Абдылда Иманкулов, Рахман Разыков, Тынар Курбаналиев, Борончу Кудайбергенов баш болгон куудулдар тобу гастроль менен Кытайга аттанышкан. 20-ноябрдан декабрга чейин созула турган куудулдардын концерттик турун кытайлар үзгүлтүккө учуратышыптыр. Бул тууралуу Абдылда Иманкулов мындай дейт: «Биз концерт коюу тууралуу Пекинден уруксат алганбыз, бирок биз барган Кызыл-Суу облусунун мыйзамына ылайык, чет мамлекеттен келген артисттерге ал жакта концерт коюуга тыюу салыныптыр. 7 концерт коёбуз деп пландаган элек, тилекке каршы, 3 эле концерт коюп кайттык. Ал дагы элдин талабы, акимчиликтин кийлигишүүсү менен араң ишке ашты. Баарынан 80-100 чакырым алыстан келген көрүүчүлөргө боорум ооруду, билеттерибиз алдын ала сатылып кеткен эле, бирок концерт көрө албай калышты».
Кыргыз куудулдарынан сырткары Кытайга гастроль менен сапар тарткан «Биз» эстрадалык тобунун да октябрь айында Ак-Чий уездиндеги концерти болбой калган.