Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САМАТ ДӨӨЛӨТБАКОВ: «ҮЙЛӨНҮҮ ТОЮМ ҮЧ ЖОЛУ БОЛГОН»

№310 10-17-октябрь, 2008ж


Самат тууралуу 10 факт:
· Саматтын башында 4 уюлу бар. Кызыгы, кызы Аэлинанын да так чекесинде атасыныкындай уюлу бар экен.
· Рулда баратканда үнүн аябай катуу чыгарып ырдагандан ырахат алат.
· Оромону күндө берсе да жей берет. (Самат: Мал катары алдыма салып бергенди жей берем)
· Ашкабакты таптакыр жебейт. (Ашкабак мантыга уулангандан кийин)
· Газдалган “Кола”, “Фанта” деген суусундуктарды ичпейт. Кыргызстанда чыгарылган улуттук суусундуктарды жактырат.
· Саматты чач жасалгасына байланыштуу жумушундагылар конокторго кызматкер эмес, “биздин ырчы” деп тааныштырышат.
· Аябай шашкалак жигит.
· Мурда пираттык диск саткан дүкөндө иштеген. Андыктан, дүйнөлүк тасмалардын 90 пайызын көрүп чыккан.
· Коркунучтуу кинолорду жактырат.
· Самат үйүндө жүргөндө сөйкөсүн тагынбайт.

– Самат, жакында эле кыздуу болуп маңдайың жарыла сүйүнүп турган чагың. Ата болуу кандай экен? Сезимдериң менен бөлүшө кетсең…
– Ата болуу бул сөз менен айтып бергис, тимеле эбегейсиз зор бакыт экен. Чынын айтканда, акыркы 4-5 жылдан бери качан мен «ата» наамын алар экенмин деп күтүп жүрчүмүн. Башка бирөөлөрдүн жөжөдөй балдарын көргөндө ичимден эзилип койчумун. Кудай буюруп, мына бул күнгө да жеттик. Жанагы «Балам, балалуу болгондо көрөсүң» деген чын эле экен. Азыр эртең менен эле көрүп жумушка кетсем, түшкө чейин сагынып араң чыдайм. Түштөнүүгө да үйгө барам. Жарым саат болсо да, жубайым менен кызымдын жанында болууну каалап турам. Үйгө кирсем эле үн чыгарып ыйлап калат, колума алып көтөрүп алам.
– Кызың ыйлаак эмеспи?
– Негизи, ыйлаак деле эмес. Бирок, үйгө чыгып келгенден бери жабыла көтөрө берип, колго үйрөтүп, бир аз эркерээк кылып алдык ойшойт.
– Атын Аэлина деп ким койду?
– Ат коюу жоопкерчилигин ата-энеме ыйгарганбыз. Алардын да сүйүнүчү көздөрүнөн көрүнүп турат.
– Кызыңдын чоңойгон кезин кандай элестетесиң?
– Чынында, бул жөнүндө ойлонбоптурмун. Бирок, кыргыздын жакшынакай эле кыздарынан болоруна шегим жок.
– Төрөлгөнүнө бир ай убакыт өтүптүр. Эч кимге угузбай кыз­дуу болгонуңду сыр кылып жүрдүңбү?
– Сыр деле кылган жокмун. Болгону, «баланын төрөлгөнүнө эмес, турганына сүйүн» деп коюшат эмеспи. Бир аз торолгуча эч кимге айтпай турууну чечкенбиз. Азыр баары жакшы. Эми жолдошторум менен отуруп, кыздуу болгонумду жууп койсом болот. Анын үстүнө жумушума байланыштуу Түркияга жарым жылга кеткени жатпаймынбы. Кызымдын кыркын чыгарууга да катышпай калат экенмин. Анан да жентек тойду жарым жылдан кийин өткөрмөй болдук.
– Түркияга кетип жатканың жөнүндө кененирээк айтып берсең.
– Өзүм иштеген банк аркылуу кетип жатам. Ал жакка 6 ай убакыт аралыгында тажрыйба топтоо максатында жол тартып жатабыз. Жалпысынан 300 кишинин арасынан бешөөбүздү тандап алып жөнөтүштү. Бул мага чоң жетишкендик десем болот. Себеби, бирден бир карьералык өсүш. Келгенден кийин да 5 жылга жумуш ордум даяр, жумуштан куулуп кетүү деген жок. Анан да бир бөлүмдүн башчысы же филиалдын жетекчиси болуп каларым бышык. Себеби, кетер алдыбызда банк менен 5 жылдык келишимге кол койдук. Анда айтылгандай, ар бирибизге 15 миң доллардан акча сарптап, 6 ай тажрыйба топтоо үчүн чет өлкөгө жөнөтүп жаткандан кийин, келгенде да башка банктарга иштеп кетпешибиз керек.
– 6 айга кетип жатсаң үй-бүлөң кантет?
– Буюрса, ал жакка барып өзүм орношуп алгандан кийин бир ай аралыгында үй-бүлөмдү да чакыртып алам го. Бизде быйыл да кыш суук болот, свет өчөт деп жатышпайбы. Ал эми Түркияда кыш жылуу өтөт. Кызыбызды торолтуп алууга да оңой болсо керек. Эми бир айча үй-бүлөм мен жок чыдап турушса болду. – Үй-бүлө демекчи, ата-эне, биртуугандарың туурасында да кыскача айта кетсең?
– Ата-энем Токмок шаарынын ка­дыр-барктуу тургундары. Үй-бүлөбүз кудайга шүгүр, башкаларга үлгү болчулардан. Эжем, иним, анан карындашым бар. Карындашым Перизат азыр бойго жетип бий жагына кызыгып, ошол тармакта машыгып жүрөт. Иним Максатты болсо мен иштеген банкка киргизип жатабыз. Ал да буюрса, банкир болот. Учурда эжем Аида Түркияда иштеп жүрөт. Келинчегимдин да аты Аида. Аны өзүңөр билесиңер бала менен үйдө.
– Аида менен качан таанышып анан табышып калдың эле?
– Аида экөөбүз магистратурада бир группада окуганбыз. Алар ошол кезде үй-бүлөсү менен жаңы эле Ташкенттен көчүп келишкен болчу. Анан үч жылдай кыз- жигит катары сүйлөшүп жүрдүк. Акыры былтыр Египетте жүргөндө баш кошуп, нике кыйдырып алганбыз.
– Египетте үйлөнгөнүң жөнүндө көпчүлүк биле бербесе керек…
– Ооба, менин үч жолу үлпөт тоюм болгонун да эч ким билбесе керек. Былтыр Египетте жүргөндө Аида да менин жанымда болчу. Ал жактан баш кошуп, бирге жашоо сунушу менен үч жолу ар кандай ыкмаларды колдонуп, колун сурадым. Эми кантип сураганым жөнүндө айтпай эле коёюн. Ар ким өзүнүн фантазиясына жараша да (күлүп). Анан болочок жубайымдын макулдугун аларым менен эле мечитте нике кыйдырып, жаңы таанышкан досторум, кесиптештерим болуп 30 чакты кишиге чакан тойчук өткөрдүк. Баса, ал жакта аял киши мечиттин босогосун аттабайт экен. Анан да күбөлөрдүн экөө тең эркек кишилер болууга тийиш. Айтор, биз билбеген сырлары бар экен.
– Кийинки үлпөт тойлоруң кандай өттү эле?
– Үч жолу үлпөт той өткөргөм десем, «Самат үч жолу үйлөнүптүр» деп жүрүшпөсүн (күлүп). Үчөөндө тең бир эле жубайыма үйлөнгөм. Египеттен келгенден кийин Аида кайра ата-энесинин үйүндө жашап турду. Бир жумадан кийин Айт күнү 13-октябрда эч кимге айтпай туруп барып үйгө алакачып келгем. Анан туугандарыбызга чоң той бердик. Эки жумадан кийин дагы бир заманбап үлпөт той өткөрдүк.
– Келинчегиң туурасында айтып берсең.
– Келинчегим кудайга шүгүр, кыргыздын ыймандуу келиндеринен. Ушул сөздө эле анын кандай адам экендиги айтылды болуш керек. Мен элимдин патриотумун да. Аида мурда кыргызча таптакыр сүйлөй алчу эмес эле. Менин жардамым менен азыр кадимкидей сүйлөп калды.
– Демек, тил маселесине кайдыгер карабайт экенсиң да?
– Ооба, көчөдө деле бирөөгө кыргызча кайрылсам, орусча жооп берип койсо «мен сизден кыргызча сурап жатпаймынбы» деп кыжырым келип кетет. Өзүм да колумдан келишинче кыпкыргызча сүйлөгөнгө аракет кылам.
Бир эле тил эмес, жалпы эле элдин оор турмушу мени ойлондурат. Кудай буюрса, 10 жылга жетпеген убакытта саясатка аралашам деп жүрөм. Азыр жаштар жакшы чыгышты. Алардын катарында элдин келечегине мен да өз салымымды кошсом деген оюм бар. Батыштын эксперттери да «келечек Орто Азиянын элинен чыгат» деп жатышпайбы. Ошол эл биз болобуз.
– Болочокто эл камын ойлогон мыкты саясатчы кичинекей кезинде кандай болду экен?
– Кичинемден бери эле өз алдынча болууну, бирөөгө жүгүмдү артпоону жактырам. Эсимде, бир жолу 5-6 жашымда болсо керек, ооруп бала бакчага барбай үйдө калдым. Анан апамдар жумушка кеткенде ойлонуп отуруп «мен чоңойдум бала бакчага барып эмне кылам, андан көрө эртеңден баштап мектепке барайын. Азыр барып бала бакчадагы досторум менен коштошуп келейин» деп чечтим. Кийинип алып, өзүм жалгыз группама жетип бардым. Анда жол алыс сезилгени менен бир аялдамачалык эле аралыкта болчу. Барып эле тарбиячыма: «Мен эртеңден баштап келбейм. Мен бүгүн чоңойдум, мектепке барам»- дедим. Ал дагы башыман сылап «азаматсың!» деп койду. Анан балдардын баарын чакырып алып «мен эми чоңмун, кана кимиңер атаман элеңер чыккыла мушташам» дедим. Анан атаман балабыз Саша менен мушташып, ага жеңилип, ыйлаган бойдон кайра үйгө кетип калгам. Эртеси кайра эле бала бакчага келгем.
– Ошол кезде келечекте ким болууну каалачу элең?
– Жакында бир дептеримди таап алдым. Карасам, ичи толо эле менин ырчы болууну самаган кыялдарым экен. «Көрөсүңөр го, мен мыкты ырчы болом» деп эле мактана бериптирмин.
– Ошол бармактай кезиңден самаганың учурда канчалык актуалдуу?
– Мен жылына бир клип тарттырып, эки-үч ыр жаздырып коюп эле жүрө берет эмесминби. Анын үстүнө бул тармакта кенен машыгууга убактым да жок. Быйыл болсо келинчегим кош бойлуу болуп, анын жанында болууга аргасыз болдум. Айымдар кош бойлуу кезинде бир аз эрке болуп, көп нерсени жактырбай, тез эле таарынып калат турбайбы! Ошентсе да, кээде түнкүсүн студияларга кетип калып жаттым.
– Эми Түркияга кетип калсаң, чыгармачылыгың аксап калат деп коркпойсуңбу? Деги эле ыр­чы­лык менен качанга чейин алектенесиң?
– Түркияга кетсем чыгармачылыктан күн сайын алыстай турганымдай сезилет. Башта айтып кеткендей, саясатка аралаша баштасам эле ырчылыкты таптакыр таштайм. Азырынча 6 айдын ичинде эл мени унутуп калбасын деп эки ыр жаздырдым. Алардын бири «Ишенүү» деген ырымды сиздердин «Медиа-порталга» ала келгем.
– Кызыктуу маегиңе чоң рахмат. Ырды болсо, эми биздин WWW.SUPER.KG сайтыбыздын тургундары уга алышат. Сага кайда болбосун ийгилик каалайбыз. Сак-саламатта бол.
– Сиздерге да рахмат. Буюрса, элим менен “Супер-Инфо” гезити аркылуу байланышып турам деген үмүтүм бар.

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: