Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨМҮРБЕК ТЕКЕБАЕВ: «Аялым мени сүйөт. Бул мен үчүн өтө манилүү»

№325 23-29-январь, 2009-ж.


Элжиреткен суроо:
Жеңебизге түнкүсүн бала карашасызбы?
– Дайыма деп айта албайм, бирок карашам. Түнкүсүн эле эмес, күндүзү деле келинчегимдин колу бошобой, менден башка бош киши жок болуп жатканда карайм.
– Жалаяк жууп көрдүңүз беле?
– Мындан беш-алты жыл мурун үйдө эч ким жок болуп калганда бир жолу жуугам.
– Балдарыңыз тентек кылганда кантип жазалайсыз?
– Биз үч бөлмөлүү үйдө алты-жети киши жашайбыз. Анан, албетте, мындай үйдө чаң-тополоң болуп турат. Айрыкча дем алыш күндөрү. Баарыбыз чогулганда балдар телевизордун пультун, компьютер талашып күрү-гүү эле болуп калабыз. Андайда мен “буларды карачы, бирдеме деп койсоң боло” деп Айгүлгө арызданып калам. Ашыкча эле тентек кыла башташса үндү бийик чыгарып, урушуп да коём. Бирок мындай учурлар сейрек кездешет.

Даамдуу суроо:
– Акыркы жолу өз колуңуз менен кандай тамак даяр­дадыңыз?
– Өткөндө АКШга барып келдик. Ал жакта Филодельфиядагы студенттик шаарчадан төрт бөлмөлүү коттеджди убактылуу батирге жалдап жашадык. Тамакты бизден кичүү балдар жасап жүрүштү. Бир күнү Болот Шернияз экөөбүз шаар кыдырып кеттик. Көпкө дейре жүрүп чарчап, курсак ачып келсек, үйдө эч ким жок. Анан экөөбүз тамак жасамай бодук. Бирибиз газды жагып, экинчибиз жумуртканы чагып жатып, эптедик көрүнөт. Чынын айтсам, студенттик кезден бери кыйратып казанга жакындай элек экенмин. Акыркы жолу, ошентип, АКШда тамак жасадым.

Жарпты жазар суроо:
– Жеңебиздин кайсы сапатын өзгөчө баалайсыз?– Биринчиден, мени сүйөт. Бул мен үчүн маанилүү. Экинчиден, мени тү­шү­нөт. Үчүнчүдөн, акылман, кең пейил. Эң негизгиси, тың кожейке. Үй-тиричилигине, балдардын таалим-тарбиясына, тууган-туушкандын карым-катышына дегендей, кыскасы кыргызчылыктын баарына мени аралаштырбай, алагды кылбай бүт өзү билип бүтүрөт.

Эсте калар суроо:
– "Музоону жашынан, аялды башынан "деген кепке кандай карайсыз?
– Жаңы үйлөнгөн эки жаштын жашоосунун алгачкы жылдарында көп нерсе калыптанат. Мүнөзүңдү бири-бириңе ылайыктап, “сен кыйын, сенден өткөн мен кыйын” деген жоруктарды кичине жумшартыш керек болот дегендей... Дос-душман, тууган-уруктун алдында жубайлар бири-бирин сыйлап, кадырын көтөрүп туруу керек. Анан жалгыз калганда айтышасыңбы, чабышасыңбы, ал башка кеп. Дал ушул нерселер чогуу жашай баштаган алгачкы жылдарда калыптанат. Бул суроого кеңири токтолгонумдун себеби гезитиңерди жаштар көп окушат. Ошолорго таалим-тарбия болсо дегеним. Чогуу жашай баштаганда бириңди-бириң тарбиялоого туура келет. Мисалы, катуу кыжырың келип, бир нерсени айтайын деп турганда унчукпай калууга, жиниң менен бир ишти жасап саларда акыл менен өзүңдү басууга үйрөнүшүң керек болот. Ушунун өзү чоң мээнет, эмгек. “Аялды башынан” деп эле кызыл камчы болуу, же келинчегиңдин пикири менен эсептешпей тиран боло берүү туура эмес.

Ойлондурган суроо:
– Бийликке келбей деле кыргыз калкынын жашоосун жакшыртууга болобу?
– Албетте, болот. Ал үчүн биздин коом активдүү болушу керек. Жана саясый система, бийликтегилер элдин пикири менен эсептешиши керек. Эгер бизде ушундай система түзүлсө, бийликте турбай эле коомдук пикир аркылуу ММКларды пайдалануу менен өлкөнүн саясатына таасир тийгизүүгө болот. Биз дал ушундай системаны түзүүнү максат кылабыз.

Саясат суроо:
– Бүгүн “силер менен оюм, жолум бир” деп, анан эртеси сатып кеткен саясатчыларга мамилеңиз?
– Мындай учурлар саясатта көп болот. Мисалы, ар кандай саясый күчтөр бир максаттын алдында биригип, ал максат ишке ашкан соң ар ким өзүнүн көз карашында кетиши мүмкүн. Оппозициядагылардын бийликке өтүшү же бийликте жүргөндөрдүн оппозицияга оошу – көп эле болуп келген мыйзам ченемдүү көрүнүш. Ал эми кечээ эле бир принцип үчүн жан берем деп эл алдында ант берип, анан эртеси күнү башка тарапка өтө калып, ал тараптын идеяларын жанталаша жактап, кечээки ырын унутуп, бүгүн теңирден тескери ыр ырдап киргендердин жоругу таптакыр туура эмес.

Спорттук суроо:
– “Супер-Инфо” шоу-бизнес, спорт өкүлдөрүн чакырып, футбол уюштурган. Эми футбол талаасына саясатчы, депутаттарды чакырсак деп турабыз. Сиз да ойноор белеңиз?
– Балалыгым топтун артынан кубалай футбол ойноо менен өттү. Андыктан футболго абдан кызыгам. Мурун дос балдар менен чогулуп маал-маалы менен ойноп турар элек. Акыркы жылдары андай жыргалга убакыт жок болуп баратат. Эгер бизди чакырсаңар футболго кызыккан “Ата Мекенчи” жаштарыбызды кошо ээрчитип келип ойногондон баш тартпайм.

– Спорт залына барып турасызбы?
– Спорт залына да көптөн бери бара элекмин.

Жан сырын ачкан суроо:
– Жан дүйнөңүз бук болгондо арыз-арманды жашырбай төгүп алчу адамыңыз барбы?
– Илгери мындай адамым апам болсо керек эле. Өзүнчө түтүн булаткандан бери аялым Айгүл ушундай жакыныма айланган.

Көңүлдү ачар суроо:
– Ыр-бийге шыгыңыз барбы?
– Таптакыр шыгым жок. Ырдабаганым аз келгенсип, башкаларчылап кызыта да бийлеп жибере албайм.

Эркекче суроо:
– Сиз суктанган сулуу аял...
– Эми ааламда сулуу аялдар абдан көп. Ар бир улуттун сулуусу өзүнчө. Мисалы, кытайларда, испандарда кандай гана көз талдырган сулуулар бар. Карап отурсаң, көз тойбойт. Ошентсе да мен үчүн эң сулуу аял келинчегим Айгүл.

Ашканадан суроо:
– Кашка жилик кимге тартылат?
– Чынын айтайынбы?.. Билбейм. Анткени ашканада эмне иштер болуп жатканына илгертеден киришпей көнүп калгам. Андай иштерди толугу менен Айгүлгө өткөзүп бергем. Мени казан-аякка аралаштырбай эле жакшынакай жайгаштырып коёт. Негизи, ал мени мындай иштерден бошотуп, коомдук ишмердигиме толугу менен шарт түзүп берген.
– Мындай аялга туш болуу ар бир эркектин тилеги болсо керек. Азыркы учурда ар бир мүнөтүңүз саналуу, жумуштардан кол бошобой жүргөнүңүздү да билебиз. Ошентсе да убакыт таап бизге конокко келип бергениңизге рахмат. Аман болуңуз!

Маектешкен Шаиста Шатманова
E-mail:
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: