Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИРБЕК ИМАНБЕКОВ, «ИТТЕН, ЖЫЛАНДАН, ЧЫЧКАНДАН, АНАН АСЫЛ ЭЖЕДЕН КОРКОМ»

№306 12-18 сентябрь, 2008-ж


Эл билбеген фактылар

Мирбек учурда чачын бир аз өстүрүп, чач жасалгасын өзгөрт­көнү жүрөт.
Орусияга болгон гастролдук сапардан келгенден бери баарынан жаман көргөнү алыска жол жүрүү болуп калды.
Зуулдата катуу ылдамдыкта машина айдагандан ырахат алат.
Өмүрүндө чайга кумшекер кош­пойт.
Тамакка кошулган чөп-чар­лар­ды таптакыр жебейт.
Спорттук стилдеги кийимдерди жактырат.
«Ералаш» киножурналын көрүүнү жактырат.

Мирбек, иштериң кандай?
– Кудайга шүгүр, баары жакшы.
– Биз сени кечээ да күттүк эле…
– Чынын айтсам, өткөн жумада Ору­сияга болгон бир айлык гастролдук сапардан келгенден бери өзүмө келе албай жүрөм. Сиздер чакырган дүйшөмбү күндү мен жекшемби, дем алыш күнү менен алмаштырып алып, телефонумду өчүрүп үйдө жатып алыптырмын. Күндөрдү алмаштырып алганымды кечинде билдим.
– Уйкунун ордун толтура албай жүргөн экенсиң да...
– Ошондой го.
– Орусиядан эмне жаңылык бар?
– Ал жакта бир айдын ичинде 9 шаарга концерт койдук. Баары жакшы өттү. Бир гана бармактай болгон чиркейлери жаккан жок. Баса, Иркутск­та жүргөнүбүздө 6,5 баллдык жер титирөө болуп, жүрөгүбүздүн түшкөнүн айтпа. Эртеси аман-эсен өз элибизге жетели деген ниетте куран окуттук.
– Келгенден бери эмне менен алектенип жүрөсүң?
– Келгенден кийин бир аз эс алып, кайра эле чыгармачылыкка кириштик десем болот. «Карагат», «Достор» деген эки жаңы ырыма клип тарттырдык. Үстүбүздөгү айдын 15инен баштап Ысыккөлгө гастролдоп жол тартканы турам. Андан тышкары, ноябрь айында боло турган жеке концертиме даярдана баштадык.
– Оо, бул күйөр­ман­дарың үчүн чоң жаңылык болсо керек. Даярдык кандай?
– Эми мурда деле концерттерим, Кудайга шүгүр, жакшы эле өтчү эмес беле, эми андан да жакшы өткөргөнгө аракет кылабыз.
– Бул чыгармачылыктагы жа­ңы­лыктарың болду. Ал эми жеке жа­шооң­до эмнелер болуп жатат?
– Жеке жашоо дегенде эле бир нерсе оюма келет. Учурда ушактардын үстүндө калкып жүргөн кезим. Эл «Мир­бек минтип кетиптир, Мирбек антип кетиптир, Мирбектин үйбүлөсү бар экен, жакында кыздуу болуптур» деген сыяктуу жалган кабарлар менен сугарылып калыптыр.
– Өткөндө биздин «Супер поч­тага» «Мир­бек, мен сенин кошу­наң­мын, кызың ыйлап уктатпайт. Өзүң да арыктап жүдөп кеттиң» деген SMS-бил­ди­рүү келген эле…
– Ошол билдирүүнү жазган кызды биз таап сүйлөштүк. Көрсө, душманды алыстан издебеш керек экен. Ал кыз менин таанышым болуп чыкты. Билдирүү ошол кыздын телефонунан жөнөтүлгөнү менен «мен жазган эмесмин, ким жөнөтүп жибергенин билбейм» деп танып койду. Бирок, бир күн кечке жалдырап кечирим сурап жаныбызда отурду. Анын кайсы жерде жашаганын да билебиз. Кааласаңар ал кызды ээрчитип келейин, бул ушак кептин кандайча таралганын өзү айтып берсин. Мунун баарын айтпас элем, бирок, чынында мындай ушактар менин кекиртегиме жетип кетти. Ал тургай силерге далил катары паспортумду да ала келгем. Мына, эч кандай «үйбүлөлүү» деген мөөр жок.
– Мындай ушактар кайдан чыгып, кимге керек болду деп ой­лой­суң?
– Сахна адамы болгондон кийин сөз деген туш тарабыңдан ээрчий берет экен. Анын кайсы бирин басат элек. Акыркы кезде менин дарегиме айтылган жалган кабарларга көңүл да бурбай калгам. Айтор, чыгармачылыгыма да, жеке жашоомо да асылгандар көбөйүп кетти го.
– Мирбек, айт­саң, эгерде чындап үйлөнсөң, элге ачыгын айтат белең?
– Сөзсүз, биринчи орунда кыргыз элиме мактаныч менен жар салмакмын.
– Качан үйлөнөйүн деген оюң бар?
– Кудай буюрса, келерки күздө дүң­гүрөгөн үлпөт тоюн өткөрөм деген ниетим бар. Калганын убакыт көрсө­төт да.
– Демек, сүйлөшкөн кызың бар экен да?
– Мени менен үйбүлө куруп, өйдөдө өбөк, ылдыйда жөлөк болчу болочоктогу түбөлүктүү жарымды издеп жүрөм.
– Анда үйбүлө курганга даяр экенсиң да?
– Ошондой десем да болот. Төкөл­дөш жактан, анан «Манас» аэропорту жактан эки жер тилкесин караштырып койдум. Кудай буюр­са, бирин тандап алып, быйыл үйдүн жер пайын куюп койсомбу деп турам. Эмки жылы болсо, үйлөнгөндө жубайымды өзүм­дүн үйүмө алпарам. Баягы «катын албай, отун ал» деп коюшат эмеспи, анын сыңары, отунду жыйнай баштадым.
– Асыл эже экөөңөрдүн орто­ңордогу келишим качан аягына чыгат? Мүмкүн, үйбүлө курууну да келишимдин аякташына пландап жаткандырсың...
– Келишим 3 айдан кийин, 2009-жылдын жаңы­рышы менен аяктайт.
– Андан кийин да келишимди улантуу жөнүндө ойлонуп көр­дүңөрбү?
– Ал убакыттын иши, аман болсок көрө жатаарбыз.
– Кел, эми мае­ги­бизди башка нукка буралы. Ко­луң­да­гы шакек, чын­жыр­чаларыңды кө­рүп, жасалгаларга кызыгасыңбы деген суроо бергим келип кетти.
– Ооба, негизинен жасалгаларга кызыгам. Бирок, аларды мен өзүм сатып албайм, баары белекке келгендер.
– Күйөрман­дарың­дан да көп белек алсаң керек?
– Күйөр­ман­дарым берген белектерге сан жетпейт болуш керек. Эсте калганы «Мирбек» деген жазуу менен шым, моюн орогуч, кагаздан жасалган ак куу, 26 метрлик кат жана алтын чынжырча.
– Күйөрман демекчи, чыгар­ма­чылыгыңды колдоп, өзүңө ашык бол­гон күйөрман кыздар туурасында айта кетсең…
– Алардын ар бирине сый мамиле жасайм. Бирок, кээде аша чапкандары болот. Алардын айтканы менен болбой койсоң, таарынымыш этип, жаман сөздөр менен сөгүп да кетишет. Кээде жолдо машина айдап жүргөн кезде да ыңгайсыздыктарды жаратышат.
Бул учурда жаныбызда отурган Асыл эже да кепке аралаша кетти:
– Баса, Мирбектен дагы бир жаңылык, январда алган машинасынын документтерин өткөн жума күнү гана тууралап, номерин да эми алды.
– Ай-ий, 8 ай номери жок машинаны айдап жүрсөң, МАИчил ерге канча айып төлөдүң?
– Айыптарым деле көп эле болуп калды. Бирок, ошол тармакта иштеген тааныш акелериме эркелеп жүрдүм да. Орусияга кетээр алдында машинамды алып коюшкан. Андыктан, келээрим менен документтерин бүтүргөнгө туура келди. Айтмакчы, машинама номер алып сүйүнүп айдап жүрүп кечээ бир жерден токтоп түшө калсам эле бир ит дуу-уу этип чуркап келсе болобу! Чочуп кетип, минтип оозума учук чыгып кетти.
– Иттен коркосуңбу?
– Аябай корком, кичинекейимде иттерге таланып эле жүрчүмүн.
– Дагы эмнеден коркосуң?
– Жыландан, чычкандан, м-мм… анан (күлүп) Асыл эжеден корком.
Асыл Апасова: (күлүп) – Байкап сүйлө.
– Тамаша да, албетте, биринчи Кудайдан, анан бөөдө кырсыктан корком.
– Башкасы го түшүнүктүү, жылан менен чычкандан эмнеге коркосуң?
– Бир жолу айылдан оролуп жаткан жыланды жылаңаяк тепселеп кеткем. Катуу ылдамдыкта келатыптырмын, жыландын жатканын көрүп туруп эле өзүмдү токтото албай калгам. Ошондон бери жыландан катуу корком. Ал эми чычканды билбейм. Өзү кичинекей болсо да корко берем. Байкабай турсаң, тыпыр-тыпыр этип жаныңан чуркап кетет го.
– Баса, унута элегимде сурап алайын, биздин «WWW.SUPER.KG» сайтыбыздагы Медиа-порталга жаңы гана жүктөлгөн “Карындашым” деген ырың туурасында кыскача айта кетсең...
– Бул ырдын сөзүндө менин репертуарымдагы ар бир ырымдын аталыштары камтылып жазылгандыгы менен өзгөчө. Ал эми клип комедия жанрында тартылган.
– Кызыктуу маек куруп бергениң үчүн ыраазычылыгымды билдирем. Сага ийгилик.
– Рахмат, сиздердин редакцияга да ийгилик каалайм.

Маектешкен
Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: