Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Шахзода: «ЫРЧЫ ЭМЕС, ЖУРНАЛИСТ БОЛГУМ КЕЛЧҮ»

№285 18-24-апрель, 2008-ж.


“Тумар” радиосунун ачылыш аземине арналган концерт үч өлкөнүн эң чоң жылдыздарын чогултканга жетишти. Ал кечеге өзбекстандык чырайлуу ырчы кыз Шахзода жана казакстандык “Аll Давай” тобунун таланттуу жигиттери чакырылган эле. “Тумар” радиосунун программалык директору Алексей Сидоровдун көмөгү менен биз конок жылдыздар менен концертке чейин кезигип, маек курууга үлгүрдүк.

Толук аты – Зилола Мусаева Бахадыровна
Туулган күнү – 1978-жылдын 28-июлу, жылдызы – арстан
Туулган жери – Ташкент шаары
Апасы – Мусаева Майя – филолог, орус тили жана адабияты мугалими
Атасы – Мусаев Бахадыр – философия илимдеринин доктору
Ерий Салих аттуу уулу бар. Учурда ал мектеп окуучусу

Атасынын аспирантурада окуп жаткандыгына байланыштуу Шахзода балалыгын Москва шаарында өткөрүп, Ташкентке 1987-жылы кайтып келген. Мектепти ийгиликтүү аяктап, 1999-жылы жогорку окуу жайынын менеджмент бөлүмүнө тапшырган. Бирок, жашоосунун көп бөлүгүн музыка ээлегенин сезип, ойлонбостон окуусун таштап салган.
Зилоланын мектептен берки жакын курбусу Нателла өз мекенинде белгилүү аранжировщик, акын жана композитор Вагиф Закировдун жубайы экен. Вагиф кыздарга “Жоным” аттуу топ түзүүнү сунуштайт да, “Утиб кетади” деп аталган альбом чыгарганга жардам берет.
2001-жылы “Тарона Рекордс” компаниясы менен келишим түзгөн ырчы жаңы “Шахзода” деген ысым менен чыгууну чечет. Шахзода “2003-жылдын мыкты ырчысы”, “2004-жылдын мыкты альбому”, “2005-жылдын мыкты ыры” номинацияларында жеңүүчү болгон. “Бор экан“, “Бахт булади“, “Керагимсан“, “Бахтлиман“, “Ассолом алейкум” деген альбомдорун чыгарып, учурда дагы бирөөсүнүн үстүндө иштөөдө.

– Шахзода, ырчы болууну кичинекейиңден бери самасаң керек?
– Жок, мен ырчы болууну каалачу эмесмин.
– Анда ырчы болбогондо азыр кайсы кесиптин ээси болмок элең?
– Сүрөтчү болууну самачумун. Бул менин балалык кыялым болсо керек, эмнегедир дайыма «сүрөтчү болом» деп ойлочу элем. Бой жетип калганда журналист болууну да абдан каалап, «келечекте ушул кесиптин ээси болом» деп ишенчүмүн.
– Зилола жөнүндө айтып бергенди жактырасыңбы же Шахзода жө­нүндөбү?
– Силерге Шахзода жөнүндө айтып берсем көбүрөөк кызыктуу болот болуш керек. Жаңылбасам, 2001-жылы “Тарона Рекордс” компаниясы менен келишим түзүп, алар тараптан мага ушул ат коюлган. Биздин максат – чыгыш стилиндеги бир образ жаратуу эле. Баарыбыз чогулуп ойлонуп ушул атка токтодук. Негизи, мен оңой менен бир нерсени жактыра бербейм. Көңүлүмө жакпаган нерсени дароо билдирем. А “Шахзода” деген ысым дароо эле кулагыма жагымдуу угулду.
– Сага ысымдардын кайсынысы жакыныраак?
– Бул ысымдарды бөлбөйм, экөө тең баалуу. Зилола – менин туулганда коюлган атым болсо, Шахзода деген атка экинчи жолу туулганда ээ болдум.
– Качан өзүңдү жылдызмын деп сездиң?
– Мен өзүмдү эч качан жылдызмын деп эсептебейм, себеби, өзүмө жетишинче сын мамиле жасайм. Өзүңдү чыныгы жылдыз деп атоо үчүн абдан көп убакыт талап кылынат болуш керек. Балким, мени жөн гана “менин көрүүчүлөргө, угармандарга керегим бар” деген сезимдер ээлейт. Бирок, “жылдызмын” деп ишеним менен айта албайм.
– Ошентсе да азыркы ийгиликтериңе жетиш оор болдубу? Колдоочуларың ким?
– Албетте, оор болду, көпчүлүк ойлогондой жеңил болгон жок. Мени дайыма жогоруда айтылган “Тарона Рекордс” компаниясы колдоп келет. Бул жерде абдан көп киши эмгектенет. Мында акыны да, обончусу да, аранжировщиги да бар. Компания жалгыз мени эмес, көп­төгөн жылдыздарды колдоп, эл алдына алып чыгат.
– Ырларыңды өзүң жаратасыңбы?
– Жок, мен ырларымды өзүм жазбайм. Бирок, жаңы ырды компания менен отуруп алып абдан кылдаттык менен талдап чыгабыз. Мени ойлондурган, угарманыма тартуулагым келген бир темадагы ырды акындарга сунуштайбыз, обонун да композиторлорго тапшырабыз.
– Сени киноактриса катары да билебиз. Өзүңө кино жакынбы же эстрадабы?
– Албетте, эстрада. Себеби, буга көбү­рөөк көңүл бөлөм. Тасмага тартылуу абдан кызыктуу, бирок, ошол эле убакта абдан татаал нерсе. Сахнада сен өзүңдү өзүңдөй алып жүрө аласың. Ал эми фильмде башка образга кирип, белгилүү бир ролду аткарууң керек.
– Эстрададан жана кинодон башка эмнеге кызыгасың?
– Мага түрдүү кийим моделдерин ойлоп табуу абдан жагат. Өзүмдүн костюмдарымды тикпесем да стилин, моделин өзүм ойлоп табам. Балким, бир күнү жеке коллекциям чыгып калгысы бардыр.
– Иштериңди алдын-ала пландайсыңбы?
– Ар бир эле адам алдына бир максат коюп, күнүмдүк жашоосун пландаштырат болуш керек. Менин да максаттарым, ой-тилектерим жана ар бир кыздыкындай эле эч кимге айтпаган кыялдарым бар. Негизгиси, коюлган максаттарга жетүүгө аракет кылуу керек.
– Кумириң барбы?
– Туура же туура эмес экенин билбейм, бирок, эч кимди кумир катары туткан эмесмин. Көбү өзүнө кумир жаратып алып, ошого окшошкусу келет. Менимче, ар бир адам өзгөчө, ал өзүнүн кыял-мүнөзүн көрсөтүп, өзүн чыгарыш керек. Албетте, мага жаккан адамдар бар, бирок, акылдан чыгып эч кимге “жалынган” эмесмин.
– Ушак сөздөрдү кандай кабыл аласың?
– Ушактарга кайдыгер караганды үйрөнгөм. Атактуу адам болгондон кийин сөзсүз түрдө сөзгө илинет экенсиң. Албетте, кыз болгон соң жашоодо ар бир нерсеге акыл-эс менен эмес, көбүрөөк сезим менен мамиле кылам да, кээде ушак сөздөр катуу тийип, аларды жүрөгүмө жакын кабыл алган күндөр болгон. Бул нерсеге көңүл бурбоону жана теманы ачпай эле коюуну туура көрөм.
– Шахзодага окшош бирөө бар экен деген чынбы? Сени порновидеого тартылат деген ушактар да чыккан эле...
– Алгач бул тууралуу жаңылык мага өтө жагымсыз угулган. Азыр мындай сөздөргө көнүп деле калдым окшойт. Москвада пиар катары атайын ушундай ушактарды таратышаарын жакында эле билип, аябай таңкалдым. Бул нерсеге чоң чекит койгум келет. Себеби, бул сөз тажатып баратат. Албетте, ал мен эмесмин. Мага окшош бирөө бар экенин да укпагам.
– Кыргызстан, Бишкек сага жактыбы?
– Бул жакка канчалык көп келген сайын ошончолук көбүрөөк жагат. Бишкек шаары бир башкача позитивге толгон, жылуу, жагымдуу шаар. Жаңылбасам, бул 4-жолку келишим. Ар келген сайын Бишкек бат-баттан өзгөрүлүп турат. Шаардын тургундары да жакшы.
– Кыргыз эстрадасынан кимдин аттарын угуп жүрөсүң? Балким, жеке тааныштарың бардыр?
– Тилекке каршы, кыргыз эстрадасынан эч кимди тааныбайм. Бирок, бул жакта да татыктуу жылдыздар бар экенинен күмөнүм жок жана алар менен бир күнү таанышабыз деген тилек бар.
– Жашоодогу девизиң?
– Болбой турган эч нерсе болбойт. Каалоо жана эмгек гана керек.
– “Супер-Инфого” жана анын окурмандарына кайрылууң...
– “Супер-Инфого” түгөнбөгөн кызыктуу маалымат, ийгилик жана жакшы маанай каалайм. Гезиттин окурмандарына ырчылар гана эмес, башка жааттагы атактуу адамдар менен тез-тез жолугушуп турууга мүмкүнчүлүктөрү көп болсун демекчимин.

Эскерте кетсек, биринчи чыгыш радиосунун ачылыш аземине арналган концерт 11-апрелде Спорт Ордосунда болуп өткөн. Концерттин уюштуруучусу Алексей Сидоровдун айтымында, кече ойдогудай өттү. Шахзода кыргызстандык күйөрмандары тарабынан берилген гүл менен жумшак оюнчуктарга көмү­лүп калды. Бөтөн залда ырдап жатканы үчүн сүрдөдүбү же кыргыздын өрт жигиттеринен чочуладыбы, айтор, биздин сахнага чыгып гүл берүү, анан бетинен өөп коюу салтыбыз ага анча жа­га бербеди. Өзбек, орус, казак тилдеринде ырдаган Шахзода балким, эмкиде кыргыз тилинде да ырдап, бул жактагы угармандарын кубантат, ким билет. Концерт аяктаары менен Шахзода мейманканага кетти да, эртеси күнү эле таң атпай мекенине кайтты. Бирок, “дагы бир жолу келем” деп убада кылды.

Маектешкен Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: