реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мерген Турган: “АЯЛЫМ ТОЛГОТУП ЖАТСА, МЕН СҮРӨТКӨ ТАРТЫП...”

№348 3-9-июль, 2009-ж.


Мерген Турган бир кезде Леонтьевге окшошуп, “Ак бантикти” созсо, азыр аялча чаңырып “Дыңкы жеңе” атка конгон. Улам бир атка конуу чыгармачылыктагы изденүүнүн негизинде болуп жатканы талашсыз. Убакыт өткөн сайын Мерген өзүн ырчы гана эмес, пародист, куудул, обончу катары да тааныта баштады.

“Казактарда жүрүп аял таптым”

– Казакстанда иштеп жүрүп жубайым Жылдыз менен тааныштым. Тааныш эжелерим “үйлөнбөйсүңбү” дешип 3-4 кыз менен тааныштырышты. Алардын ичинен органда иштеген, намаз окуган Жылдызды жактырып калдым. Жолукканда мен эле сүйлөй берчүмүн. Жылдыз болгону “все понятно” деп отура берчү. Жарым жылдай кафеге, ресторанга киргизип сыйлап жүрдүм. Анан балдар майрамы болгон 1-июнь күнү шарик көтөрүп барып үйлөнүү сунушун киргиздим. Үйлөнүү тоюбуз алгач Жылдыздын кичи мекени Алматыда, экинчи ирет туулуп өскөн жерим Нарын шаарында, үчүнчү жолу Бишкекте өттү. Ырчылардын ичинде биринчи жолу ичкиликсиз той өткөргөн мен болдум. Муну уккандар “араксыз кандай той болмок эле, обу жоктонбочу. Кырк жыл үйлөнбөй жүрүп кыларың ушул беле?” дешти. “Силер келбесеңер той өтпөй калмак беле. Келбесеңер келбей эле койгула” деп таарынганга чейин бардым. Туугандарым келбей коюшса чын эле казактарга уят болмокмун да. Келбейбиз дегендердин баары келди, той ичкиликсиз эле шаңдуу өттү.

"Эркек балалуу болдуң" дегенде көзүмө жаш тегеренди"

– Аялым толгото баштаганда машинама салып алып ооруканага жөнөдүм. Толгоонун кыйын болорун кайдан билем? Аялым кыйкырып жатса, мен жанталашып эстелик болот деп сүрөткө тартып жатам. Анысы аз келгенсип «моралдык колдоо керек болот го» деген ой менен даңкылдатып жердеши Роза Рымбаеванын ырын коюп койгом. Кийин “жинди экенсиң, өзүм өлө албай жатсам бакыртып ыр коюп, сүрөткө тартасың” деп күлүп жатпайбы. Жылдыздын толготконун көргөндөр “обу жок аялың бар экен. №4 төрөт үйүн башына көтөрө бакырды” дешти. “Эркек балалуу болдуң” дегенде көзүмө кадимкидей жаш тегеренди. Эркек экенин укканда дароо чачыма, кийимиме асылгандар эсиме түштү. “Шылдыңдагандар кыйын болсо мендей эркек балалуу болуп алышсынчы, сын таккандын ордуна” дедим ичимден. Келинчегим менен уулум ооруканадан чыгары менен кой сойдум. Үйдө ысык суу болсо да, келинчегимдин колун сууга салдырбай, жалаякты өзүм жууп, үтүктөп, тамакты өзүм жасап жаттым.

“Менин атым азыр Дыңкы жеңе”

– “Бири куудул, бири ырчы, эл тараза, эл сынчы” сынагы болордо мен Алматыда иштеп жүргөм. Анан Назира Жетигенова конкурска чакырып «экөөбүз катышалы» деп калды. Назира экөөбүз төрт-беш келиндин образын кошуп Дыңкы жеңени чыгардык. Өзүңөр билгендей, элдин колдоосу менен Гран-Прини жеңип алдык. Ошондо эл мени кетиргиси келбей, сагынып калгандарын сезип, Алматыдан Бишкекке көчүп келе бердим. Буга чейин деле куудул болгонум менен, эл алдына чыга элек болчумун. Дыңкы жеңе ролумдан кийин, такай тойлордо, концерттерде ошол образым менен чыгып калдым. Кээде формамдын, маанайымдын жоктугуна карабай, айрымдар “Дыңкы жеңени аткарып койчу” деп суранышат.

“Эркектер мага өздөрү тийишет”

– Айрым жигиттердин мен жөнүндө айткандарын угуп алып жиним келет. Мен тийишпей эле, алар мага тийишишет. Чынында, тамашакөй адаммын да. Сахнага чыгыш үчүн бизге юмор керек. Тамашалашып жатканда мени жакшы түшүнбөгөндөр кылыгымды көрүп калып туура эмес ойдо калышат экен. Акыркы учурда тамашалагандан да чочулап калдым.

“Аялды тууроо – чоң талант”

– Пародия биздин Кыргызстанда жакшы өнүккөн эмес. Казакстанда иштеп жүргөндө казактар “пародия жанрын өнүктүрөбүз” дешип, менин пародияларыма чоң көңүл бурушкан. Пародисттер кийме чач, көйнөк кийип, анан фонограмманы коюп ырдап жатышпайбы. Мен өз үнүм менен Алла Пугачёваны, Ирина Аллегрованы, Верка Сердючканы туурайм. Кыргыз ырчыларын да туурасамбы деген пландарым бар. Менин оюмча, эркекке караганда аялды тууроо кыйын. Ал үчүн чоң талант керек. Казактардын “пародия боюнча Мерген деген кыргыз жигит иштеп жатат” дегендерине караганда, жакшы эле пародист болсом керек.

“Чыгармачылыгым – байлыгым”

– Жакында он ырды камтыган “Көк асман” деген альбомум чыгат. Ошол альбомдун бет ачарына шылтоолоп, күзүндө концерт берсемби деп турам. Учурда “Жүрөгүмдөн” деген ырдын үстүндө иштөөдөмүн. Кенже Дүйшеева экөөбүзгө ылайыктап дуэт да жаздым. Андан сырткары, Айлона деген кызды, Актан деген жигитти таптап жатам. Баса, композитор да болуп жатпаймынбы. Композитор деп айтпай эле коё турайынчы, эми обончу болуп жатам да.

“Өзүмө окшош сулуу балам бар”

– Апакай, сулуу, мага окшош Раатхан аттуу балам бар. Мага мурду куюп койгондой окшош. Жоош болгону менен менин үнүмдү укса, колуңа ал дегенсип чыркырап бир ыйлайт дейсиң. Бир жолу үйгө таежем келди. Баламды көрүп алып “Мергендин баласын кара, чоң кишидей эле уктай берет экен. Биздин балдар үйдү үч көтөрүп эмдигиче мээңди жемек. Кыркка чыкканда эле турмуш куруш керек турбайбы” деп жатпайбы. Азыр баламды сагынып жатам. Анткени аялым баланы алып төркүнүнө эс алганы кеткен. Дайыма үйбүлөсү менен жүргөндөр аялы бир жакка кетсе жүдөп кетишет го, мен көпкө бойдок жүргөнгөбү, аялым, балам кетсе, тескерисинче, тыңып калдым окшойт. Ошентсе да экөөнү тең аябай сагындым.

Мерген тууралуу...

  • 1968-жылы Нарын шаарында туулган.
  • 11 биртуугандын алтынчысы.
  • Дайыма күлүп-жайнап жүрөт. Бирөө жинине тийсе гана катуу ачуусу келбесе, аны чычалатуу да оңой эмес.
  • Кичинесинде атасы “Мерген, сен баладан башкачасың, ырчы болом десең, сөз көтөрүмдүү бол” деп көп айтчу.
  • Кашын айына бир жолу терет.
  • Чачын жакында эле тармалдатты.
  • Көчөгө чыгарда күзгүнүн алдында беш мүнөт турат.
  • Материалдык байлыгы жетиштүү эле, жакында “бир иш баштасамбы” деп жатат.
  • Кайын журту “КРнын Эмгек сиңирген артисти” деп жакшы көрүшөт.
  • Спирт ичимдигин кеч баштады да, эрте таштады.
  • Намаз окуганга ниети бар, “убагы келгенде окуйм” деп жүрөт.
  • Учурда борбордогу бассейндердин бирине барып сууда сүзүүгө катышууда.
  • Шоу-бизнестеги кыздардын ичинен Бактыгүл Бадыеваны акылдуу, таланттуу, сулуу кыз деп сыйлайт.
  • Аялынын калыңына 5000 доллар, анан казактын салты менен эже-сиңдилеринин баарына алтын шакек, сөйкө берген.
  • Чыгармачылыктагы эң жакын достору: Алина, Айчүрөк, Райхан, Назира, Турусбек.
  • Аялы өзүнөн он жаш кичүү.
  • Он жылдан кийин башка сүйүү келсе, биринчи аялына айтат. Мерген сүйүп жүргөн адамын эч качан биринчи таштабайт. Биринчи таштаган адамды сүйүүнүн баркына жетпеген адам деп билет.
  • Ырчыны аялы аябай кызганат. Мерген жакшы көргөн адамдарынын баарын кызганат.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: