Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айбек Карымов: «ЭМИ ТАПТАКЫР ҮЙЛӨНБӨЙ КОЙСОМБУ ДЕП ЖҮРӨМ»

№296 4-10-июль, 2008-жыл.


Алгач “Нур” тобунун жетекчиси катары кыргыз элинин сүйүктүү ырчыларынын катарын толуктаган Айбек Карымовду кимдер гана билишпейт. “Дил кайрык” аттуу ырын угаар замат анын келбети дароо элесибизге тартылаары талашсыз. Акыркы күндөрү Айбек байкенин бир гана чыгармачылыгында эмес, жеке жашоосунда да жаңылыктар көбөйдү...

– Айбек байке, учурда эл арасында сиз тууралуу бир топ ушак-кептер айтылып келет. Окурмандарыбыз да биринчи иретте “чын эле Айбек Карымов Гүландага үйлөн­гөнбү?” деген суроого жооп алууну каалашса керек. Каршы болбосоңуз, сөзүбүздү ушул “ысык” темадан баштасак...
– Анда мен да сизге суроо менен кайрылайынчы?! Сиз кандай ойлойсуз?
– Эми “шамал болбосо чөптүн башы кыймылдабайт” деп коюшат эмеспи. “Айбек менен Гүланда чогуу жашайт экен, көрдүк. Үйбүлөсү менен да ушул ырчы кыз үчүн ажырашыптыр” деп эл айтып, редакцияга телефон чалып, кат жазып жатышса, ишенип да кетет экенсиң.
– Сиз ишенсеңиз, эл ишенсе, анда ошондой да. (Күлүп).
– Чын элеби?
– Эми мен бул сурооңузга кесе жооп кайтарайын. Жок, андай эмес. Айтылган ушактын баары жалган. Чогуу иштеп жатсак, анан кантип эле бир машинада жүрбөйбүз, кантип эле бир жерде отуруп тамактанбайбыз?! Ошону көрүп алышып эле жалган ушак таратып, “ортолорунда сүйүү бар” дей берген болбойт да. Тактоо иретинде дагы бир жолу баса айтып кетейин, Гүланда өзүнүн, мен өзүмдүн эле үйүмдө жашайм.
– Анда үйбүлөңүз менен эмне себептен ажырашып кеттиңиз?
– Эмне себептен ажырашсам да бул нерсеге Гүланданын эч тиешеси жок. Баягы эле түшүнбөстүк. Мүмкүн, кызганыч, мүмкүн, отубуз күйүшпөй калдыбы, айтор, турмушубуз бузулду. Эмне кылабыз, тагдыр ушундай экен, жашоо улана берет. Үйбүлө деген кичинекей мамлекет эмеспи. Эң негизгиси, чоң мамлекетибиз бузулбасын, элибиз аман болсун, жерибиз кырсыктан тыш болсун. Ал эми үйбүлөнү акырындап жаңы жолго салып, жаңыча калыбына келтирип алса болот.
– Бузулган турмушуңузду калыбына келтирүү үчүн дагы үйлөнөсүзбү? Жашооңузда эки жолу турмуш куруп, экөө тең ийгиликсиз болуп калгандан улам “эми да үйлөнсөм түшү­нүшпөй калабызбы?” деп тынчсызданбайсызбы?
– Чынын айтканда, албетте, корком. Ошол үчүн эми таптакыр аял албай эле койсомбу деп жатам. “Сүткө оозу күйгөн айранды үйлөп ичет” деп коёт эмеспи. Анын сыңары, бул туурасында мен да көп ойлоном. “Мүмкүн, алар мага чыдашпай жатышкандыр, мүмкүн, мен чын эле начар адамдырмын. Балким, аялым жамандыр же алар менин чыгармачылыгымды түшүнүшпөйбү?” деген ойлор келет. Мен чыгармачыл адам болгондон кийин кандай болсо да ырчылыгымды таштабайм.
– Демек, сиз үчүн үйбүлөдөн да чыгармачылыгыңыз бийик турат экен да?
– Ооба... Жок, бийик деп айтпайм, бирок, ар биринин өз орду бар. Жумуш деп эле үйбүлөнү ачка таштап коймок белем? Бала-бакырамды бакканга алым жетчү, дагы да жетет.
– Балдарыңыз менен байланышып турасызбы?
– Байланышасың да, балаң болгондон кийин. Жолугуп, аларга жардам берип турам.
– Айбек байке, бала жөнүндө сөз болгондон кийин теманы улай өзүңүздүн балачагыңыздан кеп салып берсеңиз?
– Өзүм бир атадан жалгыз уулмун, анан да чоң энем тарбиялаган бала болгондуктан, эрке өскөм. Мисалы, таптакыр канты жок чай иччү эмесмин. Кант жок болсо тескери карап жатып алчу элем. Ошол кезде эле ырга өтө жакын экенмин. Чоң энемди ээрчип алып аш-тойлорго барып, анда ырдалган ырларды жаттап, үйгө келээрим менен так өзүндөй кылып ырдай баштагандарым эсимде. Азыр бир ырды бир айда араң жаттасам, анда бир-эки угуп алып эле үтүр-чекитине чейин эстеп калчумун. Негизинен, мен жайлоодо кой, жылкы кайтарып жүрүп эле чоңойгон баламын.
– Ошол кезде эле ырга жакын болсоңуз, анда биринчи жолу эл алдына мектепте чыксаңыз керек?
– Ооба, мектепте окуп жүргөндө “Таластын суусу ыкчам суу, Таштан ташка бышкан суу” деп ырдап чыктым эле. Ошондогу сүрдөгөнүмдү айтпа! Кийин көнүп кетип, мектепте бир да маданий иш-чара менин катышуумсуз өтпөй калган. Кече же ырдай турган жер болсо айылдаштар “Айбек ырдайт бекен?” деп сурап алышып, анан келишчү. Башкача айтканда, мектептин жылдызы болчумун.
– Анан кантип көкүрө­гүңүздөгү талантка жол ачып, ырчылыкты аркалап калдыңыз?
– Мектепти бүтөөрүм менен эле бир да күн айылда калгым келген жок. “Канткен күндө да мен окушум керек” деп өзүмө-өзүм сөз бердим да, чоң энем пенсиясынан чогултуп жүрүп берген 150 рубль акчаны алып, комузумду көтөрүп алып райондук борборго келдим. Мени “бул жакка оку, тигил жакка оку” деп жетелеп жол көрсөткөн эч ким жок. Анан ошол жердеги бир заводдун астындагы өзүнө керектүү адистерди даярдаган орто окуу жайга тапшырып алгам. Бош жүргөнчө бул да болсо жакшы да. Кийин ал жактан мени тажрыйба топтоо үчүн 6 айга практикага Украинага жиберишти. Бирок, келгенден кийин иштебей эле армияга кетип калдым. Колумдан комузумду түшүр­бөй ырдап жүрүп Чехословакияда 2 жыл кызмат өтөп келдим. Баарыбир көңүлүм ырчы болууну каалап тургандыктан, бул жаатта билим алууну чечип, ОшМУнун музыка факультетине бет алдым. Бирок, тапшыруу сынагында тарых сабагынан билбей, кулап калгам.
– Баарыбир көздөгөн максаттан тайган жоксуз...
– Жок, алгач мен “бүттү, ырчы болбойм, кичинекейимде кыялдангандай актёр болуп, кино жаатына баш багам” деп чечтим. Анан эле Ташкенттеги театралдык институтка тапшырууну кыялдана баштадым. Бирок, “өзүң жалгыз уулубуз болсоң” деп апамдар жибербей коюшкан. Жыйынтыгында, Кадамжай маданият үйүндө иштеп жүрүп Жалалабаттагы техникумдун элдик аспаптар бөлүмүндө окуп калдым.
– Мурда тапшыруу экзамендеринен кулап калган болсоңуз, бул жолу кантип өттүңүз?
– Бул техникум туурасында кабар алаарым менен эле байланыш түйүнүнө кирип, башкы мүдүрүнө телефон чала баштадым: “Алло, мен Кадамжай маданият үйүнүн башчысымын, силерге бир таланттуу бала жиберем, окууга алып койгулачы?! Негизи, жакшы бала, бирок, ага бир аз колдоо керек”,- дедим жоон үн менен. Ал дароо эле макул болду. Эртеси документтеримди даярдап алып Жалалабатка жол тарттым. Ал учурда окууга өтүүнүн бир гана жолу бар болчу – пара берүү деген. Эч нерседен тартынбаган бала элем, бир агайды берирээк чакырып алып: “Агай, менин азыр 500 рубль акчам бар, ошону алыңыз да, мени окууга өткөрүңүз, анан кийин дагы 500 берем”,- дедим. Ал дароо макул болду, кардар болуп калдым да. Ошентип, чын эле ал агай жардам бердиби же өз күчүм менен өттүмбү, айтор, өтүп кеттим. Бирок, жанагы айткан 500 рублди берген деле жокмун. Өзү да сураган жок.
– Анда карызга окууга өтүп алган турбайсызбы. Окууну бүткөн­дөн кийин эле ырчы катары тааныла баштадыңыз эле. Бирок, ортодо үзүлүш болуп чыгармачылыктан алыстап да кеткен учуруңуз болду...
– Институтта окуп жүргөндө “Нур” деген топ ачып, ошол топту жетектеп чыккам. Бирок, кийин окууну бүтүп, топ жаңыдан көтөрүлүп калган кезде көр-тириликтин айынан Орусияга соода кылып иштеп кеткем. Канча тапсам да тапканым өзүмө сиңчү эмес. Ошондон улам өз өлкөмө барып, ырчылыкты кайрадан колго алууну чечкем.
– Турмуштун кыйынчылыктарын сиз да башыңыздан өткөргөн экенсиз да?
– Турмуштун кыйынчылыгы, жокчулук мен Орусиядан келген жылы башыма түштү. Троллейбуска жол кирем жок “Ош базардан” Асанбай кичирайонуна чейин жөө барган күндөрүм болгон. Ошол кезде мага Толкун деген досум көп жардам берди. Курсагымды тойгузуп, жолума акча берип дегендей.
– Айбек байке, сөзүбүздү учурдагы жаңылыктарыңызга бурсак. Азыр сиздин жаңы кино тартуу алдында турганыңыздан кабарыбыз бар...
– Ооба, учурда “Сүйүү жана миллион” деген толук метраждуу көркөм фильм тартуу алдында турабыз. Буюрса, үстү­бүз­дөгү айдын онунан баштап тасмага түшүрүү башталат. Айта кетчү нерсе, бул фильмди жаратууда жалаң бул тармактын такшалган адистери менен иштешебиз. Жөнөкөй эле жарык берүү­чүдөн тартып режиссёр, актёрлорго чейин тажрыйбалуу адистер болмокчу. Анан да Сыймык, Бек, Гүлнур, Динара, Күмөндөр, Абдылда сыяктуу көрү­нүктүү жылдыздар да бул тасмада роль жаратышат.
– Кино жалпысынан эмне жөнүн­дө?
– Аталышы эле айтып тургандай, сүйүү, акча, анан бир аз криминал. Кыскача айтканда, миллион сом кредит алып жаңыдан иштей баштаган бир киши душмандарынын колунан каза таап, келишим боюнча анын кызы бул карыздан кутулууга аргасыз болот. Моюнуна жүктөлгөн карызды төлөп берүүгө анын сүйгөнү Акжол аттуу таланттуу жигит жардамга келет.
– “Шайтан арабаны” тартканда баш-аягы бир миллионго жакын сом сарпталды” деген элеңиз. Бул кинонун бюджети канчага барат?
– Бул тууралуу азырынча айтуу кыйын. Элге муну алдын-ала жар салуунун кереги да жок экен.
– Дагы бир суроо, негизи, кино өзүнө кеткен каражатты актай алабы?
– Кудайдын буйруганы дечи, актайт. Мен кинону пайда табыш үчүн эмес, өзүмдүн кичинекейимден көксөгөн максатыма жетип, кинодүйнөсүнө аралашуу үчүн тартып жатам.

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: