Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сапар Эркебаев: «АЯЛЫМ, КЫЗЫМ БАР ЭКЕНИН ЖАШЫРЫП КЕЛГЕМ»

№342 22-29-май, 2009-ж.


Шоу-бизнес өзү көп нерседен баш тарттырып, болсо да жок дедирип, жадакалса каалап турган тамагын да жедирбей, кысымга алат окшобойбу. Дегеним, буга чейин “үйбүлөм жок” деп жүргөн ырчы Сапар Эркебаев жашырып келген сырын айтып оозубузду ачырды.

– Сапар, үйбүлөң тууралуу айтайын деп турасың. Ырчы катары таанылганыңдан бери "бойдокмун” деп келдиң эле. Жаап-жашырууга эмне себеп болду?
– Үйбүлөмдү күйөрман­дарым азайып калат деген ой менен жашырган жокмун. Дана эже экөөбүздүн ортобуздагы келишим аягына чыкмайын үйбүлө күтпөшүм керек эле. Улуу байкелерим үйлөндү, мага кезек келди дегендей. Анан үйлөнүп алдым.
– Продюсериң эмне деди?
– Продюсерим экөөбүздүн ортобузда келишимден сырткары, бири-бирибизди түшүнүүчүлүк бар. Дана эже “болор иш болду. Эми үйлөн­гөнүңдү элге айтпай тур” деди. Ошондон улам буга чейинки интервьюларымда үйбүлөмдүн бар экенин жашырып келгем.
– Сенин бүгүн бизге үйбүлөң тууралуу айтып берериңди про­дюсериң билеби?
– Ооба, билет. Мен ушинтип баарын ачык айтып бергени жатам десем, албетте, колдогон жок. Бирок мурункудай так секирбеди. Анткени Дана эже өзү азыр үйбүлөлүү болуп, наристе күтүп жаткан учуру. Ошондуктан ал менин бул кадамымды туура кабыл алат деп ойлойм.
Үйбүлөңдүн бар экени тууралуу бизге канчалаган каттар келип, телефон чалуулар болчу. Ошондон улам биз сени жарандык никеде жашаса керек дедик эле.
– Жок, андай эмес. Борборго 2003-жылы келгем. Келинчегим менен ошондо эле таанышкам. Үч жыл кыз-жигит болуп сүйлөшүп, анан баш коштук. Кадимкидей эки тарап, досторум келип, нике кыйылып мусулманча үйлөнгөнбүз. Келинчегиме, кайын журтума ыраазымын, үйбүлөм жок деген интервьюларыма түшүнүү менен карап, мени жаман көрүшкөн жок. Бирок досторумдан, сахналаштарымдан үйбүлөм бар экенин жашырган эмесмин. Ырчылар кимибиздин кызыбыз, кимибиздин аялыбыз бар экенин жакшы билебиз.
Чынында, "үйбүлөм" жок деп жооп бергенден кийин көпкө жаман болчумун. Мени жакындан тааныгандар “балаң бар турбайбы?” десе эч качан жок деген эмесмин.
– Аялың, кызың тууралуу айта кетсең...
– Аялым Мунара азыр тигүүчү болуп иштейт. Кызымдын аты – Мээрим. Кечээ Орусиядан эжем келип айылга алып кетти. Буга чейин сүрөткө да тартпаптырмын. Ошондуктан силерге кызымдын сүрөтүн бере алган жокмун. Кызымдын кеткенине эки эле күн болсо да сагынып кеттим.
– Кандай күйөө, кандай күйөө бала жана кандай ата болуп жата­­­сың?
– Жакшы эле күйөө болсом керек. Келинчегим өз жумушу менен, мен өз жумушум менен дегендей. Үйдө казан-аяк көп деле кагышпайт. Кайын журт менен абдан жакшы мамиледемин. Кызым болсо апасына караганда мага жакын. Анткени кичине тентектик кылса, апасы какыс-кукус кылып коёт да.
– Эми сөз нугун чыгармачылыкка буралы, акыркы жаңылыктарыңа токтоло кетсең...
– Аранжировка жасоочу чакан студия ачкам. Ал жерде азырынча өзүмдүн гана ырларымдын үстүндө иштеп жатам. Андан сырткары, жакында эле Ильяз Абдыразаковдон бир ыр алдым. Ошону элге алып чыгуу үчүн кам көрүүдөмүн.
– Ильяздан ырларды сатып аласыңбы?
– Ильяз ырларын башкаларга сатабы, сатпайбы билбейм. Мен бекер эле алам.
– Артык, Сапар дуэти тарагандан кийин өзүңдү кандай ийгиликке жетиштим деп ойлойсуң. Балким, “тарабай эле койсок болмок” деп өкүнүп жүргөн чыгарсың?
– Андан бери канчалаган окуялар болуп кетти. Артык байке экөөбүз иштешип жүргөндө мени эл Артык-Сапар деп билчү. Ал мезгил деле жакшы. Бирок тарап кеткенибиз андан да жакшы болду. Анткени азыр Артык-Сапар эмес, Сапар Эркебаев деген өз атым менен элге белгилүүмүн.
– Артык менен мамилең кандай?
– Байкеге жолукпаганыма көп болду. Ал чыгармачылыкты таштап койду окшойт. Мурда жолугуп калганда баягыдай эле кучакташып көрүшүп, жакшы сүйлөшчүбүз.
– Азыр көпчүлүк ырчылар ырларынын сөзүн да, обонун да өздөрү жазып калышпадыбы, а сага ким жазып берет?
– Мага ырдын текстин бирөөлөр жазып беришет же өзүм жазам. Ал эми обондорду өзүм жаратам. Мисалы, “Коштошуу”, “Ак шам”, “Башаламан”, “Жалдыратпачы” ырларымдын обондору өзүмө таандык. Башка бирөөнүн обонун ырдай албайм.
– Ырчылар арасында ким менен жакын доссуң?
– Оштук ырчылардын баары менен досмун.
– “Оштук ырчылар менен досмун” дегениңе караганда жердешчилик менен “ооруйт” окшойсуң...
– Жердешчилмин деп деле айтпайм. Эмнегедир, түштүктүк ырчылар менен көп байланышам. Негизи, кайсы жердик ырчы болбосун, баары менен жолуккан жерден жакшы саламдашам. Ошентсе да менин эң жакын досум деп жаңыдан чыгып келе жаткан ырчы Алмаз Алыкуловду билем.
Өзүңө кайсы мүнөзүң жагат да, кайсы мүнөзүң жакпайт?
– Болсо болот, болбосо жок деген мүнөзүм жакпайт. Сөзсүз жетишим керек деп аракет кылбайм да. Калган сапаттарымдын баары эле жагат.
– Мага, эмнегедир, сенин азыркы турушуң бир нерсеге өкүнүп, нааразы болуп тургандай сезилип жатат...
– Ичимде андай деле капам жок. Мен кечкисин кафеде ырдайм. Иш убактысы саат 11ге чейин болсо, бир сааттай акча бөлүштүрөбүз. Ошентип, үйгө жеткиче түнкү саат 1 болот. Азыр ошого болсо керек, бир аз уйкусурап отурам.
– Биртуугандар арасында сенден башка да ырга жакындары барбы?
– Улуу байкем ЗиЛ, андан кийинки байкем комбайн айдайт. Ошентсе да эжелеримдин, байкелеримдин баары гитарада ойношот. Бирок алар менчилеп элге чыгып ырдагылары келбейт. Баарыбыздын чыгармачылыкка жакын болушубуз ата-энемдин таасири десем болот. Атам комузда ойносо, апам айылда аты белгилүү ырчы.
– Эркектердин кичүүсү экенсиң, айылга барып ата-энеңди бакчу сен турбайсыңбы?..
– Ооба, негизи, ата-энемди мен багышым керек. Бирок шаарга көнүп алдым, айылга барып жашай албайм го. Менден улуусу менен сүйлөшүп койгом. Ал менин ордума айылда калып ата-энемди карайт.
– Келечекке койгон жеке жа­шоодогу, чыгармачылыкта­гы пландарың жөнүндө да айт­саң...
– Машина алдым, бирок үстүмдө үйүм жок. Там салсамбы деп жер тилкесин алып койгом, там салып алсам, анан экинчи баланы пландайбыз. Бул жактан там салышыма айылда менин ордума калган агам кичине жардам бериши керек. Чыгармачылыкта көптөгөн пландарым бар. Аларды убагы келгенде айтып берем.
– Кийим, тамак-аш алганда жубайың менен барып соода кыласыңбы?
– Мен кийимге такыр кызыкпайм. Соода түйүндөрүнөн деле кийинбейм. Базарга кирип кымбат болсо арзандатып, түшүрүп өзүмө жакканды сатып ала берем. Келинчегим экөөбүз базарга анда-санда эле барбасак, тамак-ашты деле өзүм жаныбыздагы кичине базардан сатып алам. Негизи, аял киши менен базар кыдырганды жаман көрөм.
– Сапар, кызыктуу маегиңе рахмат. Жаныңда сүйүп алган жубайың, жакшы көргөн кызың аман жүрсүн.

Сапар тууралуу...

  • Кара-Суу районундагы Баш-Булак айылында 1981-жылы 21-декабрда төрөлгөн.
  • Алты биртуугандын төртүн­чүсү.
  • Оштогу Ниязалы атындагы Музыкалык окуу жайын бүтүргөн.
  • Учурда Улуттук консерваториянын 2-курсунун студенти болуш керек. Анткени окууга барбагандыктан, окуп жатканын же чыгарып салгандарын билбейт.
  • Жакында эле Айбек Карымов режиссёрлук кылган киного тартылды.
  • Достору менен отурганда сыра ичкени болбосо аракка көп деле жок.
  • Сахнага эч качан боёнуп чыкпайт. Косметиканы жек көрөт.
  • Апасына көбүнчө акчалай белек берет.
  • Айылдаштарынын “сени менен сыймыктанабыз” деген сөзүн жактырат.
  • Саясатка кызыкканы менен эч качан аралашкысы келбейт.
  • Өзүнө жакпаган сынды укса, дароо эле аны айткан адамдын бетине “сының жаккан жок” деп айтып салат.
  • Ошто жүргөндө өзүнөн бир топ жаш улуу адам менен мушташып кеткен. Аны сабап жатканда артынан таяк жеп жаткан адамдын аялы келип сыранын кружкасы менен башка чапкан. Ошондо башынан жаракат алган.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: