Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДИН ШЕР: «Сүйгөнүмө башкалар сөйкө салып коюшту»

№335 3-9-апрель, 2009-ж.


Жаркылдай шайыр мүнөзү менен кирип келген Айдин Шер менен алгач жат немедей пикир алышып, маек аягында асыл достордой коштошуп калдым. Биздин бүгүнкү каарман узак марага, асыл максатка умтулган жаш талант экенин баамдадым.

"Айдин Шер – сахнадагы атым"

Айдин Шер – сахнадагы атым. Өз атым сыр бойдон эле калсынчы. Болгону, менин атыма окшош ырчылар үчөө эмес, төртөө. Көпчүлүккө чаташуулар болбосун деп өзгөрттүк. “А” менин атымдын баш тамгасы, ал эми “дин” продюсерим Динара эженин атынан коюлган. Учурда ата-энем, жакындарым баары эле Айдин дешет. Азан чакырып койгон ысымды мусулманчылык жолу менен да өзгөртүшөт экен. Антейин деп ойлогонум менен, менин документтерим өзгөргөн жок.

“Чала кыргызмын”

– Туулуп өскөн жерим – Бишкек шаары. Бала бакчадан мектепти бүткөнгө чейин жалаң орустар менен окугам. Бирок чала кыргыз болгонум менен, өзүмдүн эне тилим дегенде патриоттук сезимдерим күчөп кетет. Кыскасы, кыргыз болуп төрөлгөнүмө өтө сүйүнөм. Кудайга ишенем. Ичимдик ичмей, тамеки тартмай жок.

“Учкуч болгум келчү”

– Балалык... Бул сонун курак да. Өмүрүмдүн жыйырманчы жазын сүрүп коюптурмун. Кечээ эле тентек бала элем. Мына бүгүн окуучулук куракты артка таштап, Улуттук университеттин 4-курсунда окуп жатам. Азыр ойлосом кичинемде тоо коюнундагы бардык адамдар боорукер деп билчүмүн. Адамдар ушундай жаралган, ушул боюнча калат дейт элем. Мисалы, мен таптакыр чоңойбой эле кичинекей Айдин боюнча учкуч болуп калчудай туюлчу. Көп эле тентектик кылдым. Кыскасы, эркемин.

“Таракты микрофон кылып ырдап...”

– Көптөр бир же эки мектептен окуп бүтүрүшөт экен. Мен болсо мектептен-мектепке көчүп жүрүп билим алдым. Орус мектептен кыргыз мектепке келгенде күндөлүк дегенди кундолук деп окуп, эжейимден көп тил укчумун. Мектепте болсо музыка сабагын “2ге” окуйт элем. Кийин эле Сыймык Бейшекеевдин “Көлдүк кыз” ыры менен “Айкөл” тобунун “Салам, калкым, салам” ырлары жан дүйнөмө таасир берип, ырга кызыгып калдым. Айтор, апамды отургузуп коюп, көздү жумуп таракты микрофон кылып Актан Исабаевдин ырларын ырдайт элем. Музыкалык жактан сабаттуу болоюн деп борбордогу “Аян-Арт” музыкалык мектебинде бир жарым жыл билим алдым. Аспаптардан гитара менен комузду чала-була кыңгыратам.

“Сахнада сүрдөгөнүм, ай”

–Мени Динара эже келгенде эле ала койгон жок. КТРдин алдында Динара эжени жаңылбасам 3 ай күттүм окшойт. Ошентип, продюсерге келген кез. “Улуттук хитпарадды” тартып бүткөн соң Динара эже “видеопробага тартып көрөйүн, ырда” деп калды. Сахнага кол булгалап турган кыздар бар го. Ошолор кетип калышар деп башында сахнага чыкпай турдум. Же тиги кыздар кетсечи, же менин сүрдөгөнүм басылсачы! Бир жактан Динара эже “бол, сахнага чык” деп шаштырат. Эмнеси болсо да чыгайын деп жөнөп калдым. Жакшынакай эле турамбы, жакшы эле ырдап жатамбы деп ойлонуп жатып ырдап бүткүчө чыкпаган жеримден тер чыкты. Сахнадан түшүп келатсам, кыздар автограф сураса болобу. Үймөлөктөгөн кыздарга же автограф бере алсамчы. Ошентип, алгач сахнанын сүрүн байкадым.

“Кол чаппай койсо арданып...”

– Сахнага жаңы ырдап чыкканда Султан, Кайрат байкелер чыкса дүркүрөгөн, мен чыкканда бирин-серин эле адам кол чаап турса арданат элем. Көрсө, ырың элге жагып, атың таанылып калганда антпей калат окшойт.

“Тушалган махабатым”

– Менин сүйүүм “Тушалган махабатым” ырымдагы клипке окшош. Кичинемде кошунабыздын кызы бар болчу. Ата-энелерибиз жакшы катышта эле. Кийинчерээк биз башка жакка көчүп кеттик. Анан арадан 9 жыл өтүптүр. Окууга тапшырайын деп Финансы техникумуна келип, бир суйкайган сулууну көрүп калдым. Көзүмө жылуу учураганынан “кайдан көрдүм эле?” деп коём, бирок эстей албай койдум. Ошентип сынактан өтпөй калдым. Анан апам кетип эле бир маалда: “Жүр эле, жүр. Мен баягы кошуналарга жолуктум, үйүнө чакырышты”,- дейт. Кимдикине барарыбызды деле билбейм. Барсак, мен суктанган кыз ошол үйдө жүрөт. Көрсө, ал да окууга тапшырганы атасы менен барыптыр. Кичинесинде анча деле сулуу эмес болчу. Чачын белине чейин өрүп алган Мунираны көрүп бир башкача болом десеңиз. Үйгө барып түндө же уктасамчы. Ошентип, ал кыз менен жакшы дос болуп жүрдүм. Сүйүүмдү билгизейин дейм, бирок айта албайм. Бир күнү туулган күнүмө чакырып, араңдан зорго айттым. Сүйлөшүп жүргөнбүз, кийин ал Орусияга кетти. Ошол жакта ага куда түшүп, сөйкө салып коюшуптур. Жакында тою болот. Эмне кылмак элем. Мунирага бакыт каалайм. Келечекте дагы чыныгы сүйүүгө кабыларыма ишенем.

“Кыргызстан – менин үйүм”

– Ырдап калгандан бери өлкөбүздүн көп эле жерине гастролдоп бардым окшойт. Кайда барбайын шаркырап аккан сууну, ак калпакка окшош мөңгү баскан тоолорду көрүп биздин жердин кооздугуна суктанам. Дүйнөдө биздин өлкөдөй кооз жер жок. Кыргызстан менин үйүм, менин жерим...

“Майка кийгенде булчуңум чыгып...”

– Спорт менен алектенем. Тренажёрдук залга барам. Байкасаңыз керек, көбүнчө спорттук кийимдерди кийгенди жактырам. Булчуңдарым кичине чыгып турса, майка кийгенде жакшыраак көрүнөт да (тамаша). Кичине чымындар ойгонуп калганда үйдө жатып алып эргүү менен ырдайм же ыр жазам. Ырларым элге жагып, элдин колдоосуна арзысам ошондо бир эргип алам.

“Атам акыры моюнга алды ”

– Жашоодо кымбаттарым – ата-энем жана эжем. Атам өзү табиятынан жумшак, жоош адам. “Ырчы болом” десем, “ооба, кыйратасың” дечү. Өткөндө телевизордон менин клибимди көрүп “оо, менин балам ырдап жаткан турбайбы” деп сүйүндү. "Акыры моюнга алган экенсиз да" деп күлдүм. Апам, эжем экөө менин жакын сырдашар адамдарым.

“Бой көтөргөн кыздарды жактырбайм”

– Ар дайым көтөрүңкү маанайда ачык жүргөндү жактырам. Өйдө көтөрүлгөндө асманды карап, ылдый түшкөндө жерди карап калмай мүнөзүм жок. Бирок бирөөнүн адатын бат эле үйрөнүп алып, ошол адатты калтыралбай кыйнала берем. Бир ырымда айтылгандай, боюн көтөргөн кыздар анча жага бербейт. Мага жөнөкөй, боорукер, шайыр кыздар жагат.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: