Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЧЫҢГЫЗ МЫРЗАЕВ: «БЕТИМДИ КАРЫНДАШЫМ ТЫТЫП АЛГАН»

№312 24-31, октябрь, 2008-ж


Кыскасын айтканда...
  • 85-90 жыл жашагым келет. Андан ашсам, жашагандан зеригип кетем го(тамаша).
  • Бетимдеги тырыгым ты­тыл­гандан калган. Кичинемде карындашым тытып алган.
  • Бир жаман адатым бар. Бир нерсени кармасам да, бирөө менен учурашсам да дароо колумду жыттап коём.
  • Тегерегимдеги адамдардан бөлүнүп, жалгыз калуудан корком.
  • Эки жолу башым жарылган.
  • Ит менен сүзүшүп кетип, бу­тумду тиштеп алган. Оң бутумда ошондон калган тагым бар.
  • Баарынан да сакал алганды жаман көрөм.
  • Жыландын терисин сыйрып, бакка байлап койчумун.
  • Жылкынын чөп жеп жаткан­дагы үнү менен анын бышкырган үнүн баарынан жакшы көрөм.
  • Пенопласттын үнүнөн кыжырым келет.
  • Акыркы жолу карындашым «Сынган кылычты» окуп жаткан экен, ошондон 17 барак окугам.
  • Атам «курсагың токпу?» деп сураса, «бензиним бар» деп жооп берем.
  • Китеп жазуу – менин максатым. Өзүм тууралуу роман жазам.
  • Ыр жазгандан рахат алам. Ырлар жыйнагымды чыгарсам деп жүрөм.
  • Эң биринчи гезитке чыкканым, сиздердин «Супер-фотороманга» тартылганым болгон.
  • Атым Чыңгыз Айтма­товдукуна окшош болгон үчүн жеңелерим мени «жазуучу бала» деп тергешет.

– Чыңгыз, бул жолу кандай жаңы­лыктар менен келдиң?
– Азыр жаңылыгым да, чуркаганым да, даярданганым да, негизи эле жашоомдун учурдагы убактысы ноябрь айында боло турган концертиме камынуу менен өтүп жатат. Бир күн үйгө барсам, эки күн машинамда түнөп дегендей.
– Даярдыкты катуу көрүп жат­кансың го?
– Чынын айтсам, жумуштарыма байланыштуу үйгө барганга убакыт жок. Кечке чейин иштер менен чур­кап жүрүп, анан кечкисин тойлорго барам. Бошогондо саатты карасам, түнкү үч болуп калат. Үйгө жеткенче төрт болот. Анан кайра эле бир сааттан кийин жумушка аттануу керек. Андан көрө жолго кетирген убактымда уктап алайын деп машинама камдап койгон жуурканымды алып чыгам да, жатып алам. Үйгө барганда уктоо үчүн эле баргандай, барарым менен эле уйкуга кетем, ойгонорум менен жумушка. Кээде атам: «Кел эми, биздин үйдөн деле чай ичип кет»,- деп тамашалап калат.
– Негизи эле үйдө кандайсың?
– Үйдө чынын айтсам, көп сүйлөбөйм. Негизи, токтоомун. Кээде чай ичип отурганда үйдөгүлөр «радиодо балээдей эле сүйлөйсүң го, сүйлөп отурсаң боло» деп калышат. Мен да тамашалап, «алар сүйлөгөнүм үчүн акча төлөшөт да» деп калам. Ал эми досторумдун арасында таптакыр башкамын, шайыр-шамдагай дегендей. Иши кылса, кандай чөйрөнүн адамдары менен баарлашсам, аларга тең болуу үчүн хамелеон болуп өзгөрүлүп турам.
– Хамелеонмун дегениңен улам негизи эле мүнөзүң кандай деген суроо узаткым келип турат.
– Бир аз корсмун. Кээде аша чапкан күйөрман кыздарга да катуураак сүйлөп алып, алардан сөгүш угуп калган күндөрүм болгон.
– Мисалы…
– Мисалы, бир кыз чалып алып эле «жа­ным, Чыңгыз, кан­дай­сың?» деп жат­пайбы, «сиз кимсиз?» десем, «өз каныңдан жаралган балаңдын апасын тааныбай калдыңбы?» дейт. Анан аны кагып жиберип, трубканы коюп салдым да, «балким, гезиттен мени тамаша торго илип жатышпасын» деп бир аз ойлонуп калдым. Кайра дагы чалды эле элге уят болбоюн деп жумшагыраак сүйлөп «сизде намыс деген жокпу, уялсаңыз боло?!» дей баштадым.
– Буга окшо­гон күйөр­ман­да­рың­дын кылыктары жөнүндө кызыктуу окуя­лар көп болсо керек…
– Андайлар көп эле болот. Кээси чектен ашып үйгө барып алышат. «Чың­гыз үйдө жок» десе, апам менен урушуп да кетишет экен. Бирок, ошентсе да, күйөрмандар бар биз барбыз да. Көбүнчө кат жазышат, үйдө он килограммдай кат турат го дейм. Аларды мен көп окубагандыктан, атам «сен окубасаң, мен окуп коёюн» деп окуп чыгат. Баса, атам да менин күйөрмандарымды жакшы көрөт. Үйдөгү телефондон мени кыздар сурашса, «ай, кызым, Чыңгыз баланча деген досу менен түкүнчө деген жердеги иштерин бүтүргөнү кетти эле» деп отчёт берет экен.
– Балким, ошол күйөрман­да­рыңдын арасында сенин болочок жарың бардыр…
– Болушу мүмкүн. Эмнеге болбосун?! Эң башкысы, жылдызыбыз келишсе болгону. Анан калганы акырындык менен калыптана турган нерсе да. Таптакыр кемчилиги жок адам издей берсең, өмүр бою жалгыз өтүп кетесиң го. Апам айткандай, эң жакшы деген мейиздин да артында чөбү бар.
– Ошол жылдызың келишкен кызды таптыңбы?
– М-мм… Эми талапкерлер бар (күлүп). Жок десем туура эмес болуп калат го. Бирок, бирөөсүнө ише­ним­дүү токтоло элекмин. Ата-энем да «качан бизди келиндүү кылып сүйүнтөсүң?» деп жатышат. Буюрган күн турган чыгар. Азырынча бул жаатта акыркы чечимди чыгара элекмин.
– Бир ишти аткарганда бирөө менен акыл­да­ша­сың­бы?
– Акылдашпайм. Колумдан келгенин иштей берем. Анан акырында иштин жыйынтыгын баалап, өзүмдү күзгүдөн карап туруп «азаматсың!» же «акылы жок десе!» деп урушуп калам. Ошентип, өзүм менен өзүм да сүйлөшө кетем.
– «Үйгө барып кененирээк эс ал­ганга да убактым жок» дебедиңби. Кээде мындай турмуштан да тажап кетсең керек...
– Кээде эмес, дайыма эле. Ошондуктан, түштөнүү үчүн атайын шаардын четиндеги машинанын үндөрү аз жерге барып, бир-эки саат отуруп келем. Баса, тамактануу дегенде эстеп кеттим. Убактымдын тардыгынан кээ­де түштөн кийин саат үчтө эртең ме­ненки тамагымды ичкен күндөрүм болот. Ашказаным байкуш да буга көнүп калды. Кайсы убакта тамактансам да, түшүнүү менен мамиле кылып, маңдайы жарык тосуп алат.
– Ошол үчүн арыксың го?
– Мүмкүн. Бирок, азыр мага жаштыгымда чуркап турганга шамдагай болгонго арык эле болуп турганым жакшы го. Ошентсе да, бир аз толгум келет.
– Эми чыгармачылык багыттагы суроо узатсам. Ырчылыкка кантип аралашып калдың эле?
– Мен биринчи жолу 5-классымда мектептин сахнасына «Манас» айтып чыккам. Андан кийин ырчылыкка болгон кызыгуумдун артынан Жалал-Абаддагы Барпы Алыкулов атындагы маданият техникумун бүтүрдүм. Негизинен, эстрадага караганда комузда ырдоо жагынан шыктуу болчумун. Окууну бүткөндөн кийин эки жыл Чаткалда мектепте көркөм жетекчи катары музыка мугалими болуп иштеп жүрдүм. Анан Бишкекке көчүп келгенден кийин радиодо иштей баштагандан тартып ыр жаздырып, ырдап да чыга баштадым.
– Мугалим кезиңди эсте­сең…
– Биринчи жылы өзүмдөн эки жаш кичүү окуучуларга сабак берип калдым. Кыздар «агай» деп тийише бе­ришчү (күлүп). Анан дагы бир эсте калганы класс жетекчилигим үчүн бир жолу 80 сомум чыкпай калыптыр. Ошол үчүн эсептегичимди көтөрүп алып районго чейин баргам. Анан чогулушта мектеп директорубуз «биздин мугалимдер эсепчи болуп баратышат» деп мени какшыктаган эле.
– Акча демекчи, биринчи тапкан акчаң эсиңдеби?
– Эсимде. Үчүнчү классымда атама сары зымдан толтура шакектерди жасатып алып, алпарып кыздарга сатып акча кылгам. Бир жумадан кийин карасаң, мектептеги кыздардын баары атамдын шакектерин тагынып алышкан. Негизи эле балалыгымда эч тартынбаган, шок болчумун. Жеңелериме көп тийишчүмүн. Аларды коркутам деп тамдын башына чыгып, таңылган чөптү жеңемдин башына ыргытып, терезеден кирип халат кийип алып бурчка тескери карап гитарада ойноп отуруп алган күндөрүм болгон.
– Чынында эле көп кырдуу талант тур­байсыңбы. Дагы ким болуп иштеп көрдүң эле?
– Жалал-Абадда окуп жүргөндө атамдын жолуна түшүп, эки жыл сү­рөтчү болуп иштедим. Студенттерди сүрөткө карызга тартчумун да, стипендия бергенде бухгалтериянын алдына туруп алып, акча жыйначумун. Анан, албетте, айылдын кулуну болгондон кийин мал жайып, чөп чапмай менден калган. Шаарга келгенден кийин да бир жыл талаада иштеп жүрдүм. Анан Искусство институтуна тапшырып, Улуттук Биринчи каналга ишке киргем. Алгач кадр артында аба ырайын айтып жүрүп, кийин эфирге чыга баштадым. Анан радиого кеттим.
– Келечекте өзүңдү кандай элес­тетесиң?
– Ырчылык менин хоббим катары калат. Азыр юридикалык жактан билим алып жатам. Буюрса, элге пайдасы тийген мыкты кызматкер болсом деген тилегим бар.
– Чыңгыз, акыркы суроом, биздин WWW.SUPER.KG сайтындагы Медиа-порталга жаңы эле жүктөлгөн «25 жаш» деген ырыңды кандайча ырдап калдың эле?
– Бул ырды мага Бек байке «Арман» деген ырын ырдап чыккандан кийин белекке берген. Мага сунуштаган эки ырдан дароо эле ушунусун тандап алгам. Өзүм да жыйырма беште эмесминби.
– Келип кызыктуу маек куруп бер­гениңе чоң рахмат, кон­цертиң ийгиликтүү өтсүн.
– Сиздерге да чоң рахмат.

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: