим ишке ашмайын жаным тынчыбайт. Ошондуктан, жараткан өзү жар болсо, он жылдан кийин эң биринчи кезекте өз кесибин жакшы таанып-билген журналист, үйбүлөдө сүйүктүү жар, мээримдүү эне жана жакындарын жанындай жакшы көргөн кадимки эле Гүлназ Бакир кызы болом.

Деңиза Акыл кызы
– Радиодо эмгектенип эмне таптың?
– Радиого келип калуумдун өзү эле жашоомдогу чоң, күтүлбөгөн жетишкендик болду. Биринчи кезекте жашоого болгон көз карашым өзгөрдү, жамаат ичинде кантип иштөө керек, деги эле кесиптештердин, угармандардын кулк-мүнөзүнө байкап мамиле жасоону үйрөндүм. Сүйүктүү байке, эже, ини, сиңди, курбу, сырдаштарымды да таптым. Албетте, бул – менин кесиптештерим жана угармандарым.

Канат Кадыржан
– Жашооңдон алган ийгиликтериң...
– Канчалык адам баласы жашоонун жакшы жагына талпынбасын, баарыбир ошол ийгиликтин ачкычын таап, оор кулпуну ачып коёт деп мен ишенем. Жашоомдогу ийгиликтерим өтө чексиз. Мен бактылуумун, анткени, ушул ажайып кооз жергемде аба жутуп келем. Кубанычтамын, мени курчап турган бир туугандарым көп. Алардан кем калбаган кесиптештерим. Жашоомдун дагы бир кубанычтуу ийгилиги – “ушул популярдуу радиодо иштейм” деген сөздүн өзү эле. Менин бактым ушул касиеттүү радио “Миң кыял FM”.

Лилия Абдубаитова
– Мурда иштеген жериңе салыштырмалуу «Миң кыял FMде» айырмачылыктар бар бекен?
– Жумуш системасында бир топ айырмачылыктар бар. Алардын эң башкысы – “Миң кыял FMде” кагаз иштеринин көптүгү, техникалык жактагы айырмачылыктары. Ал эми калганы бир тармак болгондуктан, мурункудай эле. Бул жерде дагы эч нерседен тартынбаган, өз күчүнө ишенген, жакшы максаттарды көздөгөн жаш жамаатка кошулдум.
– Жаңы жыл менен байланыштуу кандай таттуу кыялың бар?
– Жаңы жылда бир гана радиодо эмес, башка тармактарда дагы өз күчүмдү сынасамбы деп турам. Деги эле кай жакта иштебейин, ар бир иштин майда-баратын билип, ошол жаатка салым кошкон профессионал болуу – мен үчүн башкы максат.

Нуржан ШАМ кызы
– Ди-джейдин негизги максаты эмнеде деп ойлойсуң?
– Биринчи эле ирет ди-джей элдин кишиси болгондуктан, эфирге чыгаардын алдында убакытка, мезгилге, учурга жараша оюн топтоп, «канткенде элдин көңүлүнө жакшы таасир тийгизем, жылуулук арнайм» деген ой менен түз эфирде иштеген инсан.
– Дагы кандай чыгармачылык иштерге жакынсың?
– Кичинекей кезимден бери эле сүрөт тартам, мектепте ырдап да жүрдүм, кийин 4-курска келгенде журналисттик чеберчилик аттуу сабактын артынан философиялык ой жүгүртүп, проза жана ыр жазып баштагам. Азыркы күндө чыгармаларым эч жерде жарык көрө элек, бирок, жыйнак чыгарсам деген кыялым бар.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: