Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кудайберген Кутуев: «МЕНИ КӨРӨ АЛБАГАНДАР ЖАШООМО КАРА ТАК ТҮШҮРҮШКӨН»

№277 22-28-февраль, 2008-ж.


Ырас, өз убагында бул ырчынын да ырларын жантыгынан жата калып уккан миңдеген күйөр­мандары бар эле. Азыр болсо муун алмашып отуруп, биздин каарман менен катар көптөгөн ырчылар “эски ырчылар” деген атка конушту. Бул – шоу-бизнестеги мыйзам ченемдүү кө­рүнүш. Ошентсе да коңур үндүү, кер мурут ыр­чы Кудайберген Кутуевдин ошондогу күйөр­мандарынын теңи болсо да бүгүнкү күнгө чейин сакталып калганында талаш жок.

«БАСМАЧЫНЫН БАЛАСЫ» ДЕГЕН СӨЗГӨ АРДАНЫП ЖҮРҮП ЧОҢОЙДУМ»
– Мен 1972-жылы 5-майда Чаткал районунун Акташ айылында төрөлүп, ошол айылда чоңойдум. Атамдын 65 жашында көргөн кенже уулу болгондугумдан, атымды Кудайберген койгон экен. Ырас, мен атамдын башка аялынан төрөлгөм. Айылыбыздагы ал дудук аялды мени төрөгөн аял катары билгеним менен ага энем катары мээримимди берген жокмун. Анткени, мен төрөлгөнүмдөн кийин эле атам менен өз энем ажырашып кетишип, мен өгөй эненин колунда калыпмын. Бирок, «тапкан эне эмес, баккан эне» демекчи, мен баккан энемди өз апамдай көрүп, эне деп ошону эсептечүмүн. Ал да мени өз уулундай көрүп, эч нерседен кем кылбай бакты. Дүкөнгө жаңы кийим түшсө эң биринчи мен кийип, велосипед түшсө биринчи мен тепчүмүн. Кыскасы, кийбегенди кийип, ичпегенди ичип өтө эле кененчиликте чоңойдум. Бирок, мени балдардын “басмачынын баласы” деген сөзү ардантчу. Өзүм теңдүү балдардан мындай сөздү уксам мушташып кетээр элем да, күчүм жетпеген чоң балдарды таш менен уруп каччумун. Атамдын басмачынын тукумунан болгону да жалган эмес эле. Мен кичинекей кезимде жер жайнаган койлорунун санын да билчү эмесмин. Кийин 7-8-класстарга келип, басмачы деген ким болгонун билгенимден кийин арданганымды токтоттум. Атүгүл тарыхый чыгармалардан атамдын атын окуп сыймыктанып да калдым. Ошондон кийин мага мурункудай кайрылгандарга: “Ооба, басмачынын баласымын, эмнеси бар экен?”- деп жооп кайтарчу болдум.
– Атаңыздын жер жайнаган ошол койлорунан азыр анча-мынча калганбы?
– Атам ыраматылык мен 1-класска бараарда эле бул дүйнөдөн өтүп кеткен. Апам болсо “апа, сиз мени бактыңыз, эми шаарга барып окуп, мен сизди багам” деп турган учурумда, 8-класста окуп жатканымда өтүп кетти. Негизи, алардан калган үй-жайды, мал-жанды кароо менин милдетим болчу. Бирок, мен бул милдетти жалгыз агама жүктөгөм. Ал эми мага таандык малды “тууган козулары силердики, негизгиси, мага башын сактап берсеңер болду” деп агам менен эжеме бөлүп берип койгом. Экөөндө биригип азыр менин үч жүздөн ашык коюм бар. Айылга барып калганымда: “Өзү­бүз­дүн эсебибизден кой соёлу, коркпо, сеникине тийбейбиз”,- деп күлүп калышат.

“БЕК МЕНЕН МУШТАШКАН ЭМЕСМИН”
– Кичинекей кезимден эле ырга шыктуу болдум. Беш биртуугандын ичинен мен гана искусствого жакын болуп чыктым. Жадакалса тукумубузда да ыр-күүгө шыктуу эч ким болбоптур. Биртуугандарым: “Сен баарыбыздан өзгөчө болуп, ырчы болуп калганыңа караганда биздин биртууганыбыз эмес окшойсуң”,- деп тамашалап калышат. Мектепти “Көк жылгаяк” жана “Кала берди танк алдында тепселип” деген эки ыр менен бүттүм. Кандай маданий иш-чара, кароо-сынак болбосун, ушул эки ырды ырдап чыга калчумун. 8-класстан кийин райондун борборундагы кесипчилик окуу жайында окуп жүргөнүмдө да ырдаганымды таштаган жокмун. Бирок, анда албетте, репертуарыма башка ырлар да кошулуп калган эле.
Ошентип, ырга болгон кызыгуум шаарга келип, филармониянын алдындагы эки жылдык студияга тапшыруума түрткү болду. Менин чыгармачылыктын чоң жолуна аттанууга жасаган аракетим ушул жерден башталды десем болот. Бек Борбиевди кумир тутуп, “аттиң, мен да ушундай болуп чоң сахнага чыксам, элдин уулу болсом...” деп кыялданып калаар элем. Арадан көп өтпөй эле кыялым орундалып, төрт ыр жаздырсам, төртөө тең элге бат сиңип кетти. Азыр ойлосом, күлкүм келет. 1996-жылы төрт ырым менен “жеке концертимди берем” деп филармонияны он күнгө алып алыптырмын. Дос-тааныштар: “Эй, болгону төрт ырың болсо, аны менен кантип жеке концертиңди бересиң? Эл суранса, кайсы ырыңды аткарасың?” дешсе, “эл суранса, ошол төрт ырымды кайра кайталап койсом сегиз ыр болот” деп тамаша иретинде жооп берип коюп жаттым. Анткен менен бир айдын ичинде дагы беш жаңы ыр жаздырып, тогуз ыр менен жеке концертимди бергем. Азыр күлкүлүү туюлганы менен ошондо концертимдин он күнү тең аншлаг менен өткөнүнө өзүм да таңкалгам.
– Анда өтө эле ийгиликтүү өткөн экен. Ошол алгачкы концертиңизден түшкөн каражатты эмнеге жумшаганыңыз эсиңиздеби?
– Эсимде эмей. Дароо эле “Семёрка жигулисин» сатып алдым. Ал кезде концерттен түшкөн акчага машина сатып алуу чанда гана кездешээр эле.
– Сизди “Бек Борбиев менен ыр талашып мушташкан” деген сөздөр бар. Чын эле ошондой болду беле?
– Мен Бектин “Бишкекке” жана “Эсиңдеби” деген эки ырын жаздырып, ырдап жүргөм. Ошол убакта Бекти кумир тутканымдан ырдасам керек эле. Бир күнү Спорт Ордосунда кайсы бир концерт болуп жаткан учурда Бек: “Жүрчү, сени менен сүйлөшө турган сөздөр бар”,- деп калды. Барсам, “менин ырларымды мындан кийин ырдабай эле койчу?” деди эле: “Жаздырып койгон эки ырыңызды ырдабай коё албайм, анткени, алар менин үнүм менен элге сиңип калды, а башка ырларыңызды ырдабайм”,- дедим. Ошону менен маселе чечилген. Эч кандай мушташкан эмеспиз.

«АЙЗАДА – ЧОҢ СҮЙҮҮМ ЭЛЕ»
– Мен өмүрүмдө бир жолу өтө чоң сүйүүгө кезиккем. Анда филармониянын алдындагы эки жылдык студияда окуганым менен Улуттук университеттин жатаканасында жашачумун. Айзада менен ошол жерден таанышкам. Экөөбүз бир жарым жылдай өтө ынак мамиледе жүрдүк. Экөөбүздүн үйлөнүшүбүзгө бир гана кадам калганда мен аны жоготуп алдым. Кандай десем... биздин тоюбуздун эле боло элеги болбосо, ал мендик болчу. Мен Айзаданы келинчегим деп сезгендигимден ага өтө ишенчүмүн, ошон үчүн алдырып жиберем деп үч уктасам түшүмө кирген эмес эле. Бирок, мен ойлогондой болбой, бир күнү аны алакачып кетишти. Ошондо катуу соккуга туш болгом. Балким, ичкич да болуп кетээр белем, досторум болбогондо.
Кийин алгачкы концертимди бергенимде жолдошу, сиңдиси болуп концертиме келишиптир. Сиңдисин таанычумун, андан гүл берип жибериптир. Гүлдүн арасында кечирим сурап жазган каты бар экен.
“Айзада” деген ырым дал ошол жетпей калган сүйүүмө арналган.

«КЫРСЫК КАШ МЕНЕН КАБАКТЫН ОРТОСУНДА ЭКЕН... ҮЧ ЖЫЛГА ЭРКИМДЕН АЖЫРАТЫП КОЮШТУ»
– Менин чыгармачылыгым 2000-жылы тыныгууга туш болду. Бул тууралуу эл арасында ар кандай ушактар айтылып жүрдү. Эл оозунда элек жок экен, “Бек Борбиев сахнага чыгарбай коюптур” деген да ушактарды чыгарып жиберишиптир. А менин үч жыл сахнага чыкпай калганымдын себеби башкада эле.
“Кырсык каш менен кабактын ортосунда” дейт эмеспи, анын сыңарындай, мен да Оштогу “Кадыр түн” фестивалына катышканы барып, ошол жакта жанагы концертимден кийин алган “Семёркам” менен автокырсыкка учурагам. Жамгыр жаап жаткан. Мен жол эрежесин бузбай эле кетип бараткам, бир маалда бир киши машинама келип катуу урунду. Көрсө, ал кызуу абалында экен. Дароо эле ооруканага алып бардым, тилекке каршы, эки күндөн кийин тиги киши каза болуп калды. Ошентип, мени үч жылга шарттуу түрдө эркимден ажыратып салышты.
– “Жол эрежесин бузбай эле кетип бараткам” деп жатпайсызбы. Эгерде сизде күнөө жок болсо, эмне үчүн акталып чыкканга мүмкүнчүлүк болгон жок?
– Жабырлануучу каза болуп калган соң менин күнөөсүздүгүмдү далилдөөгө мүмкүн болбой калган. Ушул окуядан кийин мен тууралуу бир гезитке чоң макала жарыяланган. Ал макалада “бир кишини сүзүп, качып баратып балалуу аялды сүзгөн, андан кийин дагы бирөөнү сүзгөн” деп мага жок жерден жалган жалаалар жабылган. Дагы бир ушак боюнча, мен кыз зордуктаган имишмин. Булардын баары калп. Бул – жөн гана менин чыгармачылыгымды көрө албагандардын уюштургандары. Атүгүл бул ишке бир-эки ырчылардын да тиешеси бар. Бирок, алардын ким экени менин ичимде гана сакталып, мени менен кошо кетет.
– Жашооңузга ушундай кара так пайда кылып алганыңыз үчүн өкүнөсүзбү?
– Эми, өткөн иш өттү, өкүнгөндө эмне? Бирок, кээде “көрө албастар ушундай ишке барбаганда балким, баары башкача болмок беле...” деп ойлоп кетем. Өзүм спирт ичимдиктерине жакын эмесмин, бирок, жогорудагыдай ойлор келгенде өзүмчө сыгылып, эки-үч кружка пивону катар-катар ичип жиберем.
– Убактылуу тыныгуудан кийин сахнага кайтып келгениңизде өзүңүздү кандай сездиңиз? Мурдагыдай эле эркинби же?..
– Мурда өзүмдү кандай сезсем, ошондой эле эркин сездим. Азыр кээ бир ырчылардан: “Сен өзүңдү таланттуумун деп эсептейсиңби?” деп сурасаң, “билбейм эми... эл баалайт да...” деген сыяктуу жоопторду беришет. Эгер менден бирөө ушинтип сураса, эч токтоосуз эле “ооба, мен таланттуумун!” деп жооп берем. Өзүмдүн талантыма ишенгеним үчүн чыгармачылыкка кайрылып келээрим менен эле “Россия” кинотеатрында жеке концертимди бергем. Кудайга шүгүр, күйөрмандарымды жогото элек экенмин, алты күндүк ошол концертим эң жогорку деңгээлде өткөн. Андан кийинки үч жыл катары менен берген концерттеримдин да ийгиликтүү өтүп жатканына күйөрмандарым өздөрү күбө.
– Акыркы кездери эмне менен алек болуп жүрдүңүз? Сахнадан көп деле көрүнбөйсүз го?
– Сахнага көп чыкпаганым менен тойлордо активдүү кызмат кылам. Андан тышкары, чакан жеке бизнесим бар. Учурда эстрада ырчыларынын фестивалын өткөрүүгө даярдык көрүп жүрөм. Ал фестиваль 3-4-март күндөрү Спорт Ордосунда өтүп, жеңүүчүгө “Мерседес” автомашинасы ыйгарылат. Анан Кудай буюрса, ошол фестивалдан кийин жаңы ырлардын үстүнөн иштөөнү пландаштырып жатам.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
11.09.2014. 13:34 
Тайпасы:
Жаран
Комментарийлердин саны:
14
Катталган:
17-04-2014
Соӊку аракети:
21-09-2018 22:51
Жынысы:
Белгисиз
+1
Жаны чыгарма кутобуз, бар болунуз
23.12.2017. 17:45 
Тайпасы:
Жаран
Комментарийлердин саны:
1037
Катталган:
23-09-2015
Соӊку аракети:
15-11-2018 14:17
Жынысы:
Белгисиз
0
Айзада деген ыры барбы админ силерде
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: