Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назира Жетигенова: «КАЙЫН СИҢДИМДИ САБАП, КҮЙӨӨМ МЕНЕН АЖЫРАШКАМ»

№329 20-26-февраль, 2009-ж.


Жакын адамдарын жоготуу – орду толгус күйүт

Куудул кыз Алина, Алмаз, Чолпон, Назгүл, Наргиза деген биртуугандардын бешинчиси. Бирок шум ажал мындан он жыл мурун жанындай көргөн атасын алып кеткен. Атасы о дүйнө кеткенин уккан Алмаз да ошол күнү жүрөгү ооруп каза болгон. Андан кийинки Чолпон аттуу чолпондой биртууган агасы жашоонун оор жүгүнөн кыйналып жүрүп, атасы менен агасынын артынан кете берген.

– Назира, кош келипсиз, биздин редакцияга. Сизди кыргыз эли куудул катары жакшы эле тааныйт. Ошондуктан бүгүнкү маек нугун жеке турмушуңузга буралы. Алгачкы сөз башы алтындай балалыгыңыздан башталса...
– Мен атамдын көзү өткүчө атамдын кызы болуп жүрдүм. Дегеним, атамды ушунчалык жакшы көрөр элем. Ал кайда барса, ар дайым жанындамын. Баса, атам кечинде үйгө келмейин мага үйгө кирмей жок. Анткени үйдө мен өзүмдөн улуу эжемди, ага кошуп сиңдимди урам, анан апам мени сыртка кууп чыгат. Качан атам келет, ошондо артына жашынып акырын үйгө кирип кетем.
– Алина эжеге алыңыз жетчү эмес беле?
– Ал улуу байкем Алмаз экөө айылда чоң апамдын колунда өсүшкөн. Мен андай эже-байкем бар экенин 1-класс болгонумда гана билдим.
– Бала кезиңизден эле эркек мү­нөз­сүзбү?
– Кыздар менен эмес жа­лаң балдар менен жүр­гөн­дүктөн бой жеткенде кыздын төшү чыгарын билбеп­тирмин. Чолпон байкем ган­тель көтөрүп күзгүдөн бул­чуңдарын, төшүн карап “мы­на кичине чыгып калды” дей берчү. Анан ал булчуңдарын көрсөткөн майкасын кийип, итибизди жетелеп шаарды көп аралачу. Байкем жокто мен дагы төшүмдү чыгарам деп гантель көтөрчүмүн. 7-класс болуп калсам керек, бир жолу анын майкасын кийип, итти жетелеп шаар аралап жүрсөм, апам көрүп калып, “өлүгүңдү көрөйүн шерменде, алдыгы эмне?!” деп үйгө кууп келди. Көрсө, көкүрөгүм машыккандан эмес, жетилгенден чыгыптыр. Ошондо апам отургузуп алып, кыз бала жетилгенде дене-мүчөсү өзгөрөрүн түшүндүрүп берген.
8-классты бүткөндөн кийин ата-энем Бишкекке көчүп кетишип, мени “дарыгер болосуң” деп Таластагы медициналык окуу жайына тапшыртып коюшту. Мен болсо атамды сагынып, анын үстүнө окугум келбей айылдан келген кыздар менен мушташа берип окуудан чыгып калдым.
– Апаңызга караганда атаңызды жак­шы көрүшүңүзгө бир нерсе себеп бол­со керек...
– Атамдын эки эркек, эки кызы бар да. Бешинчи баласын, мени, “эркек болот” дешип күтүшүптүр. Анан мен төрөлүп калам. Атамдын достору ага тамашалап “эркек экен” деп сүйүнчүлөшөт. Сүйүнгөн атам атымды Кылыч деп коюп, анан бир айлык болгонумда кыз экенимди билип, атымды Назира койгон экен. “Эркек болот” деп күтүшкөндүктөн, мүнөзүм эркектикиндей болуп калса керек. Апам мага “бир нерсе жаса” десе, атам “Назира кылбайт, келиниңе жасат. Назгүлүң турат го” деп мага болуша берчү. Төшүм чыккыча эле атамдын коюнунда жаттым го. Апамды такыр укчу эмесмин. Апам жинге тийгенде “атамдын аялы жинди, жинди” деп тилдей берчүмүн.
– Окуу жайдан чыгып калгандан кийин эмне кылдыңыз?
– Окуудан чыгып калгандан кийин борборго келдим. Алина “Ак марал” бий ансамблине киргизип койду. Өң-келбети, дене-мүчөсү сулуу кыздарды алдына тургузуп, мен семиз, анан баскан-турганым эркектикиндей болгондуктан, артына тизип коюшту. Жаныбызда Көркөм сүрөт орто окуу жайынын студенттери иштеген устакана бар болчу. Ошол жерден жолдошум менен таанышкам. Анын мени жакшы көрүп калганын деле байкаган эмесмин. Тогуз айдан кийин апам “бир үйдөн бир эле артист чыгат” деп мени ансамблден чыгарып, ашпозчунун окуусуна киргизип койду.
– Анда ашпозчулук кесиптин да ээси турбайсызбы?
– Ал жерден тамак жасаганды деле үйрөтчү эмес. Мүшөк-мүшөк картошка-пияз аарчып эле отурчумун. 23-февраль майрамга карата жолдошум “Назира, келбейсиңби, сени менен чогуу бийлеген кыздар болуп чогулуп жатабыз” дегенинен агасыныкына бардым. Барсам, чын эле ансамблде чогуу жүргөн досторум бар экен. Жолдошум апасынан беш жашында айрылып, өгөй эненин колунда өсүптүр. Ушунун баарын угуп отуруп жолдошумду аяп, жоолук салса эле кетпей отуруп калдым. Анда болгону 16 жашта болчумун. Ата-энем өтө катуу адамдар эле. Дискотекага такыр жиберишчү эмес. Оюмда күйөөгө тийсем эле эркин болом деп жүрбөйүмбү. Күйөөмө "дискотекага алып барасыңбы" десем, “алып барам” деди. Ошентип, экөөбүз “Дордой” жактан батир алып, эки матрац, эки чыны менен көчүп барып жашап калдык. Ош жакын болсо абысындарым, балким, жууркан-төшөк беришет беле, ким билет?! Апам болсо менин өтө жаш кезимде турмушка чыгып кеткениме таарынып, мени менен сүйлөшпөй койгон.
– Кайын журтуңуз ата-энеңиздин алдына жыгылып барышты беле?
– Андай салттардын бири да болгон жок. Ошентип, жолдошум Турдумамат “Ош” базарында жер-жемиш сатып иштеп калды. Анын иши жакшы болуп, Маевка айылынан үй алдык. Жолдошум экөөбүз эки айдан кийин эле урушуп, урушмак түгүл согуша баштадык. “Төркүнү жакындын төшөгү жыйылбайт” болуп ата-энеме качам. Ата-энеме күйөөм жетип барып мени жамандап таштайт. Турдумаматка ишенген атамдар “күнөө сенде турбайбы” дешип мени кайра кошуп берип коюшат. Мага кол көтөрүп отуруп бутумду, анан кабыргамды да сындырды.
– Мас болуп келгенде сабачу беле?
– Соо кезинде деле “мен беш жашымдан баштап таяк жегем” деп сабай берчү. Кичүү кызым төрөлүп ага бешик той бергени Ошко бардык. Ошол жерден кайын сиңдим Суусаркан экөбүз уруша кеттик. “Сусликтин сестрёнкасы Суусаркан” деген интермедиям бар го, ошону кайын сиңдимдин атынан койгом. Нанды дүкөндөн сатып жесек, анан тандырга нан жапканды кайдан билмек элем. Суусаркан: “Энең эшек такалап жүрдү беле, тандырга нан жапканды үйрөтпөй”,- деп мага тийишип жатпайбы. Жиним келип аны сабап салдым. Аны тез жардам келип алып кетти. Кайнатам “кайдагы аркалыкты алып келгенсиң, кетир эле кетир!” деп уулуна бакырды. Анан Бишкекке келгенде күйөөм карындашынын таяк жегенине жини келип, мени мурункудан катуу сабап кирди. Ошентип, кайын сиңдимди сабап салгандан кийин ажырашып кеттик. Кыздарым менен шаардын четиндеги бир курбумдукунда жашап жүрдүм. Кыздарым менен ачка калган күндөрүм көп болду. Отуруп алып ыйлайм. Ошондо да күйөөмдөн бир тыйын сураган жокмун. Ажырашып жатканда “сенин мага үйүңдүн да, бир сомуңдун да кереги жок. Болгону, жанымды тынч кой” деген элем. Буга карабай ажырашкандан кийин артымдан бир жарым жыл ээрчип жүрдү.
– Чиедей эки кызыңыз менен аябай кыйналган экенсиз да...
– Ажырашкандан кийин “Ош” базарынын жанынан батир алып, таежелерим менен оромо жасап сатып жүрдүм. Кийин Алина эжеме кошулуп гастролго чыга баштадым. Балдарымды каралашканга биртуугандарым жардам беришти.
– Азыр жолдошуңуз кыздарыңыз менен жолугуп турабы?
– Мени менен ажырашкандан кийин атасы катуу ооруп, ага каралашканы айылга көчүп кеткен. Кийин үйлөндү. Азыр эки эркек баласы бар. Ажырашканыбызга 13 жыл болду. Ушул жылдар аралыгында кыздарын 4-5 жолу көрдү окшойт. Кыздарыма болгонун ачык айтып, баарын түшүндүргөм. Кичүү кызым былтыр атасынын жанында, Ошто жүрүп келди.
– Кыздарыңыз азыр канчанчы класста окушат?
– Улуу кызым Айпери 17де. Анын өңү-түсү, мүнөзү чоң атасына окшош. Кичүү кызым Азиза атасынын эле өзү.
– Өткөндө биздин гезитке “кидальшикке арнайм” деген ырыңыз чыкты. Бул кимдир бирөөгө арналганбы?
–Турмушумдан жаңылыш­кандан кийин өзүмдөн үч жаш кичүү жигит менен жети жарым жыл жүрдүм. Экөөбүздүн жолубуз эки башка экен, аргасыз ыр жаздым ошентип. Жашым 35ке келип калбадыбы. Буюрса, быйыл турмушка чыгам деп ниет кылып жатам. Бирок кимге чыгарымды өзүм деле билбейм.
– “13 жылдан бери чыгармачылык менен алпурушуп гастролдоп келем” дейсиз. Бул ишиңиз сизге эмне берди?
– Куудул катары элге таанылдым. Мурун акчага иштесем, азыр атыма иштеп калдым. Материалдык жактан айтсам, үй алайын десем, улам эле кымбаттап кетип, үйгө жетпей жатам.
– Чыгармачылыктагы акыркы жа­ңы­лык­тары­ңыз...
– Атайын куудулдарды тарбиялоочу театр ачкам. Анда 15 окуучум бар. Мен интермедия жазам, окуучуларым ошолорду аткарышат. Концерттерге да чыга башташты. Буюрса, эл жакшы кабыл алып жатышат.
– Назира эже, маегиңизге чоң рахмат. Кудай буюрса, быйыл ак жоолук салынып, жакын­да­ры­ңыз­га той жедириңиз.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: