Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Даниель: «ТЕҢТУШТАРЫМ МЕНИ БАБНИК ДЕШЧҮ»

№299 25-31-июль, 2008-ж.


Учурда жаңыдан жылдызы жанып келаткан ырчы жигит Даниель 1990-жылы 20-февралда Ош шаарында төрөлгөн. Үйбүлөдө энесинин эрке уулу. Даниелдин айтымында, ырчылык талант ага Кудайдан берилген. Себеби, кээде гана апасынын отуруштарда ырдап калганын эске албаганда, анын жакындарынын арасында ырчы аттуу эч ким жок.

– Даниель, маегибизди сенин шоу-бизнеске келген күнүңдөн баштасак...
– Мен балачагымдан эле ыр-бийге жакын өстүм. Таенем айтып калат, жаңыдан басып, тилим так чыга электе эле ырдачу экенмин. Кийин бала бакчада, андан кийин мектепте да ырдап жүрдүм. Мектептеги маданий иш-чаралардын, ар кандай ыр боюнча конкурстардын катышучусу гана эмес, уюштуруучусу да болчумун. Анан ырга болгон кызыгуумдун артынан Ош шаарындагы Ниязалы атындагы музыкалык орто окуу жайына тапшыргам. Ал жакта окуп жүрүп досторум менен бирге ыр жаздырып, чакан чөйрөдө ырдай баштадым. Кээбир айылдарга ошол кезде эле акыга концерт коюп кетчүмүн. Ошондой күн­дөрдүн биринде Ошко Мирбек Атабековдун “Не моя” турне концерти менен Канат байкелер келип калышты. Ошондо Канат байкеден продюсер болуп берүүсүн өтүнгөм.
– Анан сени тез эле кабыл алдыбы?
– Жо-ок, “макул, карап көрөбүз, байланыш, телефондоруңду калтырып кой” деп телефон номеримди алып калган. Арадан бир жарым ай өткөндөн кийин гана чалып, Бишкекке чакырды. Ал учурда Канат байкенин “жаңы ырчы алам” деген ою жок экен. Концерт­те менин өзүмдү сахнада алып жүргө­нүмдү, бийлегенимди “Стар Денс” бийчилер тобунун кыздары жактырып калышып, Канат байкеге: “Даниелди алыңызчы?! Ал бизге жакты, Кудай өзү сүрөткө тартып койгондой сулуу бала экен”,- деп мактап сураныша беришиптир. Жыйынтыгында, продюсерим менен иштеше баштагам. Баса, алар мени бир көрүп эле “Богом обрисованный” деп ат коюп алышыптыр.
– Чындыгында эле эл алдында жүргөн ар бир ырчыга азыр кличка коюп алышат эмеспи? Сенин мындан тышкары дагы кандай кличкаларың бар?
– “Айдагы сулуу” ырымдын клиби чыккандан кийин эле элдин баары мени “Восточный принц” деп алышыптыр. Ал эми Ошто окуп жүргөндө кыздар менен көп сүйлөшкөнүмдүн айынан мени “Бабник” деп да коюшчу.
Ушул учурда жаныбызда отурган Даниелдин продюсери Канат Култаев сөзгө аралашып: «Я тоже» деген кличкаңды айтпайсыңбы»- деп калды.
– Жок, аны айтпай эле койбойлубу... Мейли, анда өзүңүз айтыңыз.
– Ушул сөзгө байланыштуу бир кызык окуя болгон го?
Канат Култаев:
– Дайыма эле биз эмне кылбайлы, “Я тоже” деп артыбыздан ээрчий берет. Бир жакка барсак да, отуруп эс алсак да, уктасак да, айтор, баарын туурайт. Жадакалса шашылышта сахнага чыгаар алдында Мирбектин же Алихандын чачын оңдоп атсак, “мне тоже” деп туруп алат. Ошон үчүн “Я тоже” деген ат коюп алганбыз.
– Эрке окшойсуң, ээ, Даниель? Үйбү­лөң туурасында да айта кетсең, канча биртуугансыңар?
– Ооба, эрке өсүп калгам. Үйбүлөдө эки биртууганбыз. Эжем Жамиля жогорку окуу жайларынын биринде 3-курста окуйт. Ата-энем туурасында айтсам, атам Камил азыр Көлдө турат. Апам Камиля болсо кесиби боюнча стоматолог, Ошто жашайт. Негизинен, өзүм атама окшошмун. Ал эми апама болсо абалга жараша өзгө­рүп турган мүнөзүм окшошуп кетет. Апам мени азыркыга чейин эркелете берет. Бирок, мен азыр мурдагыдай эрке эмесмин, токтолуп калдым.
Канат Култаев: – Эрке элесиң. Башында Даниель мага жаңы келгенде таңкала берчүмүн. Кээде “ай, Даниель” деп колумду тийгизип же түртүп койсом, сөзсүз жооп кайтара мени да так өзүм­дөй кылып чаап, түртүп койчу. Менден таптакыр калып калбайт, тамашалап кайра канча жолу кол тийгизип койсом, ал да мага ошончо жолу жооп кайтарып тура берет. Ошондой эле анын эркелигин далилдеген дагы бир топ кылык-жоруктары бар. Кичинекей балдарга окшоп кээде чай ичип отурсаң, чочутуп ээгине сакал тартып же чалма оронуп, же калпакты баса кийип алып жетип келет.
– Күлкү болсун деп ошентем да.
– Кайдан, бул сага адат болуп калган да. Эркелигиңдин далили го.
– Мен мурда мындан да эрке болчумун да, аны көрбөй калдыңыздар.
– Азыркыга чейин эркелигиң таштай албай жүрсөң, кичинекей кезиңде кандай элең?
– Балалыгымда өтө шок болчумун. Көчөдө өзүм теңдүүлөрдөн бир гана кошунабыздын эгиз балдарына алым жет­чү эмес. Экөө­лөп сабап кетишчү да. Бирок, бир жолу жиним келгенинен бирөөсүнүн башын кирпич менен уруп жарып койгом, өчүмдү алып. Негизи, мен Шабдан баатырдын тукумдарынан болом. Мүмкүн, менин ошол кезде эле эч кимден коркпогон өжөрлүгүмдүн себеби да ошол болсо керек. Айтор, тентек болчумун. Баса, балалык дегенде эле бир окуя эсиме түшөт. 5-6 жашымда болсо керек, бир жолу ата-энем менен конокко барып калдык. Анан ал үйдүн менден бир аз ки­чүүрөөк кызы бар экен. Ал экөөбүз тил табышып ойноп кеттик. Бир маалда ал мага: “Жүрү, уктоочу бөл­­мөгө киребиз”,- деп калды. Кирип алып “давай целоваться” деп атпайбы. Ошондо биринчи жолу кыз менен өбүшүп көргөм. Анан кетээр маалда эле атамдар: “Чолпон сенин жакын карындашың болот”,- деп атышпайбы.
– Ошондо эле кыздарга жакын болгонсуң го. Анда балалык сүйүүнү качан баштан өткөрдүң?
– Балалык сүйүүм бала бакчада эле болгон. Бир орус кызды сүйчүмүн. Мындайча айтканда, ошондо эле биринчи жолу кыз менен жигит катары сүйлөшсөм керек.
– Түшүнүктүү, анда сага мындай суроо берсе болот экен. Ошондон бери канча кыз менен сүй­лөш­түң? Так санын билесиңби?
– Так санын билбейм. Кө-өп эле кыздар менен сүйлөшүп жүрдүм го. Мага негедир көбүнчө орус улутундагы кыздар жакчу. Арасында корей кыздары да болду.
– Алардын ичинде “келечекте ушул кызга үйлөнөм” дегендери болдубу?
– Болду, бирок, ошол эле учурда үй­лө­нө албасымды да билчүмүн. Анткени, биринчиден, ал орус улутунун өкүлү болсо, экинчиден, менден толук 5 жаш улуу болчу. Ал кыз менен бир жылдай кыз-жигит катары сүйлөшүп жүргөндөн кийин келечегибиз жок экендигин түшүнүп, аны таштап кеткем. Айтмакчы, биринчи ырымды жаздырууга акча берген да ошол кыз болгон.
– Азыр да орус кыздарды жактырып жүрөсүңбү?
– Жо-ок, азыр мага бир гана кыргызымдын татынакай кыздары жагат. Болочок жубайымдын ыймандуу, назик, мени тү­шүн­гөн, ата-энемди сыйлаган, тарбия көргөн адептүү кыргыз кызы болушун каалайм. Бирок, кээде «өзүмө окшогон көп улуттун канынан жаралса деле мейли» деп кетем. Менде атам тараптан казактын, апам тараптан өзбектин каны бар.
– Анан оюңдагы кызды жолуктура алдыңбы?
– Мен шоу-бизнеске жаңыдан кадам таштап жаткандыктан, кыздар менен олуттуу мамиле түзгөнгө азырынча эрте деп ойлойм. Андай кыздарга убагы келгенде жолуксам керек.
– Туура айтасың. Кел, эми кепти ырчылыктан тышкаркы кызыгууларыңа бурсак, дагы кандай өнөр, таланттарың бар?
– Мектептен бери эле пародия жаатында да бир аз талантым бар. Акаев, Путин, Ельциндерди жакшы туурайм. Андан тышкары, жаныбарлардын үнүн да туурай алам. Мисалы, итти, мышыкты, тоокту жана башкаларды. Ошондой эле кичинекей кезимден бери эле сүрөт тартканга кызыгам. Отуруп алып апамдын, эжемдин сүрөттө­рүн тарта берчү­мүн. Азыр болсо бош убактымда компьютерде “Pho­toshop” программасы аркылуу ар кандай сүрөттөрдү жасалгалаганды жактырам. Дүйнө жылдыздарынын жанына өзүмдү коюп жасап алып суктана берем. Мисалы, Женнифер Лопез экөө­бүздүн сүрө­түбүздү жасагам. Анан Канат, Мирбек, Алихан байкелерди да ар кандай өзгөртүп алып күлүп калабыз. Бир жолу сүрөттөн Канат байкени апарык кылып, Мирбек байкени семиз кылып жасап койсом, баары күлүшкөн.
– Эмнеге өзүңдүн Женнифер менен отурганыңды жасадың?
– Мага дүйнөлүк жылдыздардан Женнифер аябай жагат. Сулуу айымдардын эталону катары баалайм.
– Жакшы экен. Келечекке койгон максаттарыңдан бир аз бөлүшө кетсең...
– Кудайым буюрса, быйыл окууга тапшырсам деп турам. Келечекте бажы кызматкери болуп кыргыз элиме пайда келтирсем деген максатым бар. Бирок, ырчылыкты да таштабайм. Эки кесипти аркалап кетүүгө менин күчүм жетет.
– Ой-тилектериңдин ишке аша беришине тилектешмин. Маек куруп бергениңе чоң рахмат. Ийгилик!

«Акаев, Путин, Ельциндерди жакшы туурайм»

«Биринчи жолу 5 жашымда билбей карындашым менен өбүшүп алгам»

«Өзүмдөн 5 жаш улуу орус кызын сүйгөм»

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: