Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ташкент кызы Гүл: «ХИДЖАБ КИЙГЕНИ ТАКЫБА АДАМГА БАШ КОШУУНУ ТИЛЕП ЖАТАМ»

№291 30-май - 5-июнь, 2008-ж.


Ташкент кызы Гүл деген ысым азыр жаштардын кулагына сиңип калган ысымдардын бири. Анын жазган ырларын, жараткан обондорун азыркы сахна жылдыздары аткарып жүрүшөт. Ар дайым элден өзгөчө кийинип, өзгөчө жаңылык киргизүүнү жактырган ырчы шоу-бизнес жаатында да бир өзгөчө жаңылык жаратты. Башкача айтканда, хиджаб кийип сахнага чыга баштады. Эми ырчы кыз күйөрмандарына Алла Тааланы даңазалаган, жаштарды ыймандуулукка чакырган ырларын тартуулайт.

– Гүл, алгач Кудай жолуна түшүп, хиджаб кийүүңө эмне таасир болгонунан кеп салып берсең?
– Мен негизи, кичинекей кезимден эле “Кудай жолуна түшсөм” деп ниет кылчумун. 8-классты аяктагандан кийин өзүбүздүн эле Манас айылындагы №110-кесипчилик лицейинин тигүүчүлүк бөлүмүндө окуй баштагам. Ошол жердеги айлана-чөйрөмдүн таасири күчтүү болду. Анткени, ал окуу жайда хиджаб, топу кийип динди ыйык туткан улан-кыздар көп эле. Анын үстүнө, андай адамдар окуу жайга да дават айтып көп келишчү. Ошол кезде эле хиджаб кийгим келчү. “Ар бир нерсенин өз убакыт-сааты бар” деген туура окшойт, эми кие баштадым.
– Ата-энең да Кудай жолунда жүргөн адамдарбы?
– Алар азырынча намаз окууга ниеттери гана бар, бирок, бара-бара намазга жыгылып, Кудай жолуна түшөт деген ишеничтемин. Менин мындай жолго түшөөрүмдү уккан ата-энем алгач уруксат бербей, кооптонуп жүрүштү. Мени “жер кыдырган молдо болуп кетет экен” деп ойлошту го. Мен баарын түшүндүрүп айткандан кийин макулдуктарын беришкен. Азыр мени менен чогуу жашаган сиңдим Нурзат да намаз окуп жатат.
– Азыр намаз окуп, үйдөн да, көчөдөн да дайыма хиджаб кийип жүрөсүңбү?
– Намаз окуп баштаганыма сегиз ай болуп калды. Намазды каза кылбай окуганга аракет кылганым менен ишимдин көптүгүнөн каза кылып алып жатам. Аларды куптан намазына же бешим намазына кошуп окуп коём. Хиджаб кийгенден тарта мурда кийип жүргөн кыска көйнөктө­рүм­дү, жеңи жок топиктеримди кийгим келбей калды.
– Сахнага хиджаб кийип чыгышыңды сахналаштарың кандай кабыл алышты?
– Кудай жолуна түшөө­рүмдү угушкан сахналаштарымдын арасында: “Сен азыр жашсың, мындай жолго түшпөй эле кой, кийин деле жетишесиң”,- дегендер көп болду. Бирок, менин бала кезден келаткан өзүмдүн оюмду бирөө­нүн ою менен алмаштырбаган өжөр мүнөзүм ага жол бербеди. Адамдар менин ишиме канчалык каршы чыгышса, мен огобетер ал иштин майын чыгара жасаганга жөндөм­дүүмүн. Андыктан, ал ишимдин акыбети кайтат. Албетте, мен үчүн мындай кадамга барыш чынында тобокелдик болду. Анткени, “азыркы шоу-бизнесте биринчилерден сахнага хиджаб кийип ырдап чыкканы жатсам, анан эл кандай кабыл алат?” деп кооптонот экенсиң. Ал эми сахнага да хиджаб кийип чыгаарымды уккан кээбир ырчылар жакшы кабыл алышты.
– Мындан ары деле бардык темадагы ырларды ырдай бересиңби?
– Негизи, келечекте жаштарыбызды ыймандуулукка, туура жолго түшүүгө чакырган темадагы гана ырларды ырдайм. Бул ырларым эстрада менен коштолбойт. Менин үнүмдү керектүү жерден кыз-жигиттер коштоп ырдашат жана добулбас урулат. Азыр сөзүн да, обонун да өзүм жараткан Алла Тааланы даңазалаган бир эле “Тобо кылалы” деген ырым бар. Майдын башында он күн Токтогулда Искусство институтунун таланттуу жаштары менен гастролдоп келдим. Ошондо ушул ырымды хиджаб кийип ырдап чыктым. Бул ырым жогоруда айтып өт­көндөй, эстрада менен коштолгон жок.
– Ал ырыңды ким коштоп турду?
– Бул ырымды Искусство институтунда окуган Курал деген жигит коштоду. Ал динге берилген деле бала эмес, болгону, менин үн коштой турган жигит издеп жатканымды угуп келген.
– Сенин бул кадамыңды күйөр­ман­дарың кандай кабыл алат деп ойлойсуң?
– Жогоруда “Токтогул районунун айылдарын кыдырып келдик” деп айтып өтпөдүмбү. Негизи, Токтогул эли – таланттарды баалай билген эл. Сахнада мурдагы аткарып жүргөн ырларымды ырдаганымда залдагылар кол чаап колдоп отурушту. Ал эми хиджаб кийип алып диний багыттагы ырымды аткарганымда жадакалса анча-мынча “майрамдап алгандар” да тынчып, мемиреп угушту. Ырым бүткөн­дөн кийин көпкө кол чабышты. Концерттен кийин бир топ адамдардан ошол ырым туурасында жылуу пикирлерди уктум. Менин бул кадамымды эл туура кабыл алып, колдооруна ишенимим чоң.
– Мурда мүнөзүң кандай эле, азыр өзгөрүлдүбү?
– Менин баскан жолумду экиге бөлүп кароого болот. Кудай жолуна түшкөнгө чейин той-топурга, кечелерге көп барып, кичине шарап иччүмүн. Анан да дос-тааныштарым менен каткырып тамашалашчумун дегендей. Азыр кечелерге барбайм, ичимдик ичпейм. Бирок, көңүлүмө жаккан жакын досторум менен мурункудай каткыра күлбөсөм да, сырдашып сүйлөшө берем. Мүнөзүм мурункуга караганда токтоо болуп, эч кимге кек сактабай, бардык адамдарга боорукерлик менен карап калдым.
– Негизи шариятта кыз баланын ырдашына жол берилбейт эмеспи?
– Ооба, ошондой. Бирок, менде Кудай берген талант бар. Ошол талантым менен элдин жүрөгүнө жеткидей, тарбиялык мааниси күчтүү, жаштарга таасир бере тургандай, аларды туура жолго үндөй турган ырларды жараткым келет. Мен ыр жаратып сахнага чыкпасам, жандүйнөм жабыркап калабы деп корком.
– Учурда жаңы ыр, обон жаратып жатасыңбы?
– Ыр жазып, обон жаратуу – мага жаккан убакыт-сааттардан. Андай кезде өзүмдү учкан куштай эркин сезем. “Ыр жазып бер” деп келген ырчылар менен мурдагыдай эле “соодада достук жок” деп сатуу же алмашуу жолу менен иштешип жатам. Көпчүлүк учурда айрымдарына жардам катары бекер жазып берсем, кээбирлери акысын көңүлдөрүнөн чыгарып беришет. Кудай буюрса, келечекте ырдалчу диний багыттагы ырларымды да өзүм жазам. Бирок, албетте, көңүлүмө жаккан акындар, обончулар менен да иштешем.
– Мурда аткарып жүргөн ырларыңдын тагдыры эмне болот?
– Буга чейин аткарып келген ырларымдын баары сүйүү темасында болчу. Алардын баарын биртууган сиңдим Нурзат өз үнү менен жакында аткарып чыгат. Учурда ал үйдөн ар бир ырды ырдап көнүгүп жатат. Качан менин көңүлүмө толуп, өзү да “даярмын” дегенде дароо ырларды жаздырып, радиолорго бере баштайбыз.
– Азыр дагы эмне менен алектенип жатасың?
– Быйыл Искусство институтунун 5-курсун аяктап жатам. Гастролдоп кетип окуум көп учурда үзгүлтүккө учурап жаткандыктан, сүйлөшүп бүтүрөм деп жатам. Андан сырткары, бала кезимден эле журналистика тармагына жакынмын. Бул жаатта да күчүмдү сынап көрөйүн деп азыр Улуттук телевидениедеги “Темир тордогу үмүт” көрсө­түү­сүндө практикант катары редактор болуп иштөө­дөмүн. Съёмка кандай тартылып, кантип монтаждалаарын, анан ага кантип текст жазылаарын үйрө­нүү­дө­мүн. Андан сырткары, ыр жазып, обон жаратуу менен алектенип жатам.
– Сүйлөшкөн жигитиң барбы?
– Мен буга чейин деле сүйүүнү аруу, таза, ыйык нерсе катары карап келгем. Азыр деле бул оюмдан танбайм. Атайын чын жүрөгүмдөн берилип жактырган адамым жок. Бирок, мени жактырып, сөз айтып жүргөндөр бар.
– Келечектеги жолдошуңдун дагы Кудай жолунда жүргөн адам болушун каалайсыңбы?
– Менин динге берилгениме жолдошумдун каршы болушун каалабайм. Ошондуктан, келечектеги жолдошум ыймандуу, адамгерчиликтүү, Кудай жолунда жүргөн адам болсо дейм жана ошондой адамга жолугаарыма көзүм жетет. Менин ички туюмума караганда мындай жигитке 24 жашыма чейин сөзсүз жолугам.
– Жаңы ырыңа клип тарттырасыңбы?
– Ырдын маанисине карата клип тарт­тырууну пландап жатам. Буюрса, ырымдын клибин сөзсүз мечиттен тартам.
– Клипке тартылганда жана сахнага чыкканда боёносуңбу?
– Албетте, боёнбосом сахнанын да, клиптин да көркү чыкпай калбайбы. Атайын мусулман айымдары колдонуучу косметикалардан колдоном. Мурда чачымды жума сайын боёсом, азыр боёбой өстүрүп жатам.
– Алдыга койгон ой-максаттарың менен бөлүшө кетсең?
– Жаштарга тарбиялык таасири бар, ыймандуулукка, гумандуулукка чакырган ырларымдын эл жүрөгүнөн орун алышын тилек кылып жатам. Ушундай багыттагы ырларымды көбөйтүп, Бишкекке концерт берсем деген пландарым бар. Андан сырткары, курамын Кудай жолунда жүргөн, тамеки чекпеген, спирт ичимдиктерин ичпеген жаштар түзгөн топ ачайын деген оюм бар. Алар менин ырларымды коштоп турушат жана өздөрү деле ырдай беришет.

Маектешкен Сүйүн Кулматова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: