Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Замир Мырза: «СТУДЕНТТЕРДЕН ПАРА АЛБАЙМ»

№338 24-30-апрель, 2009-ж.


Бүгүнкү биздин конок ооз комузда гана эмес, сыбызгыны да сыздатып, жамгыр алдына бийлей алат. Кимдир бирөөнү эркелеткиси келген болочок жар. Студенттерге зачёт-экзамендерин өз убагында коюп берген агай. Ал – күйөрман­дарынын жүрө­гүнөн түнөк тапкан ырчы жигит Замир Мырза.

– Замир байке, көрүнбөй кет­тиңиз...
– Кудайга шүгүр, жүрөм. Сиздер борбордо, мен экинчи борборубуз Ош шаарында дегендей.
– Чыгармачылыкта кандай жаңылыктар болууда?
– Чыгармачылыкта жакшы эле. ОшМУда сабак бергендиктен, чыгармачылыктан бир аз алыстай түшкөндөй сезилип, азыр эс алуу алып, чыгармачылыкка баш-отум менен киришип турган учурум. Бишкекке да чыгармачылык сапар менен келдим. Ыр жаздырып, клип тарттырып жатам.
– Ал эми жеке жашооңузда өзгө­рүү барбы?
– Жеке жашоо кадимкидей эле. Бая­гыдай эле бойдок жүрөм.
– Жылдыздуу жигиттин жүрөгүн ээлеген адам табылбай жатабы?
– Азырынча жүрөктү ээлеген адам жок болуп жатат, жүрөк бош. Бирок ыймандуу, жөнөкөй сулууну жолуктурсам экен деп тилеп жүрөм. Тапсам эле үйлөнөм.
– Койсоңуз, кантип сүйүү башы­ңыздан өтпөсүн, окутуучусуз го, студент кыздардан чаппайсызбы?
– Окуучулук кезде мен да башкаларчылап сүйүүгө кабылгам. Ырдап чыгып, анан окутуучулук кесипти аркалап калган кезде мен үчүн атайын биздин факультетке тапшырган кыздар да болгон. Ошондой күйөрман кыздардан кат көп келет. Айрыкча 14-февралда атайын урна ачып коёт эмеспи, ошондо кат көп түшөт. Жүрөгүң дегдебесе студент кыздарды кантип чапмак элем.
– Студенттердин арасында сизге көз кырын салып, кыйытып сөз айткандар бар экен да... Негизи эле студенттерди экзамен учурунда кыйнабайсызбы, акча албайсызбы?
– Окутуучу студенттерге билим, тарбия берет эмеспи. Андыктан студенттер сабакта агай катары гана мамиле жасашат. Анан да мен өз чегимди билем. Тартипти катуу кармайм. Сабакта сабак өтүш керек. Экзамен-зачетко келсек, билген студентке коюп берем. Эгер билбей жатса окуп-билип келишин айтам. Мен да студент болгом. Алардын билимин акчага баалап, пара алгым келбейт. Кыскасы, акча алууга намыс жол бербейт.
– "Адамдын тагдырын анын мүнөзү курат" дешет. Сиздин мүнөзүңүз...
– Туура айтасыз, мен өзүм дайыма көтөрүңкү маанайда жүргөндү жактырам. Демек, мен шайыр, тамашакөй, жөнөкөй жанмын.
– Жөнөкөй жигиттин бала кези кандай өттү экен?
– Тилекке каршы, өткөндү кайтарып албайт турбайбызбы. Бала кезим апамдын бул дүйнөдөн эрте кетип арманга салганы болбосо бактылуу өттү десем болот. Атам ата да, апамдын ордуна апа да болду. Балдарын эч нерседен кем кылбай асырап, балтыр бешик балапандан ушул даражага жеткирди.
– Канча биртуугансыз? Ата­ңыз кайсы кесиптин ээси? Дегеле, сиздин үйбүлөдө ырга жакын адам барбы?
– Беш биртууганмын. 2 кыз 3 уул. Карындашым менен эки иним экинчи апабыздан. Атам – мугалим. Менин чоң атам комузда кол ойнотчу экен. Кыязы, чоң атамды тарткан окшойм.
– Демек, комуз чертет экенсиз да?
– Жок, мен өзүм пианистмин. Пианинодон сырткары, сыбызгыда, ооз комуз сыяктуу аспаптарда ойнойм. Көпчүлүккө мен гитаристтей көрүнөт окшойм, айтор, сурай беришет “гитараны жакшы ойносоң керек, ээ?” деп. Бирок гитара черткенди билбейм.
– Окуучулук кезден бир элес...
– Кичинемде өтө эрке, анан тентек элем. Бала кезимде таятамдыкына көп барчумун. Ал жердеги көк эшегимди минип алып ойночу элем. Азыр да айылга барганда “көк эшегиң дале бар, минип көрбөйсүңбү” деп күлүп калышат.
– Окуучулук күндөр айылда өткөн турбайбы?
– Жок. Ал жакка каникулда эс алганы гана барчумун. Өзүм Ош шаарында окугам. Эсимде, 6-класста классташыбыз төрт баланы үйүнө чакырганынан барсак, ити тууптур. Анан ал бала силерге энчи деп төртөөбүзгө бирден күчүк карматып койду. Биз да камаарабай сумкага салдык да, сабакка барып калдык. Баарыбыз олтурабыз. Менин оюм болсо сабакта эмес эле сумкадагы күчүктө. Тиги балдарды карап коём. Алар сыр билгизбей отурушат. Бир маалда эле сумкамдагы күчүгүм кыңшылап коё берсе болобу! Эжейдин “ай, ботом, күчүк каякта жүрөт?” деп чый-пыйы чыкканын эстеп алып азыр да күлүп калам.
– Айтсаңыз, ыр дүйнөсү сизге кандай дүйнөнү ачып берди? Ырчылык сиз үчүн хоббиби же кесиппи? Устаттан шакирт озчу эле, устатыңыз ким?
– Ырчылык мага өзүнчө керемет дүйнөнү ачып берди. Таңда туруп музыка уксам, кечти да музыка менен батырам. Чыгармачылыктын артынан көп адамдар менен таанышып, көп жерлерди көрдүм, көпчүлүктөн бата алдым. Ал эми ырчылыкты хобби да эмес, кесип да эмес деп билем. Ырчылыкты кесип же хобби дегендер жаңылышат. Ырчылык Кудайдын берген белеги, табият тартуулаган талант десем жаңылышпайм. А устатым Жогорку Кеңештин депутаты Ибрагим Жунусов.
– Шоу-бизнесте бут тосуулар бар деп коюшат. Дегеле, ырчыга продюсер керекпи?
– Бут тосуулар бар. Бирок мен ойлойм, оргуштап турган талантың болсо, Жараткан Эгем өзү колдосо сага эч ким бут тосо албайт деп. Мен ар дайым “Кудайдан өткөн продюсер жок” деп тамашалап калам. Негизи, продюсер ар бир ырчыга эле керек.
– Чыгармачыл адамдар досторду көп күтүшсө керек...
– Досу жок адамдан коркуш керек, ал кандайдыр жан дүйнөсү жарды адам болушу мүмкүн. Бирок ошол эле учурда элибиздин “сырыңды досуңа айтпа, кас болуп калат” дегенине да кулак түрүп коюу абзел. Достор көп, достукту баалайм. Сахналаш да, бизнесмен да, дыйкан да, анан калса абакта да досторум бар.
– Жүз сомуң болгуча жүз досуң болгон жакшы дейт турбайсызбы анда. Замир байке, билишимче, чачыңызды улам башка жасалга менен алып жүрөсүз. Жеке стилистиңиз барбы? Кийинүү жагы кандай?
– Негизи, сахна адамы болгондон кийин стилиңе, кийимиңе, дегеле, өзүңө карап жүрүү керек. Чын эле ырчылардын арасынан чачымды мен эле тез-тез өзгөртүп турат окшойм (күлүп). Жеке стилистим өзүм деп койсом туура болот го. Ал эми кийимди “Кара-Суу”, “Дордой” базарларынан эле алып кием.
– Өзүңүздү кино жаатында да сынап көрдүңүз окшойт, терс каармандын ролун сунуштаса макул болот белеңиз?
– Сиз “Кайып булак” тасмасын айтып жатасыз го. Ал киного мен акыркы болуп катышкам. Кинону көргөндөрдөн ар кандай сын-пикирлерди уккам. Кино бүткөндөн кийин андагы кемчиликтеримди байкадым. Искусство адамы болгондон кийин кандай каармандын ролу сунушталса да жок дегендин өзү туура эмес.
– Артыңызга кандай из кал­тыр­гыңыз келет?
– Мен дайыма мекенге кызмат кылууну, Алланы сүйүүнү, ата-энени, үйбүлөнү барктай билүү­нү милдет кылып келем. Анан, албетте, керемет музаны кошпосом болбос, элдин жүрөгүнөн түнөк тапкан чыгармаларды жаратуу, ошону менен бирге жаш муундарга үлгү боло тургандай сабак берүү. Саналган милдеттерди аткара алсам, бул жарыкта из калтырдым деп эле айта алам.
– Эмесе ошол тилектериңиз орундалсын, чыгармачылыктын чыйырында талбаңыз.
– Сиздерге да ыраазычылыгымды билдирип, ишиңиздерде ийгилик жылоо­лосун демекчимин.

Замир тууралуу...

  • 1982-жылы 2-июлда Ош шаарында төрөлүп-өскөн.
  • ОшМУнун искусство факультетин 2004-жылы Артыкчылык диплому менен аяктап, өзү окуган факультетке музыка мугалими болуп кирген. Учурда ырдап да, ырдагысы келген жаш таланттарга билим берип да келет.
  • Акыркы жолу “Битлз” тобу жөнүндө жазылган китепти окуп чыккан.
  • Жакында эле түрк улутундагы күйөрман кызынан узундугу 5 метр болгон сүйүү катын алган.
  • Жума намазына барып турат. Беш убак намаз окуйм деген ниетте.
  • Даамдуу жасалган тамактардын баарын жей берет. Көбүнчө таттууга жакын.
  • Бирөөнүн көңүлүн калтыра албайт.
  • Ыр жазбайт, бирок обон чыгарат.
  • Палоону мыкты жасайт.
  • Кой сойгонду билбейт, бирок тоок сойгонду билет.
  • Репертуарында 40тан ашык ыры бар.
  • 2003-жылы “Жалал-Абад азем түндөрү” конкурсунда 1-орунга ээ болгон. Мындан башка “Ала-Тоо жазы”, “Жалал-Абад азем түндөрү”, “Ош азем түндөрү” конкурстарында ал­дыңкы орундарга ээ болгон.

Бурул Исмаилова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: