Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Гүлшайыр Садыбакасова: «Бир жолу Жаңы жылды лифтте тосконбуз»

№322 2-8-январь, 2009-ж.


Топтун архивинен

  • Топ 1976-жылы түзүлгөн.
  • “Кыз Бурактын” 57 сааттык концерти УТРКнын Алтын фондунда сакталуу.
  • Жалпысынан топтун 3 миң­ден ашык концерти болуп, 4 миллиондон ашык элди маданий жактан тейлеген.
  • 30 ирет жалпы Кыргызстанды гастролдоп кыдырып чыккан.
  • 1985-жылы Бүткүл Дүйнө­лүк жаштар жана студенттер фестивалына катышып, алтын медалдын ээси болгон.
  • Расмий делегациянын курамында жана жеке иш сапарлар менен дүйнөнүн Венгрия, Югославия, Бельгия, Польша, Иордания, Монголия, Түркия, Кипр, Кытай сыяктуу бир канча мамлекеттерин кыдырган.
  • 1987-жылы Кыргызстанда биринчилерден болуп клип тартышкан. Бул клип союздук комиссиядан 1-категория менен өтүп, Бүткүл СССРге 7 жолу көрсөтүлгөн.
  • 1978-жылы Кыргызстанда биринчи жолу “Кыз Бурак” тобу жөнүндө телефильм тартылып, ал СССР телеканалдарынан 5 жолу көрсөтүлгөн.
  • Ушул күнгө чейин Кыргыз Республикасынын расмий делегациясынын курамында 17 жолу болуп, маданий жактан тейлеген.
  • 5 Эл аралык фестивалдын лауреаты, 7 Эл аралык фестивалдын дипломанты болгон.

– Саламатсызбы, Гүлшайыр эже, Жаңы жылыңыз менен! Ден соолугуңуз жакшыбы? Бир аз сыркоолоп, ооруканага жатып чыгыптырсыз...

– Рахмат, сиздердин да Жаңы жылыңыздар менен. Кудайга шүгүр, жакшы болуп калдым. Менин жүрөк оорум бар, кан басымым да жогору. Жакында тобумду алып Кытайга барып келбедимби, чынын айтсам, кыйналып араң келгем. Кой дегениме болбой Кенже ооруканага жаткырып койду эле, жакшы кылыптыр, өзүмдү алда канча жеңил сезип калдым.

– Ошондой эле болсун. Кенже эжеден бир жакшы жаңылык уктум эле...

– Ооба, “Кыз Бурак” тобу мага декабрь айындагы туулган күнүмө жана Жаңы жылга Лексус үлгүсүндөгү Жип машина белек кылышты.

– Темир тулпарыңыз кут болсун! Дөңгөлөгү канчалык көп айланган сайын, ошончолук ийгиликтериңиз көбөйө берсин. Машинаны өзүңүз тандап алдыңызбы же чыныгы сюрприз кылып даяр ачкычты тапшырыштыбы?

– Рахмат, айтканың келсин. Базарга өзүмдү алып чыгышып, тандатышты. Күмүш түстүүсүнөн өзүм жактырып алдым.

– Жаңы жылды кандай тосууну пландап жатасыздар?

– Негизи, “Кыз Бурак” тобу жыл сайын Жаңы жылды декабрь айынын 28-29дарында тособуз. Ал эми 31инде топтогулар өз үйбүлөлөрү менен тосууга кетишет. Жаңы жылдык кече бизде өтө эле кызыктуу болот десем жаңылышпасам керек. Бир ресторанга барып, түнү менен көңүл ачабыз. Топтогулардын ар бирине номинация берилет. Мисалы, быйылкы номинациялардын арасында “Жылдын арык айымы, толук айымы, узун кулак мырзасы, жер тыңшаар мырза, жылдын калпычысы, эң чоң салмак таштаганы” деген сыяктуулары болду. Бул аттар жазылган атайын медальон тапшырылат. Анан да атайын Аяз ата менен Аяз кыз жалдайбыз.

– “Кыз Бурак” тобу жаңы түзүлгөн кездеги жаңы жылдык кечелерден эсиңизге сала кетсеңиз...

– Ал кезде 31-күнү да гастролдоп кете берчүбүз. Бир жолу концерттен чыгып келатып Алай менен Оштун ортосунда тоолордун арасында автобусубуз бузулуп калып, Жаңы жылды ошол жерде тосконбуз. Күн аябай суук болчу. Кыздарымдын баары тоңуп калышкан. Анан шопурубуздун бир бөтөлкө арагы бар экен, ошондон баарына ичирип, тост айтып, Жаңы жылга сапар алган элек. Анан эки сааттан кийин автобусубуз жүрүп, үйгө келгенбиз. Өкүнүчтүүсү, ошондон кийин кыздарымдын баары ооруп калышкан. Баса, дагы бир жолу Бишкекке концертке келип, кайра Ошко учак болбой калып “Кыргызстан” мейманканасында калып калдык. Анан мейманкананын биринчи кабатындагы ресторандан орун алып, дасторкон жайып, жакшы эле даярдандык. Мына эми кечеге баралы деп эки жардамчы балам менен лифт аркылуу түшүп баратып камалып калсак болобу! Жардамга чакырсак эч ким келбейт. Ошентип, саат 12 болуп Жаңы жылды лифтте камалып туруп тостук. Анан чыксак кыздарымдын баары Жаңы жыл тоспой эле, чурулдашып бизди издеп жүрүшүптүр.

– Кыздарыңыз тамак бышыруу жагынан да таланттуу дешет.

– Мен негизи, азыркы энелерге бир аз нааразы болуп кетем. Мага келген кыздардын дээрлик көпчүлүгү тамак бышырганды билишпейт. Анан мен башынан баарын үйрөтүп чыгам. Мисалы, Кенже жаңы келгенде бир тамак жасаган экен. Эми адам жегис, барып туруп көзүнчө тамагын төгүп салгам. Капа болуп ыйлап калган. ”Ыйлабай үйрөн” деп урушканым эсимде. Анан да Айжамал жаңы келгенде бир тамак бышырыптыр. “Эгер сен ушинтип тамак бышырсаң, жалаң гана иттерге тамак жасоочу болуп каласың. Сенин тамагыңды адам жей албайт го” деп эки итиме бөлүп берип койгом. Үч күн ыйлаган. Кийин үйрөнүп кетти. Азыр кайын журту: «Жоош, үй жумуштарынын баарын аткара алат экен. Келинибизге ыраазыбыз»,- дешип ыраазы болуп отурушат.

– Сиздин колуңуздан канчалаган кыздар турмушка чыгып жатышат. Баарынын сообуна калып жаткан экенсиз да…

– Кудайга шүгүр. Мен кыздарга бир эле үй тиричилигин эмес, адамдарга мамиле жасоону да үйрөтөм. «Мен ырчымын, мен жылдызмын» деп таптакыр өзүңөрдү башкадан өйдө койбогула. Жөнөкөй болгула, кайын журтка ийкемдүү болгула дейм. Жакында эле дагы бир Жаркынай деген клавишада ойногон кызымды турмушка узаттым. Бул менин турмушка узаткан 280-кызым болду.

– Оо, анда 500дөй неберелүү болуп калган экенсиз да.

– Менин эсебимде 700дөй болуп калды го. Ал тургай 20 чакты чөбүрөлөрүм да бар. Кыздарымдын арасында 5тен ашык балалуу болушуп, Баатыр эне болгондору да аз эмес.

– Ошентсе да, ар бири турмушка чыгып жатканда бир ирет көз жашыңызды төгүп алсаңыз керек...

– Албетте, бул маселе топ түзүл­гөндөн тартып эле менин трагедиям болуп келатат. Жаңы эле мына эми даяр болуп калды дегенде турмушка чыгып кетишет. Анан мен кайрадан башкасын даярдайм. Бирок, эч убакта турмушка чыккан кызды кайра келип ырда дебейм. Себеби, ар бир айым үчүн үйбүлө деген биринчи орунда турат. Турмушка чыгып алып ырдайм дегендери же мендей, же Айчүрөк, Динара, Алиналардай күчтүү айым болуулары керек. Себеби, кыргыздын эркектеринин 99 пайызы «аял үйдө отурушу керек» дешет. Мен деле чыгармачылык деп жүрүп акыры жездең менен тил табыша албай калбадымбы. Мен үйдө отуруп калуу дегенди билбейм. Алдыга жылыш болуп турбаса, мага жашоо токтоп калгандай эле туюлат.

– Оң колуңуз болуп калган Кенже эже турмушка чыкса кантер экенсиз?

– Анда мен үч күн эмес, үч ай ыйлайт болушум керек. Бирок, Кенже кызым менин категориямдагы айым. Ал чыгармачылыкты таштабайт деп ойлойм.

– Кепти кайрадан топко бурсак. Учурда “Кыз Буракта” канча киши иштейт?

– Сахна артындагы кызматкерлерибиз, топтун экинчи курамындагы кыздарыбыз болуп учурда топто 25 киши бар. Мен аларга азыр эне катары эле болуп калдым. А катуу айткан жагы Кенжеде (күлүп).

– Дегеле кыздар чогуу жүргөн кезде атаандашуу болбой койбосо керек.

– Айтпа, кыздарда атаандашуу, ич күйдүлүк деген сапаттар аябай күчтүү өөрчүгөн. Бирине эле жеке ыр жаздырып кой, калганы тытынып калышат. Форма тиктиргенде да дайыма маселе чыгат. Анда көйнөктөрдүн өңдөрүн талашышат. Айтор, тарбиялап аларды биртууган кылганга чейин көп эмгек керек.

– Гүлшайыр эже, ушундай үзүр­лүү эмгегиңиздин артынан “Эмгек сиңирген артист” деген наам алдыңыз эле. Андан бери сиздин изиңизде канчалаган ырчыларыбыз өсүп, «Эл артисти» наамына да ээ болушту...

– 1995-жылы “Эмгек сиңирген артист” деген наамды алдым эле. Шарты боюнча бул наамды алган соң 5 жылдын ичинде ошол эле тармакта үзүрлүү эмгектенсем «Эл артисти» берилиши керек эле. Бирок, негедир бийликтегилер бул наамды мага ыраа көрбөй жатышат. Баары бир бул жаатта иш алып баргандардын жүрөгүнө Кудай ыйман берсе, Эл артисти да болуп калармын деген үмүттөмүн. Себеби, мен жагалданып, кошомат кылуу дегенди таптакыр билбейт экенмин. Мени таарынтканы – эмгеги элге сиңе элек, Кыргызстандын чек арасынан чыкканда ит тааныбаган ырчылар дагы бул наамды алып алышканы.

– Эмнеси болсо да сиздин эмгегиңизди баалагандар табылат деп ишенем. Кызыктуу маегиңизге чоң рахмат. Келе жаткан Жаңы жыл чыныгы ийгиликтердин жылы болсун!

– Айтканыңыз келсин. Силердин жалпы жамаатты Жаңы жылыңар менен куттуктайм.

Маектешкен Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: