Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Аида Кулуева: «ЖИГИТИМ МАГА ИШЕНБЕЙ АРТЫМДАН АҢДЫТАТ»

№341 15-21-май, 2009-ж.


Ырчылар арасында ким сырдуу жана сүрдүү көз карашка ээ десе көпчүлүк Аида Кулуева дешери толук мүмкүн. Анткени бул сулуунун көз карашы айрыкча жигиттерди бушайманга салат. Төмөндөгү макала Аиданын жеке турмушундагы, чыгармачылыгындагы акыркы жаңылыктарына жык толгон. Анда назар таштаңыз.

– Аида, сени ырдагандан сырткары дагы бир кесипти аркалайт деп уктум эле, иштер кандай?
– Иштерим жакшы. БГУнун Мамлекеттик башкаруу жана социология факультетин аяктагандан кийин Бишкек шаардык бажыканасында үч жыл иштедим. Ал жерден чыгып кеткениме жарым жылдай болуп калды. Бул жумушка кирерин кирип алып абдан кыйналдым. Мектептен математикадан нөл деп айтпайын, чын эле “2ге” окучумун. Анан эле экономист болуп иштеп калганымды айтпайсыңбы. Ал жерде күндүзү иштесем, кечкисин кафеде ырдачумун.
– Түнү менен иштесең, анда окуудан аксаган экенсиң да...
– Окууну кызыл диплом менен аяктадым. Өз күчүм менен 1-курстан тарта эле студенттердин алды болуп жүрдүм.
– Университетте эле ырдачу белең?
– Ооба, ар түрдүү кечелерде ырдап калчумун. Бир жолу “Жан” деген топтун балдары “кафеге ырдайсыңбы?” деп калышты. Алардын айтуусу менен бир кафеде иштедим. Жасаган мамилелери жакпагандыктан, эки айдан кийин чыгып кеттим. Андан кийин “Кербен” тобуна барып иштеп калдым. Ал топко кирген жаштардын баары ар кайсы кафеде иштечүбүз. Мен ошондо эле “Дубовый парк” кафесине киргем. “Дарак бир жерден көгөрөт” дегендей, бала кезимден эле бир жерден орун-очок алганды жакшы көрөм. Мисалы, бир бала бакчадан тарбияланып, бир мектепти окуп бүткөм. Эми жети жылдан бери бир кафеде иштеп жатам.
– Кайсы жерде ырдаба, иштебе, таянарың үйбүлөң да, туурабы? Ошол үйбүлөң туурасында айтып берсең...
– Атам өмүр бою куруучу болуп иштеген адам. Мүнөзү абдан кырс. Үйдөн баарыбыз атабыздан ийменип турабыз. Бирок мени үйдүн улуусу дейби, анча деле катуу кармабайт. Апам кесиби боюнча медик, шаардык №9 бейтапканада иштейт. Үч биртууганмын. Менден кичүү сиңдим турмушка чыккан. Бир баланын таежесимин. Иним быйыл мектепти бүтөт.
– Балдардын улуусу болсоң үйдүн эркеси экенсиң да...
– Кайдан, эрке кыз болгон жокмун. Эсимде, эс тарткандан тарта чоң кирлерге чейин жуучумун. Анткени ата-энем киного, конокко көп кетишчү. Үйдө мен ата-энеме, иним менен сиңдим мага эч качан каяша айтышпайт. Себеби тарбия ушундай. “Улуу адамдын айтканы туурабы, туура эмеспи, кичүү болгондон кийин эч качан унчукпоо керек” деген ички мыйзамым бар. Кээде бирөө менен уруша кеткенде ушул мүнөзүмдүн айынан оозумду ачып, жалдырап калам.
– Оозуңду ачып кала бергениң жашоонун оош-кыйыштарын башыңан өткөрө электигиң эмеспи?
– Кыйынчылык көрө элекмин десем туура эмес болуп калат. Мына быйыл 27ге чыгам. 11-классымда эле борбордогу түрктөргө котормочу, “Бета-Сторесте” сатуучу болуп иштедим.
– Котормочу болуп иштегениңе караганда тил үйрөнүү жөндөмүң күчтүү окшойт да...
– Эмнегедир түрк тилин тез үйрөнүп кеткем. Бирок азыр унутуп калдым. Ата-энем мени англис тилин үйрөнсүн деп канча жолу курстарга беришти, бирок таптакыр үйрөнө албай койдум.
– Сөз нугун ырчылыкка аттанган мезгилиңе бурсак...
– Ырчы болуп калышыма Назгүл эженин жолдошу Кубан байке түрткү болду. Кубан байке мен иштеген кафенин музыка жагын жетектечү. Ал байке аркылуу Назгүл эже менен таанышып, ырчылыкка кадам таштадым. Негизи, ал кезде менде ырчы болуу жөнүндө ой деле жок болчу. Анткени жигитим экөөбүз “мына-мына үйлөнөбүз” деп турганбыз. Ал менин туугандарымды, мен анын туугандарын жакшы таанычубуз. “Бир эшик жабылмайынча экинчи эшик ачылбайт” деп коёт эмеспи. Ал жигитим менен урушуп кеткеним менен ырчылыкка эшик ачылды.
– Эмне болуп урушуп кет­ти­ңер?
– Мен аны аябай жакшы көрчүмүн. Апасы “аны ташта, ал ырчы кыз. Кечинде иштеп жүрсө, кыйраткан деле кыз болбосо керек” деп баласын айныткан. Жигитим өзү дагы кичине оомо болчу. Андан айрылган учур өмүрүмдөгү унутулгус күндөрдүн бири болду. Жолукпай калганыбызга бир айча болгондо, бир жолу башка телефондон “понимаешь” деген SMS келди. “Бул ким болду экен?” деп ойлонгуча “я был дурак” деп келди. Кайра чалсам өчүрүп салыптыр. Көп убакытка чейин “ким болду экен? Балким, жигитимдир” деген үмүт менен SMS келген номурга тынбай чалдым. Акыры жигитим экенин билдим. Бирок сүйлөшө албадым.
Телефон номурум жашыруун болгондуктан, күнүгө телефон чалып, “алло...” дегенин угуп кайра коюп коём. Сагынып кыйналып жүргөнүмдө туулган күнүм болуп калды. Куттуктайбы деп аябай күттүм. Акыры ичиме шампан киргенден кийин өзүм чалып “эмне чалбайсың?” деп ыйладым. Ал “куттуктайм, бактылуу бол!” деди. Ошондо анан экөөбүздүн айрылышканыбызды түшүндүм. Ушундай окуялар болуп кеткенден кийин сүйүүдөн көңүлүм калды.
– “Сүйүүдөн көңүлүм калды” дегениң менен, жаш өтүп баратат дегендей, турмушка чыгышың керек да...
– Ий, айтпа, “качан турмушка чыгасың?” дегендерден тажап кеттим. Ата-энем, туугандарым баары эле ушинте беришет. Учурда жигитим бар. Ал мага “жакшы көрөм” деп ачык айтпаганы менен, Айжандарга мени жактырарын айтат экен. Баса жаңы таанышканда эле "сен меники болосуң. Артыңан дайыма аңдытам" деген. Чын эле бир жолу дос балама жолугуп үйүнө бардык. Ал үйбүлөлүү. Мен үйүнө кирерим менен эшик укмуш катуу кагылды. Ошондо билдим, чын эле артымдан аңдытып жатканын. Ишенбегенине жиним келип эшикти атайын ачтырбай койдум.
– Айжан, Бактыгүл үчөөңөр жакшы курбулардансыңар. Силерди сахна табыштырдыбы?
– Айжан менен “Кербен” тобунда чогуу иштегем. Бактыгүл менен кийин жакын болуп кеттим. Үчөөбүздүн мүнөздөрүбүз үч башка. Айжан шыпылдак, сүйлөөк. Бактыгүл андан өткөн ачык-айрым. Мен токтоо, таарынганымды да, жаман көргөнүмдү да билдирбейм. Бирок үчөөбүздө тең көтөрүмдүүлүк күчтүү. Балким, үчөөбүздү ушул нерсе бириктирип турат.
– Сенин көз карашың абдан сүрдүү го. Жигиттер тийишкенден деле коркушса керек...
Бул менин атайын жасаган көз карашым эмес. Болгону көзүм өзү ушундай. Курбуларым дагы "эмне акшыясың?" дей беришет. Ошондо укмуш жиним келет десең. Жигиттерди балким ушул көз карашым менен чочутуп аламбы деп да кээде ойлонуп кетем.


Чырдын башы эмнеде?

Эки жылдан бери иштешип келе жатышкан продюсер Назгүл Насиева менен Аида Кулуева ортодогу түшүн­бөстүктөрдөн улам эки башка кетишкенин өт­көн саныбызда жазган элек. Эмнеден улам ушундай иш болгону туурасында продюсер менен ырчынын өз ооздорунан уксак.

Аида: – Назгүл эженин эрке кызы болгондон кийин эркелеп көнүп калыптырмын. Эже “Жылдыздар манежде” долбоору менен эртеден-кечке циркте болуп, мага көңүл бурбай калды. “Ырды эми өзүң даярда” дегенинен улам менде таарынуу пайда болду.

Н.Насиева: – Мисалы, жа­шыл­ча-жемишти алалы. Урук сепкенден кийин ага суу куюп, багып чоңойтосуң да. Мен Аиданы ошондой кезинен тарбиялап чоңойтуп, Аида Кулуева кылдым. Аида, сен өзүң ойлосоң. Эгер сени эч ким тааныбаса, анан кантип нускасы 100 000 болгон “Супер-Инфонун” биринчи бетине чыкмак элең? Белгилүү болгон үчүн чыгып жатасың да, туурабы?! Ошол деңгээлге жеткирген мен экенимди унутуп коёт деп сенден эч күткөн жок элем. “Кайдан акча таап, кандай клип тартам?” деген суроолорго эч качан ойлонгон эмессиң. Баарын мен жасачумун.

“Июлга чейин бошобойм, цирк менен келишим ушундай. Аида, сен өзүң ыр жаздыр”,- дедим. “Бир ыр жаздырсам аны Назгүл Насыева жактырбай койду” дептирсиң. Кеп жактырган, жактырбаганда эмес, кеп акчанын кандай табылып жатканын билгениңде. Эки ырчы менен трио болуп ырдап жатканыңды да билген жокмун. Аны гезиттен окуп алып эсим ооду. Анан да отуруп алып “мен Назгүл эже жаздырган ырларды ырдабайм” дептирсиң.

Аида: – Иштешпей калгандан кийин сиз жаздырган ырларды ырдаганга укугум жок деп ойлогом.

Назгүл: – “Ырдабай эле кой. Радиолордон дисктерди чогултуп баарын колума тапшыр” десем, “акчасын төлөп берем, ырдай берейинчи” дейсиң. Кеп акчада эмес, кеп көңүлдө да. Мени баарына “ырдатпай койду, таарынышып кеттик” деп жаманатты кылып жатпайсыңбы. Мен сага “ичкен кудугуңа түкүрбө” деп, жадакалса SMS да жаздым. Сен ушундай кептерди ар кайсы жакка тараткандан көрө сонун ырларды жаздырып, клип тарттырбайсыңбы?! Анан “менден миң кемчилик кетсе да Назгүл эжеге рахмат” десең сүйүнгөнүмөн ыйлабаймынбы. Продюсерлер ичинен жалгыз мен келишим менен иштебейт экем. Бир чети келишим менен иштеген эле жакшы окшойт деп калдым. Эгер ортодо келишим болсо азыркыдай чыр чыкканда сотко берип коймокмун.

– Назгүл эже, Аида, экөөңөрдүн чөйрөңөр бир. Бир жерде болбосо баа­ры бир дагы бир жерден жолугушуп каласыңар. Ошондуктан арадагы тү­шүнбөстүктөрдү чечип, бир пикирге келесиңер деген ойдомун.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
14.09.2018. 16:07 
Тайпасы:
Жаран
Комментарийлердин саны:
21
Катталган:
22-05-2017
Соӊку аракети:
30-10-2018 16:57
Жынысы:
Белгисиз
0
укмуш го, бул кезде
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: