Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кубик кызы Айпери: «ЖАПОНИЯЛЫК ЖИГИТКЕ ТУРМУШКА ЧЫКПАЙМ»

№318 5- 11-декабрь, 2008-ж.


Айпери жөнүндө кызыктуу фактылар:

  • Айперинин сол жак капталында калдары көп. Алардын эң чоңу сол бөйрөгүнүн үстүндө.
  • Катуу шамал болуп жатканда көчөдө басканды жактырат. Себеби, шамалда чачын жайып алса, чачтары кинодогудай болуп артка карай учат.
  • Арманы – канатынын жоктугу. «Канатым болсо, баарын үстүнөн карап суктанып гана жүрмөкмүн»- деп кыялданат.
  • Алма менен жүзүмдү канча берсе да жей берет.
  • Май менен сырды таптакыр жей албайт.
  • Шоу-бизнесте азырынча жакын досу жок.
  • Эң корккон учуру алигиче эсинде.Төрт жашында ата-энеси менен Бишкекке самолётто учуп келген. Ошондо коркконунан жерге түшөрү менен атасына «... түшүп калды» деп айтып жиберген.
  • «Ырчылык менен атактуулуктан тышкары деле жакшы киреше тапса болот» деп эсептейт.

– Айпери, жакында эле концерт берип, көптөн бери жүрөгүңдү өйүп келген бир маселеден арылып алсаң керек...
– Ооба, бул концертке атам экөөбүз аябай эле катуу даярдандык. Эң негизги максатыбыз, менин ырчылыктагы тушоомду кесүү болчу. Максатыбызга жеттик деп ойлойм.
– Биздин Толик сынчыбыз сенин концертиңди катуу сынга алды эле. Сынды окуп кандай абалда болдуң?
– Мен Толик сынчыга таптакыр таарынган жокмун. Сынды туура кабыл алуу керек да. «Дос күйдүрүп айтат, душман сүйдүрүп айтат» деген бар эмеспи. Албетте, сындардын баарын эске алабыз.
– Канткен күндө да ырчы катары элибизге таанылып калдың. Мунун эң башкы себеби эмнеде деп ойлойсуң?
– Менин атым тез таанылып калышына атамдын эл арасындагы аброю чоң таасир берди. Себеби, жөн гана Айпери деген ырчы чыгыптыр десе, көптөр анча деле маани беришмек эмес. Ал эми «Кубиктин кызы ырдап жатыптыр» десе, кызыгуу пайда болуп, сындаш үчүн деле мени бир көрүүгө аракет кылышты деп ойлойм. Анан, албетте, жөндөмүм, ырчылык талантым да себеп болду.
– Ырчы болууң атаңа да абдан жагат го, ээ?
– Кызын да ырдатып койду деп айтып жатасыз го. Чынын айтканда, башында атам «ырчылык кыз киши үчүн өтө эле оор болот. Сенин ырдап чыгышыңды каалабайм. Андан көрө бийле» деп бий ийримдерине катыштырып койгон. Анан атама акыры өз каалоомду жетиштүү түшүндүрө алдым окшойт. «Кийин мен ырдайын десем, атам каршы болуп койду эле деп айтпа» деп акыры макул болду.
– Ырчылык сен үчүн кесиппи же…
– Ырчылык мен үчүн жөн гана хобби десем болот. Негизи, мен кичинекей кезимден эле ырдап жүрчүмүн. Бирок, көбүнчө эч кимге көрсөтпөй, үйдө жалгыз калган күндөрү күзгүнүн алдына туруп алып, үнүмдүн болушунча бакырып-кыйкырып ырдаганды жактырчумун. Эми ырчылык менен убактылуу гана алектенип турсам, кийин келечекте «деловая» болуп, бир чоң кызматта иштесем деген тилегим бар.
– Кыялыңда өзүңдү 10 жылдан кийин кандай элестетесиң?
– 10 жылдан кийин, буюрса, балалуу эне, сүйүктүү жар, анан да машина айдаган, чоң кызматта иштеген саркеч айым катары көрө алам.
– Анан бул кыялдарыңа же­түү үчүн аракеттенип жата­сыңбы?
– Ооба, учурда университетте жакшы окуганга болгон аракетимди жумшап жатам. Баса, биздин окуу жайда Жапониядан окууну улантууга мүмкүнчүлүк бар. Андыктан, экинчи курстан кийин Жапонияга кетсемби деп жүрөм.
– Жапондук жигиттердин бирин сүйүп калып, биротоло калып калбайсыңбы?
– Жо-ок, жапониялык жигитке турмушка чыкпайм. Өзүмдүн эле кыргызымдын жакшынакай жигиттерине эч ким жетпейт.
– Болочок жолдо­шуң­дун кандай болушун каа­лай­сың?
– Кудай менин маңдайыма атамдай болгон жөнө­көй, акылдуу, бир эле учурда оор басырыктуу дагы, тамашакөй жигитти буйрук кылса, өмүр бою ыраазы болоор элем.
– Ошондой жигиттер четинен келип, сүйүүсүн арнап жаткандыр сага…
– Албетте, сүйүүсүн арнагандар бар. Бирок, менде азырынча жигит ме­нен сүйлөшүүгө убактым деле жок. Анан да азыр бир аз эртерээк го дейм. Убагы келгенде сүйлөшөрбүз.
– Ошентсе да, күйөр­ман­дарың­дын көбөйгөнү талашсыз болсо керек?
– Чындыгында эле күйөр­мандар көбөйдү. Алардын арасында мени чычалаткысы келгендери да бар. Көбүнчө университеттен балдар тийишип калышат. Болгондо да эмне деп дебейсизби. Жакшынакай эле «ак куу болуп учкум келет, жакшынакай кезимде» деп ырдаган ырымды бузуп, «карга болуп учкум келет, карып калган кезимде» деп алышыптыр. Биринчи укканда ыйлагым келген. Анан албетте, жакшы «подход» менен келип таанышкысы келгендери толтура.
– Күйөрман­дарың үчүн да кызык болсо керек. Айпери, кыскача айта кетсең. Үйдө сен…
– Үйдө мен ата-энемдин эң улуу кызы болгон үчүн таптакыр эрке эмесмин. Бир гана туулган күнүмдө, анан Жаңы Жыл тоскон үй-бүлөлүк кечеде эркелейм. А калган күндөрү үйдө кадимкидей эле үй жумуштарын кылам. Мисалы, жер үйдө жашагандыктан, жайкысын огороддо иштейм, тооктор менен иттерге тамак берем. Анан үй жыйнайм дегендей... Кээде сабак, ырдоо, бийлөө деп жүрүп апама жардам бере албай калсам, мени «сен эми ырчы бол десе эле Алла Пугачёва болуп кетпе» деп урушуп калат. Баарынан да чаң соргуч менен үй тазалаганды жактырам. Анткени, чаң соргучтун үнү менен кошо андан аша кыйкырып, үнүм жетпей жүргөн ырларды ырдап алам.
– Кичи­не­кейиң­де эле ушундай шайыр кыз бе­лең?
– Кичинекейимде апамдардын айтымында, өтө эле ыйлаак болчу экенмин. Анан да 7 айлык болуп төрөлүп, бир нече убакыт вакуумда жатыптырмын. Ошол кезде атам биз жаткан төрөт үйүнө күндө бир баштык таза жалаяктарды көтөрүп келип, бир баштык кир алып кетип үйдөн жуучу экен. Эң кызыгы, көтөрүп турганда дайыма кыймылдатып турса ыйлабай, токтоп калса эле ыйлай берчү экенмин. Ал эми кыймылдатса, ичкен тамагымды кусуп салчу экенмин. Иши кылса, араң чоңоюптурмун.
– Мектепте кандай окудуң?
– Мектепте канчалык тентек кыздардан болбоюн, жакшы окудум. Бирок, ошол эле учурда жүрүш-турушум боюнча эжейлерден көп тил уктум. Акыркы парталарга отуруп алып эле көп сүйлөчү элем. Анан балдар менен мушташып эле ойноп жүрчүмүн.
– Курбуларың көппү?
– Чынын айтканда, мен кыздарга караганда эркек балдар менен жакшы тил табышам. Кичинемден эле досторумдун көпчүлүгү эркек балдар. Менимче, алар сырга бекем, анан достуктун баркын билишет. Албетте, кыздардан да жакшы курбуларым бар. Алар кээде мен бошобой калганда сабактардан мага жардам берип, менин ордума тапшырмаларды жазып койгон учурлары да болгон.
– Маегибизди башка нукка буруп, акыркы суроолорумду узатып алсам. Сени акыркы учрларда кинодон да көрүп калбадыкпы. Актрисалыкка шыгың бар беле?
– Кичинекей кезимде эле кинолорду көргөндөн кийин аларды күзгүнүн алдына туруп алып туурай берчүмүн. Эң кызыгы, ошондо эле образга кирип кетсем керек, аткарып жатып кадимкидей ыйлачумун.
– Бул тармакта да талан­тыңды мындан ары өстүрүүгө аракет кыласыңбы же «Достор» фильми сен тартылган акыркы кинобу?
– Эгер мага жаккан роль сунуштап калышса, балким, дагы тартылам. Аны убакыт көрсөтөт.
– Айпери, убактыңды бөлүп, биз менен кызыктуу маек курганыңа чоң рахмат.
– Сиздерге да рахмат. Ишиңиз­дерге ийгилик.

Маектешкен Чолпон Сүйүнбаева

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: