Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУЛТАН САДЫРАЛИЕВ:«МАГА КЫЗДАРСЫЗ ЖАШОО ЖОК»

№320 19 - 25-декабрь, 2008-ж.


Султандын сырларынан

  • Шашма. Ошол үчүн апасы “асыкпа, балам, сайтандың иси асыккан”,- деп көп айтат.
  • Султан 80-90 жашка чыкканда да эл оозунда калгысы келет. (Кудай ошондой узун өмүр берсин!)
  • Жалаң дастандардан турган альбом чыгарууну пландап жүрөт. Бул альбомдун максаты акча табуу эмес. Себеби, Султан гастролдордо, концерттерде дастан айтпайт. Андыктан, ырчы жеке концерттеринде бул жыйнакты бекер деле таратышы мүмкүн.
  • Түнкү 2-3төр чамасында чо-оң кара курткасын кийип алып көчө аралай басканды жакшы көрөт.
  • Калың карды баскандагы чыккан үндөн рахат алат.
  • “Өзүмө өзүм анча жакпайм. Себеп дегенде, эркимди башкара албайм. Эртең менен эрте турам деп коюп эле 12-1ге чейин уктап калам. Жиним чукул, шашмамын, унутчаакмын, тамеки чегем. Бирок, азыр көп чекпей калдым”,- дейт Султан.
  • Жакшы сапаттарына ак көңүл­дүгүн, кек сакта­ба­ган­дыгын (бирок, темирди ысыгында согот), аракетчилдигин кир­гизүүгө болот.
  • Жаңы жазылган ырлары алгач үйүндө хит болот.
  • Кээде жалгыз калганда ыйлап алат. Былтыр бир кыз менен тил табыша албай калып, анын көзүнчө жашып кеткен.
  • Убагы келгенде намаз окуйт. Бул – эрте туруунун бирден бир рецепти деп эсептейт.
  • “Себеп дегенде” деген сөздү көп колдонот.
  • Бир телефонду ашып кетсе жарым жыл көтөрөт. Анан жоготуп жиберет.
  • Тайлары тараптан калган гендик мурасы бар. Ал балтырындагы чоң калы.

– Кандайсың, Султан, сени “ооруканада жатат” деп уктук...
– Ооба, бир аз сыркоолоп калып, дарыланууга туура келди.
– Ден соолугуң жакшыбы анан?
– Кудайга шүгүр, жакшы болуп калдым. Катуу суук тийгизип алыптырмын. Концерттерде ырдап, бийлеп жатып тердеп кетебиз да, анан кайра кийим алмаштырганда суук жеп калат экенбиз. “Ден соолуктун кадырын ооруган жан билет” демекчи, эми өзүмдү тимеле жаш баладай карап, кабат-кабат кийинип калдым.
– “Султан операция болгону жатыптыр” деп бизге сенин күйөрмандарың тынчсызданып чалып жатышты...
– Кудай сактасын, эч кандай операциясы жок эле 12 күн ооруканада жатып чыктым. Тескерисинче, бир аз эс алуу дагы болду окшойт. Укол алып, дары ичип коюп, качып чыгып концерттерге катышып жатканым менен бир аз болсо да тынчыраак жатып, ойлонуп, толгонуп алганга мүмкүнчүлүк болду дегендей. Анан да жалгыз жатканда фантазиям жакшы иштеп, жаңы чыгармалар жаралды. Баса, ооруканада жатып жаңы идея таптым. Бир жолу палатадан сыртка чыксам, ал жерде дарыланып жаткан эки-үч аксакал сүйлөшүп турушуптур. Алардын жанына барып учурашсам, бирөөсү: “Балам, сени билем. Жанагы “13 жашар баланын арманы” менен “Күйдүм чокту” ырдаган жигит сенсиң да, ээ?”- деп сурап калды. Эми карабайсызбы, репертуарымдагы 40 ырымдын ичинен ушул гана эки ырды айтып жатканын. Ошондон улам элдик ыр ырдасаң, элге жагат экенсиң деп калдым. Анан да алар “кыргыз ырчысы ыр ырдап жатканда кыргыздын тоолору, ак калпагы, боз үйү, үрп-адаты көз алдыңа элестеп туруусу керек” дешти. Чынында эле учурда эстрадалык ырларга караганда фольклордук жанрдагы ырлар, дастандар элге жаш курагына карабай, бат сиңерине көзүм жетти. Ошол себептен кийинки концертиме карата биздин улуу ырчыларыбыз Рыспай Абдыкадыровдун, Чубак Сатаевдин, Жеңижоктун, Барпы Алыкуловдун жана башкалардын ырларынан бирден куплет алып, жаңылап, домбра менен попурри ырдоону чечтим.
– Султан, сөзүңө аралжы, концерт демекчи, быйыл күздө концерт бербей калдың...
– Күзүндө ден соолугума байланыштуу концерт бере албай калдым. Буюрса, эми февраль айында Сүйүшкөндөр күнүнө карата жеке концертимди тартууласам деп турам. Жогоруда айтып кеткен попуррини ошондо эл алдына алып чыгам.
– Эмне үчүн комуз менен эмес?
– Себеп дегенде, мен домбранын үнү менен чоңойдум да. 4-5-класска чейин дайыма жайкысын ата-энем менен жайлоого чыкчубуз. Анан ал жакта кечкисин свет жок, шам менен отурабыз. Ошондо атам мага домбрада кол ойнотконду үйрөтчү. Ошондон бери домбра – менин үнүм. Мына, ооруканада жатканда да сагынып кетип добрамды алдырып алдым. Эсимде, бир жолу 10-классымда балдар менен ойноп жатып домбрам тебеленип сынып калган. Ошондо кадимкидей көзүмө жаш алып ыйлагам.
Биринчи курсумда фольклордон атайын сабакка домбрамды көтөрүп келсем, атын айтпай эле коёюн, таанымал эле инсандарыбыздын бири: “Экинчи сабакка алдыгынтип домбра көтөрүп келбегин. Домбра черткиң келсе, бар, Казакстаныңа барып черт!”- деп салган. Аябай ызалангам. Эртеси күнү эле ата-энемден акча алдырып, ЦУМга барып комуз сатып алгам. Экөөнүн айырмасы бир эле кылда болгондуктан, бат эле үйрөнүп кеткем.
– Чынында, сен жан дүй­нөңдө казаксыңбы же кыр­гызсыңбы?
– Биз алгач Казакстанда жашаганыбыз менен кийин мен эс тартып калган кезде Таласка көчүп келдик. Атам мага кичинекей кезимде эле “менин улутум кыргыз” деп айт деп үйрөтчү. Анан ошол кезде «р» тамгасына тилим келбей, “мен кыйгызмын” дечүмүн. Бирок, негедир теңтуштарым “казак” дешчү. Ошондо да атама айтып келип ыйлай берчүмүн. Негизи, мен кыргызмын, кыргыз тилинде сүйлөйм, ырдайм. Кыргызстанда жашайм. Мисалы, менин 5 биртууганымдын ичинен мен гана кыргыздын жаранымын. Муну менен мен өз элимдин кучагында жыргап гана жашабастан, атамдын да көңүлүнө жагып турам. Атам дагы мен кыргызмын деген сайын мени менен сыймыктанат.
– Ошентсе да, «Султан бул жактан ырдап байлык топтоп, Казакстанга барып үй куруп жатат» деген сөздөр бар...
– Эми ал ата-энем үчүн курулган үй да. “Агаш бир жерден көгөрөт” же “бөтөн жерде султан болгуча, өз элиңде ултан бол” деп коюшат эмеспи. Анын сыңары, мен өмүрүмдүн аягына чейин кыргыз жеримден эч жакка кетүүнү ойлонгон жокмун.
– Кел, эми маегибизди жеке турмушка буралы. Кандай жаңылыктар болуп жатат?
– Жеке турмушума жаңы­лыктар кирип-чыгып жүрө берет. Менимче, 25 жашка чейин ушундай эле нормада сакталса керек. Себеп дегенде, азыр биз балабыз да. Ойноп-күлүп дегендей. Кээде «мына эми чындап издегенимди таптым окшойт» деп сүйүнүп, анан анан көп өтпөй эле тил табыша албай калабыз. Мындайда “сен эмне, туруксузсуңбу?” деп өзүмө өзүм суроо берем. Айтор, күндөр өтүүдө...
– Өзүң менен өзүң сүйлөшөсүң­бү?
– Ооба, ошондой жоругум бар. Кө­бүн­чө өзүм менен өзүм жалгыз калган учурда сүйлөшөм. Анан кайра “мен эмне, жиндиминби?” деп да ойлоп кетем. Антейин десем, ушул күнгө чейин эч кимден “сен жиндисиң” деген сөз уга элекмин.
– Сени «үйлөнүп алыптыр» деп да чыгышты эле...
– Ооба, андай сөз тараган. Бирок, бул ушак да. “Эл оозунда элек жок” деген кыргыздын сөзүн мен ушунчалык баалайм. Абдан таамай айтылган сөз. Бир күн эртең менен уктап жатсам, айылдагы классташым чалып: “Айтып да койбойсуң, ээ, дос. Болуптур эми, бешик бооң бек болсун” деп жатпайбы! Алгач түшүнбөй калыптырмын. Анан ушак жөнүндө эстеп кеттим. Биринчи “куш бооң бек болсун!” дешчү эле деп кала бердим. Айылга барганда да ушинтип куттуктай беришет.
– Мындай ушактардын далайы болсо керек...
– Ооба, өткөндө Динара эжеден сурашыптыр, ”эмне, Султан менен Мирбек ойноп жатып бирин-бири бычактап салып, бирөө каза болуп калдыбы?” деп. Кудай сактасын мындайдан. Бирок, ушактар жүрө берет. Ошентсе да, ушактарга көнүп деле калдым. Мени ушул турмушум канааттандырат. Болгону, азыр 22де элемин да, машинамды айдап алы-ып жүрө берем.
– Сүйлөшкөн кызың барбы?
– Мага кыздарсыз жашоо жок. Мен ушинтип нагло эле айтам. Биз бир кыз менен сүйлөшүп койсок эле сөз кыла башташат. Ооба, кыздар менен сүйлөшөм. Ырчы болсом эле эмне экен?! Баары бир эркекмин да! Балдар менен ашып кетсе жарым саат сүйлөшөсүң, ал эми кыздар менен керек болсо суткалап сүйлөшө берем. Эгер көңүлүмө жакса. Досторумдун туулган күнү болуп, кечеге чакырса кыздарды ээрчитесиң да. Эмне, балдар менен бармак белем?!
– Сенин жаныңда болууну каалаган канча деген кыздар жүрүшөт. Алардын арасында биздин “Супер-почтадагы” туруктуу конокторубуз Ади менен Чика жөнүндө эмне дейсиң? SMSтер аркылуу Ади сени менен кыз-жигит катары сүйлөшүп жатам дейт го?..
– “Супер-почтаны” мен дайыма окуйм. Мага жазган жагымдуу SMSтери үчүн кыздарга рахматымды да айтам. Ал эми Ади менен Чика кичинекей кыздар да. Ади менен Чыңгыздын концертинде таанышкам. Күйөрманым катары жакшы сүйлөшөм. Телефон чалып турат.
– Султан, келе жаткан Жаңы жыл сен үчүн ийгиликтүү жылдардан болсун! Ооруба. Маегиң үчүн чоң рахмат.
– Сиздерге да рахмат. Ар дайым бар болуңуздар!

Маектешкен Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: