реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кайрат Нуртас: «ЖАТАКАНАДА ЖАШАП ЖҮРГӨНДӨ НАН ЖАПЧУМУН»

№288 9-15-май, 2008-ж.


Акыркы күндөрү коңшулаш мамлекеттердин ырчылары да биздин өлкөгө байма-бай каттай башташты. Алардын катарында жаш ырчы Ильяз Абдыразаковдун эмгегинин натыйжасында казакстандык ырчы жигит Кайрат Нуртастын да концертине күбө болдук. Кайрат жергебизде конок болуп турганда эбин таап, аны менен кененирээк баарлашып, маек курууга жетиштик...

– Кайрат, айтсаң, сен бүгүн кыргыз элинин алдында ырдап жатасың, биздин аудитория кандай экен?
– Өтө маданияттуу экен десем болот. Мага концерттин жүрүшү аябай жакты. Эл да тынч отуруп, ырды берилүү менен угат экен. Мисалы, бизде, Казакстанда ырчы алгач сахнага чыкканда, анан ырдап жаткан учурда кол чаап отурушат. Ал эми бул жакта ыр бүткөндө гана кол чабышат экен.
– Кыргыз жерине биринчи ирет келип отурсаң керек? Кыргызстан жактыбы?
– Мындан беш күн мурун да эл-жер менен таанышып, кыргызча ыр жаздырып кетүү үчүн келип кеткен элем, аябай жакты. Тили, өңү-түсү, кең пейилдиги жагынан бири-бирине өтө жакын улуттардан экенбиз. Баарынан да мага кыргыздын улуттук тамактары жакты. Мындай даамдуу тамактарды мурда эч жерден жеген эмесмин.
– Жакынкы аралыкта алдыга койгон пландарың туурасында сөз козгосок...
– “Жаздын соңу” деп аталган экинчи альбомум жарык көрүү алдында турат. Буюрса, ушул айдын 24-25инде Жалалабат, Ош шаарларында ушул эле концертти коёбуз, ошондо ала келем. Дагы бир чоң планыбыз, кийинки жазда сүйүү туурасында менин катышуум менен кино тартканы жатабыз. Ал эми ага чейин Кытайга гастролдук сапарга аттанам.
– Буга чейин кайсы өлкө­лөр­гө бардың эле?
– Буга чейин Өзбекстанда концерт коюп, Түркияга жеке кечеге ырдоо үчүн барып келгем.
– Кел, эми маегибизди сенин жеке жашооң тууралуу улайлы. Өзүң жөнүндө кыскача айтып берсең?
– Мен 1989-жылы 25-февралда Казакстандагы Шымкент облусунун Туркестан шаарында төрөлгөм. Балалыгым Алматыда өтүп, учурда борбор калаабыз Астанада жашайм.
– Алгачкы жолу ырчы болом деген ой качан келгени эсиңдеби? Кичинекейиңде ким болууну каалачу элең?
– Ырчы болом деген ой качан келгени эсимде жок. Анткени, төрөлгөн күндөн баштап эле мен ырчымын. Апамдын айтымында, жаңы төрөлгөн кезимде эле ыйлаганда да кооз, жагымдуу үн менен ыйлачу экенмин. Туугандарыбыздын баары: “Бул балаңдын ыйлаган үнү өзгөчө жагымдуу го, ушул ырчы болот окшойт”,- деп калышчу тура. Алар айткандай эле кийин мага тил чыккандан баштап эле бала бакчада ырдай баштадым.
– Демек, сенин ырчы болооруңду ата-энең деле төрөлгөндөн баштап билип-туюп, ырдап чыгышыңа каршы болушпаптыр да?
– Мен качандыр бир кезде баарыбир атамдын жолун жолдоп жеке ишкер болом. Ырчылык менин түбөлүктүү кесибим эмес. Ошентсе да ата-энем ырчы болушума таптакыр каршы болушкан жок. Учурда апам менин продюсерим. Чыгармачылыгымды толугу менен колдоп, мени ырчы катары таанытып келет. Аты Гүлзира.
– Темадан алыстай электе үй­бүлөң менен да тааныштыра кетсең?
– Атамдын аты Нуртас, учурда жеке бизнес иштери менен алектенет. Үй­бү­лөдө үч уулбуз, мен эң улуу­сумун. Менден кийинки иним Аян 7-класста окуйт, футболго өтө кызыгат. Баса, өткөн жумада футбол оюндары менен ал да Бишкекке келип кетти. Кичүү иним Заңгар болсо азыр 5-класста окуйт. Заңгар менин жолумду жолдоп ырчы болот окшойт. Жакшы ырдайт.
– Үйбүлөдө жа­лаң балдар экенсиңер, анын үстүнө сен эң улуусу турбайсыңбы. Апаңа үй жумуштары боюнча да жардам берсең керек?
(Күлүп). Ооба, баарынан да пол жууганымды айтайынчы. Үйдө дайыма пол жуучумун. Үй шыпырып, идиш жуумай, тамак бышырып кичүү инилеримдин курсагын тойгузмай да мен үчүн катардагы иштерден эле. Азыр андайга колум бошобой калды. Себеби, айына 2-3 күн гана үйдө болом. Учурда үй кызматчыларын жалдап алганбыз.
– Анда сен ашканада да мыкты ашпоз турбайсыңбы?
– Көп эле тамактардын түрлөрүн даярдаганды билем. Мисалы, жумуртка бышыра алам, шорпо, макарон менен картошка кууруган колумдан келет. Айтор, ошол кезде апама жардам берүү менен бирге студент болгондо ачка калбай тамак жасап жегенге даярданыптырмын. Жатаканада жашап жүргөндө нан да жапчумун. Мен Алматыдагы Жусипбек Елебеков атындагы колледжде эстрада жана вокал тармагында окугам. Ал кезде ата-энем Астанада турушчу. Мен жатаканада да, туугандарыбыздыкында да, батирде да жашадым. Кыйналган күндөрүм көп эле болгон.
– Эмнеден кыйналдың эле?
– Студент кезде кыйынчылыктар боло берет эмеспи. Бир күнү ачка калсам, бир күнү дос балдар менен жүрүп акча жок талааларда түнөп калган күндөрүм болгон.
– Ошол кезде эле ырдап жүрчүсүң да?
– Ооба, атактуулукту алып келген “Арман” деген ырым дал ошол кезде чыккан. Бул ырды мен мындан үч жыл мурун 16 жашымда ырдадым.
– Сени кыргыз эли да “Арман” деген ырың аркылуу тааныды. Ушул ырыңдын жаралуу тарыхы туурасында кеп салып берсең?
– Бул ырды мен өзүм жаратпасам да анда менин жеке жашоомдогу сүйүү арманым айтылган. Сүйгөн кызым таштап кетип, арзуунун азабын чегип жүргөн кезде ырдап калдым. Сөзү, обону Бауржан Эсебаев деген адамга таандык.
– Сөзүңө аралжы, анан сени арманга салган сүйүүң эмне болду?
– Эми жаштыкта бо­ло берет турбайбы, ал кыз мени таштап кетип, “Арман” деген ырдын башкаарманы болуп калбадыбы. Кийин аны сагынып жүргөн кезимде “Сагынсам кантип чыдаймын?” деген ырым чыккан. Мен ырчы болуп чыккандан кийин ал кыз кайра мага келген, бирок, ал кезде сезимдерим өчүп калган эле да, ага арналган дагы бир “Көз жашың жардам бербейт” аттуу ырды ырдап чыктым. Ошону менен мени таштап кеткен кызга арналган ырларым токтоп, учурдагы сүйүүмө арнап “Эч кимге көрсөт­пөймүн” деген ыр жаздырып, ырдап келем.
– Сөздүн төркүнүнө кайрылалы. “Арман” ырынын клиби кайда тартылган?
– Алматы облусуна караштуу Капшагай деген тегерегинде суусу көп шаар бар, ошол жерде тартылган. Клиптин сценарийин апам түзгөн, кээбир жерлери жогоруда айтылгандай, менин башымдан өткөргөн сүйүү арманымдан алынган. Ал эми суудагы отургучтар болсо жөн гана кооздук үчүн оператор байкенин сунушу менен коюлган эле. Кийин дал ошол отургучтар да клипке өзгөчө көрк бергени билинди. Себеби, КВНдерде, пародияларда сахнага отургучтарды коюп алып, мени туурап калышат. Дагы бир айта кетчү нерсе, клиптеги жигит кызга берген моюн чынжырчасы да Казакстанда модага айланып, канча деген жаштар так ошондой чынжырчаларды бири-бирине белекке берише башташкан.
– Сенин бул ырыңдын бизде да суроо-талабы чоң болду, алтургай кыргызчага да которуп ырдашты. Буга көз карашың кандай?
– Менин ырымды башка тилдерге которуп ырдашса, мен сүйүнөм. Демек, ыр жагыптыр. Бул ырды бир гана кыргыз тилине эмес, өзбек, түрк тилдерине да которушту. Ал эми ырдын кыргызча ырдалышын уга алган жокмун. Бирок, мага кыргызча ырдаган жагат. Дегеле, кыргыз тили сонун да. Биринчиден, так, назик болсо, экинчиден, кооз дагы.
– Баса, сен ушул ырың менен жаңыдан биздин элге таанымал боло баштаганыңда “Кайратты бычактап өл­түрүп кетишиптир”, “бир кыздын айынан автокырсыктан каза тааптыр”, “Кайрат тирүү эле, болгону, анын көзү тубаса сокур экен” деген ушактар чыкты эле?..
– Минтип бир эле Кыргызстан эмес, сен айткан ушактардын баары Казакстанда да бир жылдай желип-жортуп жүрдү. Бир күнү түз эфирге чыгып калсам, ал жакка бир айым чалып алып: “Кайрат, сенин көзүң кантип көрүп калды?”- деп сурап жатпайбы! Башында мындай кептерди укканда жаман боло берчүмүн, азыр “өмүрүм узун болот экен” деп жоруп коём.
– Ошондой эле болсун. Кайрат, кел, анда маегибизди ушак кептерден алысыраак улайлы. Бош убактыңда эмне менен алектенесиң?
– Бош убактымда бильярд ойноп эс алуу­ну жактырам. Анан 7-классымдан бери күрөшкө катышып келем. Кээде убактым андан да артып калса, досторум менен эс алам. Астанада өзүмдүн коттеджим бар, ал жакта болом.
– Машинаң да бар болсо керек?
– Мурда “Мерседес” айдачу элем, жакында “Жип Лексус” алып, эски машинамды апама бердим.
– Жогоруда “сүйгөн кызым бар” дебедиңби, ошол туурасында эки ооз сөз?
– Эми ал кыз туурасында кенен айтып берүүнү кажети жок деп ойлойм. Эң негизгиси, менин талаптарыма жооп берет.
– А талаптарыңдын кандай экендигин билсек болобу? Дегеле, сага кандай кыздар жагат?
– Ыймандуу, ак көңүл, конок келсе күлүп турган, чачы узун, ачык кийинбеген заманбап кыздар жагат.

Маектешкен Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: