Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Согдиана: «БАЛАМДЫ КӨРӨР КҮНДҮ КҮТҮП КЕЛЕМ»

№337 17-23-апрель, 2009-ж.


Окурмандарыбызга өткөн саныбызда Согдианадан эксклюзивдүү интервью беребиз деп сөз берген элек. Андыктан бүгүнкү “Супердин” өзгөчө коногу чыгыш ханбийкеси Согдиана. Ырчы Кыргызстанга күйөрмандары менен жолугушуу жана “Тумар” радиосун туулган күнү менен куттуктоо максатында келген.

Чыгыш ханбийкеси, куш келипсиң, биздин жашыл шаарыбызга! Бул Кыргызстанга болгон биринчи сапарыңбы?
– Сенин ханбийке дегениң мага аябай жакты (күлүп). Кыргызстанга, чындыгында, экинчи жолу келип жатам. Алгачкы жолу 13 жашымда ырчы DJ Piligrim менен Ош шаарына гастролдоп келгем. Себеби экөөбүздүн тең продюсерибиз Дмитрий Левин эле.
– Өзүң жашаган Өзбекстандын жылдыздарынын ичинен кимисин баалайсың?
– Бала чагыман “Ялла” тобунун ырын угуп, “Чайхана” деген ырына бийлеп чоңойгом. Мындан башка Юлдуз Усманованын ырларын жактырам. Ал эми теңтуш сахналаштардын арасынан Райхондун талантын, анан, албетте, DJ Piligrimди баалайм.
– Өзбек тилинде жакшы сүйлөсөң керек...
– Өзбекстанда төрөлүп, жыйырма жыл жашагандыктан, бул тилди эне тилимдей көрөм. Өзбек тилин түшүнөм, бирок сүйлөй албайм. Бир жолу өзбекче туура эмес сүйлөп алып шылдың болгом.
– Эсиңде барбы, кайсы сөздү туура эмес айттың эле?
– Кайсы сөз экени эсимде жок, бирок ал сөздү уккан жанымдагы адамдар шылдыңдап күлүшкөнү бүгүнкү күнгө чейин эсимден кетпейт.
– Согдиана, жогоруда “өзбек тилин эне тилимдей жакшы кө­рөм” дедиң. Сен өзбек кызы эмессиңби?
– Мен украин кызымын. Бирок европа улутунун кызы болгонум менен бала чагыман алган тарбиям, жашоого болгон көз карашым баары чыгыштыкы. Негизи эле чыгыш жашоосу, маданияты, тамак-ашы жан дүйнөмө жакын.
– Сенин өз атыңды Оксана деп уккан элек. Сага ысымдарыңдын кайсынысы жакыныраак?
– Жакындарым мени Согдиана деп эмес, Ксюша, Оксана, кызым деп чакырышат. Бирок беш жылдан бери бул ысым мага сиңип калгангабы, өзүмө Согдиана деген атым жагат. Жакында паспортумду да өзгөртөйүн деп жатам.
– “Чыгыштын тамак-ашы жан дүйнөмө жакын” деп айтып өттүң. Палоо жасай аласыңбы?
– Менимче, палоо жасоо аябай жоопкерчиликтүү иш. Жасап көргөм, бирок менин палоом азырынча апамдыкына жетпейт. Апамдын курагына жеткиче үйрөнүүгө аракет кылам го. Мага өзгөчө очокко бышкан палоо жагат.
– Дене-мүчөңдү дайыма бир калыпта алып жүрөсүң. Толуп кетпөө үчүн атайын кам көрөсүңбү?
– Табиятымдан ушундай жаралган окшойм. Чынын айтсам, бир аз толо албай жүрөм. Кош бойлуу кезимде доктурлар “аябай арыксың” деп тынчсызданышкан. Төрөгөндөн кийин 20 килограммга толуп кеткем. Ошондо өзүмдү күзгүдөн көрүп алып аябай кайгырчумун. Ал эми ата-энем, тескерисинче, салмак кошконума сүйүнүшкөн. Бирок бир нече айдан кийин эч кандай диетасыз эле калыбыма келип калдым.
– Балаң жөнүндө кеп козголуп кеткен соң бул суроону бербей коё албайм. Интернет булактарынан мурунку жолдошуң Рам менен торго түшкөн куштай жашаганың, ажырашып кеткенден кийин уулуңду уурдап кетип бербей жатканын окуган элем. Бул сөздөрдүн канчалык деңгээлде чындыгы бар?
– Тордо жашаганым чындык. Бирок ал торду өткөн чакка калтырып учуп кеттим. Кылчайып артты карабайм да, ал торго кайра түшпөөгө да аракет кылам. Ал эми уулум Ажур учурда атасында. Рам менин каалоомо каршы чыгып, балабызды өзүнө алып алды. Эки жашка толо элек наристе энеси менен болгону жакшы эмеспи. Эне мээриминен ажыратып алган адамга акыл кирип, баламды кучагыма алар күндү чыдамсыздык менен самап келем. Калыстык болоруна ишенип, жакшылыктан үмүтүмдү үзбөйм.
– Бир аз маанайың чөгө түштү окшойт. Маегибизди башка нукка буралы. Чарчаганда кантип эс аласың?
– Кинотеатрга барганда чарчаганым жазылат. Мындан башка бийиктикте учууну, парашюттан секиргенди, ар кандай экстремалдуу оюндарды ойноп эс алганды жакшы көрөм.
– “Кинону жакшы көрөм” деге­ниңен улам сенин “Согдиана” деген фильмиң эске түштү. Тасмадагы Согдиана менен турмуштагы Согдиананын окшоштугу барбы? Кийин да актёрлукту улантайын деп жатасыңбы?
– Тасма “Согдиана” деп эмес, “Зумрат” деп аталышы керек эле. Тарткан режиссёр тасманы менин атымдан улам “Согдиана” деп атоону туура көргөн. Ал эми тасмадагы каармандын чыныгы жашоодо мага эч кандай окшоштугу жок. Тасмага тартылуу үчүн билим жана тажрыйба керек экен. Актёрлук жактан сабак алып тереңирээк үйрөнгөн соң тартылуу тууралуу ойлонуп көрөм.
– Түшүнүктүү. Сахна жылдыздары дайым өзүн стилдүү алып жүрүш керек эмеспи. Кийим сатып алууда стилисттерден кеңеш аласыңбы же өзүң тан­дай­сың­бы?
– Бардык иш сапаттуу жана сабаттуу болуш үчүн жумушун мыкты билген профессионал жасаш керек деп ойлойм. Мен элдин кишиси болгондуктан, өзүмдү ошол сөзгө татыктуу алып жүрүүгө милдеттүүмүн. Ошондуктан кийим тандоодо жеке стилистимдин жардамына таянам.
– Биз сени Орусиянын Биринчи каналындагы “Жылдыздар фабрикасы-6” музыкалык долбоордон кийин жакшы тааныйбыз. Ошол жердеги жашооң тууралуу айтып берсең...
– “Жылдыздар үйүнө” жаңы барганда кыйын эле болгон. Биринчиден, ата-энемди, жакындарымды сагынып. Анысы аз келгенсип курчаган “фабрикачылардын” баары атаандаштарым. Бирок ошол жерден да дос таап, алар менен тил табышып жашап кеттим. Бүгүнкү күндө алардын ичинен Прохор Шаляпин жана “Челси” тобунун жигиттери менен жакшы сүйлөшөм. Негизи эле шоу-бизнесте дос күтүү кыйын. Анткени алардын баары сенин атандаштарың.
Акыркы суроом, “Бишкекке биринчи жолу келдим” деп айтып кеттиң. Шаарыбыз эмнеси менен сага жакты жана “Супер-Инфо” гезитинин окурмандарына сенин каалооң.
– Буга чейин эле кыргыз элин меймандос катары угуп-билип жүрчү элем. Чындыгын мына өз көзүм менен көрдүм. Силерде күн жылуу экен. Бишкектин аба ырайы аябай жакты. Ал эми гезитиңердин окурмандарына бакыт жана ийгилик каалайм. Мезгилден артта калбай “Супер-Инфону” окуп тургула!
– Жагымдуу маек куруп бер­гениңе чоң рахмат. Сага чыгармачылык ийгилик каалап, эмки кезигүүбүзгө чейин кош айтышам.

Кыскача...

Кайсы жериң өзүңө жагат?
– Бардык жерим, өзгөчө көзүм жагат.
Кандай сапатың жакпайт?
– Бардык сөздү жүрөгүмө жакын кабыл алганым жана майда нерсеге деле ойлоно бергеним.
– Миллион долларың болсо эмнеге коротмок элең?
– Ыр жазып, клип тарттырып карьерамды өстүрмөкмүн.
– Эмнени жаман көрө­сүң?
– Кыйкырыкты, жек кө­рүү­нү, анан бүркөк асманды.
– Эмнеден баш тарта ал­бай­сың?
– Торттон.
– Кайсы учурда уяласың?
– Калп айтканда.
– Сыйкырчы болсоң эмне кылмаксың?
– Убакытты артка кайрып, өткөн жашоомду оңдо­мок­мун.
– Кайсы кесипти эң кыйын деп эсептейсиң?
– Хирургдун.
– Карыганда эмне кылам дейсиң?
– Өзүм жөнүндө мемуар жазам.
– Ысык-Көл жөнүндө эмнени билесиң?
– Дүйнөдөгү эң кооз эс алуу жайы деп билем.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: