Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙГЕРИМ РАСУЛ кызы: «МАРК ДАКАСКОС МЕНЕН КИНОГО ТАРТЫЛЫШЫМ МҮМКҮН»

№316 21-27-ноябрь, 2008-ж


«Мен жөнүндө кыскача ...»

  • Мен бир да жигит менен жүргөн эмесмин.
  • Жылына номеримди 9-10 жолу алмаштырам. Бардыгы болуп 50 чакты номер алмаштырдым окшойт.
  • Бийик такасыз бут кийим таптакыр кийбейм.
  • Чачымды жөн эле шампунь менен жуусам тармал, шампундан кийин бальзам менен чайкасам түз болуп кургайт.
  • Жаныбарларга жакынмын. Айрыкча мышыкка. Үйдө Жади деген мышыгым бар. Тырмактары аябай узун, көздөрү бакыракай. Бетимден башка жеримдин баарын тытты окшойт.
  • Кээде күзгү аркылуу өзүм менен өзүм сүйлөшөм. Айрыкча эртең менен өзүмө “акылдуу бол” деп дайыма эскертем.
  • Ар бир кийимди жыттап, анан кием. Тамакты да жыттап, анан жейм.
  • Таптакыр баш кийим кий­бейм.
  • Тамак жеп жатканда вилканын тишке тийген үнүн уксам, табитим бузулат.
  • Тооктун этинин (гриль) жыты жагат.
  • Колумду мурдума тийгизип коймой адатым бар.
  • Сахнага чыгарда гана боёном.
  • Кээде байкабай, музыка жок болсо деле ойлонуп кетип бийлеп жиберем. Көргөндөр болсо түшүнүшсүн (күлүп).
  • Аябай көк бетмин. Бир айткан сөзүмдүн акырына чыкмайын кайтпайм. Туура эмес экендигин билип калсам да.
  • Эттеги майды таптакыр жебейм.
  • Концертимде Динара Акулова өз колу менен мага эки костюм тигип берди.
  • Бир жумада бир жолу өзүмдү эркелетип картошка бышырып, үстүнө кетчуп куюп жейм. Андан башка жумуш деле кылбайм.
  • Уктаганда чачымды да түздөп, узунунан жаткырып коём.
  • Ырчы болгондон кийин ачык түстөгү кийимдерди кийип, жанымдагыларга шаң тартуулап турган жагат. Анан да шуруларга аябай жакынмын.

– Айгерим, бул жолу бизге кандай жаңылыктар менен келдиң?
– Азыркы учурда башкы жаңылыгым эле тасмага тартылып жатканым болсо керек. Учурда Геннадий Базаровдун “Танго” деген аталыштагы жаңы кино тасмасына тартылуу менен алекмин. Баса, белгилей кетсем, үч Эл артистинин катарында роль жаратуу мен үчүн чоң жетишкендик. Өткөндө Ысык-Көлдө болуп өткөн кинофестивалга да барып ырдагам. Ал жактан тасмага тартылуу боюнча 3-4 сунуш түштү. Алардын эң башкысы – жаңы долбоордун негизинде атактуу Голливуд актёру Марк Дакаскос менен биргеликте тасмага тартылуу сунушу болду. Буюрса, жакынкы аралыкта дагы байланышып, сүйлөшүүлөрдү бекемдейбиз деген үмүттө турам. Бирок, азырынча бул долбоор каралууда турат.
– Ырчылыкты таштап, актриса болуп кетпейсиңби эми? Буга чейин индия кинолоруна да тартылуу сунуштары түштү деген элең?
– Ооба, бирок, сунушталган индия киносунун сценарийи мага таптакыр жакпай калды. Ага жашы улуу кыздар ойнобосо...
– Негизи эле индия кинолоруна жарашып калсаң керек?
– Мага көпчүлүк «индия кыздарына окшошсуң. Кыймыл аракетиң да ошолордукундай, эмне туурайсыңбы?» - деп сурап калышат. А чындыгында, мен ошол кинолордун таасири астында чоңойдум да. Анан балким, экран аркылуу деле жугуп калса керек деп ойлойм.
– Кепти ырчылык жаатында уласак, канча жашыңдан баштап ырдай баштадың?
– Мен кичинекей кезимде эле ырдачумун. Бирок, атам “үн 15 жаштан кийин калыптанат, ошондо ырдатам” деп койгон. Ал эми атамдын сөзү биздин үйдө мыйзам да. Анан чыдабай бийлеп кеткем (күлүп).
– Жаш ке­зиң­ден шоу-бизнес дүйнөсүнө ара­лашуу менен сахнанын кыйынчылыктарын сез­диң­би?
– Менин сахна артында болгон кыйынчылыктарды сезбей, жыргап ырдап жүргөнүмө ата-энемдин салымы чоң. Менин бардык түйшүгүм алардын моюнунда. Өзүм болгону, сахнага чыгып эле ырдап коём.
– Негизи, «сахналаштар билинбегени менен ич ара атаандашышат» деп коюшат го…
– Мен сахналаштарымдын баары менен эле бирдей жакшы мамиледе болууга аракет кылам. Тилекке каршы, кээде өзүмдөн улуу эле ырчы кыздардын мага атаандашып жатканын байкап калам. Анан да алардын арасында көздөрүнүн кыйыгы менен карагандары да бар. Анысы аз келгенсип, “Айгерим мындай кыз. Айгерим андай кыз” деп ушак чыгаргандары да жок эмес. Буларды угуп алып аябай ызаланам.
– Эми “жакшыга сөз жабышат, жаманга чөп жабышат” деп коёт эмеспи. Эл адамы болгондон кийин андай сөздөр боло берет да…
– Болгондо да кандай, чынында эле ыйлата турган сөздөр чыгат. Байкелерим менен эле кетип баратсам, “Айгерим чоң киши менен кетип баратат. Ал жигити экен” дешет. Бир кезде эмнеден экенин билбейм, «Айгеримди атып кетишиптир. Автокырсыктан каза болуптур. Айгерим жакында турмушка чыкканы жатыптыр» деген ушактар тараган. Баарынан да бир күнү сыналгы көрүп отурсак, “Айгеримге индиялыктар куда түшүп келишип, Мерседес белекке берип кетишиптир. Жакында алып кетет экен” деп жатышпайбы! Ошондо ызама чыдабай отуруп алып ыйладым. Чынында эле кээде жөнөкөй эле адамдар сыяктуу тынч жашагым келип кетет.
– Өзүң каалагандай тынч жашоого по­пу­ляр­дуулугуң жолтоо болсо керек…
– Ооба, таптакыр жалгыз баса албайм. Дүкөнгө да эркин бара ал­байсың. Кээде үйдө жалгыз калсам, нанга чыга албай күтүп отура берем. Мен өзүм жөнөкөйлүктү аябай жактырам. Ресторан, кафелерге караганда өзүн-өзү тейлеген ашканалардан тамактанганды, дүкөндөргө караганда базарларды аралаганды жактырам. Кыскасы, жөнөкөймүн. Мына азыр эле Оштон тойдон учуп келатам. Той бүткөндөн кийин «биз менен сүрөткө түшүп кой» дегендер талашып кетип, колумду оорутуп коюшту.
- Күйөрмандарың туурасында кеп сала кетсең…
– Кудайга шүгүр, күйөрмандарым көп эле. Колдоп турушат. Өткөндө бий тобума кастинг жарыялап койсом, толтура балдар келишти. Бийлей алганы да, албаганы да келип алышыптыр. «Кайсы багытта бийлечү элеңер?» десем, «сен кандай кааласаң, ошондой бийлей беребиз» деп күлдүрүштү. Айтор, күйөрмандардын түрү бар.
– Кээде аша чаап кетишпейби?
– Аша чапканда кандай? Үйгө келип калышат. Күйөр­мандар­дын айынан те­лефон номеримди бат-баттан алмаштырып турам. Бир жолу атам мага машина белек кылгандан кийин биринчи жолу өзүм машинамды айдап көчөгө чыккам. Жанымда курбу кызым бар болчу. Бир маалда артыбыздан машина кууп келатканын байкадык. Карасак, ичи толо балдар экен. Алардан качып отуруп араң кутулгам. Ошондон кийин машина айдагыс болдум.
– Эми качан кайра рулга отурсам деген оюң бар?
– Азырынча айдоочу менен эле жүрөм. Айдаганга да жетишермин. Атам жакында мага Лексус белек кылам деди. Ошого сүйүнүп жүрөм.
– Анда сага жансакчы керек болот го…
– Жансакчыларым бар да. Көпчү­лүккө чыкканда дайыма жансакчы менен жүрөм.
– Өзүң анча-мынча чектен аша тийишкендерден коргонуунун ыкмаларын билесиңби?
– Билем. Мени каратэ менен машыктырган бир тааныш байкем бар. Бирок, азырынча бул өнөрүмдү колдонуп көрө элекмин. Мектепте окуп жүргөндө балдарды сабачу элем.
– Эмнеге?
– Кат жаза беришчү да. Кат келген сайын ошол балага барып алып, «бул катты сен жаздыңбы?» деп сурачумун. Анан «ооба» дегенде эле «мына сага» деп сабап кирчүмүн.
– Азыр да сага сүйүү­­сүн арнаган жигиттер көп болсо керек.
– Көп эле, бирок, мен ушул күнгө чейин бир да баланы жактырып, сүйүп көргөн эмесмин. Мен өзүм али баламын да, мага сүйүүгө али эрте. Аны чыдамсыздык менен күткөн да жокмун. Буюрган күнү өзү келсе керек.
– Качан турмуш жолуна аттанам деп ойлойсуң?
– Негизи, мен план менен иш жүргүзүүнү жактырам. Ошол пландарымда 5 жылдан кийин турмуш курууга даяр болсом керек.
– “Айгеримди элитанын балдары жакшы көрүшөт” дешет …
– Бул чын. Атасынын кадыр-баркына чиренген канчалаган жигиттерди “отшивать” эттим. Мага балдардын атасынын кызматы менен байлыгы кереги жок. Эң негизгиси, ошол баланын өзүнүн адамдык сапаттары, анан жигит деген атка татыктуу болушу маанилүү. Айткан сөзүнө турган, чынчыл, намыстуу, акылдуу дегендей.
– Айгерим, келечектеги максат­тарыңдан бир-эки ооз...
– Келечекте журналист болуп, шоу-бизнес тармагын чагылдырган газета, моделдик агенттик, мода үйүн, сулуулук салонун ачсам деген максаттарым бар. Бул менин ырчы айымдарды тейлесем деген кыялдарым.
– Негизи, өзүң стиль жагынан башкалардан айырмаланып турасың. Стилистиң барбы?
– Болгон. Бирок, экөөбүздүн табитибиз эки башка чыгып, иштешпей калгам. Азыр ата-энемдин, жакындарымдын көзөмөлүндө өз табитим менен кийинип жасанам. Туура эмес кийинсем, мени туурагандар болмок эмес да. Бир костюм кийип чыксам эле артымдан башка ырчылар ошону туурап чыгышат. Муну көрүп кайра сүйүнүп калам.
Жакшы экен. Кызыктуу маегиңе чоң рахмат. Салт болуп калгандай биздин WWW.SUPER.KG сайтыбыздагы Медиа-порталга кайсы ырыңды ала келдиң?
– Эми күйөрмандарым, Медиа-порталдан «Кызганам» аттуу ырымдын клибин көрө алышат.

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: