Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АСЕМА: "ЖАШООДО "БООЗ САЛКЫНДАГЫ" АСЕМА ЭМЕСМИН".

№331 6-12-март, 2009-æ.


Асема, акыркы күндөрү сенин ырларыңа гана күбө болуп келебиз. Кино жааты эмне болду?
– Азырынча жалаң ыр жаздыруу менен эле алекмин. Кино жаатын болсо аман-эсен көз жарып алганча деп бир аз токтотуп турууга туура келди. Башкасынын баары жайында. Күнүмдүк үй-тиричилик дегендей...
– Турмушка чыгып, үйбүлө куруу менен жашооңдо өзгөрүүлөр болбой койбосо керек...
– Баары эле биз ойлогондой “гладкий” боло бербейт экен. Ата-энемдин жанынан алыс чыгып көрбөгөн жаным бир топ эле кыйналдым. Мурдагыдай каалаганымды кылып, каалаган жакка бара албай калдым. Бойдок кезде эртең менен саат алты-жетиде үйдөн чыгып кеткен бойдон кечинде саат бирлерде келчүмүн, азыр андай күн кайда. Эч жакка чыкпай эле үйдө керели-кечке сыналгы көрүп отурам. Негизи, өзүм коркунучтуу кинолорду жакшы көрөм. Кош бойлуу болгонума байланыштуу балам коркуп калбасын деп, аны да көрүүгө өзүмө өзүм тыюу салгам. Эч ким жокто музыканы коюп алып, бугумду чыгара бийлеп алам. Эмнегедир кээде мага баары “скучно” сезилип кетет.
– Жолдошуң экөөңөр эле тура­сыңарбы?
– Ооба, Акжолдун ата-энеси Баткенде. Бул жакта өзүнөн улуу биртуугандары бар, бирок алар да өз алдынча үйлүү-жайлуу. Үйдө экөөбүз эле болгондуктан, кечкисин эмне кыларыбызды билбей, карта ойнойбуз. Мен утулуп калсам, Акжолго массаж жасап берем, ал утулса менин айтканымды сатып берет. Бул оюнда көбүнчө мен утам.
– Өз каалооң менен турмушка чыккандан кийин өкүнбөсөң керек. Ошентсе да алыскы баткендик жигитке башыңды байлап жатканыңда ата-энең эмне дешти эле?
– Ий, алардын каршы болгонун айтпа. Биз Акжол экөөбүз 4 жылдай тааныш болуп жүрдүк, ал эми жакын мамиледе кыз-жигит катары 4 ай сүйлөштүк. Ошол аралыкта мен бир да жолу “кайдан болосуң?” деп сурабаптырмын. Негизи эле ушунтип сураган адамдар мага жакпайт. Анан “турмушка чыгам” десем эле ата-энем “кай жактан болот экен?” деп сурап калышты. Өзүм билбей барып сурап келгем. “Баткенден экен” деп айтсам, чалкасынан кетишти. “Эртерээк токтотконуң жакшы, ага турмушка чыкпайсың” деп кесе эле буйрук беришкен. Ал эле эмес, үйгө келген эле туугандарым “эмне кыласың, эмне Чүйдөн ошондой жигит таппай калдыңбы?” дей беришип, айнытууга аракеттерди жакшы эле кылышкан. Бирок мен: “Апа, эч кам санабай мага ишениңиз, мен Акжолду “во” күйөө кылып алам”,- дей берчүмүн. Азыр апамдар мага ошол сөзүмдү айтып күлүп калышат. Акжолду болсо, өз баласындай жакшы көрүшөт. Алыска турмушка чыкканым менен борбордо эле жашайбыз да.
– Сени ойлондурган бир суроо бергим келип жатат. Жолдошуң “экөөбүз бул жакта жашайбыз” дегени менен бир күнү эле “шарт ушундай болуп калды, айылга кеттик” десе эмне дейсиң?
– Ой, эми элестеткиле, менин капкара болуп, уй саап айылда жүргөнүмдү. Андай болбойт да! Мен балдарымдын келечеги үчүн болсо да айылга барып жашабайм. Айылга барганча кайра эле шаардагы ата-энемдин коюнуна барып кирип кеткеним жакшы эмеспи. Мен жашоодо “Боз салкындагы” Асема эмесмин жана болгум да келбейт. Апей, мен мурдагы образыма кирип кетип сүйлөп жибердим окшойт. “Башка түшсө байтал жорго” деген сөз бар беле. Ким билет, келечек кандай болуп кетерин...
– Чындыгында эле сени көпчүлүк кинодогу образыңдан жакшы таанып калышкан. Концерттерге кыска көйнөкчөн чыкканыңды көрүп, “Асема жакында эле турмушка чыкпады беле, кайын журт дегенден уялбайбы. Мурда ыймандуу эле го?” дегендер да болду...
– Ооба, Нелянын концертинде 4 кыз квартет ырдаганбыз. Алдын-ала өз ара сүйлөшкөнүбүздө ошондой кыска киебиз деген сөз бар болчу. Бирок убадага турбай тизеден ылдый кийип алгандар да болду. Анан, албетте, алардын арасында мен көзгө өөн учурадым. Бирок мен мурдатан эле кыска юбка, көйнөктөрдү кийип жүргөн кызмын, эми деле сахна адамы болгондуктан, кие берем. Мындан мен эч кандай жаман нерсе көрө алган жокмун. Эң башкысы, мен үйдө, кайындарымдын көзүнчө антип жүргөн жокмун да.
– Жолдошуң буга кандай карайт?
– Жолдошум шоу-бизнес дегенди терең түшүнгөн адам. Мага “мындай кий, андай кийбе” деп чектөө койбойт. Ал “жарашканын эле кие бер” дейт.
– Асема, кел эми кеп нугун башка багытка буралы. Эне болуу алдында турасың, сенде кандай өзгө­рүүлөр болуп жатат?
– Өзгөрүүлөр көп. Акжолдун жолдоштору: “Көздөрүңдө энелик мээрим пайда болуп калыптыр”,- деп тамашалап калышат. Анан да кошбойлуу болгондон бери бир топ толуп калдым.Көптөр апама да окшоштура башташты. Ал эми мүнөзүм жактан айтсам, мурункуга салыштырмалуу таптакыр башка адам болуп калдым. Катуу сөз тургай, жөнөкөй эле тамашаны да көтөрө албай ыйлап жатам. Көп ыйлай бергенимден улам жолдошум “сийгек көз” деп тамашалап калат. Мурда алчанын ширесин кычкыл деп таптакыр иче алчу эмесмин, азыр күндө ичип турбасам башым ооруйт.
– Эмнеге талгак болдуң?
– Жолдошума талгак болдум (кү­лүп). Чын, эртең менен жумушка кетиргим келбейт. Кечинде болсо, түш оогондон кийин эле “качан келесиң?” деп жок дегенде жүз жолу телефон чалам. Айткан убактысынан он мүнөт кечигип калса, таарынам.
– Балаң жөнүндө эмнелерди кыял­данасың?
– Балам менен азыртадан эле сүйлө­шөм. Мен ырдаган ырларымдын мазмунун биринчи өзүм кара сөз түрүндө жазып алам да, анан акындарга берем. Ошол ырдын мазмунун жаратып жаткан убакта балам менен акылдашам. Сөздөрдү жазып туруп, “сага жактыбы?” деп сурайм. Анан ал унчукпайт да, “анда мейли, мен 5 мүнөт күтөм, эгер кыймылдасаң, жакты деп билейин, кый­мылдабасаң, жакпаптыр деп оңдоюн” дейм. Кыймылдабаса, кайра оңдойм. Анан да балам азыртадан эле бийчи. Такыр тынбайт. Өткөндө УЗИге барсам, врачтар: “Колдорун кыймылдатып кадимкидей бийлеп жатат. Балаң бийчи болот го”,- дешти. Айтор, эмнеси болсо да аман-эсен арабызга кошулуп алса экен деп тилеп жатам. Буюрса, баламды заманбап балдардан кылып тарбиялайм.
– Көз жаргандан кийин сахнадан канча убакыт алыстайм деп турасың?
– Балам төрөлсө, ашып кетсе эки ай үйдө отурушум мүмкүн. Балким ага чейин деле жумушка чыгып кетем. Көтөрүп алып эле ырдап жүрө берем го. Эми мен сахнадан түшпөй эки саат толугу менен кармалбайм да, көп болсо 5-мүнөт, ашып кетсе, 20 мүнөт дегендей. А калган убакта, албетте, балам менен үйдө болом.
– Аман-эсен көз жарып алышыңа тилектешпиз. Кызыктуу маек куруп бергениңе чоң рахмат.

Асема жөнүндө кыскача:

  • Жолдошу Асеманы “назиктиги жок, тарамыш кыз” деп коёт.
  • Үйдө жолдошун мыскылдаганды жактырат. Анын түркчө кошуп “алар келатышыптырлар” дегенин жана акцент менен орусча сүйлөгөнүн жакшы туурайт.
  • Асема кайын журтунун сүй­лөгөнүнө жакшы түшүнбөйт. Бирок акырындык менен үйрөнүп келатат. Мисалы, алардын “калайсиз?, майли” деген сөздөрүн жакшы билет.
  • Жолдошун баткендик деп айткысы келбегендиктен, “түркиялык кыргыз” деп тааныштырат.
  • Кош бойлуу болгондон кийин мурунку жакшы көргөн кийимдеринин батпай калганына өкүнөт.
  • Икранын көрүнүшү жакпагандыктан, өмүрүндө таптакыр жеп көргөн эмес.
  • Асеманы көргөн адам эң биринчи анын көзүнө маани берип карап алат. Бирөөлөр менен уруша кеткенде “көзүн карап кой, көзүн” деген сөздү көп угат.
  • Жолдошун тиштеп, чымчып ойногондон ырахат алат.
  • “Кудай буюрса, уул күтүп жатам”,- дейт Асема.
  • “Чарчадым” деген сөздүн ордуна “кросс чуркадым” деп коёт.
  • Асема ар бир сөзүнүн аягында “ошол” деп коюуну адат кылып алган.
  • Негизи эле сыналгыны да, ырды да үнүн катуу чыгарып укканды жакшы көрөт. Ошондуктан үйдө жолдошу экөөнүнүн талашы “үнүн чыгар”, “үнүн бас” деген сөздөр менен байланыштуу.

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
30.05.2017. 01:45 
Тайпасы:
Жаран
Комментарийлердин саны:
115
Катталган:
26-10-2011
Соӊку аракети:
23-09-2018 18:00
Жынысы:
Белгисиз
0
Мындан ары Баткендиктерди Туркиялык кыргыздар деп койсок болчудай)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: