Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мажит: «МЕН КЫЗДАРДЫ ЖАМАН КӨРӨМ»

№283 4-10-апрель, 2008-ж.


«Алма сабагынан алыс түшпөйт» деген ушул экен. Куудул Кабыл Бөрүбаевдин уулу кичинекей пародист Мажиттин таланты эч бир көрүүчүнү кайдыгер калтырбайт. Өзүнүн мындай таңкалаарлык таланты менен ал атасын да артка калтыраарында эч шек жок. Бул балакай кайдан жүрүп мындай талантка ээ болуп калды экен? Анда кеп башынан болсун.

Мажит айына жетпей, жети айлык болуп төрөлүп, эки ай бою врач­тардын көзөмө­лүндө вакуумда багылган экен. Апасы Тамара эмизбесе да күн сайын бир маал ооруканага барып, баласынан кабар алып келет. Айнектин ичинде эле кичинекей болгон кара баласынын жатканын көрүп, жашап кетээринен деле күмөн саначу тура. Анын үстү­нө дем алганы да баланыкындай болбой оор болуп, апасынын көзүнө бир башкача көрүнчү. Баласынын денсоолугуна сарсанаа болуп, өзү менен өзү болуп жүр­гөнгөбү, эмнегедир эненин сүтү деле бат эле тартылып кеткен экен. Ошентип, 6-ноябрь күнү төрөлгөн Мажит эки айдан соң гана, 12-январь күнү үйүнө чыгып келет. “Бул бала болобу, болбойбу...” деп жүргөн ата-эне ушундан кийин гана балага ат коюу керек экенин эстешет. Ошондо Мажиттин таятасы “неберемдин жаны бек болсун” деп Жаныбек койгон экен. Бирок, бул ысымга Мажиттин атасы анча макул боло бербей, агасы Бекзаттын атына уйкаш болсун деп, бир чети кайнатасынын да көңүлүн калтырбай ошол эле атты оодарып Бекжан койгон экен.
Вакуумда жатып өзү айтмакчы, энесинин сүтүнүн даамын да татпаган Бекжан андан кийин деле жалаң жасалма сүт менен чоңоёт. Ал эми жооштугу жанда жок эле. Курсагын тойгузуп, астын кургактап койсо, бир кың дебей жата берчү экен. Бирок, Мажит кеч басып, тили да кеч чыгыптыр. Үч жашына чейин же баспай, же сүйлөбөй эле отура берген баласына тынчсызданган Тамара эже: “Кудай сактай көр, эмне, дудук бала төрөп койгонмунбу? Майып бала төрөп койгонмунбу?”- деп көп ойлочу экен. Анткен менен Мажиттин таланты ошондо эле ойгоно баштаган окшобойбу. Агасы Бекзат ырдаса кунт коюу менен оозун тиктеп турчу экен да, ырдын акырында агасына кошулуп кандайдыр бир үн чыгарып койчу экен. Анын ушунусунан уламбы же дагы башкадан уламбы, маркум Манас Бердибеков досунукуна барган сайын баланы колуна алып: “Көрөсүңөр, бул баладан бир нерсе чыгат, силерди ушул балаңар багат”,- дечү экен. Ал кезде “кантип эле ошондой болсун? Жөн гана менин көңүлүмдү көтөрүп жатат го” деп ыраматылык аяшынын сөзүнө көп маани бербеген Тамара эже азыр анын көрөгөчтүгүнө баа берип келет.
Бактыга жараша, Мажиттин үч жашында тили да чыгат, буту да басат, аны менен катар өнөрү да кошо чыгат. Бир күнү куудулдар Кабылдын үйүнө барып репетиция кылып калышат. Бир интермедияны кайра-кайра аткарып жатышып Манас Бердибеков: “Мажит, светти өчүр!”- деп кыйкырса, биздин Мажит тыпылдап барып улам светти өчүрүп коёт дейт. Кичинекей куудулдун азан чакырылып коюлган Бекжан аты үйбүлө ичинде ошондо эле Мажит атка алмашкан экен, көрсө. Ал эми эл ичинде Мажит аталып калганынын себеби башкага байланыштуу.
Бул жолу ошол эле Манас Бердибековдун уулу Санжар Бердибеков до­су Эрнис Бөрүбаев (Мажиттин улуу агасы) менен Мажиттердин үйүнө барып калат. Дагы эле репетиция кылып жатып “Жүр, досум Мажит” деген ырды ырдаса, Мажит Санжардын ырына аябай бийлеген экен. Анда Санжар: “Болду, сен менин досум Мажит болуп, эртеңден баштап мени менен сахнага чыгасың”,- деп калат. Айткандай эле эртеси бир концертте Санжар ырдап, Мажит биринчи жолу эл алдына бийлеп чыгат. Кичинекей баланын бийи элди кайдыгер калтырбай, эмнегедир ушундан кийин өзүнөн-өзү эле эл арасында Мажит аталып кетет. Азыр классташтарынын айрымдары эле “Бекжан” деп аташпаса, дээрлик баары, атүгүл үйүндөгүлөр да “Мажит” деп чакырышат. Андыктан, биз да “Мажит” деп кайрылдык:

– Мажит, сен айыңа жетпей тө­рөлүп, араң торолгонуңду өзүң билесиңби?
– Билем, менин эсимде калбаганы менен такай айтып жүрүшөт да. Апамдын сүтүн эмбей, бөбөктөргө жасап бере турган сүт менен чоңойгом. Атүгүл менин туулгандыгым тууралуу күбө­лү­гүмдү да он жашымда алышкан. Өзүм айтып жүрүп алдырбаганда, дагы деле күбөлүксүз жүрө берет белем, ким билет. Мектепке киргизгенде да күбөлүгү жок эле киргизип коюшкандарына таңкалам. “Ана алып келебиз, мына алып келебиз” деп жүрө беришиптир да. Мугалимим кайра-кайра сурай бергенинен бир күнү үйгө барып атам менен апама: “Өзү менин силердин балаңар экеним чынбы? Чын болсо күбөлүк алып бергилечи?”- дегенимден кийин алышкан.
– Азыр канчанчы класста окуйсуң?
– 6-класста окуйм.
– Сабактарыңды жакшы окуйсуңбу же куудулданып жүрүп сабак окуганды деле унутуп каласыңбы?
– Ударникмин. Башка сабактардан орточо эле окуйм, орус тил сабагына келгенде такалып калам.
– Орусча билесиңби?
– Билбейм. Ошон үчүн жаман окуйм да. Биринчи класста окуган Сайкал деген карындашым мени орусчадан текшере берет. Бир жолу “Мажит, Кудай дегенди орусча эмне дейт?” деди эле, “господи” десем: “Келесоо, господи дебейт, бог дейт”,- деп аябай чычалап алыптыр. Негизи, мен бул сөздү билет болчумун.
– Классыңда канчанчы атамансың?
– Биринчи. Классыбызда он жети эркек бала бар, баарынын бойлору кичинекей. Ошон үчүн аларды коркутуп, биринчи атаман болуп алгам.
– Анда тентек да болсоң керек?
– Тентекмин. Бир жолу тентектигимдин айынан мугалимим апамды мектепке чакырыптыр. Эжекем апамды класска алып кирип, “балдар, бул Бекжандын апасы болот” дегенде эле класста чуру-чуу башталды. Унчукпай калган бир да кыз калган жок. Бири “менин чачымдан тартат” десе, экинчиси “мени ручка менен сайгылайт”, дагы бирөө “мени урат” деп кыскасы, апама армандарын айтып эле жатып калышты. Апам “үйгө барганда сүйлөшөм” деп чыгып кетип калган.
– Анан сүйлөштүбү?
– Кичине урушкан. Ошондон кийин көп тентектик кылбай калгам.
– Демек, классыңдагы кыздардын баары сени жаман көрөт экен да?
– Эмнеге? Тескерисинче, баары жакшы көрүшөт. Калп эле ошентип коюшуп өздөрү тийишишет.
– Мектепте да бирөөлөрдү туурай берсең керек?
– Баарын эле туурайм. Атүгүл мугалимимди да туурагам. Биринчи класстан төртүнчү класска чейин окуткан эжекем танапис убагында мени доскага чыгарып, ар кимди туурата берчү. Бир жолу да класстагылардын баарын туурап бергенимден кийин “дагы кимди туурайсың?” деди эле, өзүн туурап берип койсом, боору эзилип калган.
Негизи, мен мугалимдерди күлдүрө берем. Бир жолу шоктук кылып койдум эле, эжекенин жини келип: “Бекжан, доскага чык!”- деди. Мен түз эле барып дубалда илинип турган доскага тырмышып калсам, баары түшүнбөй калышты. “Өзүңүз доскага чык дедиңиз го” десем, жини да тарап, күлүп калган эле.
– Эсиңдеби, эң биринчи кимди туурагансың?
– Окуй элегимде эле кошуналарымдын баарын туурап чыкчумун. Тарас Асанакунов менен кошуна элек, анын басканын, учурашканын, сүйлөгөнүн туурап берсем, аябай күлүп калчу. Кийин “мыкка келдим” деп Максат Тасмаевди үйдөгүлөргө туурап берчүмүн. Бир күнү үйгө Максат байке келип калды эле өзүнө туурап берсем, аябай күлүп, сахнага алып чыгуу тууралуу сунушун айтып калды. Элге да мен Максат байкени туурап көбүрөөк таанылдым окшойт.
– Азыркы жаш ырчылардын баарын туурап жүрбөйсүңбү? Ошолорду туураш үчүн кантип даярданасың?
– Дискти коём да, өзүмдүн бөлмөмө камалып алып убактымдын баарын күзгүнүн маңдайында өткөрөм.
– Кимисин туураганың өзүңө кө­бү­рөөк жагат?
– Съездбек байкени туураган аябай удобный. Ошол жагат.
– Күйөрман кыздарың барбы?
– Бар окшойт. “Жүрүп албайлыбы, мен сени сүйүп калдым...” деген сыяктуу каттар келет. Аларга сүйүүнү ким койду экен дейм да. Негизи, мен кыздарды жаман көрөм. Жакында Ошко гастролго барганда эле 110 кат келиптир.
– Андай каттарды эмне кыласың?
– Апам жанымда жок болсо ыргытып жиберем, эгер апам көрүп калса, алып, сактап коёт. Аларды эмне кылат, билбейм. Бут кийимимдин бош коробкасына сала берет го.
– Үйүңдөгүлөрдү күлдүрө­сүң­бү?
– Сөзсүз да. Күндө бир нерсени ойлоп таап, аларга туурап бергиче эле ичип жаткан чайым муздап калат. Атам бизди эшиктен кирген сайын “бут кийимиңерди түз чечпейсиңерби? Бар, тизип кел” деп сөзсүз бирөөбүз­дү чыгарып жиберет. Бир күнү бут кийимдерди тизип жатсам, биздики эле эмес, өзүнүн бут кийими да бири бул жакта, экинчиси башка жакта жатат. Анан оюма бир ыр келди: Кабыл аке мурдуңду,/ Коңкойтуп бизди карадың./ Үйгө кирип-чыкканда,/ Ботинкени санадың./ Ботинкени тиз дейсиң,/ Өзүң чечкенди билбейсиң. Эртеси күнү дагы баягы буйругун бергенде ырымды айтып койсом, өзү сөз таба албай калды.
– Силердин үйбү­лөңөр жалаң таланттуу адамдар болгондуктан, сенин чыгармачылыгыңды баары эле колдошсо керек?
– Ооба, көпчүлүк билгендей, менин атам куудул, апам ырдап жүрөт, агаларым Эрнис менен Тимур да ырчылар, менден улуу агам Бекзат да таланттуу, а карындашым Сайкал азыртан бийчи, ырчы-пародист болгонуна карабай атам аны чыгармачылыкка такыр жакындаткысы келбейт. Менин биринчи сынчым – Бекзат. Эгер жаңы ойлоп тапкан чыгармам андан өтсө, анда экөөбүз үйдөгү башкаларга көрсөтөбүз. Мына ушундай чыгармачыл үйбүлө болгондон кийин мени баары колдошот. Мага бирок, апамдын ырдаганы жакпайт. Ырдаганда тим эле жыландай болуп кыймылдайт.
– Демек, сен апаңдын сахнага чыгышына каршы экенсиң да?
– Каршы деле эмесмин. Эми өзү билет да.
– Сен кичинекей экениңе карабай жеке концертиңди ийгиликтүү берип, өз алдыңча каражат тапканга жетишип калбадыңбы. Ошол биринчи концертиңден түшкөн акчаңды эмнеге жумшадың?
– Атамдар кайра эле өзүмө студия ачып беришти. Андан калганына атамдын машинасын жаңыртып бердим. Так что, мен деле өз алдымча оокат кылганга жарап калгам.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: