Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОМАР: «Мурдум сынгандан кийин ырдап чыктым»

№328 13-19-февраль, 2009-ж.


Омар тууралуу кызыктуу фактылар:

  • Кесиби боюнча – бухгалтер, юрист. Эсептөө жагын үчкө, жок үчкө эмес, төрткө билет.
  • Омар Орусияга барганда жалаң эле ал жактагы кыргыздардын ырчысы болуп калуудан коркот.
  • Вокалдан эч кимден сабак албайт.
  • “Мыкты ырчы ыр менен чындап “ооруп” калышы керек”,- деп эсептейт.
  • “Азыркы шоу-бизнеске мыкты маркетолог керек” деген ою бар.
  • Ырчылардын үнүнө карата анын интеллектин биле алат.
  • Күрөшкө да катышкан. Ошол учурда уруштарга аябай жакын болуп, бир аз эле туура эмес сүйлөгөн бала менен мушташа кетчү.
  • Максаты жок, анан жасалма сүйлөп, күлгөн адамдардан кыжыры келет.
  • Кичинесинде аябай жийиркенчээк болчу.
  • Азыр таптакыр тамак ылгабайт.
  • Жаш ырчы жигит өтө мекенчил. Ошондуктан Орусияга барганда биринчи талабы катары “Кыргызстандан чыккан ырчы” деп айтууну коёт.
  • 4 жашында куран окуганды үйрөнүп, чоң атасынын намаз окуганын туурап, 5-6 жээни менен чогуу намазга да жыгылчу.
  • Кыргызстанды “Киргизия” деп атагандар менен урушуп кетет. Ушул сапаты үчүн аны “Жаңы толкун” конкурсунан кетиребиз деп да чыгышкан. Бирок акырында орустар аны “Кыргызстандан келген ырчы” деп тааныштырууга аргасыз болушкан.
  • Кичинесинде жылан кармап ойногонду жактырчу. Анын этин да жеп көргөн.
  • Кепка менен спорттук бут кийим кийгенди жактырат. Көчөгө чыкканда таптакыр жасанбайт.
  • Тушоосу кесилбей калганбы (муну ата-энеси да эстей албай жатышыптыр) көп чалынат.
  • Мурда “эме” деген сөздү көп колдонсо, азыр “баягы” деген сөздү көп колдонот.
  • Китептин барактарын аттатып отуруп, бат эле окуп чыгат. Көбүнчө психологиялык китептерге кызыгат.
  • «Кээ бир ырчылар фонограмманы да жакшы аткара алышпайт. Жок дегенде микрофонду өчүрүп алып, оозун чоң эле ачып кыйкырып ырдашса»-, дейт Омар.

– Кандайсың, Омар? Жакында Америкага жол тартканы турганыңдан кабарыбыз бар...
– Ооба. Кудай буюрса, документтердин баарын камдап койдум. Болгону, Америкадагы досумдан “келе бер” деген чакырыкты күтүп жатам. Азыр ГАНСИ маселелери чыгып, бир аз жолду кармап жатат.
– Ал жакка баруудагы максатың эмне?
– Эң башкы максатым – тил үйрөнүү. Алгач ал жерден 6 айлык тил үйрөтүүчү курсту бүтүрүп алсам, анан колледжге тапшырам. Андан кийинки пландарымдын бири – музыкалык тажрыйба топтоо. Ал жактагы кара терилүү жакшы таанышымдын ыр жаздыруучу студиясы бар. Буюрса, ошол адамдан музыка жаатында сабак алам деген ойдомун.
– Сен Америкага кетип калсаң, Орусиядагы чакыруулар кантет?
– Бул туурасында Евгений Орлов менен сүйлөштүм. Ал: “Өзүң үчүн эле жакшы. Барып кел”,- деди. Орусия тарап менен келишим түзүлсө, ал көп убакытты талап кылат да, ошол үчүн алгач окуп, анан биротоло ырчылыкка баш байлайын дедим.
– Ата-энең бул туурасында эмне деп жатышат?
– Алар “сен түбөлүккө кетип жаткандай эле туюлуп жатасың. Бирок биз тоскоол болбойбуз. Эл-жер көр, сен өсүшүң керек” деп жатышат.
– Ал жакта сен ким менен турасың?
– Жанузак деген кичинемден берки досум бар. Ошонун үйүнө баратам. Ал мен үчүн биртууганымдай эле болуп калган. Аны менен Америкага кете электе эле бул жакта чогуу жашагам.
– Дос демекчи, досторуң туурасында кеп кылсаң...
– Кудайга шүгүр, досторум көп. Көбүнчө кө­ңүлүм чөгүп турганда Эрмек Нурбаевдикине эле бара берем. Экөөбүз жолуккан сайын түндө коркунучтуу кинолорду көрүп, кеч уктайбыз.
– Негизи, уйкучу эмессиңби?
– Эми (күлүп) биздин жумуш кечкисин башталат да, ошого байланыштуу эртеси кеч турам.
– Үйдө кандай адамсың?
– Бир аз эркерээк болушум керек. Ишимди аягына чейин толук аткармайын жаным тынбайт. Былтыр жайы менен үй курдук. Азыр ошол жаңы үйүбүздө жашап жатабыз.
– Үйбүлөң туурасында айта кетсең...
– Атам учурда Чүй облусунун экономикалык өнүгүү бөлүмүнүн башчысы. Апам болсо кесиби боюнча биохимик, бирок азыр тигүүчүлүк өнөрү менен жеке ишкер. Биз эки биртууганбыз. Эжем Аида өлкөбүздөгү банктардын биринде бухгалтер болуп иштейт. Ал жакында турмушка чыкканы жатат.
– Жакшы экен. Үйдө бош убактыңды кантип өткөрөсүң?
– Үйдө бири – ак, бири – кара эки күчүгүм бар. Анын бирөөсүн ырчы Ома байке Юрмаладагы жеңишим менен куттуктап белекке берген. Бош убактымды ошолор менен өткөрүп, ай сайын укол сайдырып жакшы багып жатам. Негизи, мен күчүктү кичинемден бери эле жакшы көрөм. Мектепте окуп жүргөндө каникул башталары менен эле чоң атамдарга Таласты көздөй жол тартчумун. Чоң атамдын 45 жээни бар эле. Бир жолу ошол жээндеримдин бирөөсүн жетелеп кошунаныкына барсам, ити жаңы тууптур. «Аласыңбы?» десе, «ооба»дедим. «Ордуна эмне бересиң?» десе, жетелеп жүргөн жээнимди таштап, күчүктү үйгө көтөрүп кетиптирмин.
– Айылга абдан жакын окшойсуң. Айыл сен үчүн...
– Оо, айыл мен үчүн аз да болсо өмүрүмдүн кызыгы. Айыл дегенде канатым бардай учуп жөнөйм.
– Ырчылыктан тышкары, дагы ким болуп иштеп көрдүң эле?
– 8-классымда жайында машина жуугуч болуп иштегем. Кичинекей бала деп кээ бир байкелер дайыма атайын мага келип жуудурушчу. Андан кийин официант болоюн деп ойлогонум менен иштей албай койгом. Анан эле ырчы болуп кеттим.
– Ырчылыкты кандайча баштадың?
– Мурдум сынгандан кийин ырдап чыктым деп койбоюнбу. Жакында кайрадан операция жасатайын деп жатам. Антпесем дем алуу кыйындап баратат.
– Мурдуңду эмне болуп сындырып жүрө­сүң?
– Мектепте окуп жүргөндө досум экөөбүздү кечинде топтошкон балдар сабап кетишкен. Ошондо мурдум сынып, көзүмдүн көгү кетпей бир ай көз айнек тагынып жүрдүм. Ырчы болгондон кийин да бир кырсык болуп, бутумду сындырып алгам. Ошондо эртең мектеп менен коштошуу кечеси болот деп камданып жаткан элем. Атайын кечеге деп 10 миң сомго костюм сатып алгам. Анда 10 миң сомдук буюм мен үчүн машина сатып алгандай эле болчу да.
– Омар, айтсаң, жакында сүйүү күнү келатат, даярдыктар кандай?
– Айтсам, ишенбейсиңер, бирок мен ушул күнгө чейин бирөөнү сүйүп көрө элекмин. Эми жактыруулар болот дечи. Кээде мен деле бирөөнү сүйүп калсам, балким, хит ырларды жаратат белем деп ойлоп калам. Бирок эс-учумду жоготкондой сүйүп калгым келбейт. Акыл-эсим менен сүйөм деп ишенем. Бирок мен бир жылы сүйүү күнүн Астанадан тосуп, ал күнү сүйүүсүн билдирген 119 кат алгам. Баса, техникумда окуп жүргөндө “Кыздардын жүрөгүн багындырган мырза” деген наамга да ээ болгом. Анда арык, мурдум түз, жакшынакай бала болчумун да. Азыр эле толуп кетпедимби.

Чолпон Сүйүнбаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: