Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОМАР: «АЛЛАХТЫН, АНАН АЛЛАНЫН ЖАРДАМЫ ТИЙДИ»

№301 8-14-август, 2008-ж.


Жаш болсо да учурдагы кыргыз эстрада ырчыларынын арасынан биринчилерден болуп мекенибиздин желегин алыстан желбиретүүгө жетишкен ырчы жигит Омар «Жаңы толкун» конкурсунан ийгилик менен кайтты. Буга чейин да анын талантын баалап келген күйөрмандарынын ырчыга болгон кызыгуусу күч эле. Азыр бул кызыгуулар жетээр чегине жетип турган чагы…

– Сөз башында сени жараткан ийгилигиң менен куттуктап алалы. Мындан ары да кыргыз элинин атын алыска таанытып, талантың өркүндөй берсин.
– Рахмат, аракет кылабыз.
– Омар, айтсаң, чыгармачылык жолуңда эң биринчи ийгилик алып келген кадамың «Жаңы толкун» конкурсуна кандайча катышып калдың?
– Конкурска барууга көрсөтүлгөн жергиликтүү ырчылар арасынан мени да тандашыптыр. Ал кезде мен Астанада иштеп жүргөн элем. Анан келип эле Казакстанда өткөн Азия элдери арасындагы таймашка барып калдык. Ал жакта 42 катышуучунун арасынан Мирбек экөөбүз өтүптүрбүз. Көп узабай Москвага аттандык. Москвага бир эмес, эки жолу барып келдим. Жыйынтыгында, башта конкурска катышууга арыздарын таштаган 8 миң адамдын ичинен финалга катышуу укугуна ээ болгон 17 конкурсанттын бири болдум.
– Мунун өзү чоң жетишкендик экени талашсыз. Андан кийинки Юрмала шаарына аттангандагы абалың туурасында айтып берсең…
– Эми кандай айтсам, сүйүнүчүмдө чек жок болчу. Анын үстүнө, толкундануунун да бар экендигин айта кетпесем болбос. Бараарыбыз менен эле жакшы тосуп алышты. Чындыгын айтканда, Юрмала шаары жана «Жаңы толкун» конкурсу мен үчүн башка дүйнөгө эшик ачып кирип баргандай эле элес калтырды.
Бул учурда Омардын продюсери Нурслан байке да маегибизге аралашып, өз ойлорун айтып кирди.
Нурслан: – Мүм­күн, Европадан келген атаандаштарыбыз үчүн кемчиликтерибиз сезилген чыгаар. Бизге алардын бири да байкалган жок. Баары ойдогудай. Эми биздин мекенде өтүүчү конкурстар менен салыштырып болбойт. «Жаңы толкун» конкурсун уюштуруу иштеринде эле 1,5 миң киши кызмат кылыптыр. Андан тышкары, 500дөй айланчыктаган журналисттер. Папарацци дегенди ошол жактан көрдүк. Башында чочулап аткан Омар акырында көнүп да калды.
– Омар, айтсаң, ал жакка жетип алгандан кийин кандай күндөр башталды?
– Ал жакта ар бир нерсеге кылдаттык менен мамиле жасалат экен. Мисалы, жөнөкөй эле чүчүкулакты да чоң интрига менен өткөрүштү. Ким канчанчы орунда чыгаарын биринчи күнү атактуу ырчылар аныкташты. Экинчи күнкүсү үчүн атайын Рига менен Юрмаланын ортосундагы токойдо жайгашкан гольф талаасына алпарып, арбалет аттырып, гольф ойнотушту. Айтор, кызыктуу экен. Негизгиси, эртеден-кечке даярдык деп жүрүп эле чарчайт экенсиң. Эртең менен саат 9да туруп, түнкү 2ге чейин тыным жок. Ошентип, бир күнү эртең менен уктап калыптырмын. Бир маалда бирөө келип эле жуурканымды сыйрып алды. Көзүмдү ачсам, микрофонун кармап «Муз TV`нин» журналисти турат камерасы менен. Көрсө, ал конкурсанттардын турмушунан түз алып көрсөтүү экен.
– Атаандаштарың менен кандай мамиледе жүрдүң?
– Чындыгын айтканда, катышуучулар арасында достук мамиле бекем болду. Латвиялык Донс, германиялык Саймон Новски, италиялык Алессандролор менен достоштум.
– Көбүнчө кайсы тилде сүйлөшүп жаттыңар?
– Негизги тил англис тили болду. Анан Орусиядан барган жылдыздардын саны арбын болгондуктан, орус тилинде да сүйлөгөндөр көп болду.
– Англис тилинде эркин сүйлөй аласыңбы?
– Эми, жакшы билем десем, анда жа­ңы­лышам. Бирок, өз оюмду айтып, бирөөлөрдүн кайрылууларын тү­шү­нөм.
– Билим темасына кайрылган учурда сурай кетейин. Билишимче, сенин музыкалык билимиң жок болсо керек…
– Ооба. Негизинен, конкурсанттар арасында билими жоктордон экөө-үчөө эле болдук. Бирок, ал жакта талантка, анан үнгө көбүрөөк көңүл бурулду.
Нурслан: – Конкурсанттардын биринин ата-энеси менен сүйлөшүп калсам, «Омар деген жигиттин үнү ушунчалык жагымдуу экен. Көзүңдү жумуп уксаң, үнү жүрөккө жетип, элесиңде бир негр ырдап жаткандай туюлат. Көзүңдү ачып карасаң эле кыргыз жигити» деп атпайбы.
– Омар, канткен күндө да көпчү­лүк­түн көңүлүнө жактың көрүнөт. Атактуу алпаруучу Леранын сени мактап да, жактап да жатканына күбө болдук…
– Ооба, Лера мени элге жакшы тааныштырып, сахнага да мактоо менен чакырып жатты. Жанагы анод, катод деген сыяктуу эле жылдызыбыз келишип калды демекмин. Конкурска даярдануу маалында эле менин ырдаганымды жактырып, комплименттерин айткан болчу. Анан алпаруучулуктагы шериги Сергей Лазарев экөө Алла Пугачёвадан да «ушул жигитке көңүл буруп койсоңуз» деп суранышкан.
– Демек, Алла ошол сунуштан кийин сени чындап сынга ала баштаган экен да…
– Ошондой десем да болот. Канткен күндө да Алла Пугачёванын «Алтын жылдызына» татыдым.
– 50 миң долларлык сыйлыкка татып, атың жаңырганда кандай абалда болдуң?
– Чынын айтсам, аябай толкундандым. Оозума сөз келбей, эмне дээримди билбей калыптырмын.
– «Утуп алган акчаңды кайда коротосуң?» деген суроого жооп албасам болбос…
– Ал сыйлык али менин колума тие элек. Акчаны алуу үчүн кайра Москвага аттанып жатам. Буюрса, толугу менен ата-энеме апкелип берем. Анткени, менин бул ийгилигиме алардын түздөн-түз тиешеси бар.
– Теманы улай дагы бир суроо берейин. Жыйынтык калыс чечилдиби? Айтылуу Примадоннанын сыйлыгына өзүңдү татыктуумун деп эсептейсиңби?
– Бул сыйлыкты мага берип жа­тышкандан кийин татыктуу эле болсом керек. Мага бул жаатта Аллахтын, анан Алланын жардамы тийди. Эгер мен калыстар тобунда болсом, өзүмө 9-орунду эмес, 11ди же 12ни бермекмин. Себеби, менден артта калган германиялык Саймон Новски сыяктуу кээбир ырчылар мага караганда күчтүүрөөк болчу.
– Жыйынтык чыккандан кийин Алла эмне деди?
– «Кыргызстан менен чектелбе, сен өсүшүң керек. Эми мындан ары бизде болгон кээбир жеке кечелерге сени чакырып турам» деди.
– Андан башка да сунуштар болдубу?
– Сунуштар көп эле болду. Алгач бул жактагы концертимди өткөрүп алган соң анан алардын талаптарын карап, бири менен келишим түзүшүм мүмкүн. Бирок, кыргыз жеримде ар дайым ырдай берем.
– Нурслан байке, кол ал­ды­ңызда тарбияланып жат­кан «уулуңузду» башка өлкөгө жибересизби? Эгер жиберсеңиз, ортодогу келишим кантет?
– Омар менен Москвага кетип баратканда эле сүйлөшкөм. «Эгер жакшы сунуш болсо, жиберем» дегем. Бизде келишимдер жеңил эле да. Мисалы, чет өлкөлөрдө келишимди бузмак тургай, кезигүүгө 10 мүнөт кечигип келсе, 500 долларга чейин айып салышат экен.
– Экөөңүздөр кантип иштешип калдыңыздар эле?
– Омар Канат Култаевге «продюсер таппай жүрөм» деп кайрылган экен. Канат мени сунуштап, экөөбүздү тааныштырган.
– Омар, сөзүбүздү өзүң туурасында улантсак. Кичинекейиңде кандай бала элең?
– Наристе кезимден баштап 3-класска чейин өтө жоош болуп, апам менен эжеме көп деле түйшүк жаратпаптырмын. Анан 3-класстан баштап тентек болуп кеткем. Бирок, эми тентек десе эле бирөөнүн баласын сабап же би­рөө­нүн бирдемесин уурдап эмес. Атам Таластан болгондуктан, өзүм бул жакта төрөлгөнүм менен мектепке барганга чейин Таластын системасы менен өсүп, тарбиялангам.
– Сөз төркүнү келип турганда ата-энең туурасында айта кетсең?
– Атам Каржы министрлигинин Экономиканы өнүктүрүү иштери боюнча Чүй облустук фондунда эмгектенет. Апам болсо үйдө. Үйбүлөдө эки биртууганбыз. Эжем банкта иштейт.
– «Жалгыз балам» деп ата-энең сага өзгөчө көңүл буруп эркелетишсе керек…
– Эми кичинекейимде эрке болсом болгон чыгаармын. Бирок, эс тартканы эрке деле эмесмин. Биздин үйдө менден кичүүлөр толтура. Дайыма туугандарыбыздын балдары бар.
– Үйдө эмне иштерди кыла­сың?
– Азыр үйдө курулуш иштери жүрүп жатат, ошону менен алекмин. Анан да бакчада бир аз иштейм. Мурда эжем менен апама жардам берип, үй жумуштарын деле аткара берчүмүн. Азыр андайга убактым жок.
– Ырчылыктан тышкары эмнеге кызыгасың?
– Мурда күрөшкө кызыкчумун. Анан оюн жагынан жакшы элемин. Футбол, баскетбол дегендей.
– Ырчылыкты түбөлүктүү кесип кыласыңбы?
– Жо-ок, бул убактылуу кесип да. Мен 9-классты бүткөндөн кийин финансы техникумунда бухгалтердик билим алгам. Азыр Улуттук университеттин юридикалык факультетинде окуп жатам. Буюрса, кийин өз кесибим менен эле кетем го. Аны убакыт көрсөтөт.
– Маегиңе чоң рахмат, өркүнүң өсө берсин.

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: