Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Клара Алибекова: «КОЛУМДУ СУРАГАНДАР БИРӨӨ ДА ЭМЕС, ҮЧӨӨ»

№293 13-19-июнь, 2008-ж.


Мындан бир топ жыл мурун кыргыз элинин учу-кыйырына “Кыргызымдын жигиттери” аттуу ыр менен Клара Алибекова деген ысым дүң болгон эле. Ал дүңдү жараткан кыз анда болгону 5-класстын окуучусу болчу. Андан кийин деле кичинекей ырчы “Классташым”, “Энекем”, “Сүйүү керемети” деген ырлары менен белгилүүлүгүн кармап турду. Арадан бир топ мезгилдин өтүшү менен азыр Клара Алибекова унутта калып бараткансыйт. Бул ырчынын эмгектенбей койгонубу же ырчылыктан башка кесипке оогонубу? Мунун баары жөнүндө жана анын акыркы кабарлары туурасында төмөнкү маектен биле аласыздар.

БАЛАЛЫКТАН БАШТАЛГАН ЫРЧЫЛЫК КАДАМ
– Мен 1982-жылы Жалалабаттын Көкжаңгак шаарчасында төрөлгөм. Эки эркек, беш кыздын бешинчисимин. Кичинекей кезимден эле ыр-бийге шыктуу болуп, мектептеги чакан майрамдарда ошондогу белгилүү ырларды ырдап, андан сырткары, чыгыш, индия бийлерин да бийлечүмүн. Көкжаңгакта ошол кезде жандуу үн менен ырдаган ансамбль бар эле. Бир күнү 2-класстагы ырдагысы келген кыздардын баары чогулуп алып жөнөп калдык. Ансамблдин жетекчиси бизди бир-бирден ырдатты эле, мен Мерген Тургандын “Ак бантигин” ырдап бердим. Жетекчилик ошончо кыздын арасынан мени жактырышыптыр. Күнүгө сабактан чыгып алып ансамблге барып репетиция кылам. Менин мындай күн тартибимди билишпеген үйдөгүлөр мени “окууга барып, андан кийин үйгө келип жүрөт” деп ойлошчу экен. Ансамбль менен Жалалабат аймагын кыдырууга келгенде гана апам менин ырдап жүргөнүмдү билди. Биздин айылга келген атактуу ырчылар менин кичинекей болуп туруп сахнага чыгып жатканымды көрүп таңкалышчу. Менден бир нерсе чыгаарын байкаса керек, ырчы Абидин Темиров ошол жылы Бишкектеги Мукаш Абдраев атындагы музыкалык мектепке алып келди. Мектептин директоруна келген максатыбызды айттык. Тилекке каршы, алар окуучуларды 3-класстан баштап кабыл алышат экен. “Анчалык эле окугуң келип жатса, 5-класстын окуучусу экениңе карабайбыз, 3-класска кирип оку”,- деди. Ага деле макул болдум. Бирок, апамдар каршы болуп коюшту. Анан кайра эле өз мектебимден окуумду улантып калдым.

АТАК АЛЫП КЕЛГЕН “КЫРГЫЗЫМДЫН ЖИГИТТЕРИ”
– 5-класста окучумун. Бир күнү эле ансамблдин жетекчиси мени өзүнө чакырып алып: “Тургуналы Нурматовдун “Кыргызымдын жигиттери” деген ырын жаттайсың”,- деп мага ырдын текстин берди. Карасам, абдан узун текст экен. Кыйналып жатып араң жаттадым. Ошентип, “Кыргызымдын жигиттерин” ырдап калгам. Аңгыча биздин аймактагы жаш таланттардын арасында “Таңкы чолпон жылдыз” аттуу чоң сынак болуп калды. Ошондо мен “Кыргызымдын жигиттери” деген ырым менен Гран-Прини жеңип алдым.
Бир жолу Бишкекте өткөн концерттердин биринде “Кыргызымдын жигиттерин” ырдаганымда ырдын автору Тургуналы Нурматов сахнага чыгып: “Ырыма кайрадан жаңы жашоо бердиң”,- деп мага ыраазычылыгын билдирип, чоң жумшак мамалак оюнчук белек кылган. Бардык буюмдарымдын ичинен азыркы күнгө чейин ошол мамалакты жакшы көрүп, чаң жугузбай келем. Мага атак алып келген үчүнбү, “Кыргызымдын жигиттери” башка ырларыма караганда мага абдан жакын сезилет. Ал ырды азыркы үнүм менен ремикс кылып кайрадан жаздырып койгом. Аны ырдаганымда эл дагы деле жакшы кабыл алат.
– Ошол кезиңди эстесек, сахнадагы турпатың, чачыңдын жасалгасына дейре Алина Жетигенованыкына окшош эле...
– Мага ошол кезде биздин артисттердин арасынан Алина эже өзгөчө жакчу. Ошол себептен ага окшошкум келе берчү. Өзүнө деле айтчумун, “сизди туурайм” деп. Бир жолу Асел Турдалиева: “Башка ырчыны жакшы көрсөң жакшы көр, бирок, аны туураган жакшы эмес”,- деген. Ошондон кийин Алина эжеге атайлап окшошуу аракетин көрбөй калдым. Бирок, чын эле Алина эже экөөбүз чыныгы турмушта окшошуп кетет экенбиз. Кийин эже менен бир топ жыл чогуу иштешип калдым. Ошондо топтогу балдар: “Экөөңөрдүн келбетиңер гана эмес, мүнөзүңөрдүн жумшактыгы да окшош экен”,- дешчү.
– Кичинекей болуп туруп сүйүү ырларын эрте ырдап чыктың, классташ кыздарыңа караганда эрте чоңойдуң окшойт...
– Классташ кыздарымдын баары мага караганда ой жүгүртүүлөрү, дене түзүлүш­тө­­­рү чоң кыздардыкындай болчу. Мен алардын жанында сиңдидей эле болуп калчумун. “Өзүм 6-7-класстын окуучусу болсом, анан эмнеге мага сүйүү ырларын жазып беришчү?!”- деп кийин абдан жиним келип жүрдү. Ошондо эмнеге менин жаш өзгөчөлүгүмө ылайыктуу ырларды жазып беришкен эмес, такыр түшүн­бөйм. “Нур” тобунда ырдап жүргөнүмдө көбүнчө Айбек Карымовдун ырларын ырдачумун. Анын ырларынын баары эле сүйүү жөнүндө болчу да, ошон үчүнбү, билбейм, 6-классты аяктаганымда борбордогу №68-мектептен “Классташым” деген ырымдын клибин тарттырган элек. Кийин байкасам, ошондо да мага чоң кыздардын сумкасын асынтып коюшуптур, ага да маанайым бузулган.

АТАКТУУЛАР МЕНЕН ИШТЕШҮҮ
– 8-классымда Айчүрөк Иманалиева “мени менен иштеш” деп борборго чакыртып калды. “Бир топ ыр жаздырып, форма тиктирип берем, буюрса, концертиңди да өткөрүүнү пландайбыз”,- деп чакыртканынан баарын таштап, борборго келе бергем. Эже менен эки жылдай иштештим, бирок, айтканына турбагандыктан, өз алдымча иштөөнү туура көрүп, андан кетип калдым. 9-классты бүткөндөн кийин Күрөңкеев атындагы музыкалык окуу жайдын эстрада бөлүмүнө тапшырдым. Ошол окуу жайга тапшырып жүрүп Күлипа Керимбаева менен таанышып калдым. Ал эже анда элге тааныла элек болчу. “Менин студиям бар, меникине жатып оку”,- дегенинен үйдөгүлөр менен кеңешсем, алар макул болушту. Күлипа эженикинде жашап, окуп жатканыма төрт ай болгондо эч кимге айтпай артисттер менен Ош шаарына гастролдоп кетип калдым. Күлипа эже мени издеп аябай убара болуп, апамдарга телефон чалыптыр. Апамдар катуу сарсанаа болушуп, издебеген жерлери калбаптыр. Акыры кайда жүргөнүмдү билишкенден кийин катуу урушушту. Ошол кезде мен абдан шок, өз оюмдан кайтпаган бышык кыз элем. Кийин эле турмуш созулган кызга айлантып салды. Үйдөгүлөр азыркыга чейин: “Клара, сен мурда кандай кыз элең, тез арада катуу токтолдуң”,- деп баштарын чайкап калышат. Улам бирөө менен иштешүүмө менин ишенчээктигим да түрткү болду окшойт. “Сен мени менен иштешсең, мен мындай, тигиндей кылам” деген сөздөргө ишенип калмай адатым кайра өзүмө муш болоорун эми гана түшү­нүп отурам.
Ошто гастролдо жүр­гө­­нүмдө “Кыз-Бурак” тобунун жетекчиси Гүлшайыр Садыбакасова менен жолугушуп калдым. “Сенин өзүң­­дүн атың бар, биздин топко кошулбай, өз атың менен иште. Сага машина, аппаратура жагынан жардам берем”,- деген Гүлшайыр эженин сөзүнөн улам Бишкектеги окуумду таштап, Ошто калып калдым. “Баарыбир билим керек” деген Гүлшайыр эженин кеңеши менен Айжамал Кабылова экөөбүз ОшМУнун музыкалык факультетинин сырттан окуу бөлүмүнө тапшырганбыз.

ЖАШТЫКТАГЫ ЖАҢЫЛЫШТЫК
– 3-курста окуп жатканымда Байышка турмушка чыктым. Ошентип, Бишкекте жашап, гастроль деп жүрө берип окуума таптакыр барбай калдым. Анан ал жерден чыгарып жиберишиптир. Ошону менен окуумду кайра уланткан жокмун. Балам төрөлгөндө “элим бай болсун” деп баламдын атын Байыш өзү Байэл деп койду. Ошентип, Байыштын чечкинсиздигинен улам Байэл бир жарым жашка чыкканда ажырашып кеттик. Кээде концерттен жолугуп калганда эле “балам кандай?” дегени болбосо, Байыш баласын бир жолу да барып көргөн жок. Азыр Байэл төрт жашка чыкты. Ажырашканыбызда эле таене-таятасынын колуна барган, ошондон бери ошол жакта. Байыш сыналгыдан көрүнүп калса, таенеси “Байэл, тигине, сенин атаң ырдап жатат”,- деп көрсөтсө, чоң адамдай болуп “аа, Байышпы?” деп тиктеп калат экен.
– Сени “апа” дейби?
– Ата-энем атымдан чакырганынан улам ал да Кларага тили келбей, “Кава” дейт. Кичинекей кезинен ата-энемдин колунда өскөндүктөн, алар Байэл дегенде ичкен аштарын жерге коё чуркашат. Ата-энем: “Байэлди өзүбүзгө каттатып алалы, сен оку, иште”,- деп жатышат.

«ЧЫГАРМАЧЫЛЫКТАН АЛЫСТАЙ АЛБАЙМ»
– Агам, Жанара жана мен болуп чогуу иштешип баштаганыбызга бир жыл болгондо тарап кеттик. Жанаранын сүй­лө­шүп жүргөн жигити бар эле, ал “турмушка чыгам” деди. Агамдын болсо өзүнчө турмушу бар.
– Жанара сенден кичүү болсо да эжеңдей көрүнчү эле...
– Жанара да ырдап чыга баштаганда ырчылар экөөбүздү аябай ушакташчу экен. Жанара менин эжемдей гана көрүнбөстөн, ал мага караганда бышык, тың да болчу. Бир жолу бир ырымда Жанара мени коштоп ырдап, окшош бийлемей болдук. Ырдап жатып окшош бийлей турган жерине келгенде мен бийимди унутуп калып, бийлебей калдым. Жанара бийлеп жатып мени карап: “Эсиң ооп эмне турасың, бийлебейсиңби?!”- деп жекирип коёт. Аны байкагандар “Жанара Клараны башкарат да экен” деп ойлоп калышты окшойт.
– Үчөөңөр тарагандан бери тыныгуудасыңбы?
– Көчөдөн тааныгандар: “Клара, сен ырдабай калдың беле? Ырдаганды таштагансыңбы?”- деп сурай беришет. Бирок, мен чыгармачылыгымды токтотпойм деп ойлойм. Гастролго чыгып бир аз акча топтоп алган соң ыр жаздырып, чыгармачылыкка чындап киришкени жатам.
– “Жакында турмушка чыксамбы” дедиң эле, сүйлөшкөн жигитиң болсо керек?
– Чынында, колумду сурагандар бирөө да эмес, үчөө. Бирок, үчөө тең чыгармачылык чөйрөгө такыр тиешеси жок адамдар. Үчөө тең сүйлөшүп алгансып: “Мага турмушка чык, кор кылбайм, бирок, үйдө балдардын энеси, менин сүйүктүү жарым болосуң, ырдабайсың”,- деп жатышат. Мен да бир турмушту баштан өткөргөн адаммын, алар деле жаштыкка азгырылгыдай жаш балдар эмес дегендей. Бир жолу турмушуңдан жаңылгандан кийин экинчи жолу абайлап калат экенсиң. Ошондуктан, азыр “чыгармачылыгымды тандасамбы же үйбүлө курушум керекпи?” деген суроо менен баш катырып жүрөм.

Маектешкен Сүйүн Кулматова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: