Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭҢ КЫМБАТ КЛИП КИМДИКИ

№207 20-26-октябрь, 2006-ж.


«Клип» деген сөз англисчеден которулганда «кесинди» деген түшү­нүк­тү берет. Жаңы технологиянын жардамы менен ар кандай клиптерди тарттыруу ырчы жылдыздардын арасында модага айланууда. Мисалы, графикалык клип, атактуу адамдардын коштоосундагы клип, айтор, өзгөчө клип тартуу адат. Мындай клиптер көп сумманы талап кылаары айтпасак да белгилүү. Клиптин баасы кымбат, анан сапаттуу болсо, ошончолук ырчыга популярдуулук алып келет. Эмесе, жакынкы жана алыскы жылдыздардын клиптери, алардын баасы тууралуу маалымат
назарыңыздарда...

Майкл Жексон

Поп-музыканын королу» атка конгон дүй­нө­лүк жылдыз Майкл Жексондун ар бир клиби кымбат тураары музыка күйөр­мандарынын көпчүлүгүнө маалым. Белгилүү ырчы «Триллер» аттуу ырынын клибине 800 миң доллар сарптаган. Жаңы технологиянын өнүгүшү менен бирге анын клиптеринин дагы суммасы өскөн. 1992-жылы Майкл «Кара же ак» аттуу ырына 1,2 милион долларга клип тарттырган. Өзүнүн жеке кислороддук бөлмө­сү, зоопаркы, пластикалык операция жасоочу хирургдарынын тобу бар Майклдын 1 клиби учурда болжол менен 7 миллион долларды түзөт. Анын «Скрим» (Кыйкырык) аттуу ырына да 7 миллион доллар кеткен. Бул клип 11 күндө тартылып бүткөн. Ырчы клиптин катышуучуларына жана ижарага алган имарат үчүн күнүнө 636 миң доллар, ал эми бийчилерге жана бий устаттарына 40 миң доллар төлөгөн. Андан сырткары ырчынын клибине кошо тартылган Жанет Жексондун макияжына 11 миң доллар кеткен. Ошондой эле клипте сынган гитараны ырчы 53 миң долларга сатып алган.

СССРдеги алгачкы клиптер

Биринчилерден болуп клипти совет элине «Программа А» жана «ВиД» телекомпаниясынын «Взгляд» берүүсү тартуулаган. 1989-жылы «Программа А» эл аралык видеоклиптердин конкурсун уюштурган. Ошондо Майкл Жексон, Мадонна өңдүү жылдыздардын клиптери көрсөтүлгөн. Ошондон кийин программалардын ортосундагы музыкалык тыныгуу учурунда чет жылдыздардын видеоклиптери көрсөтүлө баштаган. Эл клиптерди чоң кызыгуу менен кабыл алууга өткөн. Ошону менен бирге клип тартылган ырларга суроо-талаптар көбөйгөн. Ал эми орустардын алгачкы клиби «Комбинация» тобунун «Бухгалтер» аттуу ырына тартылган. Бул ырды Алёна Апина менен Татьяна Ивановалар аткарган. 90-жылдардын башында киноплёнкага тартылган видеоклиптердин баары кымбат сезилген. Себеби, ал учурда «Кодак» фирмасынын 10 мүнөттүк плёнкалары 350 доллар турган. 5 мүнөттүк клип тартыш үчүн андай плёнкадан 8ди колдонууга туура келген. Ошого байланыштуу капчыгы калың артисттердин гана клип тартууга мүмкүнчүлүгү болгон.

Алсу

Алсунун «Жаз» аттуу ырынын клиби 2 күндө Чехиянын Прага шаарынын четиндеги музей-монастырда тартылган. Клипти тартуу үчүн «Кодак» фирмасынын ар бири 600 доллар турган киноплёнкалары колдонулган. Ал эми клиптеги кечилдердин ролун профессионалдуу актёрлор аткарышкан. Алардын костюмдарын атайын заказ менен белгилүү тикмечилер тигишкен. Клиптеги костюмдар менен ижарага алынган техниканын, актёрлордун гонорарын эсептегенде чыгым 35 миң долларды түзгөн.

«Backstreet Boys»

Көпчүлүктүн арзуусуна татыган «Backstreet Boys» тобу 1999-жылы 66 миллион доллар киреше табуу менен көп­чүлүк топтордон алдыга озуп чыгып, дүйнөлүк абройго жетишкен. Аталган популярдуу топ «Жашоодон да артык» аттуу ырынын клибине 2 миллион доллар сарптаган. Клипте жаш жигиттер кибернетика дүйнөсүндөгү роботтор болуп чагылдырылат. Клип компью­тердин жардамы менен тартылган.

Глюкоза

Орус шоу-бизнесинде кымбат клиптердин ээси болуп Глюкоза саналат. Анткени, Глюкозанын клиптери оригиналдуу. Наташанын клиптеринде мультфильм персонаждары катышат жана мындай клип «графикалык клип» деп аталат. Тактап айтканда, компьютердик жол менен жасалып, кылдат ишти талап кылат. Глюкозанын клиптерин профессионалдуу режиссёр Дмитрий Родыгин жаратып келет. Дмитрийди графикалык клип жаратууда мыкты адис экенин көпчүлүк билет. Ошондой эле мындай клиптер 6-9 ай бою тартылат. Алгач сүрөтчүлөр образды түзүшөт. Андан кийин сценарий жазгандар клипке сюжет ойлоп табышат. Ал эми калган ишти Дмитрий тобу менен аткарат. Глюкозанын «Швайне» аттуу ырынын клиби 9 айда тартылган. Клипте 50 миң персонаж катышкан. Ошентип, мындай өзгөчө клип Россияда биринчи жолу жаралып, клипке 250 миң доллар сарпталган.

Мэрайа Кери

Кереметтүү үнү менен дүйнө популярдуулугунун ээси болгон Мэрайа Кери «Жүрөктүү жаралоочу» аттуу ырынын клибине 2 миллион 500 миң доллар жумшаган. Клиптин биринчи версиясы талаптагыдай болбой калгандыгына байланыштуу клипти кайрадан тартууга туура келген. Клиптин экинчи версия­сы ийгиликтүү тартылышы үчүн ыр­чы жогоруда аталган суммадагы акчаны аяган эмес. Клипте Мэрайа достору менен кинотеатрга келген окуя кам­тылган.

ВИТАС

Витаска «Опера» ырынын клибин Тайланддан тартуу идеясын режиссёр Сергей Кальварский сунуштаган. Анткени, ал жайкы эс алуусун ошол жактан өткөрүү менен бирге клип тартууну пландаган. Бирок, жергиликтүү продюсерлер орус съёмка тобуна жардам берүүдөн баш тартышкан. Ошондуктан, клип тартуучу топ өздөрү клипке керектүү буюмдарды издей башташкан. Кафе, дүкөндөрдөн эмеректерди чогултушкан. Клипке тартууга пилди таппай койгондоруна байланыштуу өздөрү жасалма пил жасашкан. Клипти храмдан тартышкан. Ал эми массовка үчүн продюсер Бангкоктон 200 киши чогултуп келген. Съёмканын башталышына бир нече мүнөт калганда 40 градус ысыктан улам Витас кийиминин баарын чечип салган. Витастын чечинип алганын көргөн храмдын улуу кызматкери тезинен съёмканы токтотуусун талап кылган. Анткени, кудайга сыйынуучу жерде минтип жүрүүнү алар сыйлабастык катары кабыл алышкан. Кайрадан съёмканы улантууга храм кызматкерлеринен уруксат алуу үчүн көп убакыт кеткен. Болжол менен клиптин чыгымы 30 миң долларды түзгөн.

Баста Раймс

Баста Раймс өзүнүн Жанет Жексон катышкан «Эмне болгону жатат?» аттуу ырынын клибине 2 миллион 400 миң доллар жумшаган. Клипте Баста менен Жанеттин сырткы келбеттери өзгөрүлүп турат. Экөө ырдап жатып түшүнүксүз нер­­селерге айланып кетишет. Мисалы, Баста ырдап жатып эле кандайдыр бир куртка айланып кеткен жери бар. Клиптин сюжетинде мистикалык элементтер болгондуктан, баасы жогору болгону маалым.

Жасмин

Жасминдин «Узак күндөр» ырынын клиби бүгүнкү күнгө чейин орус шоу-бизнесинде кымбат клиптердин бири катары саналат. Аталган клипке ырчы 150 миң доллар сарптаганы маалым. Клипти белгилүү клипмейкер Олег Гусев тарткан. Ал Пугачёва, Киркоров, Агутин, Варум өң­дүү жылдыздар менен иштешип келе жаткан адам. Клип Финляндиянын Хельсинки шаарында тартылган. Клип үчүн режиссёр вертолётту ижарага алган. Съёмка учурунда күн өтө суук болбосо да катуу шамал согуп, ырчыга бир топ ыңгайсыздык жараткан. Ал эми клиптеги машинаны Хельсинкинин көчөлө­рүнөн көрүп жактырып калышып, кожоюну менен сүйлөшүп, машинасын ижарага алышкан.

Даярдаган Жаркынай Нусубалиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: