Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Канатбек Бегалиев: "Элиме алтын медаль алып бермейинче спорттон кетпейм"

№303 22-28-август, 2008


Канатбек Бегалиев 1984-жылдын 14-февралында Бакайата районунун Өзгөрүш айылында төрөлгөн.
Бою 170 сантиметр, салмагы 70 килограмм.
Грек-рим күрөшү боюнча «Бээжин-2008» Олимпиадасынын, Дүйнө чемпионатынын (2006) жана Азия чемпионатынын (2007) күмүш медалдарынын ээси.
КУУнун экономика факультетин бүтүргөн.
Үйбүлөлүү. Бир кыздын атасы. Учурда Бишкекте жашайт.
– Канатбек, аэропортто эл сизди Таластан чыккан Манаска салыштырышып, “Бээжинди багынткан баатыр” деп тосуп алды. Ошондогу сезимдериңиз...
– Чындыгында, мынчалык деңгээлде тосуп алышат деп күтпөгөм. Аябай кубандым. Күмүш медаль утуп Кыргызстан үчүн чоң белек кылгандыгымды ошол учурда сездим.
Бирок, ал сезимдер Бээжинде күмүш медаль менен сыйланып жаткандагы сезимдерге жетпесе керек...
– Ооба, ал учурда машыгууларда тер төгүп кыйналгандарым көз алдымдан өттү. Башыңдан эмне деген кыйынчылыктарды өткөрсөң да, баарын унутуп, кадимкидей рахат алат экенсиң.
Олимпиадалык оюндарга кантип, канча убакыт даяр­дан­дыңыз?
– Мен бул ийгилигимди 4 жыл күттүм. Максим Курманбекович Грек-рим күрөшү федерациясын жетектегенден бери шарттар жакшырып, чет өлкөлөргө дайыма чыгууга мүм­күн­чүлүк көбөйдү. Алгач Динарбек Асылбековичтин жардамы менен Казакстанда “сбордо” (мелдеш алдындагы машыгуу үчүн жыйын) жүрүп келдик. Украинада өткөн дүйнөлүк сборго катышуу укугун да алып берди. Ал жаш спортчуларга колдоо көрсөтүүдөн тажабайт. Бизге окшоп үйбүлөсүн таштап, 6 ай биз менен жүрдү. Агаларың ушинтип колдоп турса, ийгиликтерди жаратпай коё албайсың.
Олимпиадада өткөргөн бет­тештериңиз жөнүндө өзүңүздөн уксак...
– Мен алдын-ала ким менен беттешээримди сезгем. Алгачкы беттешти америкалык Жейк Дейчлерге каршы өткөрүп, көп кыйналган жокмун. Чейрек финалдагы улуту армян, бирок, украиналык балбан Армен Варданян менен болгон кармашым эң оор болду. Калыстар жан тартып, 3-бөлүккө чейин созушту. Акыры утуп чыктым. Жарым финалда Николай Герговдун үстүнөн ишенимдүү жеңишке жетиштим.
Карьераңыздагы чечүүчү беттешиңиз адилетсиз чечилип калгандай болгон жокпу?
– Финалдык беттештин алдында ФИЛАнын мүчөсү Даулет Турлыханов: “Эгер сен таза жеңишке жетиш­песең, алтын медалдан үмүтүңдү үзө берсең болот. Калыстар баарыбир французга жан тартышат”,- деди. Өзүңөр күбө болгондой, чүчүкулак 2 жолу катары менен анын пайдасына чечилди.

Беттештен кийин көңүлүңүз чөккөн жокпу? Француз спортчусу эмненин аркасында утуп кетти деп ойлойсуз?
– Көңүлүм чөккөн жок. Башынан эле Бээжинге алтын медаль тагынам деп баргам. Бирок, күмүш медаль буюрган экен, ушуга да шүгүр дейм. Ал эми Стив Гено менен Олимпиаданын алдында Белоруссияда сбордо чогуу болгонбуз. Аны менен 5 жолу күрөшсөм, төртөөнү утчумун. Көрсө, ошондо мен ага ачылып берип, ал менин күрөшүү ыкмаларымды өздөштүрүп алган экен. Финалда ал жөн гана жабылып туруп алды да, калганы калыстардын иши болду.
Олимпиададан тышкары 2006-жылы жана быйылкы Дүйнө биринчилигинде да күмүш медаль тагындыңыз. Бул тагдырбы?
– Буга өзүм да таңкалам. Мени атаандаштарым, чет элдик досторум “күмүш жигит” деп атай башташты. Ме­нимче, финалга чейин күчтүү атаандаштарга туш келип чарчап калгандыктан, финалда ойдогудай күрөшө албай калат окшойм.
– Негизи, килемде сизди тайманбас жана өжөр, ошол эле учурда токтоо мүнөз экениңиз байкалат. Сурайын дегеним, жашоодо да ошондойсузбу?
– Мен жашоодо абдан тама­ша­көймүн. Бала кезимден эле көңүл­дүү жүргөндү жактырам. Машыктыруучуларым, досторум “не­серьёзныйсың” дешет. Мектепте окууга анча көңүл бурбай, бейбаш болгом. Спорт интернатына келгенде гана токтолдум окшойт. Килемге чыкканда мага каршы ким турбасын, ал көзүмө душман болуп көрүнөт. Ал эми килемден сырткары ал менин досум.
Сиздин жеке жашооңуз окурмандардын кызыгуусун туудурбай койбойт. Үйлөнгөнүңүзгө көп болдубу?
– Келинчегим Айпери менен 2004-жылы кафеден таанышкам. Биринчи көргөндө эле ашык болгом. “Үйлөнөм” десем, машыктыруучуларым каршы болгон. Алар: “Сени Олимпиадага даярдап, үмүттөнүп жатсак... Үйлөнсөң спортко көңүл бурбай каласың”,- деп таарынышкан.
Келинчегиңиз буга түшүнүү менен мамиле жасадыбы?
– Башында түшүнбөй жүрдү. Бирок, мен ойлойм, тескерисинче, үйлөнгөнүмдүн чоң жардамы тийди. Айпери менен кол кармашып жашап жатканыбызга 2 жыл болду. Ортобузда Камила аттуу кызыбыз бар. Келинчегим мени дайыма колдоп келет. Үйгө эс алганы эле келем. Кечинде чарчап келип, жатып алам. Кызымдын кантип чоңойгонун да байкабай калыпмын. Бээжинде жүрүп анын басып калганын уктум.
Спортто гана эмес, жашоодо да чоң ийгиликке жетишүүдө бир нерсени курмандык кылууга туура келет эмеспи...
– Ооба, мен машыгууларда жүрүп жеке жашоомо көп убакыт бөлө албай жүрөм.
Ата-энеңиз, үйбүлөңүз жөнүндө айта кетсеңиз...
– Өзүм алты биртуугандын бешинчисимин. Эки агам, эки эжем жана иним бар. Спортчу болуп калышыма үйбүлөмдүн таасири тийген. Каныбызда бар болушу керек. Чоң аталарым, атам да спортту сүйгөн кишилер. Апамдын болсо спорт жөнүндө түшүнүгү кээбир балдарга караганда алда канча жакшы. “Партер”, “стойка”, “калыс тартып жатат” деп айтып калат. Жашоодогу кеңешчилерим болгон агаларым Тариэл жана Талас да спорттун чеберлери. Алар мени спортчу болууга шыктандыруу менен эле чектелбестен, жашоодо үлгү болуп келишет.
Сизди жакшы ырдайт деп уккан жайым бар...
– Ооба ырга шыгым бар. Чарчаганда машинамдын терезелерин көтөрүп, кыйкырып ырдап, бугумду чыгарып алам.
Бош убактыңызда кантип эс аласыз?
– Бош убакыт жекшемби күнү гана табылат. Ар бир жекшемби мен үчүн той. Каалаган жагыма барам, каалаганча тамактанам. Досторум менен 4-5 саат бильярд ойнойм.
Акыркы жолу мас бол­гонуңуз эсиңиздеби?
– Негизи, ичпейм, чекпейм. Бирок, кээде салмак кууганда уктай албай кыйналган учурлар да болот. Ошондо ичимдик ичүүгө аргасыз болосуң. Уктап калыш үчүн 400 грамм сыра ичип коюп турабыз. Италияда жүргөндө сыранын күчтүүсүн алып алсам керек, мас болуп калганым эсимде. Көп сүйлөп дегендей...
Мушташканыңызчы?
– Былтыр күзүндө Бишкектеги кафелердин биринде намысыма тийип коюшканда жинге алдырып мушташа кеткем. Мушташкан балдар эркекчилик кылбай милицияга арыз жазып коюшуптур. Милиция “камайм” деп... Ошондо оюм экиге бөлүнүп атып Дүйнө чемпионатына ийгиликсиз катышкам. Ал мелдешке мен олуттуу даярданып, медаль тагынам деп ишенген элем. Мушташ жакшылыкка алып келбейт да...
Чет өлкөлөрдөн сунуштар түшө­бү?
– Буга чейин түшүп келген сунуштар Олимпиададан кийин көбөйдү. Жапонияга, Европага чакырып жатышат. Чоң суммадагы акча убада кылып, келишим сунушташууда. Мен акча үчүн мекенимди таштап кете албайм. Кудайга шүгүр, бул жакта мен ачка калбайм. Акыркы учурда спортко мамлекет тарабынан жакшы колдоо көрсөтүлүүдө. Үйбүлөм, ата-энем менен бирге турам. Спорттон тапкан акчам жетиштүү.
Канатбек, сиздин ийги­ли­гиңиздин жөнөкөй сыры эмнеде?
– Мени ушул күнгө талыкпаган эмгек жеткирди. Атаандаштарым эс алып жатканда мен ма шыгам.
«Канат спорттон кетет экен» деген сөздү кулагыбыз чалды. Келечектеги пландарыңыз кандай?
– Азырынча 2 ай денсоолугумду калыбына келтирип, эс алууну чечтим. Спорттук карьера боюнча айтсам, кыргыз элиме Дүйнө биринчилигинде алтын медалды алып бербей кетип калсам туура эмес болуп калат го.
– Анда сиздин “күмүш жигит” эмес, “алтын жигит” атка конушуңузду күтөбүз. Маегиңизге рахмат!

Маектешкен
Базарбек Абдураимов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: