Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назира Айтбекова: «ЖОЛДОШУМ ТАПТАП УКТАТЫП, ӨӨП ОЙГОТОТ»

№339 1-7-май, 2009-ж.


Ары наздуу, ары кылыктуу бийкечтер көздүү мончок сыяктуу жигиттерди алыстан эле чакырат эмеспи. Жылтырап көзгө кооз көрүнсө ким гана болбосун илип кетери анык. Ошонун сыңары экранга чыкса тили буудай кууруган, жылдыздуу айым Назира Айтбекованы бир бактылуу мырза илип кеткенине бир жыл болду. Биздин бүгүнкү коноктор Назира жана анын жолдошу Искен.

– Назира, эч кимге жар салбай акырын турмушка чыгып алганыңа жол болсун...
– Концерттерди алып барганда тамашалап “кара далы болуп баратам, качан турмушка чыгам” деп көп айтчумун. Анан турмушка чыгып калганымда “ура, турмушка чыктым” деп жар салгандан уялдым.
– Жолдошуң менен кандайча таанышып калдың, ошондон кеп салчы?
– 2-курста студенттер арасында өтүүчү “Ала-Тоо жазы” фестивалына Ататүрк Ала-Тоо университетинин командасы менен катышып калдым. Мен анда кемпирдин, анан алкаштын ролун ойнодум. Биздин команда элге өнөрүн көрсөтүп чыккандан кийин сахна артынан бир жигит келип таанышып калды. Ал калыстар тобунун мүчөсү болочок жолдошум Искен экен. “Айыл жерлеринде аракка берилген адамдар көп болуп жатат. Биз, жаштар, алардын аң-сезимин өзгөртүү максатында сеникине окшогон интермедияларды коюшубуз керек. Бизге кошулуп айыл кыдырбайсыңбы? Макул десең телефон чал”,- деп номурун берди. Анын айткандарынын бирин уксам, экинчисин укпай, көрөр замат шилекейим агып сүйүп калдым. Кыздарга чуркап барып “кыздар, мен бир жигитти сүйүп калдым” десем алар “колунда шакеги жок бекен?” дешти. “Билбейм” десем, шакегинин жок экенин да байкап келе коюшту. “А балким, кызы болсочу” десем “кызы не стена” деп жооткотушту. Үйгө барарым менен телефондон апама “апа, бир баланы сүйүп калдым” деп сүйүнчүлөдүм. Апам “ий, кызым, эми ал дагы сени сүйсө экен” деп жан тарткан эле. Ага чейин жигит менен сүйлөшпөсөм же бирөөнү сүйүп көрбөсөм, анан кургур жүрөккө Искен менен таанышканым чоң жаңылык болду да.

Искен чыгармачыл жаштар үчүн атайын клубдун жетекчиси экен. Күнүгө ал клубга барып, Искенди карап жалдырап отурам. Искен эки бала менен жакын достордон. Ал экөө да ошол клубдун бычакка сап балдары эле. Үчөөнү сынамакка “жеңелерим менен качан тааныштырасыңар?” деп сурасам эле “жеңеңди өзүң тандайсың. Азырынча жок” дей беришчү. Сулуу, сулуу кыздарды көрсөтүшүп “бул кызды жеңе кылалыбы” дешсе эле “жок, жаккан жок” деп кызганып эч кимисинин жанына жолотпойм. Үчөө тең “карындашым” дешип чекемден өпкөндөн ашыкча кетишпейт. Мен болсо Искенди күнү-түнү ойлоп кыйналам. Мени ошентип, беш жыл карабай койгон да.
– Искен, башында Назираны карабай жүрүп анан кантип сүйүп калдың?
– Чынын айтайынбы. Назираны көрөрүм менен эки досума “Назира үчөөбүздүн бирөөбүздүкү болот. Башканы жолотпош керек” дегем. Байкасам, кийин жакшы эне, жагымдуу жар болчудай. Чынында, ушундай эсеп менен Назирага көңүл буруп, анан сүйүп кеттим.
Назира: – “Назошка, сен сабак оку” деп эле сүйүү темасында сөз болуп кетсе “биякта ребёнок” деп жатса Искендин сезимин кайдан байкамак элем. Ушинткенде жиним келип “ребёнокту көрсөтөм сага, чоңоёюн мага суктанып карайсың” дей берчүмүн. Аңгыча Искен эки жылга Москвага РУДНге окууга кетти. Сагынганымды айтпа. Көчөдөгү элдин баары көзүмө Искен болуп көрүнө берчү. Ошондой күндөрдүн биринде кастингден өтүп “Улуттук Хитпарад” көрсөтүүсүнө алпаруучу болуп калдым. Стилимди өзгөрттүм, чоңойдум дегендей. Атым чыгып, күйөрман күттүм. Искенге күндө интернеттен кат жазам. Бул жакта болгондун баарын, ал гана эмес, ким сөз айтканынан бери жазчумун. Искен “бир да бала менен жүрбөйсүң, сабак оку. Апаң кандай жүрөт?” деп жооп жазат. Бир жолу “сүрөтүңдү салып жиберчи, чоңоюп калсаң керек” деп калды. “Хитпарадга” чыгып фотосессия жасаганга үлгүргөм да, укмуш сүрөттөрүмдү салып жибердим.

Москвадан келери менен достору болуп кафеге бардык. Достору “сыртка чыгып келейинчи, азыр” дешип эле бир-бирден чыгып кетишип, Искен экөбүз калдык. “Мөмө бышып калыптыр, карындашым, башкага үздүрбөй эле өзүм алайын” деп жатпайбы. Мен дагы бетимди табактай кылып “мейли” деп салдым. Анткени мунун келечеги кең экенин, буга тийген кыз жыргарын билчүмүн да. Байке-карындаш дешип жүрүп анан кыз-жигит болгондон кийин такыр эле жуурулуша албайбыз десең. Сүйлөшөт деген эле атыбыз бар. Жумасына бир жолу жолугабыз. Эркелегим келип эркелесем эле Искен көзүнүн төбөсү менен карап коёт, анан унчукпай калам. Ичимден “ий, кокуй, буга тийсем такыр эле эркелетпейт го” деп сарсанаа боло баштадым. Ал гана эмес жолугушууга да баргым келбей калды. Апамдар “сүйүп өлчү эмес белең, бар жолугуп кел, жакшы бала” деп үйдөн чыгарып салышчу.
– Искен, эмнеге эркелетчү эмес элең?
– Тарбиям ушундай. Биздин үйбү­лөдө сүйүп калсаң да “сүйөм” деп айт­канга тыюу салынган. “Бул жашоодо бир гана жолу турмуш курууга милдеттүү бол” деп ата-энем үйрөткөн эле. Мен деле эркелетип, кучактагым келчү, бирок уялчумун.
– Үйлөнгөн күнүңөр туурасында айта кетсеңер...
– Достор менен жолуккандан кийин “жүргүлө, Искендикине барабыз” деп мен баштадым. Барсак эле көшөгө, дасторкон, молдо, кой, даяр. Сүйүп жатсам анан кетем деп ыйламак белем. Кудай жалгасын деп отуруп алдым. Ошентип 2008-жылы 12-апрелде үйлөндүк. Той бердик. Кайын журтум ата-энемдин, мени баккан таене-таятамдын алдынан өтүштү. Чоң той берели деген деле оюбузда бар болчу. Турмушка чыккандан кийин тез эле Түркияга кетип калдым. Ал жакта 110 түрк тилдүү өлкөнүн катышуусунда фестиваль өтүп, ошого алпаруучу болдум. Эки жума мен үчүн азаптуу күндөр болду. Күнүгө Искенди сагынып, өңгүрөп ыйлайм...
– Фестиваль туурасында айта кетсең...
– Менин улуттук кийим кийип чыкканым өзгөчө көрүндү окшойт. Жанымда Түркиянын мен кыйын деген алпаруучулары, жылдыздары турушса алар менен эч ким сүрөткө түшпөй баары эле мага чуркашат. Ал жактан иштешүү туурасында бир нече сунуш түшкөн эле. Бирок биякты кыя албай келе бердим.
– Азыр кайсы жерде иштеп жатасың?
– Улуттук телеканалда “Бравону” алпарып жатам. Андан сырткары ТРТ Аваз каналында иштейм. Бул жерден биз Кыргызстандын салт-санаасы, кооз жерлери, маданияты, кыргыз элинин жашоосу, кыргыз-түрк мамилелери туурасында көрсөтүү даярдап, Түркияга жөнөтөбүз.
– Кайнатаң жөнүндө айта кет­сең...
– Кайнатам Манастын жети осуятын жазган, Манас айылын салган, Манастын 1000 жылдыгы мааракесинин уюштуруу иштеринин башында турган Шаршеев Шеримбек деген адам. Элдин батасын алган адам экен. Бирок ал кишинин көзү өтүп кетиптир.
– Учурда кайын журтуң менен чогуу турасыңбы?
– Жарым жыл чогуу тургандан кийин апам батасын берип бөлүп койгон. Кайненем кыргыздын макал-лакаптарын, китептерин сүйгөн, китеп жазган чыгармачыл адам. Экөөбүз отуруп алып кечке китеп, макал-лакап окуйбуз. Мага эң башкысы, алардын мени кызындай кабыл алып эч нерсе жасатпаганы жакты. Айрымдар бар го “тамак жаса, үй жыйна” деп келиндерин тыкыйта кармаган. Менин кайненем да, кайнежелерим да андай эмес. “Сен сүйлөп эле берчи” деп эч нерсе жасатышпайт. Эзели тамак жасап көрбөгөн жаным ар кимден сурап отуруп тамак жасасам даамдуу болуп калат десең. Анткени тамакты "азыр сүйгөнүм жейт” деп жасайм да.
– "Кыз-жигит болуп жүргө­нү­мдө Искен эркелетчү эмес" дедиң эле, үйлөнгөндөн кийин жылыш болдубу?
– Турмушка чыккандан бери өз атымды уга элекмин. Мый-мыйым, мый-мыйушкам дейт. Кечинде таптап, жомок айтып берип уктатып, эртең менен чачымдан бутумдун учуна чейин өпкүлөп ойготот. 4-5 жерде иштеген көпчүлүк эркектер кечинде жинденип “тамак барбы? Эмне үй чачык?!” деп келишет го. А Искен болсо колуна гүл, шоколад көтөрүп, мый-мыйым деп күлүп келет. Көп учурда кафеден тамактанып, үйдөн көп деле жасабайм. Чынында, турмушка чыкканга чейин жумуртка кууруганды эле билчүмүн. Үйдү деле анда-санда жыйнайм.
– Качан балалуу бололу деп жата­сыңар?
– Эртерээк балалуу болбосок, өзүм таптакыр эле бала болуп калдым. Буюрса, жакында ата-эне болуу бактысына ээ болобуз.
– Чоң эне, чоң ата болгонуңарды кандай элестетесиңер?
– Искенге кийин мен жоолукту астына салынып, маасы-көлөч кийген кемпир, сен сакалың жайкалган кой кайтарган чал болосуң десем, таптакыр макул болбойт. Анын айтымында, жашым өтүп калганда да бетиме эч кандай бырыш түшпөйт. Анткени ага экөөбүз тең жол бербейбиз. Жасанган чал-кемпир болуп чалкалап чет өлкөдө жашайбыз. Балдарды бутуна тургузуп, өздөрүнчө бөлүп коюп, чет өлкөлөрдү кыдырып саякаттоону адат кылабыз.
– Баса, сенин турмушка чык­ка­ныңа бир жыл болуптур, мындан бир нече сан мурун биздин гезиттеги “Бойдок кыздар” рубрикасына чыктың эле го...
– Турмушка чыксам деле өзүмдү бойдок кыздардай сезип, үйбүлөлүү болгонумду эч кимге айткым келген жок. Анын үстүнө “сен турмушка чыккан турбайсыңбы?” деп жашырганымды эч ким чукуган деле жок. Анан бойдок кыз болуп гезитке чыгышыма жолдошум да, кайын журтум да каршы болушкан эмес.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: