Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТЫНАЙ АЛЫБАЕВ: «Ата болуу бактысын он жыл күттүм»

№330 27-февраль - 5-март, 2009-ж.


– Саламатсызбы, Тынай байке, иштериңиз кандай?
– Баары жайында. Акырын-акырын жүрөбүз.
– Эмне жаңылыктар менен келип калдыңыз?
– Учурда “Инсан” тобунда Эркин экөөбүз гана калбадыкпы. Азыр жа­ңы ырларды жаздырып, жаңы клиптер менен чуркап жүрөбүз.
– Буга чейин эки жылдай убакыт таптакыр көрүнбөй кет­ти­ңиз­дер...
– Эми чыгармачылыкта тыныгуу деген болот да. Бирок тыныгуу учурунда биз эки жыл Казакстанда иштедик. Кудай буюрса, жаңы күч, жаңы эргүү менен жаңы чыгармаларды жаратабыз деген ойдомун.
– Казакстанга баруу макса­ты­ңыздар кандай эле?
– Ал жакта дагы ийгилик жаратып, популярдуулукка жетишүү болчу. Бирок алардын талаптары бизге таптакыр жаккан жок. Биринчиден, “башка ат менен чыккыла” дешти. Биздин “Инсан” деген атыбыз туруп, эмне үчүн башка ат менен чыкмак элек?! Анан да жалаң казакча ырдайт экенбиз. Бул талаптарга, албетте, макул болбойбуз. Казактар кыргыздарды басынтып, калп эле өздөрүн мыкты сезе беришет.
– Демек, Казакстандан чоң ийгиликке жетише албай кайра келген экенсиздер да...
– Жок, эмнеге, ырларыбызды көп­чү­лүк билет. “Инсан” тобун таанышат. Бул дагы жетишкендик да. Казактардын акчаларын биз жыйнап кеттик, аларда ошол үчүн кризис күч алды (күлүп). Шашпай кайра топтой беришсин. Балким, 4-5 жылдан кийин кайра барабыз.
– Чыгармачылык жаатында баары түшүнүктүү, жеке жашооңузга келсек...
– Эми жеке жашоо кудайга шүгүр. Келинчегим, бир уулум бар. Үйбүлөдө бактылуу кожоюн жана атамын. Келинчегимдин аты Азиза. Ал да мурда ырдап жүрчү. Кесиби боюнча филолог, бир канча чет тилдерин билет. Азыр 25 жашта, бала менен үйдө. Уулумдун аты болсо Жантай. Жантай хандын тукумдарынан болгонубузга байланыштуу “ошол чыгаан инсандай болсун” деген ниетте ысымын атам койгон. Азыр үйдө эрмегибиз эле Жантай. Анын баскан-турганы, күлгөнү, сүйлөгөнү баары бизге кызык. Баламды карап алып эле бактылуумун. Жумушум кычап турган күндө да, түштөнүү маалында үйгө бир келип 15 мүнөт болсо да баламды ойнотконго аракет кылам. Үйдө апасы экөө тамгаларды үйрөнүшөт. Эки жашта экенине карабай, алфавиттеги ажыратуу менен ичкертүү белгисинен башка тамгалардын баарын тааныйт. Санаган жагынан гана бир аз чаташып жатабыз.
– Мына ушундай бала сүйүү бактысын сизге арнаган келинчегиңиз жөнүндө кененирээк айта кетсе­ңиз.
– Эң негизгиси, Азиза аялдык милдетин билет. Мени сыйлап, сүйүп турат, тамакты жакшы жасайт, балабызды тарбиялап жатат. Эркекке андан башка эмне керек? Анын бардык сапаттары мага жагат. Ал тургай кээде мага эркелеп бат эле таарынып калганын да жактырам. Себеби таарынымыш болгону менен 5 мүнөткө жетпей кайра эле жаркылдап күлүп калат.
– Бул суроону бербесем болбос. Мындан бир канча жылдар мурун эле бизге Динара аттуу ке­линчегиңиз менен келип, “Жан ше­­рик” рубрикабызга чыккан эле­ңиз­­дер...
– Ооба, бул темада сөз кылуудан мен качпайм. Себеби турмушта ар кандай боло берет экен. Биз башка нерсени ойлоп жүргөн болсок да маңдайга жазганын көрөт турбайбызбы. Дүйнөдө биринчи никеси менен ажырашкан бир эле мен болбосом керек. Ооба, Динара экөөбүз баш коштук, дүңгүрөтө элге жар салып той бердик. Бирок тагдырдын соккусуна учурап, турмушубузду улантып кете алган жокпуз, ажыраштык. Экөөбүз 5 жылдай чогуу жашадык. Азыр болсо, чындыгын айтканда, мен биринчи жубайым Динараны карындашымдай жана досумдай эле көрөм. Ал-акыбал сурашып, кээде телефон аркылуу байланышып турабыз. Ал азыр чет өлкөдө, турмушка чыгып, балалуу болгон. Эми турмуштарыбыз бөлөк.
– Азиза тараптан кызгануулар болбойбу?
– Кызганганда эмне? Экөөбүздун мындан аркы тагдырыбыз бир да. Ортобузда балабыз бар. Мен аны сүйдүм, ага баш коштум, кызгануу дегендин баары ушуну менен токтош керек да. Азиза баарына түшүнүү менен мамиле кылат. Кызганса да мага билдирбесе керек.
– Азиза менен кантип таанышып калдыңыз эле?
– Шаарыбыздагы спорттук клубдардын биринен таанышканбыз. Үчүнчү жолугушууда эле ортобуздан жакындык таап, кыз-жигит катары сүйлөшө баштадык. Жүрөккө жүрөк от чачып дегендей. Арадан бир жарым жыл өткөндө баш коштук.
– Өзүңүздүн үйбүлөңүз туурасында да кыскача айта кетсеңиз.
– Өзүм 6 биртуугандын үчүнчүсүмүн. Ата-энем азыр 60 жашка барып калышты. Чүй облусунун Байтик айылында турушат. Менин балалыгым да ушул айылда өткөн.
– Балалык демекчи, ошол көз ирмемдерди эске салбайсызбы?
– Балалыкта эми шайтандайсың да, бирок ырга жакын болуптурмун. Эстесем, эртеден кечке байкемдин мектептен келишин эле күтө берчүмүн. Ал келери менен асынган сумкасын алып кыяк кылып ырдачумун. 1-классымда гитарада кол ойното алчумун. Бирок мектептеги балдарды сабап, ата-энемден көп тил уктум.
– “Мен ошондо бала экенмин да” дегенде кайсы жоругуңуз эсиңизге түшөт?
– Дос баламдын атасы менин атам менен темир жолдо иштечү. Жайкы каникулда Орусия сыяктуу алыскы жолдорго бизди салып алышчу. Биз болсо айылда ойноп жүргөн рогаткаларбызды кошо алып, жолдо жапжаңы машиналарды ташыган поезддердин жанынан өткөндө дааратканага кирип алып, машиналардын маңдайкы айнектерин чачырата атчубуз. Ошондогу машиналарды кордогонбузду эстеп ичим ачышып кетет.
– Ушунчалык тентек баланын алгачкы сүйүүсү качан өттү экен?
– Мектепте жүргөндө биринчи жолу бизге келген практикант кызды сүйгөм. Башкалардын баары кичинекей жүдөгөн кыздар болсо, а тиги супсулуу, келишкен да. Анын сабагына барарда жакшы окуп, даярданып барчумун.
– Сүйүү үчүн өзгөчө кандай ишке бардыңыз эле?
– Бир жолу сүйгөн кызыма жолугам деп 15 чакырым жерге жөө баргам. Анда эми бала экенбиз да. Бирок азыр түбөлүктүү сүйүүм болгон жубайым үчүн андан бир канча чоң иштерди аткарсам керек.
– Ошондой эле болсун. Кызыктуу маегиңизге чоң рахмат, үйбүлөңүз менен бактылуу болуңуз.

Кызыктуу фактылар:

  • Тынай “жакшы” деген сөздүн ордуна “тема” дегенди көп колдонот. Аны көргөн уулу Жантай дагы бир нерсени жактырса, “тема” деп калат.
  • Үйдө көңүлү болгондо унчукпай эле тамак жасап кирмейи бар.
  • Түндө ойгонуп кетсе, 3 саатсыз кайра уктай албай, уулун тосуп, анын үстүн жаап, сыналгы көрүп жүрө берет.
  • Үй жумуштарын аткаруудан арданбайт. Келинчеги кош бойлуу кезде үйүн чаң соргуч менен тазалап турчу.
  • “Ата болуу бактысын он жыл күттүм” деген Тынай Жантай тө­рөл­гөндө сүйүнгөнүнөн жалаяктарын жууган.
  • Шишкебек бышыргандан, анан анын жытынан ырахат алат.
  • Кызуу кандуулугу бар. Жини бат келет.
  • Шаардын түтүнүн, пробкаларын, ызы-чуусун эң жаман көрөт.
  • Жыл мезгилдеринен май айын аябай жактырат.
  • Үйүндө баары жайында болуп, ата-энесинин жакканга көмүрү, малга чөп-жеми, тамак-ашы толук турса Тынай тынч уктайт.

Чолпон Сүйүнбаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: