Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айбек Карымов: «АПАМ ЭКӨӨБҮЗДҮН ЧЫРЫБЫЗГА ГҮЛАНДАНЫН ТИЕШЕСИ ЖОК»

№344 5-11-июнь, 2009-ж.


Бүгүнкү “Супердин” коногу Айбек Карымовдун дарегине буга чейин көп сөздөр айтылып келген. Анын үстүнө, таң атпай ырчынын апасы «Гүланданын ата-энесинин алдына бар» дегенинен макул болбой койсом, Айбек өзү салып берген сарайды бузуп жатат» деп ыйлап телефон чалды. Ошондон улам Айбек мырза менен байланышып, иштин чоо-жайын териштирүүгө аракет кылдык.

– Айбек байке, маекти чыгар­мачылыгыңызда болуп жаткан акыркы жаңылыкта­рыңыз менен баштасак.
– Министр Молдомуса Конгантиевдин идеясы менен ансамбль түзүл­дү. Ал өзү мени чакырып алып “көркөм жетекчи болбойсуңбу?” деген сунушун айтты. Ошентип, мени кошо эсептегенде 12 ырчы ансамблдин курамын түздүк.
– Ал эми өзүңүздүн жеке чыгар­мачы­лыгыңыз эмне болуп жатат?
– Шоу-бизнесте кичине эле иштебей калсаң, көчтөн калып каласың да. Ошондуктан “кыбырасаң кыр ашасың” дегендей, жаңы ырларды жаздырып эмгектенип жатам.
– Жаңы эле кино да тартып бүттүңүз окшойт...
– “Сүйүүдөн көз жаш. Эгиздер тагдыры” аттуу тасманы тартып бүттүк. Бул кинонун уюштуруу, каржы жагын мен моюнума алгам. Ал эми режиссёру – Кылыч Тойчу деген жигит болду. Монтаждалып бүттү. Учурда дубляж кылып жатабыз. Сентябрдан тарта сатууга чыгарабыз.
– Көпчүлүк ырчылардын чыгармачылыктан сырткары бизнестери бар эмеспи. Сиз да мындай иштер менен алектенесизби?
– Түркиялык үч адам менен борборго кафе ачып жатабыз. Кондитердик тамак-аш жасоочу техникаларды да алып келдик. Буюрса, жакындан тарта таттуулардын бизде жок түрүн чыгарабыз.
– Жакшы экен. Эми сөздү апаңыз менен болгон талаш-тартышка бурсак. Апаңыздын айтымында “Гүланда экөөбүз ачыкка чыгабыз. Ата-энесинин алдынан өт” деген экенсиз. Апаңыз “Гүланданы кабыл албайм” деп каршы чыгыптыр. Апаңыздын жообуна жиниңиз келип, сарайын бузуп кетиптирсиз...
– Апам ак сүтүн бербесе да, тогуз ай омурткасы сыздап көтөрүп, мени жарыкка алып келген. Ошондуктан ал кишини гезит аркылуу жамандагым келбейт. Апанын парзынан бул дүйнөдөн кутулуп кетемби, жокпу аны бир Кудай билет. Ар бир адамдын кыялы, өзүнүн түшүнүгү болот. Мен да өз түшүнүгүмө жараша салган сарайымды бузуп кеттим. Ал чын. Өз планым менен салдым эле жакпай калгандыктан кайра буздум.
– Ал сарай сизге жакпай калганы менен бузбай койсоңуз, апаңыз малын бага бермек да, туурабы?
– Мен бузган сарайдан башка апамдын мал бага турган жайы бар. Аңгырап турган сарайды эгер өзүм кааласам бузуп салганга акым бар да, туурабы. Түшүндүрүп айтсам болбой койду, эми эмне кылайын.
– Бул чыр “Гүланданын алдына бар” деген сөздөн улам чыкканы чынбы?
– Андай сөз болгон да эмес, болушу да мүмкүн эмес. Мен үйлөнсөм дагы, ажырашсам дагы эч качан апамды кийлигиштирбейм. Мисалы, Бурулду апам же атам алып берип, калыңын төлөшкөн эмес. Билем, бойдок жүрбөйм, үйлөнөм. Гүланданы аламбы же башканыбы аны убакыт көргөзөт. Кыскасы, апам экөөбүздүн чырыбызга Гүланданын тиешеси жок. Мени кичинекейимден чоң энем, чоң атам багып чоңойткон. Кеңешсем алар менен кеңешмекмин. Тилекке каршы, экөөнүн тең көздөрү өтүп кетти. Буга чейин үйлөнгөнүмдө кайын журтумдун алдына өзүм эле барып жүргөм. Апамдар барган эмес жана баргызбайм дагы.
– Жогоруда “апам мени сүтүн берип чоңойткон эмес” дебедиңизби. Аны кандай түшүнсөк болот?
– Карындашым экөөбүз кичине кезибиде апам менен атам ажырашып кетишкен. Айнура апамдын, мен чоң эне-чоң атамдын колунда өскөм. Аскерде жүргөнүмдө карындашым дарегимди издеп таап мага кат жазып жүрдү. Ошентип, аскерден келгенде апам менен карындашымды Кадамжайга издеп бардым. Дарек боюнча барсам, эшиктин алдында бир аял короо шыпырып жүрүптүр. “Айнураны чакырып коёсузбу” десем, “агасы аскерден келе жатат, ошону тоскону кеткен” деди. Канткен күндө да эне да, сөзүн бүтөрү менен “сен Айбексиңби?” деп билгендей сурады. Ошентип, апам менен жолугуп үйдө отурсам карындашым келип калды. Көрсө, экөөбүз кайчылаш өтүп кеткен экенбиз.
– Учурда атаңыз кайсы жакта?
– Атам аэропорттун жанындагы дачада, апамдын кошунасы. Өзүнүн бала-чакасы, кемпири бар. Ага да каралашып турам. Чынында, атам алтын киши.
– Өзүңүз да энеден алыс өсүптүр­сүз “эки балам атасыз өссө кандай болот” деп ойлоносузбу?
– Атасыз өспөйт, мен тарбиямды берүүгө дайыма даярмын. Үч баламдын тең келечегин камсыз кылганга күч-кубатым жетет. Кайдан билесиңер, балким мен укмуш акча топтоп койгондурмун?! Атасынан алыс өссө эмне экен?! Мен деле өзүң айткандай, ата-энеден алыс чоңойгом.
– Сөзүңүзгө аралжы, апаңыз сизден “беш неберем бар” деди го...
– Менин үч балам бар экенин элдин баары билет. Ишенсең, мен ошолор үчүн гана жашап жүрөм.
– Маегиңизге рахмат. Ишиңизде ийгилик болсун.


Айбектин апасы Анара Кожоева: «Чырдын башы Гүландага барып такалат»

“Кызым, сени деле мендей эне төрөсө керек, айтканымды угуп койчу” деген эненин сөзүн укпай коё албадым. Бул ырчы Айбек Карымовдун энеси Анара эже эле. Анара эже баласы Айбек экөөнүн ортосундагы чыр-чатакты айтып, бир сыйра ыйлап өттү. Анара эженин төмөндө айтып бергендери Айбек менен болгон маекке чейинки пикирлер.

– Кичүү балам келип “апа, сиздин маанайыңызды чөктүрө турган кабар айтайынбы?” дейт. “Ээ, ботом, эмнеге антесиң” деп таң кала түштүм. “Айбек байкем келип сарайды бузам дейт” деди. Мен түшүнбөй “бүтүндү эмне кылат бүлдүрүп” деп ойлонуп калдым. Ак-Өргөдө беш бөлмөлүү үйүм бар эле. Тува Республикасында үч жыл иштеп, өз ак эмгегим менен алгам. Мына азыр ден соолук жок. Ал үйдү Айбек “апа, бул үйгө мен жашайын, жумушка барып келгенге оңой болот, силерге айылдан үй алып берем” деп өзүнө алган. Анан мага Манас аэропортунун дачасынан мына ушул үйдү алып берди. Карындашы экөөлөп сарай да салып беришти. Бурул экөө уруша кеткенде “кокуй, Бурулга калып калбасын” деп Ак-Өргөдөгү үйдү сатып жиберип, өзү биздин ушул үйгө келип жашап калды. Аңгыча малын сатып Раздольный айылынан жер алды. Азыр там салып жатат. Анан былтыртан баштап тигинтип Гүланда менен жүрүп алып жатпайбы. “Гүланданы келин катары көрбөйм” деп уруша кеттим. Анан бүгүн эртең менен уктап жатсам, кичүү баламдын келинчеги үйгө чуркап кирип “Айбек байкем келип, сарайды бузуп жатат” деди. Саатты карасам, таңкы беш жарым экен. Тигилер канчада келгенин билбейм. Карабайсыңби, минтип чатырынын бир жагын жулуп ыргытып жиберишиптир. “Айбек, эмне маңкурт болуп калдыңбы же баарыбызды Гүландага алмаштырдыңбы? Гүлан­да ким сага?! Эртең эле биз күйөбүз” деп, Кудай турат го, чаап-чаап жибердим. Негизи, бул чырдын башы Гүландага келип такалат. Кыйкырышып жатсак кошуналар чуркап келишти. Алардын койгула дегенин уккан да жок. Ошол, кызым, сураныч, болгонун болгондой жазып койгулачы?!
Айбек байке айтмакчы, эненин тогуз ай омурткасы сыздап көтөргөн күндөрүн акташ оңой эмес. Ошентсе да ырчы энесин, Анара эже баласын түшүнүп, бир пикирге келишер деген үмүттөбүз.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: