Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ильяз Андаш: «МАНТЫНЫ БАШ КЫЛЫП ТАМАКТЫН БАРДЫК ТҮРҮН ЖАСАЙ АЛАМ»

№280 14-20-март, 2008-ж.


Мекенибиз таланттарга бай. Алардын ар бири көөдөнүндө оргуштаган талант бар үчүн ыйык сахнаны мекендеп келишет. Ошолордун катарында биз сөз кыла турган жаш ырчы Ильяз Андаш да сахнага жөн жеринен келип калбаган экен. Анткени, Ильяз музыка менен төрөлүп, музыка менен өсүп келатыптыр...

– Ильяз, сахнага келип, жөнөкөй адамдан эл тааныган белгилүү адамга айланып калышыңа Кудай берген талантың себепкер болгондур?
– Албетте, талант, мүдөө болбосо, сахнага чыкмак кайдан? Анын үстүнө мен таланттуу адамдардын үйбүлөсүнөн чыкканмын. Атамдын кесиби актёр болсо да, өз кесиби менен катар айылдан чыккан жаш таланттарды таптап, ырчылыкка үйрөтүп келет. Апам болсо ушул күнгө чейин музыкалык мектепте комуз сабагынан мугалим. Тайларым да өнөргө жакын адамдар. Тайларым демекчи, мен алты айлыгымдан баштап Тоңдун Бөкөнбаев айылындагы таене-таятамдын колунда өстүм. Ал кезде атам да, апам да студент болушкандыктан, таенем мени өзүнө алып кетип калган экен. Эсимде, таятам комуз ойногондо мага комуздун башын тиштетип койчу. Комуздун зыңылдаганы мага кызык туюлуп, канча болсо да тиштеп тура берээр элем. Ошентип, мектепке барганча таятамдын эрке баласы болуп өстүм да, мектепке бараарда ата-энем Караколго, өз колдоруна алышты. Таятамдын эшегине учкашып, малга аралашып жүргөн айылдык жашоого көнүп калсам керек, эч кимге айтпай эле айылга качып кетип калган күндөрүм да болгон.
– Атаңдын колунан чыккан жаш таланттардын арасында сен да бар болсоң керек?
– Мен 4-классымдан баштап бирдей курактагы үч баладан турган атамдын “Бакай” деген тобунда ырдачумун. Кичинекей болуп алып үчөөбүз үч түрдүү аспапта ойноп, жандуу үн менен ырдаганыбыз элге аябай жакчу. Мен ошол кезден баштап эле клавишалык аспапта ойноп, азыркы ырдап жүргөн “Кыргыз жери”, “Ак бантик” жана башка ырларды ырдаар элем. Ысык­көлдөгү райондорду кыдырып гастролго чыксак, концертибиз аншлаг менен өтчү. Айтмакчы, ал топ азыр деле бар. Биздин убагыбызда эле Ысыккөл облусунун дээрлик жарымына популярдуу болчу, азыр деле ошондой деңгээлде.
– Жаш балдар үчүн гастролдоп жүрүү кыйын эмес беле?
– Биз үчүн тескерисинче, аябай көңүл­дүү болчу. Бир жолку окуя такыр эсимден кетпейт. Жакшы маанай менен чыгуу үчүн сахнага чыгаар алдында такай ар кандай анекдотторду айтышып, бир сыйра күлүп алчубуз. Анан сахнага чыккандан кийин жөн турбай ошол анекдотторду бири-бирибизге эстете бермей адатыбыз бар эле. Бир жолу топтогу бир бала экөөбүз дуэт ырдоо үчүн сахнага чыктык да, ыр башталаарда мен жанымдагы балага сахнанын артында айтылган анекдотту эстете койбоюнбу. Шайтаны кармаган бала ырдай албай күлүп жатса, аны көрүп өзүм да күлө бердим. Эл болсо эч нерсени түшүнбөй, бизди карап күлүп жатат. Ошентип, ырдай албай кирип кеткенбиз. Бирок, бул кылыгыбыз үчүн атамдан катуу тил укканбыз. Ушул топтун артынан көптөгөн фестивалдарга катыштык, жер көрүп Казакстандын көп эле шаарларында болуп кайттык.
– Анда сен кенедей кезиңден эле өз эмгегиң менен акча таап баштаган турбайсыңбы. Гастролдон түш­көн акчаңарды эмне кылчу элеңер?
– Ал кезде эмне, балмуздак алып берип койсо, ошого сүйүнүп, ырдаганыбызга кайыл болуп эле жүрө берчүбүз. Түш­көн акчаны атам бизге форма тиктиргенге, кийинчерээк фонограмма деген нерсе пайда болуп калганда ырларыбызды жаздырганга сарптачу. Бирок, гастролго каникул кезинде гана чыкчу элек. А мен биринчи жолу тойдон акча тапканым эсимде. Атам менен көп тойлорго барып ырдачумун. Ошондой тойлордун биринде коноктордун бири келип 100 сом берген эле. Мындай акча ал кезде мен үчүн өтө чоң акча болчу. Атам деле ага тийген эмес, сүйүнүп эртеси сабакка барганда балдар менен май токоч, таттууларды сатып жегенбиз. А чыныгы кирешени мен 13-14 жаштарымдан кафеде иштеп таба баштадым.
– Ошол курагыңда эле иштеп баштасаң, сабагыңды көңүлдөн чыгарып койгон жоксуңбу?
– Мен мындан башка да көп нерселерге жетишчүмүн. Музыкалык мектептин аккордеон бөлүмүнө барганга, спорттук ийримдерге катышканга, анан кечинде иштеп, эртеси кайра сабакка барсам да класстагы алдыңкы окуучулардын катарында элем. Ал эми кафеден тапкан акчам менен үй салдым десем жаңылышпайм. Чоң үй баштап алган элек, атам экөөбүз­дүн тапкан каражатыбыз менен жети жылдын ичинде толук бүтүрүп алдык.
– Мектепти бүткөндөн кийин эле борборду көздөй жөнөдүңбү?
– Жок, мектептен кийин Караколдогу музыкалык орто окуу жайынын эстрада бөлүмүнө тапшырдым. Азыр 4-курстамын.
– Бишкекке чыгармачылыгыңды өнүктүрүү үчүн келсең керек?
– Мен Караколдо жүргөндө жаңы чыгып жаткан ырчыларды сыналгыдан көрүп ушунчалык суктанчумун да, алар катышкан музыкалык берүүлөрдүн бирин калтырбай көрчүмүн. Жаңы Жылдык “Көгүл­түр от-2006” берүүсүн көрүп отуруп “эмки жылкы ушул программага мен да чыгам” деп өзүмчө тилек кылган элем. Тилегим орундалып, “Көгүлтүр от-2007ге” чын эле катышып калып жатпаймынбы.
– Тилегиңди иш жүзүнө ашырууга кантип оңой жетиштиң?
– Бир нерсени чындап тилек кылсаң, Кудай берет окшобойбу. Алгач шаарга барам деп ээликкеним менен жөн гана келип-кетип жүрө бердим. Чынын айтсам, өтө көп акча короттум. Ыр жаздырам, аранжировка жаздырам... Бирок, аракетимден жыйынтык чыгара албай койдум. Мунумду ата-энем да сезип: “Бишкекке барып эмне кыласың? Андан көрө окууңду бүт”,- деп менин максатыма каршы чыга башташты. Мен болсо айтканымдан кайтпай тобокелге салып борборго келе бердим. Ошондо эле ырчылардын анча-мынчасы менен тааныш болчумун, ошолор аркылуу Тынчтыкбек байкеге жолуктум да, ал менин тилегимдин ишке ашышына көмөгүн көрсөттү.
– Экөөңөр кандай жол менен иштешесиңер?
– Ал мага продюсер катары эмес, ага катары мамиле кылат. Экөөбүздүн ортобузда түзүлгөн эч кандай келишим деле жок. Той-топурдан бир аз тыйын таап калып берсем: “Салып кой, өзүңө керек болот”,- деп коёт. Биздин ортобузда акча жок, бир гана ага-инилик мамиле бар.
– Азыркы ырчылардын көпчүлүгү ырларына өздөрү автор болуп жатышпайбы. Сенин да өзүңдүн калемиңе таандык ырларың барбы?
– Менин ушул убакка чейин өзүмдүн жазган 30дай ырым бар. Бирок, алардын үчөөн эле жаздырып, өзүм ырдап чыккам. Айрымдарын Караколдогу балдар ырдап жүрүшөт, айрымдары мээмде сакталуу, анан унутуп калгандарым да бар. Эң алгач алтынчы класста окуп жүргөнүмдө “Мама” деген орусча ырымды жазганымда, үйдөгүлөр ишенишкен эмес. Кийин концертте ырдаганымда алдыңкы катарда концерт көрүп отурган апам толкунданганынан ыйлаганы эсимде. Негизи, обонду аябай бат жазам. Кыргызча сөз жазгандан бир аз кыйналам. Көпчүлүгү башынан өткөн нерсени ыр кылып жазышат го, мен идеяны кинодон алам. Бир жакшы кино көрсөм, андагы окуяларга таасирленип, сөзсүз жаңы ыр жаратам. Ырларымдын көпчүлүгү албетте, сүйүү жөнүндө.
– Сүйүү өз башыңа келгенби?
– Менде сүйүү деген болгон эмес, жөн гана жактыруу болгон. Эмнегедир мен кыздарды эмес, чыгармачылыгымды көбүрөөк сүйөт окшойм.
– Сен сахнада өзүңдү эркин алып жүрүп, бийлеген жагынан да мыкты экениңди күйөрмандарың билишсе керек. Бийди атайын ийримдерден үйрөнөсүңбү же бул да өзүңдүн талантыңбы?
– Менде анча-мынча актёрдук чеберчилик бар. Анткени, “Бакай” тобунда жүр­гөнүмдө атам менен интермедия да аткарып сахнага чыкчумун. Ал эми бийлегенди өз алдымча үйрөнөм. Азыр батирде Медер деген досум экөөбүз жашайбыз. Үйдө сыналгыны коюп алып экөөбүз Майкл Жексондон баштап туурап бийлейбиз. Жакында эки ырыма өз алдымча бий даярдадым. Анымды бишкектик күйөрмандарым али көрүшө элек, Талас менен Нарынга барганда бул номеримди көрсөттүм эле, көрүүчүлөр аябай жакшы колдошту.
– “Батирде жашайм” деп жатасың, кыздарга тиешелүү үй жумуштарын ким жасайт?
– Мен ата-энем менен чогуу жашап жүргөндө деле өз киримди өзүм жуучумун, апам менен эжем жууса эле таза жуулбагандай сезиле берчү. Ал эми эжем турмушка чыккандан кийин үй жумуштарынын баары менин моюнума түшкөн. Апам башка иштер менен катар камыр жууруп, нан жасаганга чейин үйрөткөн. Ошондо үйрөнүп алганым жакшы болгон экен, азыр мантыдан баштап тамактын бардык түрлөрүн жасай алам. Бирок, кафеде иштегениме байланыштуу көбүнчө кафеден тамактанып келем. Анткен менен үйгө келгенден кийин досум экөөбүз божурашып отура берип кээде кантип таңкы саат төрт болуп кеткенин билбей калабыз. Анан курсагыбыз ачканын сезип, тамак жасап баштайбыз. Ошентип, тамагыбызды жеп алып, саат 5-6ларда жатабыз да, түш оогонго чейин уктайбыз. Биздин жашоо ушундай.
– Жеке концертиңди бергенге деңгээлим жетти деп айта аласыңбы?
– Антип айта албайм. Мен жеке концертимди бериш үчүн дагы убакыт керек. Балким, бул нерсеге бир жылдан кийин даяр болом...

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: