Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бекчоро: «ИЛЬЯЗ МЕНЕН ЫРДАГЫМ КЕЛГЕН ЭМЕС»

№340 8-14-май, 2009-ж.


"Мен үчүн белең, суктанып сага келем" деген ыр саптарын созгон жигиттин ысымы учурда ыр сүйүүчүлөрдүн көбүнө тааныш. Бул жигит стиль, имидж жагынан да дүйнөлүк модага карап түздөнөт. Кеп Бекчоро жөнүндө болуп жатканын байкасаңыз керек.

– Алдыга умтулуунун күчүнөн уламбы, акыркы учурда мода тез-тез алмашып жаткансыйт. Бекчоро, бул ойго кошуласыңбы?
– Кайсы тармакты албайлы, баарынын модасы бар. Жадакалса чыгармачылыкта да. Мисалы, бир ыр хит болуп, анан бир канча убакыттан кийин өчүп калып жатпайбы. Менимче, бул деле мода.
– Мен да ошону айткым келип жаткан. Учурда белгилүүлүктүн ташы сен жакка ооп тургансыйт. Байкасам, сахнага чыкканыңда күйөрмандарың жанталашып сени чөнтөк телефондоруна тартып жатышат.
– Эл көнүмүшкө айланып бараткан нерседен тез тажайт. Тажап калган учурда анын ордун жаңы нерсе толуктаганы жакшы жөрөлгө. Белгилүүлүктүн ташы мен жакка ооп баратканын күйөрмандарымдын мамилелеринен улам байкап жатам. Ошентсе да адам өзүнө-өзү туура баа бере албайт эмеспи.
– Мурунку сандарыбыздын биринде “эми сахнада гана эмес, көчөдө да көз айнексиз жүрбөйм” деп айткан элең. Эмнеге деген суроо узаткым келип жатат.
– Мунун кызыктуу тарыхы бар. "Эртең “Мен үчүн белең?” ырыма клип тартабыз" деген күнү кечинде кафеде балдар менен мушташып кеткем. Биздин жаныбызда отурган кыз кошуна столдогу бир жигит менен урушуп кетти. Мен, менин жанымдагы эки бала кызга болушуп тигилер менен мушташып калдык. Катуу таяк жебесем да, сол көзгө катуу сокку жегем. Эртеси продюсерим Семетейге чалып “клип тартылбай калды. Менин көзүм көгала” дедим. Анда Семетей “жинди болбочу, капталыңдан болсо да тартабыз. Бүгүн тартсак да камерага акча төлөйбүз, тартпасак да төлөйбүз” деди. Байкасаңар керек, ошол клипте бет маңдайымдан тартылган кадрлардын баарында көз айнекченмин. Айрым кадрларды Семетей айткандай капталынан тарттык. Үч күндөн кийин “Хитпарадга” чакырып калышты. Ал жакка да көз айнекчен барууга туура келди. Ушундай окуялар болуп өткөндөн кийин “дайыма көз айнекчен жүрсөм кандай болот?” деп ойлонуп көрдүм да жактырып калдым. Көз айнегиме тийишкендерге тарыхын чечмелеп отурбай “имиджим ушундай” деп коём.
– Жөн жерден көз айнекчен адамга айланган турбайсыңбы. Эми ырчылыкка алган сапарың туурасында кеп салсаң.
– Шаарга келгени гитара үйрөнүп ырдай баштадым. Бир тааныш байке “кафеге ырчы болуп иштеп көрбөйсүңбү?” деп калды. Ал убакта курулуш материалдарын жүктөп, Эски толчокто иштечүмүн. Ошентип, байке мени кафеде иштеген бир таанышына алып барды. Ал мени ырдатып көрүп жарайсың деп сүйүндүрдү. Кечкисин кафеде, күндүзү жүк ташуучу болуп иштеп жүрдүм. Кафеге жаңы киргенимде Ильяз Абдыразаков экөөбүз чогуу иштегенбиз. Ильяз “Бекчоро байке, элден башкача топ болуп ырдап чыкпайлыбы?” дей берчү. Ильяз анда кичинекей, арык, капкара бала болчу. Ильяз менен дуэт ырдап жатканымды элестетип ичимден макул болбой жаттым. Аңгыча дагы өзүнө окшош баланы ээрчитип келип “Бекчоро байке, үчөөбүз чыкмай болдук” деп калды. Ошондо ачык эле “мен чыкпайм, экөөңөр чыга бергиле” дедим. Кыскасы, ошондо Ильяз менен ырдагым келген эмес. Анан экөө “Балдар” деген топ түзүп, ыр жаздырып радиолорго берип жүрүштү окшойт.
– Ошентсе да элге таанылуу жагынан сага караганда Ильяз алдыга чыкты окшойт...
– Башында Ильяз, Неля, “Делмар” тобу баары менен кафелерде чогуу ырдачумун. Алар ошондо эле “мындай ыр жаздырдым, угуп көрсөң. Аранжировкасы кандай болуптур? Бүгүн эле радиого бердим” дешип элге таанылуу жагын ойлоно башташкан. Мен болсо күнүмдүк акча тапканыма сүйүнүп жүрө бериптирмин. Алар элге таанылып калганда гана менде сахнага кызыгуу пайда болду.
– Анан элге таанылайын деген ойду максат кылдың...
– Бир жолу кафеге продюсер Нурлан Мамакеев келип “сен жакшы ырдайт экенсиң. Мага келбейсиңби, белгилүү кылам” деди. Кетким келбей жатса да Нурландын “белгилүү кылам” деген сөзү жагып калды. Ошентип, иштеп жаткан кафемден Нурландын кафесине которулдум. Кээде мурунку иштеген жериме караганда аз акча алып калам. “Мейли, башкысы акча эмес. Буюрса, Нурлан мени элге таанытат” деп жүрө берип арадан бир жыл өтүп кетиптир. Чыкпасыма көзүм жетип акыры ал жактан баса бердим. Андан көп өтпөй Семетейге жолугуп иштешип калдым.
– Иш башы кандай башталды?
– Семетей мен иштеген кафеге келип дайыма ырдаганымды угуп жүрчү. Ал кезде Семетей “продюсер болсом” деп, мен “элге таанылсам” деп жүргөн элек. Анан экөөбүз табышып калып жатпайлыбы. Чогуу иштешүү чечимин кабыл алган күнү эле ырдаганымдан тарта кийингениме чейин сүйлөшүп, кыялыбызда мен укмуш жылдыз болуп кеттим. Ошол күндөн ушул күнгө чейин эч кандай келишимсиз ишенимдин негизинде иштешип келе жатабыз.
– Кыялыңда эмес, турмушуңда жылдыз болууга жети­ше алдың. Сүйүү жаа­тында кантип жатасың?
– Буга чейин сүйлөш­көн кызым бар болчу. Чын эле чыгармачыл адамды түшүнүш кыйын окшойт. Бири-бирибизди түшүнүшө албай эки айрылыш жолго түштүк. "Клибиме келип тартылып кет" десем да келбей койду. Ошондон бери сүйүүдөн жардымын.
– Ал кызыңды са­гын­дыңбы?
– Сагынганда кандай. Алгачкы сүйүүм да. Өтүп кеткен күндөрүм жагымсыз окуялар менен коштолсо да жыл өткөн сайын эсимде жакшы учурлар гана сакталып келет.
– Кандай кыздар жагат?
– Негизи, мен биринчи кезекте кыздардын ыйманына карайм. Анан ачык же кыска кийинген эмес, хиджаб кийген кыздар жагат. Анткени аялзаты денесин көрсөтпөй жабык табышмактуу кийинип жүргөнү бардык жигиттерге жакса керек.
– Жалгыздыктан тажаган жок­суңбу?
– Жанымда досторум, апам, биртуугандарым турганда мен өзүмдү жалгыз сезбейм. Бирок сиздин сурооңуз өмүрлүк жарыңды качан табасың деген кыязда берилди көрүнөт. Качан ыймандуу кызга жолугам, ошондо үйлөнөм. Атайын бир убакытты деле белгилебейм.
– Мага же сага гана эмес, адамдардын бардыгына жагымдуу угулган балалык деген сөз бар. Ошол жагымдуу ааламыңды эскерип өтсөң.
– Мен Тогуз-Торонун Казарман айылынан болом. 1984-жылы сегиз биртуугандын алтынчысы болуп төрөлгөм. Улуу байкемдин аты – Санчоро. Атам биринчи аялы менен жыйырма жыл жашап балалуу болгон эмес. Аялынын биринчи күйөөсүнөн бир баласы болгондуктан, атам “күнөө менде болсо керек” деп жыйырма жыл жашаган. Акыры экөө жаман-жакшы айтышпай эле бири-бирине ыраазычылык билдирип ажырашып кетишет.
Атам бүтүндөй биздин өрөөнгө таанымал уста, багбан болгон. Таятам атамдын кылган иштерин жактырып жүрүп өзүнүн он сегиз жаштагы кызын, башкача айтканда, апамды аялдыкка берген. Атам тун баласынын эркек болгонуна аябай сүйүнүп “менин тукумум бир санга көбөйдү” деп Санчоро коюптур. Андан кийинки баласына “дайыма Санчоронун жанында жүрсүн” деп ырымдап Жанчоро, мен төрөлгөндө “өзүнө бекем тың бала болсун” деп Бекчоро деген ысым ыйгарыптыр. Менден кийинкисин “үйүбүздөн нур кетпесин” деп Нурчоро, эң кичүүсү операция жолу менен төрөлгөндүктөн “апасынын ичин жарып чыккан Эрчоро” деп азан чакырган. Атам көзү тирүүсүндө тамашалай: “Мен беш чоро жараттым. Эми силер кырк чорого жеткиргиле”,- деп айтар эле. Үйбүлөдө беш эркек, үч кызбыз. Эжелеримдин аттары болсо Минагүл, Минаргүл, Чынаргүл.
– Байкелериң үйлө­нүштү да, балдарынын аттарын Чоро коюштубу?
– Ооба, үйлөнүшкөн. Улуу байкемдин эки кызы бар. Кичүүсү уулдуу болгон, бирок Чоро койгон жок. “Чоро койбойсуңбу?” деп айтайын дегем, гастролдо болуп ат койгонго жетишпей калдым. Биртуугандарымдын баарына “атамдын керээзин аткаралы, чоролор кыркка жетели” деп калам. Буюрса, балалуу болсом атын сөзсүз Чоро коём. Атам 2002-жылы өтүп кеткен. Апам азыр кичүүбүз Эрчоронун колунда, Казарманда жашашат. Башка Чоролор ар кайсы жакка чачырап кеткенбиз.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: