Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОМА: «ҮЙЛӨНГӨНГӨ ДАЯРМЫН»

№309 3-9-октябрь, 2008-ж.


Ома жөнүндө кызыктуу фактылар:
• Окрошканы жактырбайт.
• Спорт менен машыгып жүрүп 3 жолу бутун сындырып, 6 жолу колун кокустаткан. Манжаларынын бардыгы бир иреттен сынган.
• Жашоодо эң көп колдонгон сөзү - Кудайым буюрса.
• Эки жолу машинасын алмаштырган жана экөөнү тең ак эмгеги менен тапкан акчага сатып алган.
• Бишкекте буга чейин 8 кафеде музыкант болуп иштеген.
• Алгачкы жолу 6 жашында тойдо чуркап, жарышуудан 1-орунду алып, 1000 рубль акча тапкан.
• Азыркы күнгө чейин катуу ооруган эмес.(Оорубай эле койсун!)
Маегибизди таттуу балалыктан баштасак. Балалыгың кайсы жакта өттү?
– Балалыгымдын өткөнүнөн эмес, башталганынан баштабайлы­бы?
– Макул. Кантип башталды эле?
– Балалыгым караңгыда башталган. Анан жарыкка чыксам, акушер туруптур мени карап. Ошентип, жашоом башталган (күлүп). Тамаша. Өзүм Манас атамдын жери Таласта төрөлүп, ошол жакта өстүм. Кичинекейимде эле тентек, өжөр, көк бет бала элем. Тийбе деген нерсеге тийип, кылба деген ишти атайлап кылчумун. Чоңоюп эс тартканча ата-энемдин жана менден улуу байкем менен эжемдин эсин эки кылдым го.
– Ошол кездеги шоктук кылган жорук­тарың­дан айта кетпейсиңби?
– Эми баарын айтсам, гезиттин барактары жетпей калат. Ошентсе да, бир- экөөнү айтып берейин. 6-7 жашымда болуш керек, казанда тамак бышып жаткан. Анан ата-энем “Өмүрбек, казандын жанына жолобо! Тамак бышып жатат” десе, мен барып топуракты кетмен менен казанга салып жибергем. Бул ишим үчүн атамдан уруш укканым али эсимде. Дагы бир жолу от күйүп жаткан очоктун жанында ойноп жаткам. Отко жакын жерде отурганымды көргөн агам менен эжем “отко жолобо, алыс ойно” деп урушуп калышты. Буга жиним келип, айткандарын тескери аткарып бир кружка керосинди күйүп жаткан отко чачып жибергем. Оттун жалыны кайра мени каптап, ошондо бутумду күйгүзгөм.
– Мындай тентек балдардан ата-энеден мурун кошуналар тажашчу эле...
– Айтпа, кошуналардын мени көрөйүн деген көздөрү жок болсо керек эле. Анткени, алардын тоок, үндүктөрүн биздин короого кирсе эле кетмен менен башка чаап өлтүрө берчүмүн. Бирок, ал эмес өзүбүздүн деле тоокторду өлтүргөн күндөрүм болгон. Кечкисин аларды тоокканага киргизе албай койсом эле колума урунган буюм менен жыга чапчумун. Кошуналарга тиешелүү дагы бир окуя эсимде калыптыр. 8-9 жашымда болсо керек, целлофанды күйгүзүп алып жерге тамызып ойноп жүрүп бир кемпирдин дааратканасын өрттөп жибергем.
– Көчөдө балдар менен да көп күрөшчү белең?
– Эми балалыкта боло берет да. Бир күнү апама “мен күрөшкө барам” деп калбаймынбы. Атам экөөнүн тең чачы тикесинен тик туруп “сага ушул эле шоктугуң жетишет. Күрөшкө барып калсаң сенин соо жериң калбай сынып, кулагың жок калат” деп алпарып бий ийримине катыштырып коюшкан. Муну уккан досторум мени “бийчи” деп шылдыңдай башташты. Буга ызаланып, өзүм эле үйүбүздүн жанындагы күрөш клубуна жазылып алып, бийге кеттим деп ошол жакка бара баштагам. Анан бир жылдан кийин күрөш боюнча мелдеште биринчи орунду алгандан кийин үйдөгүлөр күрөш­кө барганыма каршы болбой калышкан.
– Ушунчалык шок бала белең? Айтып берген кылыктарыңа караганда жиниң бат келет окшойт?
– Жиним бат келет, бирок, андайда өзүмдү токтоо кармаганга аракет кылам. Бирок, бирөө жарым жиниме катуу тийсе менин көзүмө көрүнбөй эле койсун (Күлүп).
– Мектепте кандай окуган окуучу элең?
– Класс­таш кыздарымды өзүм билгендей кылып тамашалап ойночумун. Байкуштар мени көрүп эле ыйлашчу. Мектептин эң хулиганы, анан эң жакшы окуган окуучусу болдум. Мектепти кызыл күбөлүк менен аяктадым. Анан да кичинекейимен эле кыргыз элинин патриоту болчумун. Башымдан эч качан ак калпак түшчү эмес.
– Студент кезиңде да группалаш кыздарыңды ыйлатчу белең? Деги эле студенттик күндөрүң кандай өттү?
– 1999-жылы Бишкекке келдим. Кыргыз улуттук университетинин экономика бөлүмүнө бюджеттик негизде өтүп кеттим. Чынын айтуу керек студент болгондон кийин токтолдум. Буюрса, келечекте мыкты элчи болуу тилегим бар. Ошондой эле мамлекет үчүн иштеп, чоң адам болууну тилек кылдым. Ошону менен кыздарды ыйлатып, шоктук кылганга убактым да жок болуп калды.
– Келечекте ырчылыкты таштап элчи бо­лосуңбу?
– Ырчылык өнөр мага Алладан берилген талант. Аны мен эч качан таштабайм. Билл Клинтон Американын президенти болуп деле саксофондо ойногонун калтырган эмес.
– Учурда ырчылыктан тышкары эмне менен алек­те­несиң?
– Бир гана ырчылыкта эмгектенип жаткан кезим. Анан да айта кетчү нерсе, мен жергилик­түү жөнөкөй концерттерде эмес, чоң-чоң эл аралык дең­гээл­деги сынактарга катышууга көбүрөөк басым жасап жатам.
– Сенин АКШдан алып келген 4 меда­лыңдын күчү байкалып жатабы?
– Медалдарым мага чоң сыймык болду. Мени мактагандардын саны арбыды десем болот. Мурдагыдан да таанымал боло түштүм окшойт.
– Өткөндө бизге берген интер­вьюңда Президенттин кабыл алуусуна чакырылдым дедиң эле. Эмне болду?
– Ошондон бери мамлекет башчыбызга кире элекмин. Курманбек Салиевичтин жумуштарынан улам кабылдоо 3-октябрга жылдырылган.
– Жогоруда элимдин патриотумун деп калбадыңбы. Учурда мамлекетибиздеги кароосуз калган кары адамдар, балдар, майыптар көп эмеспи... Сурайын дегеним, аларга кандай жардам көрсөтөт элең?
– Эң жакшы суроо экен. Албетте, мындай адамдарды көрүп бооруң оорубай койбойт. Жал кичирайонунда психикалык жактан жабыр тарткандардын балдар үйү бар. Ал жакка мен жыл сайын балдар майрамында таттууларды алпарып, бир күн тамак берип, сүйүндүрүп турам. Азыр колумдан келгени ушул болуп турат. Кудайым буюрса, чоң кызматта иштеп калсам, сөзсүз түрдө мамлекеттик деңгээлде жардам берем. Негизи эле кары адамбы, жаш балабы, эмнеси болсо да аларды майрамда эле ойлобостон ар дайым ойлоп турсак жакшы болмок.
– Эми жеке жа­шооңо тиешелүү суроо узатсам. Качан үй-бүлө курууну пландап жа­тасың?
– Болочоктогу балдарымдын мээримдүү, эстүү энеси боло турган кызды тапсам эле үйлөнөм. Ошол издеп жүргөн адамымды азыр тапсам, кийинки 30 мүнөттүн ичинде үйлөнүп алганга даярмын. Негизи, маңдайга жазганы деп коюшат го. Ошол сыңары, көрө жатаарбыз.
– Болочок жубайыңды кандай элесте­тесиң?
– Мен кыздардын сырткы сулуулугуна таптакыр карабайм. Андыктан, бар билгеним менин жубайымдын ички дүйнөсү сулуу болот.
– Баса, өткөндө футбол таймашына чакырдык эле эмнеге келген жок­суң?
– Мен барсам, утуп алмакмын. Анан утуп алгандыгым үчүн мени жаман көрүп, гезитке чыгарбай койбосун дедим. (Күлүп)
– Байкашымча, журналисттер менен тамашалашып сүйлөшөт экенсиң? Интервью берген сага жагабы?
– Журналисттердин баары менен тамашалашып сүйлөшө бербейм. Көңүлүмө жаккан адам менен тамашалашам. Бирок, өзүм жөнүндө көрүнгөн нерсени айтып мактана бергим келбейт. Ошондуктан, мен жөнүндөгү макалаларды, интервьюларды үтүр чекитине чейин окуп отурбайм.
– Биздин гезитке чыккан интервьюңду да оку­байсыңбы?
– Сиздердин гезити­ңиз­дерге чыккан макаламды мен жакындарым аркылуу билип, ар кандай комплименттерди угам деп ойлойм. Көбүнчө менин досторум, туугандарым айтып беришет. Бирок, сиздердин гезитти абдан жакшы көрөм. Колума гезит тиер замат окуп чыгам деп турам.

Ома
“Махабатым”
Сөзү: К.Урмамбетовдуку
Обону: Оманыкы
Көргүм келет сени күндө,

Көлөкөңө зар болуп, алтыным.
Түшөм жалынга,
Көлдөй толкуп көңүлүңдө.
Көкөлөймүн жар болуп, жаркыным,
Жүрсөң жанымда.
Кайырма:
Махабатым, сен,
Бакыт кушум, сен.
Ыйык жандай.
Айлуу түндөр, ай,
Арбайт жарык шамдай.
Махабатым, сен көкөлөп,
Чалкып учкандай.
Сагынычтан арылбадым,
Саамайыңа байланып, алтыным.
Жаным эзилди,
Канат болуп кагылайын.
Карегиңден айланып, жаркыным,
Арнап сезимди.
Ак дилимден төгүлөйүн алдыңа,
Адамзатка калсын бизден санжыра.
Жадырап күн нурундай,
Жарашып эгиз талдай,
Боз үй тигип махабаттын айылына.

Бул ырды «www.super.kg» сайтындагы Медиа-порталдан уга аласыздар.
Маектешкен Бактыгүл Абдыкадырова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: